ᐃᑲᔪᖅᑐᖅᑕᐅᓂᖅ

Canadian North ᑎᖕᒥᓲᖅᑎᑐᐃᓐᓇᐃᖏᑦᑐᖅ. ᖃᓄᑐᐃᓐᓇᖅ - ᓂᐅᕕᖅᑎᒋᕙᒃᑕᑦᑎᓐᓄᑦ ᐱᔨᑦᓯᕋᖅᐸᒃᖢᑕ, ᐃᕐᖃᓇᐃᔭᖅᑎᑎᓐᓄᑦ ᐱᓕᕆᐊᒃᓴᓂᒃ ᐊᒻᒪ ᐊᐃᑦᑑᓯᐊᓂᒃ ᐃᓚᓕᐅᕈᑎᓕᖁᑎᑦᑎᓐᓄᑦ ᓄᓇᓕᖕᓄᑦ - ᐅᑭᐅᖅᑕᖅᑐᕐᒥᑦ ᐱᕈᖅᐸᓪᓕᐊᑎᑦᓯᔪᒪᖕᒥᔪᒍᑦ ᑭᓇᑐᐃᓐᓇᕐᒧᑦ ᐊᖏᕐᕋᕕᒋᔭᐅᔪᖕᓇᖅᑐᕐᒥᒃ, ᐱᓕᕆᓗᑎᒃ ᐱᕚᓪᓕᑦᓯᐊᒻᒪᕆᒡᓗᑎᒡᓗ.

ᓄᓇᓕᖕᒧᑦ ᑮᓇᐅᔭᖅᑐᕈᑎᖁᑎᕗᑦ ᐊᓯᐊᒍᑦ ᐃᑲᔪᖅᑐᐃᓂᐅᒃᑲᓐᓂᐅᔪᖅ - ᐃᓚᒋᐊᕈᑎ ᐃᑲᔪᖅᑐᐃᔾᔪᑎᑦᑎᓐᓄᑦ ᐅᑭᐅᖅᑕᖅᑐᕐᒥᑦ ᓄᓇᓕᖕᓄᑦ ᐃᑲᔪᖅᑐᐃᓂᒃᑯᑦ ᐃᓕᓐᓂᐊᕐᕕᖕᓂᑦ ᑭᓱᓕᕆᓂᐅᔪᕐᓂᒃ, ᕿᑎᒃᑎᓂᒃ, ᐊᒻᒪ ᐊᔾᔨᐅᖏᑦᑐᓂᒃ ᑭᓱᓕᕆᑎᑦᓯᓂᐅᔪᕐᓂᒃ. ᐅᐱᒍᓱᒃᑐᒍᑦ ᑐᓂᔪᖕᓇᖅᓯᒪᔭᑦᑎᓐᓂᒃ, ᐊᒻᒪ ᐃᕐᖃᓇᐃᔭᖅᑎᑦᑎᓐᓂᒃ, ᑕᒪᐃᑕ ᑐᓂᓯᕙᒃᑐᑦ ᐅᓄᒻᒪᕆᒃᑐᕐᓂᒃ ᐃᑲᕐᕋᓂᒃ ᐅᑭᐅᑕᒫᑦ, ᓄᓇᓕᖏᓐᓂᒃ ᐊᖏᕐᕋᕕᒋᔭᐅᑦᓯᐊᕐᓂᖅᓴᐅᓕᖅᑎᑦᓯᕙᒃᑐᑦ ᐱᓕᕆᕝᕕᒃᓯᐊᖑᖅᑎᖢᒋᒡᓗ.

ᖃᓄᖅ ᐆᒃᑑᕐᓂᖅ

ᑎᒥᖁᑎᒋᔭᑦ ᐆᒃᑐᕈᒪᓐᓂᕈᓂ ᐃᑲᔪᖅᑐᖅᑕᐅᓂᕐᒧᑦ Canadian North ᓄᓇᓕᖕᒧᑦ ᑮᓇᐅᔭᖅᑐᕈᑎᖁᑎᖓᓐᓄᑦ, ᐆᒃᑐᕈᑎᒥᒃ ᑕᑕᑎᕆᑦ ᑐᓂᓗᒍᓗ ᒪᕐᕉᒃ ᑕᕐᖀᒃ ᓯᕗᓂᐊᓂᓘᓐᓃᑦ ᐱᒋᐊᓚᐅᙱᑎᖢᓂ ᑭᓱᓕᕆᓂᕆᓂᐊᖅᑕᑦ.

ᖃᕆᑕᐅᔭᒃᑯᑦ ᐱᓗᒍ ᓄᓇᓕᖕᒧᑦ ᑮᓇᐅᔭᖅᑐᕈᑎᒧᑦ ᐆᒃᑐᕈᑎ ᑕᑕᑎᕆᐊᓕᒃ

ᑕᑕᑎᕐᓗᒍ ᓄᓇᓕᖕᒧᑦ ᑮᓇᐅᔭᖅᑐᕈᑎᒧᑦ ᐆᒃᑐᕈᑎ ᑕᑕᑎᕆᐊᓕᒃ ᖃᕆᑕᐅᔭᒃᑯᑦ (ᒫᓐᓇ ᐊᑐᐃᓐᓇᐅᖏᑦᑐᖅ).

ᐅᓄᓗᐊᖃᑦᑕᕐᒪᑕ ᐃᑲᔪᖅᑕᐅᔪᒪᔪᑦ, ᐆᒃᑐᕈᑕᐅᔪᖅ ᑲᒪᒋᔭᐅᖃᑦᑕᕐᓂᐊᖅᑐᑦ ᐱᔭᐅᕙᓪᓕᐊᑎᓪᓗᒋᑦ. ᑎᑎᕋᖅᓯᒪᔪᒃᑯᑦ ᑐᓴᖅᑎᑕᐅᓂᐊᖅᑐᑎᑦ ᑐᒃᓯᕋᐅᑎᒋᔭᑦ ᑲᒪᒋᔭᓯᒪᓕᕈᓂ.

ᑕᑕᑎᐊᓂᒃᓯᒪᔪᑦ ᐆᒃᑐᕈᑎᑦ ᐅᕗᖓ ᐊᐅᓚᖅᑎᓪᓗᒋᑦ:

Community Investment Program
Canadian North
300, 5201-50 Avenue
Yellowknife, NT X1A 3S9

ᓄᓇᓕᖕᒥᑦ ᐃᑲᔪᕐᓂᕐᒧᑦ ᐆᒃᑐᕈᑎᑦ ᑲᒪᒋᔭᐅᔾᔮᖏᑦᑐᑦ ᓄᕐᖃᖓᓐᓇᐅᑎᓪᓗᒋᑦ:

ᑎᓯᐱᕆ 15, 2011 – ᔭᓄᐊᕆ 14, 2012
ᒪᐃ 29, – ᔫᓂ 30, 2012
ᑎᓯᐱᕆ 15, 2012 – ᔭᓄᐊᕆ 14, 2013

ᑐᒃᓯᕋᕈᕕᑦ ᐃᑲᔪᖅᑕᐅᓂᕐᒧᑦ ᑭᓱᓕᕆᓂᖃᕐᓂᐊᖅᑐᕐᒥᒃ ᓄᕐᖃᖓᓐᓇᐅᑎᓪᓗᒍ, ᐅᕝᕙᓘᓐᓃᑦ ᑭᓱᓕᕆᓂᖃᕐᓂᐊᕐᓂᕈᓂ ᐱᓇᓱᐊᕈᓯᕐᒥᒃ ᒪᓕᒃᑐᕐᒥᒃ ᓄᕐᖃᖓᓐᓇᐅᔪᕐᒥᒃ, ᐆᒃᑐᕈᑏᑦ ᑐᓂᓯᒪᔭᕆᐊᖃᕐᓂᐊᖅᑕᑦ ᒪᕐᕉᒃ ᐱᓇᓱᐊᕈᓰᒃ ᑎᑭᓚᐅᙱᑎᓪᓗᓂ ᓄᕐᖃᖓᓐᓇᖅ ᑐᒃᓯᕋᐅᑎᒋᔭᑦ ᑲᒪᒋᔭᐅᑦᓯᐊᕐᓂᐊᕐᒪᑦ.