ᐃᑉᐳᕈ 6, 2011: Update on Boeing 737-300 Aircraft

ᐴᐃᖕ (BOEING) 737-300 ᓱᐱᔫᖅ
ᑲᓇᐃᑎᐊᓐ ᓄᐊᑦᑯᑦ ᑭᐅᔾᔪᑎᖓᑦ ᒐᕙᒪᑐᖃᒃᑯᑦ ᖃᖓᑕᓲᖁᑎᓕᕆᔨᖏᑦ ᐊᐅᓚᑦᑎᔩᑦ (FAA) ᖃᓄᐃᓐᓂᕋᕐᑕᐅᓚᐅᕐᑎᓪᓗᒍ ᖃᖓᑕᓲᖁᑖ ᖃᖓᑕᑦᓯᐊᕈᓐᓇᕋᓗᐊᕐᒪᖔᑦ ᖃᐅᔨᓴᕐᑕᐅᖁᔨᓪᓗᑎᒃ

ᑭᐅᒍᕆ
ᐃᑉᐳᕈ 6, 2011

ᐃᑉᐳᕈ 5, 2011ᖑᑎᓪᓗᒍ, ᒐᕙᒪᑐᖃᒃᑯᑦ ᖃᖓᑕᓲᖁᑎᓕᓐᓂᒃ ᐊᐅᓚᑦᑎᔩᑦ (FAA) ᑐᐊᕕᕐᑎᑦᓯᓪᓗᑎᒃ ᖃᖓᑕᓲᖁᑎᖏᑦ ᖃᓄᐃᓐᖏᒃᑲᓗᐊᕐᒪᖔᑕ ᖃᐅᔨᓴᕐᑕᐅᖁᔭᓚᐅᕐᖓᑕ, ᓇᓗᓇᐃᕆᐊᓪᓚᓪᓗᒋᑦ ᒪᓕᒋᐊᓖᑦ ᖃᖓᑕᓲᑉ ᓯᓚᑖ ᐃᖏᕐᕋᑦᓯᐊᕈᑎᖏᑦ ᖃᐅᔨᓴᕐᑕᐅᖁᔭᐅᓪᓗᑎᖕ ᒥᖅᓱᖅᓯᒪᒍᑎᖓᑕ ᑭᓗᖏᓐ ᓱᐱᔫᖁᑎᖏᓐᓂ (Boeing) 737 - 300, -400 ᐊᒻᒪ -500 ᓈᓴᐅᑎᓖᑦ ᖃᖓᑦᑕᓕᖅᑭᑦᑖᔪᓐᓇᕐᑐᑦ 30,000ᕋᐃᕐᓱᕐᓗᑎᖕ (ᐊᑕᐅᓯᐊᕐᑐᓂ ᖃᖓᑦᑕᕐᓂᖅ ᒥᓐᓂᕐᓗ).

ᑲᓇᐃᑎᐊᓐ ᓄᐊᑦᑯᑦ ᑎᓕᓯᔾᔪᑎᖓᓐᓂᒃ ᖃᖓᑕᓲᖁᑎᓕᓐᓄᑦ ᒪᓕᒋᐊᖃᕐᓯᒪᒻᒪᑕ ᖃᖓᑕᓲᖁᑎᖃᕋᒥᒃ ᓱᐱᔫᒥᒃ 737-300. ᒫᓐᓇ ᖃᓄᐃᓕᐅᒃᑲᓐᓂᕆᐊᑐᓐᖏᑦᑐᒍᑦ, ᑭᓯᐊᓂᓕ, ᐅᐱᓐᓇᕋᓂ ᖃᖓᑦᑕᐸᓐᓂᕗᑦ ᒥᑉᐸᓐᓂᕗᓪᓗ ᑐᖔᓃᓗᐊᕐᖓᑕ ᐅᖃᐅᓯᐅᓯᒪᔫᑉ ᒪᓕᒐᕐᓂ ᖃᖓᑕᓲᖁᑎᓕᓐᓂᒃ ᐊᐅᓚᑦᑎᔩᑦ ᑎᓕᓯᔾᔪᑎᒋᓯᒪᔭᖏᓐᓂ.

ᑲᓇᐃᑎᐊᓐ ᓄᐊᑯᑦ ᐅᓂᒃᑳᖓ

ᑲᓇᐃᑎᐊᓐ ᓄᐊᑦᑯᑦ ᖃᖓᑕᓲᓕᕆᔨᐅᖃᑕᐅᕗᑦ ᐊᒻᒪ ᐱᒋᐊᕐᑎᑦᓯᔨᒋᓯᒪᔭᖏᑦ ᐱᓐᖑᕐᑎᑕᐅᒻᒪᓐ ᑲᒻᐸᓂᖓᑦ (ᑲᓇᐃᑎᐊᓐ ᖃᖓᑕᓲᓕᕆᔩᑦ, ᐸᓯᐱᒃ ᕕᐊᔅᑐᓐ, ᑐᕌᓐᔅᐃᐊ, ᓄᐊᑎᐊ) ᐅᐱᒍᓱᒻᒪᕆᒃᑐᑎᖕ ᖃᖓᑕᕙᑦᑐᓂᒃ ᐅᓯᑲᖅᑕᖅᑎᐅᓕᕐᑐᑦ ᐅᓯᑲᕐᑕᖅᑎᐅᓪᓗᑎᓪᓗ ᐱᖁᑎᓂᒃ ᐊᕐᕌᒍᓂᒃ 80ᓂᒃ. ᑲᓇᐃᑎᐊᓐ ᓄᐊᑦᑯᑦ ᐃᓂᑦᓴᓕᐅᕐᕕᑦᓴᓐ ᓄᓇᕗᒧᑦ ᖃᖓᑕᒍᒪᔪᓄᑦ ᑲᓇᑕᐅᑉ ᐅᑭᐅᖅᑕᖅᑐᐊᓄᑦ ᐅᖓᑎᐊᓗᐊᓄᓪᓗ ᖃᖓᑕᕕᒋᕙᑦᑕᑎᓐᓄᑦ ᐊᖅᑯᓵᕐᓗᑎᖕ ᓇᑭᑐᐃᓐᓇᖅ ᐊᖅᑯᓵᕐᕕᒃᑯᑦ ᐋᑐᕚᒃᑯᑦ ᐃᑦᒪᓐᑕᓐᑯᓪᓗ, ᐊᒻᒪᓗᑦᑕᐅᖅ ᖃᓪᓗᓈᓂ ᓄᓇᓕᕐᔪᐊᑦ ᑲᓇᑕᒥᐅᑕᐅᖃᑎᕗᑦ ᖃᖓᑎᕕᐅᔪᓐᓇᕆᓪᓗᑎᒃ ᑲᑐᔾᔨᖃᑎᕗᑦ ᐃᐅ ᑲᓇᑕᒃᑯᑦ ᖃᖓᑕᓲᕐᕕᒋᓲᖏᑦ ᑲᓱᕐᕕᒋᓪᓗᒋᑦ ᐃᑭᕕᐅᔪᓐᓇᕐᑐᑎᖕ. ᑲᓇᐃᑎᐊᓐ ᓄᐊᑦᑯᑦ ᐃᓂᑦᓴᓕᐅᕆᐊᑐᓐᖏᑦᑐᒃᑯᑦ ᐊᑭᓖᓯᒪᓗᓂ ᓵᑕᕋᑦᓴᐅᓪᓗᑎᒃ ᓴᓇᔨᕐᔪᐊᓄᑦ ᐱᔨᒃᓯᐸᑦᑕᖏᓐᓄᑦ, ᐱᓐᖑᐊᕐᑏᑦ ᐊᑭᑦᑐᕋᐅᑎᓂᖏᓐᓂ, ᐃᓄᒋᐊᑦᑐᓂᓪᓗ ᐅᓯᔭᕆᐊᖃᕐᐸᑕ. ᑲᓇᐃᑎᐊᓐ ᓄᐊᑦᑯᑦ ᐃᓚᒋᔭᐅᒋᕗᑦ ᓄᐊᑎᐅᕋ ᑎᒥᖁᑖᓄᑦ ᑲᒻᐸᓂᖁᑎᓕᓐᓄᑦ ᐊᑖᓃᑦᑐᑎᒃ ᑯᐊᐳᓖᓴᐅᒻ, ᓄᐊᑎᐅᕋ ᐃᓐᑯᐊᐳᓖᑎᑦ ᐃᓕᑕᕆᔭᐅᓯᒪᔪᑦ (NorTerra Inc.), ᓇᓕᒧᒌᒥᒃ ᓇᖕᒥᓂᕆᔭᐅᓪᓗᓂ ᓄᓇᓯ ᑯᐊᐳᓖᓴᒃᑯᓐᓄᑦ, ᓄᓇᕗᒥᐅᑦ ᐃᓄᖁᑎᖏᓐᓂᖕ ᑭᒡᒐᕐᑐᐃᓪᓗᑎᒃ, ᐊᒻᒪ ᐃᓄᕕᐊᓗᐃᑦ ᐱᕙᓪᓕᐊᑎᑦᓯᔩᑦ ᑯᐊᐳᓖᓴᖓᓐᓂᒃ, ᐃᓄᕕᐊᓗᐃᑦ ᐃᓄᖁᑎᖏᓐᓂᒃ ᐅᐊᓚᓂᕐᖕᒥᐅᓂᒃ ᑭᒡᒐᕐᑐᐃᓪᓗᑎᒃ.


ᑐᑭᓯᒋᐊᒃᑲᓐᓂᕈᒪᒍᕕᑦ ᑐᓴᕋᑦᓴᒥᒃ ᖃᐅᔨᒋᐊᕈᓐᓇᕐᑐᑎᑦ ᐆᒧᖓ:

ᓖᓴ ᕼᐃᒃᔅ
ᐊᖏᔪᖅᑳᖅ, ᓂᐅᕐᕈᑎᑦᓴᓕᐅᕐᓂᕐᒧᑦ ᓴᖅᑭᔮᕐᑎᑦᓯᔨᓄᑦ
ᑲᓇᐃᑎᐊᓐ ᓄᐊᑦ ᖃᖓᑕᓲᓕᕆᔩᑦ
lhicks@canadiannorth.com

ᐅᖄᓚᐅᑖ: (867) 669-4000 – ᐅᕗᖓᓘᓐᓃᓐ –
(403) 503-2310
ᓱᒃᑲᔪᒃᑯᑦ: (867) 669-4040 – ᐅᕗᖓᓘᓐᓃᓐ –
(403) 250-2019