ᑲᓇᐃᑎᐊᓐ ᓄᐊᑦᑯᑎᒍᑦ ᖃᖓᑕᕙᑦᑐᓄᑦ ᐱᔨᑦᓯᕐᑏᑦ ᓂᕈᐊᕐᑎᑕᐅᓪᓗᑎᒃ ᐊᖏᓚᐅᖅᐳᑦ ᐊᕐᕌᒍᓄᑦ ᐱᖓᓱᓄᑦ ᐊᖏᖃᑎᒌᒍᑎᑦᓴᒥᓐᓂᒃ ᐃᖅᑲᓇᐃᔭᕐᕕᒻᒥᓄᑦ

ᑲᓇᐃᑎᐊᓐ ᓄᐊᑦ ᖁᕕᐊᑉᐳᑦ ᑐᓴᕐᑎᑦᓯᔪᓐᓇᕋᒥᖕ ᐃᖅᑲᓇᐃᔭᕐᑏᑦ ᑲᑐᔾᔨᖃᑎᒌᖏᑦ (ᓇᐃᓈᕐᑐᒍ ᑕᐃᔭᐅᓲᑦ UNIFOR ᐊᑎᖃᖅᐸᓚᐅᕐᒥᔫᒐᓗᐊᑦ CAW), ᓂᕈᐊᕐᑎᑕᐅᓪᓗᑎᒃ ᐊᖏᓚᐅᕐᖓᑕ ᐊᕐᕌᒍᓄᑦ ᐱᖓᓱᓄᑦ ᐊᖏᖃᑎᒌᒍᑎᒋᓂᐊᕐᑕᒥᓂᖕ ᑕᒪᒃᑭᕐᑐᐃᓐᓇᐅᓪᓗᑎᖕ ᐃᖅᑲᓇᐃᔭᕐᑏᑦ ᓈᒻᒪᑦᓴᕐᓂᓚᐅᕐᑐᑦ ᐊᖏᖅᑕᐅᖁᓪᓗᒋᑦ ᐊᖏᖃᑎᒌᒍᑕᐅᔪᒥᓃᑦ, ᐋᔩᕈᑕᐅᓂᖏᑦ ᐱᔭᕇᕐᑕᐅᑕᐃᓐᓇᓚᐅᕐᖓᑕ ᓯᑉᑎᒻᒪ 10, 2013ᖑᑎᓪᓗᒍ.

ᖁᔭᓕᒃᑲᓐᓂᕐᓗᑕ ᑲᓇᐃᑎᐊᓐ ᓄᐊᑦᑯᓐᓂᑦ ᐋᔩᕐᑎᐅᓚᐅᕐᑐᑦ ᑕᒪᒃᑮᓐᓄᑦ ᐊᑦᓱᕈᑦᓯᐊᕐᑐᑎᖕ ᐃᖅᑲᓇᐃᔭᖃᑎᒥᓐᓂᖕ ᑭᒡᒐᕐᑐᐃᑦᓯᐊᓚᐅᕐᖓᑕ ᐱᑦᓯᐊᑐᒻᒪᕆᐅᓪᓗᑎᓪᓗ ᖃᐅᔨᒪᓪᓚᕆᒃᑐᒋᑦ ᐱᓇᓱᐊᕐᑕᓂ ᐋᔩᖃᑎᒌᒍᓐᓇᓚᐅᕐᖓᑕ ᑲᔪᓯᑎᑦᓯᒐᓱᐊᕐᑐᑎᖕ ᐱᕙᓪᓕᐊᓂᓕᒫᖓᒍᑦ ᐊᖏᖃᑎᒌᒍᑕᐅᒋᐊᓕᑦ.