ᐃᑉᐳᕈ 4, 2011: ᑲᓇᐃᑎᐊᓐ ᓄᐊᑦᑯᑦ ᒫᓐᓇᕋᑖᖅ ᓱᐱᔫᖅ ᓴᐅᑦᐄᑦ ᐴᐃᖕ 737-300 ᖃᓄᐃᓐᓂᕋᕐᑕᐅᓚᐅᕐᓂᖓ

ᐴᐃᖕ (BOEING) 737-300 ᓱᐱᔫᖅ
ᑲᓇᐃᑎᐊᓐ ᓄᐊᑦᑯᑦ ᒫᓐᓇᕋᑖᖅ ᓱᐱᔫᖅ ᓴᐅᑦᐄᑦ ᐴᐃᖕ 737-300 ᖃᓄᐃᓐᓂᕋᕐᑕᐅᓚᐅᕐᓂᖓ

ᑭᐅᒍᕆ
ᐃᑉᐳᕈ 4, 2011

ᒫᓐᓇᕋᑖᖅ ᑐᓴᕋᑦᓴᓕᐊᖑᓚᐅᖅᑐᖅ ᒥᐊᓕᒐᑦ ᓄᓇᖓᓂ ᓴᐅᑦᐄᑦ ᐴᐃᖕ ᓱᐱᔫᖅ 737- 300 ᒥᑦᓵᓄᑦ, ᑲᓇᐃᑎᐊᓐ ᓄᐊᑦᑯᑦ ᐅᓂᒃᑳᓕᐅᕐᓯᒪᔪᑦ ᐴᐃᖕ ᓴᓇᔨᖏᑕ ᐊᑐᕆᐊᓕᖏᓐᓂᒃ ᒪᓕᑦᓯᐊᕐᓯᒪᒻᒪᑕ ᐅᑕᖅᑭᑐᐃᓐᓇᓕᕐᑐᑎᓪᓗ ᐴᐃᖕᑯᓐᓂᒃ ᐊᑐᓕᖁᔨᔾᔪᑎᓂᒃ ᖃᓄᐃᓕᖓᖁᔨᒻᒪᖔᑕ.

ᑲᓇᐃᑎᐊᓐ ᓄᐊᑦᑯᑦ ᖃᐅᔨᓴᕐᑕᐅᒋᐊᓕᖁᑎᖏᑦ 737-300 ᓱᐱᔫᖓᑕ ᖃᐅᔨᕐᑕᐅᒌᓚᐅᖅᑐᑦ ᓇᓂᓯᔪᖃᓚᐅᓐᖏᑦᑐᖅ ᖃᓄᐃᑦᑑᓂᕋᕐᑕᓂᒃ.

“ᓂᕆᐅᒃᑐᒍᑦ ᑐᓴᕋᑦᓴᑦ ᐊᔪᕆᕐᓯᐅᔾᔪᓂᓪᓗ ᖃᓄᐃᓕᐅᖁᔭᐅᒻᒪᖔᑦᑕ ᐴᐃᖕᑯᓐᓂᒃ ᑐᓴᖅᑎᑕᐅᓂᐊᕐᑐᒍᑦ ᖃᐅᑐᐊᖅᐸᑦ ᐃᑲᕐᕋᑦ 24 ᐊᓂᒍᑐᐊᖅᐸᑕ,” ᐅᖃᓚᐅᖅᑐᖅ ᓯᑏᕝ ᕼᐊᓐᑯᒃ, ᑲᓇᐃᑎᐊᓐ ᓄᐊᑦ ᐊᖏᔪᖅᑳᖓᑕ ᑐᖏᓕᐊ ᐊᐅᓚᒋᐊᓕᓐᓄᑦ, “ᐊᑐᓕᖁᔭᖏᓪᓗ ᒪᓕᑦᓯᐊᕐᓂᐊᕋᑦᑎᒍ ᑕᒪᒃᑭᕐᓗᒋᑦ.”

ᑲᓇᐃᑎᐊᓐ ᓄᐊᑯᑦ ᐅᓂᒃᑳᖓ

ᑲᓇᐃᑎᐊᓐ ᓄᐊᑦᑯᑦ ᖃᖓᑕᓲᓕᕆᔨᐅᖃᑕᐅᕗᑦ ᐊᒻᒪ ᐱᒋᐊᕐᑎᑦᓯᔨᒋᓯᒪᔭᖏᑦ ᐱᓐᖑᕐᑎᑕᐅᒻᒪᓐ ᑲᒻᐸᓂᖓᑦ (ᑲᓇᐃᑎᐊᓐ ᖃᖓᑕᓲᓕᕆᔩᑦ, ᐸᓯᐱᒃ ᕕᐊᔅᑐᓐ, ᑐᕌᓐᔅᐃᐊ, ᓄᐊᑎᐊ) ᐅᐱᒍᓱᒻᒪᕆᒃᑐᑎᖕ ᖃᖓᑕᕙᑦᑐᓂᒃ ᐅᓯᑲᖅᑕᖅᑎᐅᓕᕐᑐᑦ ᐅᓯᑲᕐᑕᖅᑎᐅᓪᓗᑎᓪᓗ ᐱᖁᑎᓂᒃ ᐊᕐᕌᒍᓂᒃ 80ᓂᒃ. ᑲᓇᐃᑎᐊᓐ ᓄᐊᑦᑯᑦ ᐃᓂᑦᓴᓕᐅᕐᕕᑦᓴᓐ ᓄᓇᕗᒧᑦ ᖃᖓᑕᒍᒪᔪᓄᑦ ᑲᓇᑕᐅᑉ ᐅᑭᐅᖅᑕᖅᑐᐊᓄᑦ ᐅᖓᑎᐊᓗᐊᓄᓪᓗ ᖃᖓᑕᕕᒋᕙᑦᑕᑎᓐᓄᑦ ᐊᖅᑯᓵᕐᓗᑎᖕ ᓇᑭᑐᐃᓐᓇᖅ ᐊᖅᑯᓵᕐᕕᒃᑯᑦ ᐋᑐᕚᒃᑯᑦ ᐃᑦᒪᓐᑕᓐᑯᓪᓗ, ᐊᒻᒪᓗᑦᑕᐅᖅ ᖃᓪᓗᓈᓂ ᓄᓇᓕᕐᔪᐊᑦ ᑲᓇᑕᒥᐅᑕᐅᖃᑎᕗᑦ ᖃᖓᑎᕕᐅᔪᓐᓇᕆᓪᓗᑎᒃ ᑲᑐᔾᔨᖃᑎᕗᑦ ᐃᐅ ᑲᓇᑕᒃᑯᑦ ᖃᖓᑕᓲᕐᕕᒋᓲᖏᑦ ᑲᓱᕐᕕᒋᓪᓗᒋᑦ ᐃᑭᕕᐅᔪᓐᓇᕐᑐᑎᖕ. ᑲᓇᐃᑎᐊᓐ ᓄᐊᑦᑯᑦ ᐃᓂᑦᓴᓕᐅᕆᐊᑐᓐᖏᑦᑐᒃᑯᑦ ᐊᑭᓖᓯᒪᓗᓂ ᓵᑕᕋᑦᓴᐅᓪᓗᑎᒃ ᓴᓇᔨᕐᔪᐊᓄᑦ ᐱᔨᒃᓯᐸᑦᑕᖏᓐᓄᑦ, ᐱᓐᖑᐊᕐᑏᑦ ᐊᑭᑦᑐᕋᐅᑎᓂᖏᓐᓂ, ᐃᓄᒋᐊᑦᑐᓂᓪᓗ ᐅᓯᔭᕆᐊᖃᕐᐸᑕ. ᑲᓇᐃᑎᐊᓐ ᓄᐊᑦᑯᑦ ᐃᓚᒋᔭᐅᒋᕗᑦ ᓄᐊᑎᐅᕋ ᑎᒥᖁᑖᓄᑦ ᑲᒻᐸᓂᖁᑎᓕᓐᓄᑦ ᐊᑖᓃᑦᑐᑎᒃ ᑯᐊᐳᓖᓴᐅᒻ, ᓄᐊᑎᐅᕋ ᐃᓐᑯᐊᐳᓖᑎᑦ ᐃᓕᑕᕆᔭᐅᓯᒪᔪᑦ (NorTerra Inc.), ᓇᓕᒧᒌᒥᒃ ᓇᖕᒥᓂᕆᔭᐅᓪᓗᓂ ᓄᓇᓯ ᑯᐊᐳᓖᓴᒃᑯᓐᓄᑦ, ᓄᓇᕗᒥᐅᑦ ᐃᓄᖁᑎᖏᓐᓂᖕ ᑭᒡᒐᕐᑐᐃᓪᓗᑎᒃ, ᐊᒻᒪ ᐃᓄᕕᐊᓗᐃᑦ ᐱᕙᓪᓕᐊᑎᑦᓯᔩᑦ ᑯᐊᐳᓖᓴᖓᓐᓂᒃ, ᐃᓄᕕᐊᓗᐃᑦ ᐃᓄᖁᑎᖏᓐᓂᒃ ᐅᐊᓚᓂᕐᖕᒥᐅᓂᒃ ᑭᒡᒐᕐᑐᐃᓪᓗᑎᒃ.


ᑐᑭᓯᒋᐊᒃᑲᓐᓂᕈᒪᒍᕕᑦ ᑐᓴᕋᑦᓴᒥᒃ ᖃᐅᔨᒋᐊᕈᓐᓇᕐᑐᑎᑦ ᐆᒧᖓ:

ᓖᓴ ᕼᐃᒃᔅ
ᐊᖏᔪᖅᑳᖅ, ᓂᐅᕐᕈᑎᑦᓴᓕᐅᕐᓂᕐᒧᑦ ᓴᖅᑭᔮᕐᑎᑦᓯᔨᓄᑦ
ᑲᓇᐃᑎᐊᓐ ᓄᐊᑦ ᖃᖓᑕᓲᓕᕆᔩᑦ
lhicks@canadiannorth.com

ᐅᖄᓚᐅᑖ: (867) 669-4000 – ᐅᕗᖓᓘᓐᓃᓐ –
(403) 503-2310
ᓱᒃᑲᔪᒃᑯᑦ: (867) 669-4040 – ᐅᕗᖓᓘᓐᓃᓐ –
(403) 250-2019