ᐅᒃᑑᕝᕙ 27, 2011 - ᑲᓇᐃᑎᐊᓐ ᓄᐊᑦᑯᑦ ᖃᖓᑕᓲᓕᕆᔨᖏᑦ

ᑲᓇᐃᑎᐊᓐ ᓄᐊᑦᑯᑦ ᐱᔨᑦᓯᕈᑎᖏᓐᓂᖕ ᐃᓚᓯᒃᑲᓐᓂᕐᒥᔪᑦ ᐃᓄᒃᑎᑐᐃᓐᓇᖅ ᖃᕆᓴᐅᔭᒃᑯᑦ ᐅᖄᓚᐅᑎᒃᑯᓪᓗ ᖃᐅᔨᒋᐊᕐᕕᒃᓴᒥᖕ ᐃᓄᒃᑎᑐᑐᐃᓐᓇᖅ ᐅᖃᐅᓯᕐᖓᐅᑎᓕᓐᓄᑦ ᖃᖓᑕᕙᑦᑐᖁᑎᑦᑎᓐᓄᑦ ᑐᑭᓯᒋᐊᕐᕕᑦᓴᓂᖕ. ᓄᑖᖅ ᖃᕆᓴᐅᔭᒃᑯᑦ ᑐᑭᓯᒋᐊᕐᕕᕗᑦ ᐃᔾᔪᐊᕐᓯᓯᒪᓪᓗᓂ ᖃᓪᓗᓈᑎᑑᖅᑐᖁᑎᑦᑕ ᑕᐅᑦᑐᖓᓂᖕ, ᑖᒃᑯᓂᖓᑦᓴᐃᓐᓇᖅ ᑐᓴᒐᒃᓴᖁᑎᓖᑦ ᐃᓄᑦᑎᑐᑐᐃᓐᓇᑦᓯᐊᖅ ᑐᓴᕋᑦᓴᓂᖕ ᓄᑖᓐᖑᕐᐸᓪᓕᐊᔪᓂᓪᓗ ᖃᐅᔨᒪᔭᕆᐊᓕᓐᓂᖕ.

 

ᐱᓪᓗᐊᑕᐅᓂᖏᑦ ᐊᑐᕈᒥᓇᕐᑐᑦ ᖃᕆᓴᐅᔭᒃᑯᑦ ᐅᑯᐊ - ᐊᔪᕈᓐᓃᕐᓂᐊᕐᑐᑎᑦ ᐃᒫᖕ:
• ᐃᓂᑦᓴᓕᐅᕐᓗᑎᑦ ᐃᑭᕕᒋᔪᒪᔭᓐᓂᖕ
• ᐊᓯᔾᔩᓂᖅ ᐃᓂᑦᓴᓕᐊᕆᓚᐅᕐᑕᓐᓂᖕ
• ᕿᒥᕐᕈᓂᖅ ᖃᑦᓯᐊᑎᕐᓗᑎᑦ ᖃᖓᑕᓯᒪᓕᕈᕕᑦ ᓄᐊᑦᓯᕕᒻᒧᑦ ᐊᕉᕋᒧᑦ ᐊᑭᑭᓪᓕᒋᐊᕈᑎᓄᑦ ᐃᓚᒋᔭᐅᔪᓐᓇᕐᒪᖔᕐᐱᓐ
• Aeroplan Miles ᐃᐅᕈᐸᓛᒃᑯᓐᓄᑦ ᖃᖓᑕᖃᑦᑕᕐᓃᑦ ᐅᖓᓯᓐᓂᖓᑎᒍᑦ ᑲᑎᖅᓱᐃᕕᒃ ᖃᑦᓯᐅᒍᑎᖕ ᐊᑭᖃᓐᖏᑦᑐᒃᑯᑦ ᖃᖓᑦᑕᒍᓐᓇᕐᓯᓂᐊᕐᒪᖔᕐᐱᓐ
• ᖃᐅᔨᒋᐊᕐᓗᑎᑦ ᖃᓄᐃᓕᐅᕆᐊᖃᕐᒪᖔᕐᐱᓐ ᐃᓄᐃᓐ ᓂᕿᖏᑦ ᐊᐅᓪᓚᕐᑎᒍᒪᓐᓂᕈᕕᒋᑦ ᓄᓇᓕᓐᓄᑦ
…ᐊᓯᒃᑲᓐᓂᐊᓗᖏᓪᓗ!

ᐃᓄᒃᑎᑐᑦ ᐅᖃᐅᓯᕐᖓᐅᑎᐅᒻᒪᓐ ᓄᓇᕗᒥ ᓄᓇᑦᓯᐊᒥᓗ, ᐃᓄᖁᑎᖏᑦ 35,000ᖏᓐᓃᑦᑐᑦ ᐅᖃᐅᓯᕐᖓᐅᑎᒥᓂᖕ ᐅᖃᓕᒪᐃᓐᓇᕐᑐᒋᔭᐅᔪᑦ ᓱᓕ, ᒪᓕᒃᑐᒍ 2006ᒥ ᑲᓇᑕᒥᐅᓂᖕ ᑭᒃᑯᑐᐃᓐᓇᓂᖕ ᓈᓴᕐᑕᐅᓂᑯᒥᓃᑦ. “ᐱᔨᑦᓯᐸᑦᑕᕗᑦ ᖃᖓᑕᔪᖁᑎᒋᕙᑦᑕᕗᑦ ᐃᓄᒃᑎᑑᖅᑐᑦ ᐊᒥᓲᓂᕐᓴᕐᔪᐊᕌᓘᒻᒪᑕ. ᐊᓕᐊᓇᐃᒍᓱᑦᑐᒍᑦ ᑖᒃᑯᐊ ᓄᑖᑦ ᐱᔨᑦᓯᕈᑎᒋᔪᓐᓇᕐᑕᕗᑦ ᓄᓇᓕᓐᓄᑦ ᐊᑐᐃᓐᓇᐅᑎᑦᑐᓐᓇᕋᑦᑎᒍ,” ᐅᖃᓚᐅᕐᑐᖅ ᓗᕋᐃᓐ ᐹᓄᕐ, ᐊᖏᔪᖅᑳᑉ ᑐᖏᓕᐊ, ᐃᓂᑦᓴᓕᐅᕆᐊᓕᒃᑯᑦ ᐱᔨᑦᓯᕐᑎᓄᑦ.

ᓄᑖᖅ ᑐᑭᓯᖏᐊᕐᕕᒃ ᑎᑭᐅᑎᔪᓐᓇᕐᑕᐃᑦ ᖃᕆᓴᐅᔭᒃᑯᑦ ᓇᕿᑐᐃᓐᓇᕐᓗᒍ ᐅᓇ www.canadiannorth.com.


ᑲᓇᐃᑎᐊᓐ ᓄᐊᑯᑦ ᐅᓂᒃᑳᖓ
ᑲᓇᐃᑎᐊᓐ ᓄᐊᑦᑯᑦ ᖃᖓᑕᓲᓕᕆᔨᐅᖃᑕᐅᕗᑦ ᐊᒻᒪ ᐱᒋᐊᕐᑎᑦᓯᔨᒋᓯᒪᔭᖏᑦ ᐱᓐᖑᕐᑎᑕᐅᒻᒪᓐ ᑲᒻᐸᓂᖓᑦ (ᑲᓇᐃᑎᐊᓐ ᖃᖓᑕᓲᓕᕆᔩᑦ, ᐸᓯᐱᒃ ᕕᐊᔅᑐᓐ, ᑐᕌᓐᔅᐃᐊ, ᓄᐊᑎᐊ) ᐅᐱᒍᓱᒻᒪᕆᒃᑐᑎᖕ ᖃᖓᑕᕙᑦᑐᓂᒃ ᐅᓯᑲᖅᑕᖅᑎᐅᓕᕐᑐᑦ ᐅᓯᑲᕐᑕᖅᑎᐅᓪᓗᑎᓪᓗ ᐱᖁᑎᓂᒃ ᐊᕐᕌᒍᓂᒃ 80ᓂᒃ. ᑲᓇᐃᑎᐊᓐ ᓄᐊᑦᑯᑦ ᐃᓂᑦᓴᓕᐅᕐᕕᑦᓴᓐ ᖃᖓᑕᕕᑦᓴᑦ ᓄᓇᕗᒥ ᑲᓇᑕᐅᑉ ᐅᑭᐅᖅᑕᖅᑐᐊᓄᑦ ᐅᖓᑎᐊᓗᐊᓄᓪᓗ ᖃᖓᑕᕕᒋᕙᑦᑕᑎᓐᓄᑦ ᐊᖅᑯᓵᕐᓗᑎᖕ ᓇᑭᑐᐃᓐᓇᖅ ᐊᖅᑯᓵᕐᕕᒃᑯᑦ ᐋᑐᕚᒃᑯᑦ ᐃᑦᒪᓐᑕᓐᑯᓪᓗ, ᐊᒻᒪᓗᑦᑕᐅᖅ ᖃᓪᓗᓈᓂ ᓄᓇᓕᕐᔪᐊᑦ ᑲᓇᑕᒥᐅᑕᐅᖃᑎᕗᑦ ᖃᖓᑎᕕᐅᔪᓐᓇᕆᓪᓗᑎᒃ ᑲᑐᔾᔨᖃᑎᕗᑦ ᐃᐅ ᑲᓇᑕᒃᑯᑦ ᖃᖓᑕᓲᕐᕕᒋᓲᖏᑦ ᑲᓱᕐᕕᒋᓪᓗᒋᑦ ᐃᑭᕕᐅᔪᓐᓇᕐᑐᑎᖕ. ᑲᓇᐃᑎᐊᓐ ᓄᐊᑦᑯᑦ ᐃᓂᑦᓴᓕᐅᕆᐊᑐᓐᖏᑦᑐᒃᑯᑦ ᐊᑭᓖᓯᒪᓗᓂ ᓵᑕᕋᑦᓴᐅᓪᓗᑎᒃ ᓴᓇᔨᕐᔪᐊᓄᑦ ᐱᔨᒃᓯᐸᑦᑕᖏᓐᓄᑦ, ᐱᓐᖑᐊᕐᑏᑦ ᐊᑭᑦᑐᕋᐅᑎᓂᖏᓐᓂ, ᐃᓄᒋᐊᑦᑐᓂᓪᓗ ᐅᓯᔭᕆᐊᖃᕐᐸᑕ. ᑲᓇᐃᑎᐊᓐ ᓄᐊᑦᑯᑦ ᐃᓚᒋᔭᐅᒋᕗᑦ ᓄᐊᑎᐅᕋ ᑎᒥᖁᑖᓄᑦ ᑲᒻᐸᓂᖁᑎᓕᓐᓄᑦ ᐊᑖᓃᑦᑐᑎᒃ ᑯᐊᐳᓖᓴᐅᒻ, ᓄᐊᑎᐅᕋ ᐃᓐᑯᐊᐳᓖᑎᑦ ᐃᓕᑕᕆᔭᐅᓯᒪᔪᑦ (NorTerra Inc.), ᓇᓕᒧᒌᒥᒃ ᓇᖕᒥᓂᕆᔭᐅᓪᓗᓂ ᓄᓇᓯ ᑯᐊᐳᓖᓴᒃᑯᓐᓄᑦ, ᓄᓇᕗᒥᐅᑦ ᐃᓄᖁᑎᖏᓐᓂᖕ ᑭᒡᒐᕐᑐᐃᓪᓗᑎᒃ, ᐊᒻᒪ ᐃᓄᕕᐊᓗᐃᑦ ᐱᕙᓪᓕᐊᑎᑦᓯᔩᑦ ᑯᐊᐳᓖᓴᖓᓐᓂᒃ, ᐃᓄᕕᐊᓗᐃᑦ ᐃᓄᖁᑎᖏᓐᓂᒃ ᐅᐊᓚᓂᕐᖕᒥᐅᓂᒃ ᑭᒡᒐᕐᑐᐃᓪᓗᑎᒃ.


ᑐᑭᓯᒋᐊᒃᑲᓐᓂᕈᒪᒍᕕᑦ ᑐᓴᕋᑦᓴᒥᒃ ᖃᐅᔨᒋᐊᕈᓐᓇᕐᑐᑎᑦ ᐆᒧᖓ:

ᓖᓴ ᕼᐃᒃᔅ
ᐊᖏᔪᖅᑳᖅ, ᓂᐅᕐᕈᑎᑦᓴᓕᐅᕐᓂᕐᒧᑦ ᓴᖅᑭᔮᕐᑎᑦᓯᔨᓄᑦ
ᑲᓇᐃᑎᐊᓐ ᓄᐊᑦ ᖃᖓᑕᓲᓕᕆᔩᑦ
lhicks@canadiannorth.com

ᐅᖄᓚᐅᑖ: (867) 669-4000 – ᐅᕗᖓᓘᓐᓃᓐ –
(403) 503-2310
ᓱᒃᑲᔪᒃᑯᑦ: (867) 669-4040 – ᐅᕗᖓᓘᓐᓃᓐ –
(403) 250-2019