ᐃᐳᕆ 5, 2011: Canadian North Enhances Schedule in Kitikmeot and Baffin Regions

ᑲᓇᐃᑎᔭᓐ ᓄᐊᑦᑯᑦ ᑎᖕᒥᓲᓕᕆᔨᒃᑯᑦ ᐱᕚᓪᓕᖅᑎᑦᑎᔪᑦ ᐃᖏᕐᕋᕝᕕᒋᖃᑦᑕᖅᑕᖏᓐᓂᒃ ᕿᑎᕐᒥᐅᓂ ᕿᑭᖅᑕᓂᓗ ᑎᑭᑕᐅᒐᔪᖕᓂᖅᓴᐅᓕᕐᓗᑎᒃ ᐱᐅᓯᕚᓪᓕᕐᓗᑎᒡᓗ ᐊᙳᑎᔪᓐᓇᖃᑦᑕᕐᓂᐊᕐᓂᖏᓐᓄᑦ ᐃᖏᕐᕋᑎᓪᓗᒋᑦ

ᔭᓗᓇᐃᕝ
ᐃᐳᕆ 5, 2011

ᐱᒋᐊᖅᖢᒍ ᐃᐳᕆ 4, 2011-ᒥ, ᑲᓇᐃᑎᔭᓐ ᓄᐊᑦᑯᑦ ᐱᒋᐊᖅᑎᑦᑎᓚᐅᖅᑐᑦ 25-ᑲᓐᓂᕐᓂᒃ ᖃᖓᑕᔫᓂᒃ ᑎᑭᑎᑦᑎᖃᑦᑕᕐᓂᐊᕐᓂᕐᒧᑦ ᐱᓇᓱᐊᕈᓯᐅᑉ ᐃᓗᐊᓂ ᐅᑭᐅᖅᑕᖅᑑᑉ ᓄᓇᖏᓐᓄᑦ ᕿᑎᕐᒥᐅᓂ ᕿᑭᖅᑕᓂᓗ.

ᐃᓚᒋᐊᖅᑕᐅᑎᓪᓗᒋᑦ ᑎᖕᒥᓲᑦ ᑎᑭᖃᑦᑕᕐᓂᖏᑦ ᖃᖓᑦᑕᖃᑦᑕᕐᓂᖏᓪᓗ ᓄᓇᓕᖕᓄᑦ ᐱᕕᒃᓴᖃᖅᑎᑦᑎᓂᖅᓴᐅᓕᖅᑐᖅ ᓄᓇᓕᖕᒥᐅᑦ ᐊᙳᑎᔪᓐᓇᖃᑦᑕᖁᑉᓗᒋᑦ ᑎᖕᒥᓲᓄᑦ ᐊᑐᕚᓕᐊᖅᑐᓄᑦ ᐃᖃᓗᐃᑦᑯᑦ ᕿᑭᖅᑕᓂᒥ, ᐊᒻᒪᓗ ᐃᓚᒋᐊᖅᑕᐅᓪᓗᑎᒃ ᑎᖕᒥᓲᕐᔪᐊᑦ ᖃᖓᑕᖃᑦᑕᕐᓂᖏᑦ ᕿᑎᕐᒥᐅᓄᑦ.

ᐅᔾᔨᕐᓇᓗᐊᖅᑐᑦ ᓄᑖᖑᔪᒃᑯᑦ ᑎᖕᒥᓲᑦ ᖃᖓᑕᕝᕕᒋᕙᒃᑕᖏᑦ ᐅᑯᐊᖑᔪᑦ:

ᕿᑎᕐᒥᐅᓂ:

  • ᑎᖕᒥᓲᕐᔪᐊᑦ ᐱᖓᓱᐃᒃᑲᓐᓂᕐᓗᑎᒃ ᐅᑎᖅᑕᖃᑦᑕᕐᓂᐊᖅᑐᑦ ᐃᖃᓗᒃᑑᑦᑎᐊᕐᒥ ᔭᓗᓇᐃᕝᒧᑦ ᐱᓇᓱᐊᕈᓯᑕᒫᖅ, ᐊᒻᒪᑦᑕᐅᖅ ᐃᓚᕚᓪᓕᕐᓗᑎᒃ ᖃᖓᑕᖃᑦᑕᕐᓂᐊᕐᓂᖓ Dash 8
  • ᑎᖕᒥᓲᕐᔪᐊᖅ ᖃᖓᑕᖃᑦᑕᕐᓗᓂ ᐅᑎᒧᑦ ᑰᒑᕐᔪᖕᒥ ᔭᓗᓇᐃᕝᒧᑦ ᐊᑕᐅᓰᕐᓗᓂ ᐱᓇᓱᐊᕈᓯᐅᑉ ᐃᓗᐊᓂ
  • ᑎᖕᒥᓲᕐᔪᐊᖅ ᐊᕐᕕᓂᓖᖅᑕᕐᓗᓂ ᐅᑎᖅᑕᖅᐸᒡᓗᓂ ᐱᓇᓱᐊᕈᓯᐅᑉ ᐃᓗᐊᓂ ᖁᕐᓗᖅᑑᕐᒥ ᔭᓗᓇᐃᕝᒧᑦ,ᓯᑕᒪᑦ ᑎᖕᒥᓲᕐᔪᐊᑦ ᐊᒻᒪᓗ ᐱᖓᓱᑦ Dash ᑎᖕᒥᓲᑦ ᐅᑎᒧᑦ
  • ᐊᑕᐅᓯᒃᑲᓐᓂᕐᒥ ᐃᓚᒋᐊᖅᑕᐅᓗᓂ ᐱᓇᓱᐊᕈᓯ ᐅᑉ ᐃᓗᐊᓂ ᐅᑎᒧᑦ ᑕᓗᕐᔪᐊᓂ ᔭᓗᓇᐃᕝᒧᑦ,

ᕿᑭᖅᑕᓂ:

  • ᐅᑉᓗᑕᒫᒃᑯᑦ ᖃᖓᑕᖃᑦᑕᕐᓗᓂ ᐅᑎᒧᑦ ᑭᙵᕐᓂ ᐃᖃᓗᖕᓄᑦ
  • ᓯᑕᒪᐃᕐᓗᑎᒃ ᐱᓇᓱᐊᕈᓯᐅᑉ ᐃᓗᐊᓂ ᑲᖏᖅᑐᒑᐱᖕᒥ ᐃᖃᓗᖕᓄᑦ, ᑕᓪᓕᒪᐃᕐᓗᑎᒃ ᐱᓇᓱᐊᕈᓯᐅᑉ ᐃᓗᐊᓂ ᓄᓇᓕᖕᒧᑦ ᐅᑎᖃᑦᑕᕐᓗᓂ (ᐊᙳᑎᔪᓐᓇᖃᑦᑕᕐᓗᑎᒃ ᐋᑐᕚᓕᐊᕐᓂᐊᖅᑐᑦ)
  • ᐃᓚᒋᐊᖅᑕᐅᓗᑎᒃ ᖃᖓᑕᓲᑦ ᓯᑕᒪᓄᑦ ᐱᓇᓱᐊᕈᓯᐅᑉ ᐃᓗᐊᓂ ᓴᓂᕋᔭᖕᒥ ᐃᖃᓗᖕᓄᑦ (ᑲᑎᖦᖢᒋᑦ ᐊᕐᕕᓂᓖᑦ ᖃᖓᑕᓲᑦ), ᐃᓚᒋᐊᖅᑕᐅᓗᓂ ᐱᖓᓱᓄᑦ ᖃᖓᑕᓲᑦᓄᑦ ᓄᓇᓕᖕᒧᑦ ᐃᖃᓗᖕᓂ (ᐊᙳᑎᔪᓐᓇᖃᑦᑕᕐᓗᑎᒃ ᐋᑐᕚᓕᐊᕐᓂᐊᖅᑐᑦ)
  • ᐃᓚᒋᐊᖅᑕᐅᓗᑎᒃ ᖃᖓᑕᓲᑦ ᓯᑕᒪᓄᑦ ᐱᓇᓱᐊᕈᓯᐅᑉ ᐃᓗᐊᓂ ᐃᒡᓗᓕᖕᒥ ᐃᖃᓗᖕᓄᑦ ᐊᒻᒪᓗ ᖃᖓᑕᒃᑲᓐᓂᖃᑦᑕᕐᓗᓂ ᐃᖃᓗᖕᓂ ᐃᒡᓗᓕᖕᒧᑦ
  • 7 ᖃᖓᑕᓲᑦ ᐱᓇᓱᐊᕈᓯᐅᑉ ᐃᓗᐊᓂ ᒥᑦᑎᒪᑕᓕᖕᒥ ᐃᖃᓗᖕᓄᑦ, ᓄᖅᑲᖅᑕᕐᕖᑦ ᖃᑉᓯᓐᓇᐅᓂᖅᓴᐅᓗᑎᒃ

ᐃᓚᒋᐊᖅᑕᐅᑎᓪᓗᒋᑦ ᑕᒪᒃᑯᐊ ᖃᖓᑕᖃᑦᑕᖅᑐᑦ, ᓄᖅᑲᖅᑕᕐᕖᓪᓗ ᖃᑉᓰᓐᓇᕈᕆᐊᖅᑕᐅᑎᓪᓗᒋᑦ, ᐊᙳᑎᔪᓐᓇᖃᑦᑕᕐᓂᕐᓗ ᐊᑐᕚᓕᐊᖅᑐᒧᑦ ᐅᑉᓗᕐᒥ ᐊᑕᐅᓯᕐᒥ ᑎᑭᑦᑐᓐᓇᖃᑦᑕᖁᑉᓗᒋᑦ ᐊᑐᕚᒧᑦ ᐊᑐᐃᓐᓇᐅᓂᖅᓴᐅᓕᖅᑐᑦ.

“ᐊᓕᐊᓇᐃᒍᓱᑦᑎᐊᖅᑐᒍᑦ ᐃᓚᓯᒋᐊᕈᓐᓇᕋᑉᑕ ᑎᑭᖃᑦᑕᕐᓂᑉᑎᓐᓄᑦ ᓄᓇᓕᖕᓄᑦ ᐱᒻᒪᕆᐅᔪᒃᑯᑦ,” ᑕᐃᒪᓐᓇ ᐅᖃᖅᖢᓂ ᓗᐊᕇᓐ ᐸᓄᕐ, ᐊᖓᔪᖅᑳᑉ ᑐᖏᓕᖓ ᖃᖓᑕᕝᕕᒃᓴᑦ ᐋᖅᑭᒃᓱᖅᑕᐅᖃᑦᑕᕐᓂᖏᓐᓄᑦ ᑲᓇᐃᑎᔭᓐ ᓄᐊᑦᑯᓐᓂ ᑎᖕᒥᓲᓕᕆᔨᒃᑯᓐᓂ, “ᐱᐅᓂᖅᓴᐅᓂᐊᓕᕐᒪᑦ ᑎᑭᒐᔪᖕᓂᖅᓴᐅᓕᕐᓗᑕᓗ ᐊᙳᑎᔪᓐᓇᖃᑦᑕᖁᑉᓗᒋᑦ ᖃᖓᑕᓲᑦ.”

ᖃᖓᑕᕝᕕᒃᓴᐃᑦ ᐃᑲᕐᕋᑦ ᓄᑖᒧᑦ ᖃᖓᑕᖃᑦᑕᖅᑐᓄᑦ ᓇᓂᔭᐅᔪᓐᓇᖅᑐᑦ ᑲᓇᐃᑎᔭᓐ ᓄᐊᑦᑯᑦ ᑎᖕᒥᓲᓕᕆᔨᒃᑯᑦ ᐃᑭᐊᖅᑭᕕᖓᓂ ᐅᕙᓂ:www.canadiannorth.com.

ᑲᓇᐃᑎᐊᓐ ᓄᐊᑯᑦ ᐅᓂᒃᑳᖓ

ᑲᓇᐃᑎᐊᓐ ᓄᐊᑦᑯᑦ ᖃᖓᑕᓲᓕᕆᔨᐅᖃᑕᐅᕗᑦ ᐊᒻᒪ ᐱᒋᐊᕐᑎᑦᓯᔨᒋᓯᒪᔭᖏᑦ ᐱᓐᖑᕐᑎᑕᐅᒻᒪᓐ ᑲᒻᐸᓂᖓᑦ (ᑲᓇᐃᑎᐊᓐ ᖃᖓᑕᓲᓕᕆᔩᑦ, ᐸᓯᐱᒃ ᕕᐊᔅᑐᓐ, ᑐᕌᓐᔅᐃᐊ, ᓄᐊᑎᐊ) ᐅᐱᒍᓱᒻᒪᕆᒃᑐᑎᖕ ᖃᖓᑕᕙᑦᑐᓂᒃ ᐅᓯᑲᖅᑕᖅᑎᐅᓕᕐᑐᑦ ᐅᓯᑲᕐᑕᖅᑎᐅᓪᓗᑎᓪᓗ ᐱᖁᑎᓂᒃ ᐊᕐᕌᒍᓂᒃ 80ᓂᒃ. ᑲᓇᐃᑎᐊᓐ ᓄᐊᑦᑯᑦ ᐃᓂᑦᓴᓕᐅᕐᕕᑦᓴᓐ ᓄᓇᕗᒧᑦ ᖃᖓᑕᒍᒪᔪᓄᑦ ᑲᓇᑕᐅᑉ ᐅᑭᐅᖅᑕᖅᑐᐊᓄᑦ ᐅᖓᑎᐊᓗᐊᓄᓪᓗ ᖃᖓᑕᕕᒋᕙᑦᑕᑎᓐᓄᑦ ᐊᖅᑯᓵᕐᓗᑎᖕ ᓇᑭᑐᐃᓐᓇᖅ ᐊᖅᑯᓵᕐᕕᒃᑯᑦ ᐋᑐᕚᒃᑯᑦ ᐃᑦᒪᓐᑕᓐᑯᓪᓗ, ᐊᒻᒪᓗᑦᑕᐅᖅ ᖃᓪᓗᓈᓂ ᓄᓇᓕᕐᔪᐊᑦ ᑲᓇᑕᒥᐅᑕᐅᖃᑎᕗᑦ ᖃᖓᑎᕕᐅᔪᓐᓇᕆᓪᓗᑎᒃ ᑲᑐᔾᔨᖃᑎᕗᑦ ᐃᐅ ᑲᓇᑕᒃᑯᑦ ᖃᖓᑕᓲᕐᕕᒋᓲᖏᑦ ᑲᓱᕐᕕᒋᓪᓗᒋᑦ ᐃᑭᕕᐅᔪᓐᓇᕐᑐᑎᖕ. ᑲᓇᐃᑎᐊᓐ ᓄᐊᑦᑯᑦ ᐃᓂᑦᓴᓕᐅᕆᐊᑐᓐᖏᑦᑐᒃᑯᑦ ᐊᑭᓖᓯᒪᓗᓂ ᓵᑕᕋᑦᓴᐅᓪᓗᑎᒃ ᓴᓇᔨᕐᔪᐊᓄᑦ ᐱᔨᒃᓯᐸᑦᑕᖏᓐᓄᑦ, ᐱᓐᖑᐊᕐᑏᑦ ᐊᑭᑦᑐᕋᐅᑎᓂᖏᓐᓂ, ᐃᓄᒋᐊᑦᑐᓂᓪᓗ ᐅᓯᔭᕆᐊᖃᕐᐸᑕ. ᑲᓇᐃᑎᐊᓐ ᓄᐊᑦᑯᑦ ᐃᓚᒋᔭᐅᒋᕗᑦ ᓄᐊᑎᐅᕋ ᑎᒥᖁᑖᓄᑦ ᑲᒻᐸᓂᖁᑎᓕᓐᓄᑦ ᐊᑖᓃᑦᑐᑎᒃ ᑯᐊᐳᓖᓴᐅᒻ, ᓄᐊᑎᐅᕋ ᐃᓐᑯᐊᐳᓖᑎᑦ ᐃᓕᑕᕆᔭᐅᓯᒪᔪᑦ (NorTerra Inc.), ᓇᓕᒧᒌᒥᒃ ᓇᖕᒥᓂᕆᔭᐅᓪᓗᓂ ᓄᓇᓯ ᑯᐊᐳᓖᓴᒃᑯᓐᓄᑦ, ᓄᓇᕗᒥᐅᑦ ᐃᓄᖁᑎᖏᓐᓂᖕ ᑭᒡᒐᕐᑐᐃᓪᓗᑎᒃ, ᐊᒻᒪ ᐃᓄᕕᐊᓗᐃᑦ ᐱᕙᓪᓕᐊᑎᑦᓯᔩᑦ ᑯᐊᐳᓖᓴᖓᓐᓂᒃ, ᐃᓄᕕᐊᓗᐃᑦ ᐃᓄᖁᑎᖏᓐᓂᒃ ᐅᐊᓚᓂᕐᖕᒥᐅᓂᒃ ᑭᒡᒐᕐᑐᐃᓪᓗᑎᒃ.


ᑐᑭᓯᒋᐊᒃᑲᓐᓂᕈᒪᒍᕕᑦ ᑐᓴᕋᑦᓴᒥᒃ ᖃᐅᔨᒋᐊᕈᓐᓇᕐᑐᑎᑦ ᐆᒧᖓ:

ᓖᓴ ᕼᐃᒃᔅ
ᐊᖏᔪᖅᑳᖅ, ᓂᐅᕐᕈᑎᑦᓴᓕᐅᕐᓂᕐᒧᑦ ᓴᖅᑭᔮᕐᑎᑦᓯᔨᓄᑦ
ᑲᓇᐃᑎᐊᓐ ᓄᐊᑦ ᖃᖓᑕᓲᓕᕆᔩᑦ
lhicks@canadiannorth.com

ᐅᖄᓚᐅᑖ: (867) 669-4000 – ᐅᕗᖓᓘᓐᓃᓐ –
(403) 503-2310
ᓱᒃᑲᔪᒃᑯᑦ: (867) 669-4040 – ᐅᕗᖓᓘᓐᓃᓐ –
(403) 250-2019