ᔫᓂ 5, 2012 - ᑲᓇᐃᑎᐊᓐ ᓄᐊᑦᑯᑦ ᐊᕕᑦᑎᕗᑦ ᐊᖁᑎᒥᒃ

ᑲᓇᐃᑎᐊᓐ ᓄᐊᑦᑯᑦ ᐊᕕᑦᑎᕗᑦ ᐊᖁᑎᒥᒃ
ᔭᓗᓇᐃ                                                                                                                                      ᔫᓂ 5, 2012


ᓯᑕᒻᒥᕐᒥ, ᒪᐃ 31-ᖑᑎᓪᓗᒍ, ᑲᓇᐃᑎᐊᓐ ᓄᐊᑦ ᖃᖓᑦᑕᕆᐊᖃᕈᓐᓃᖅᑎᑦᑎᓚᐅᖅᐳᑦ ᖃᖓᑕᓲᒥᒃ 605-ᒥᒃ, ᐊᐅᓪᓚᕐᓂᐊᓚᐅᖅᑐᒥᑦ ᕿᑭᖅᑕᕐᔪᐊᒥᑦ ᐃᖃᓗᓐᓄᑦ, ᑐᓴᖅᑐᖃᓚᐅᖅᑎᓪᓗᒍ ᐊᐅᓚᑎᑕᓂᒃ ᐊᐅᓚᑦᑎᕕᖓᓐᓂ ᑳᒋᐅᕆᒥ. ᕿᑭᖅᑕᕐᔪᐊᒥ ᑲᓇᑕᐅᑉ ᐸᓖᓯᖏᑦ ᐅᖄᓚᕕᐅᓚᐅᖅᐳᑦ ᓱᖅᑯᐃᖅᓯᓇᓱᒋᐊᖅᑐᖁᔭᐅᓪᓗᑎᒃ ᐱᓪᓗᒍ ᖃᓄᐃᓐᓂᕋᖅᑕᐅᓂᖓ ᖃᖓᑕᓲᒥ ᑳᑉᑕᐅᑉ ᐊᒻᒪ ᑳᑉᐸᓂ ᐃᓗᐊᒍᑦ ᑕᕝᕙᓴᐃᓐᓇᖅ ᓱᖅᑯᐃᖅᓯᓇᓱᐊᕆᐊᓯᓚᐅᖅᑐᖅ.


ᑲᓇᐃᑎᐊᓐ ᓄᐊᑦᑯᑦ ᐃᓗᐊᒍᑦ ᓱᖅᑯᐃᖅᓯᓇᓱᐊᕐᓂᖓᑦ ᒫᓐᓇ ᓇᓗᓇᐃᕈᑕᐅᓯᒪᓕᖅᐳᖅ ᑕᓐᓇ ᑳᑉᑕᓐ ᓯᖁᒥᑦᑎᔪᒥᓂᐅᓂᖓᓄᑦ ᑲᓇᐃᑎᐊᓐ ᓄᐊᑦᑯᑦ ᒪᓕᒃᑕᐅᔭᕆᐊᖃᖅᑐᒥᒃ ᐊᑐᐊᒐᖓᓐᓂᒃ ᐊᑐᕆᐊᖃᓐᖏᑎᑦᑎᔪᒥᒃ ᐃᒥᐊᓗᒻᒥᒃ ᐃᓗᐊᓂ 12 ᐃᑲᕐᕋᐃᑦ ᐅᕝᕙᓘᓐᓃᑦ ᐃᖅᑲᓇᐃᔭᕆᐊᓕᕐᓗᓂ. ᓱᓕᒃᑲᓐᓂᖅ, ᑕᐃᓐᓇ ᐃᓄᒃ ᐅᖃᐅᓯᕆᔭᐅᔪᖅ ᓯᖁᒥᑦᑎᓐᓂᕆᕗᖅᑕᐅᖅ ᑲᓇᑕᒥ ᖃᖓᑕᓲᓄᑦ ᐱᖁᔭᓂᒃ, ᒪᓕᒃᑕᐅᔭᕆᐊᖃᖅᑎᑦᑎᔪᓂᒃ ᐊᑐᕆᐊᖃᓐᖏᓂᕐᒥᒃ ᐃᒥᐊᓗᒻᒥᒃ ᐃᓗᐊᓂ ᑎᓴᒪᐅᔪᖅᑐᑦ ᐃᑲᕐᕋᐃᑦ ᐱᓕᕆᓕᕐᓗᓂ ᐃᖅᑲᓇᐃᔭᖅᑎᓄᑦ ᐃᓚᒋᔭᐅᓗᓂ. ᑕᐃᒪᐃᓐᓂᖓᓄᑦ, ᐊᑐᓕᑦᑕᐅᑎᒋᓪᓗᓂ ᒫᓐᓇ, ᑕᐃᓐᓇ ᐃᓄᒃ ᑕᐃᒪᐃᓐᓂᕋᖅᑕᐅᓯᒪᔪᖅ ᐊᕕᑕᐅᓚᐅᖅᐳᖅ ᑳᑉᐸᓂᒧᑦ ᓯᖁᒥᑦᑎᓂᕐᒧᑦ ᑲᓇᐃᑎᐊᓐ ᓄᐊᑦᑯᑦ ᐊᑐᐊᒐᖓᓐᓂᒃ. ᐃᖏᕐᕋᔾᔪᑎᓕᕆᔨᒃᑯᑦ ᑲᓇᑕᒥ ᓱᖅᑯᐃᖅᓯᓇᓱᐊᓕᕆᕗᑦᑕᐅᖅ ᐃᓕᖓᔪᒥᒃ ᓯᖁᒥᑕᐅᓂᖏᓐᓄᑦ ᑲᓇᑕᒥ ᖃᖓᑕᓲᓄᑦ ᐱᖁᔭᐃᑦ.


“ᑕᒪᕐᒥᒃ ᐊᖁᑎᑦ ᖃᐅᔨᒪᔪᑦ ᐱᒻᒪᕆᐅᓂᖓᓂᒃ ᒪᓕᓐᓂᐅᑉ ᑳᑉᐸᓂᐅᑉ ᐊᑐᐊᒐᖓᓂᒃ ᐊᒻᒪ ᑲᓇᑕᒥ ᖃᖓᑕᓲᓄᑦ ᐱᖁᔭᓂᒃ ᐱᓪᓗᒍ ᐊᑯᓂᐅᑎᒋᓂᖓ ᐊᑐᕐᓂᐅᑉ ᐃᒥᐊᓗᒻᒥᒃ ᐊᒻᒪ ᐱᒋᐊᓕᕐᓂᐅᑉ ᐃᖅᑲᓇᐃᔮᒥᒃ. ᑕᒪᓐᓇ ᐱᓕᕆᐊᓪᓗᐊᑕᕆᒻᒪᒍ ᐊᖁᑎᐅᑉ ᐱᖃᕈᓐᓇᖅᑎᑕᐅᓂᕐᒥᒍᑦ ᑮᓇᐅᔭᓕᐅᕋᓱᐊᕈᑎᓄᑦ ᐊᖁᑎᐅᑉ ᓚᐃᓴᓐᓯᖓᓂᒃ ᐊᒻᒪ ᐊᒃᓱᐊᓗᒃ ᕿᓚᓈᕆᕙᕋ ᑕᐃᓐᓇ ᐃᓄᒃ ᒪᓕᓐᖐᓐᓇᕆᐊᖅᑐᒥᓂᐅᒻᒪᑦ ᑕᒪᒃᑯᓂᖓ ᐱᔭᕆᐊᖃᖅᑎᑕᐅᔪᓂᒃ. ᐱᓇᓱᐊᕐᓂᐊᖅᑐᒍᑦ ᓱᓇᓕᒫᑦ ᐱᔪᓐᓇᑕᑦᑎᓐᓂᒃ ᑕᒪᓐᓇ ᑕᐃᒪᐃᒃᑲᓂᑦᑕᐃᓕᑎᒐᓱᐊᕐᓗᒍ,” ᐅᖃᓚᐅᖅᐳᖅ ᑕᕋᐃᓯ ᒥᑦᕕ, ᐊᖏᔪᖅᑳᖓᑦ ᑲᓇᐃᑎᐊᓐ ᓄᐊᑦᑯᑦ.
ᑲᓇᐃᑎᐊᓐ ᓄᐊᑦ ᐱᔭᕇᕐᓂᐊᖅᑐᑦ ᐃᓗᐊᒍᑦ ᓱᖅᑯᐃᖅᓯᓇᓱᐊᕐᓂᕐᒥᓐᓂᒃ ᑕᒪᑐᒥᖓ ᐱᔾᔪᑎᖃᖅᑐᒥᒃ, ᐊᒻᒪ ᐱᓕᕆᖃᑎᖃᐃᓐᓇᕐᓗᑎᒃ ᓱᖅᑯᐃᖅᓯᓇᓱᐊᖅᑎᒋᔭᓂᒃ ᑕᒪᑐᒥᖓ. ᐱᕙᓪᓕᐊᔪᓕᕆᔨᓂᒃ ᑐᓴᕆᐊᖅᑎᑎᔾᔪᑦ

ᒥᒃᓵᓄᑦ ᑲᓇᐃᑎᐊᓐ ᓄᐊᑦᑯᑦ


ᑲᓇᐃᑎᐊᓐ ᓄᐊᑦᑯᑦ ᐊᒻᒪ ᐱᒋᐊᖅᑎᑦᑎᔨᒋᓯᒪᔭᖏᑦ ᑳᑉᐸᓃᑦ (ᑲᓇᐃᑎᐊᓐ ᐃᐅᓚᐃᓐ, ᐸᓯᕕᒃ ᕗᐃᔅᑐᓐ ᐃᐅᓚᐃᓐ, ᑐᕌᓐᓯᐅ, ᓄᐊᑎᐅ) ᐅᐱᒍᓱᒃᑐᑎᒃ ᐱᔨᑦᑎᕋᖅᓯᒪᕗᑦ ᑲᓇᑕᐅᑉ ᐅᑭᐅᖅᑕᖅᑐᖓᓂᒃ ᐃᓄᓐᓄᑦ ᐊᐅᓪᓚᖅᑐᓄᑦ ᐊᒻᒪ ᐅᓯᔭᓄᑦ ᐱᔨᑦᑎᕋᐅᑎᓂᒃ ᐊᑯᓂᐅᑎᒋᓂᖃᖅᑐᒧᑦ ᐅᖓᑖᓂ 80 ᐅᑭᐅᑦ. ᐊᑐᐃᓐᓇᐅᑎᑦᑎᕙᑉᐳᑦ ᖃᖓᑕᓲᓂᒃ ᓄᓇᑦᓯᐊᕐᒧᑦ ᐊᒻᒪ ᓄᓇᕗᒻᒧᑦ ᖃᓪᓗᓈᑦ ᓄᓇᖓᓐᓂ ᐃᓂᒥᓐᓂᑦ ᐃᑦᒪᓐᑕᓐᒥ ᐊᒻᒪ ᐋᑐᕚᒥ, ᐊᒻᒪᓗᑦᑕᐅᖅ ᐃᓚᖏᓐᓄᑦ ᐊᐅᓪᓚᕐᕕᐅᕙᑦᑐᓄᑦ ᒫᓂᑑᐸᒥ ᐊᒻᒪ ᓄᓇᕗᒻᒥ ᐱᓕᕆᖃᑎᖃᕐᓂᕐᒥᒍᑦ ᑳᒻ ᐃᐅᒃᑯᓐᓂᒃ. ᑲᓇᐃᑎᐊᓐ ᓄᐊᑦ ᐊᑐᐃᓐᓇᐅᑎᑦᑎᕗᑦᑕᐅᖅ ᖃᖓᑕᓲᓂᒃ ᐊᑭᓕᕆᐊᓕᓐᓂᒃ ᐱᔨᑦᑎᕋᐅᑎᓂᒃ ᐃᓗᐊᓂ ᐊᒻᒪ ᓯᓚᑖᓂ ᐅᑭᐅᖅᑕᖅᑑᑉ ᓴᓇᔪᓕᕆᔪᓄᑦ ᐃᑲᔪᖅᑕᐅᔪᓄᑦ, ᐱᓐᖑᐊᖅᑎᓄᑦ, ᐊᒻᒪ ᐊᒥᔪᓄᑦ ᐱᓇᓱᐊᖃᑎᒌᓄᑦ. ᑲᓇᐃᑎᐊᓐ ᓄᐊᑦ ᐃᓚᒋᔭᐅᕗᖅ ᓄᐊᑎᐅᕋᒃᑯᑦ ᑳᑉᐸᓂᖏᓐᓄᑦ ᐊᖏᔪᖅᑳᖃᖅᑐᓄᑦ ᑯᐊᐳᕇᓴᓐᒥᒃ, ᓄᐊᑎᐅᕋ ᐃᓐᑯᐊᐳᕇᑎᒻᒥᒃ, ᓇᒻᒥᓂᕆᔭᐅᔪᒥᒃ ᑕᐃᒫᓪᓗᐊᖅ ᓄᓇᓯ ᑯᐊᐳᕇᓴᓐᑯᓐᓄᑦ, ᑭᒡᒐᑐᖅᑐᒧᑦ ᐃᓄᖏᓐᓂᒃ ᓄᓇᕘᑉ; ᐊᒻᒪ ᐃᓄᕕᐊᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐᑯᓐᓄᑦ, ᑭᒡᒐᑐᖅᑐᒧᑦ ᐃᓄᕕᐊᓗᓐᓂᒃ ᐅᐊᓕᓂᕐᒥᐅᓂᒃ.
 


ᓖᓴ Hᐃᒃᓯ
ᐊᖏᔪᖅᑳᖅ, ᓂᐅᕐᕈᑎᒃᓴᓕᕆᓂᖅ
ᑲᓇᐃᑎᐊᓐ ᓄᐊᑦ ᐃᐅᓚᐃᓐ
lhicks@canadiannorth.com
ᐅᖄᓚᐅᑦ: (867) 669-4000 – ᐅᕝᕙᓘᓐᓃᑦ –
(403) 503-2310