ᐅᑭᐅᖅᑕᖅᑐᒧᑦ ᖃᖓᑕᒐᔪᑦᑐᑦ ᑐᓂᕐᕈᓯᐊᕋᑦᓴᖃᒃᑲᓐᓂᓕᕆᕗᑦ ᓄᑖᖑᓂᕐᓴᓂᑦ: ᑲᓇᐃᑎᐊᓐ ᓄᐊᑦ ᐊᕉᕋ ᑐᓐᓂᖅᑯᑎᖏᑦ™

ᑐᓴᖅᑕᐅᑦᓴᐅᑎᒋᒋᐊᓕᒃ: ᒫᔾᔨ 31, 2014 − ᑭᐅᒍᕆ ᐃᐅᕘᑕ − ᐅᑭᐅᖅᑕᖅᑐᒧᑦ ᖃᖓᑕᕙᑦᑐᑦ ᑐᓂᕐᕈᓯᐊᑲᓐᓂᕈᓐᓇᓕᕆᕗᑦ ᑲᓇᐃᑎᐊᓐ ᓄᐊᑦᑯᑦ ᓴᖅᑮᓂᐊᓕᕐᒥᒻᒪᑕ ᓂᕆᐅᒋᔭᐅᑦᓲᔭᕐᑐᓂᑦ ᐊᕉᕋ ᑐᓂᕐᕈᑎᒋᕙᑦᑕᖏᑦ™ ᖃᖓᑕᒐᔪᑦᑐᓄᑦ.

ᐊᕉᕋ ᑐᓂᕐᕈᑎᒋᕙᑦᑕᖏᑦ, ᑲᓇᐃᑎᐊᓐ ᓄᐊᑦᑯᑎᒍᑦ ᖃᖓᑕᕙᑦᑐᑦ ᑲᑎᖅᓱᐃᔪᓐᓇᕐᓯᒻᒥᔪᑦ ᓈᓴᐅᑎᑎᒍᑦ ᐃᖏᕐᕋᕕᒥᓄᑦ ᐅᖓᓯᓐᓂᖓ ᒪᓕᑦᑐᒍ ᑲᑎᖅᓱᐃᕕᒻᒥᓄᑦ. ᑲᑎᖅᓱᕐᓯᒪᔭᑎᑦ ᐅᑎᕈᓐᓇᕐᑐᑦ ᖃᖓᑦᑕᐅᑎᑖᕐᓗᑎᑦ ᐅᕝᕙᓘᓐᓃᑦ ᕿᑐᒃᑐᒐᐅᔭᒃᑯᑦ ᓂᐅᕕᕈᓐᓇᐅᒻᒥᑦ ᑐᓂᕐᕈᑎᑦᓴᒥᖕ ᐅᑭᐅᖅᑕᖅᑐᒥᓗ ᓵᓚᒃᓴᕈᑕᐅᖃᑦᑕᕐᓂᑯ ᐊᑉ ᕼᐃᐊ Up Here ᐅᖃᓕᒫᒐᑦ, ᐅᖃᓕᒫᒐᓕᐅᕐᑎᖏᓐᓂᒃ ᑎᑭᓴᐃᒍᑎᑦᓴᐃᑦ ᐊᑭᖃᓐᖏᑦᑐᒥᖕ, ᐊᐅᓚᓴᐅᑎᓄᑦ ᓂᕿᑕᑦ “ᐊᖏᔪᐋᓗᖕᓂᑦ” ᐃᖃᓗᒐᓲᑎᐅᓲᑦ ᐅᑭᐅᖅᑕᖅᑐᒥ. ᐊᕉᕋ ᑐᓐᓂᕐᕈᑎᖏᑎᒍᑦ, ᖃᖓᑕᓂᕐᓴᐅᖃᑦᑕᕈᕕᑦ, ᐱᓂᕐᓴᐅᖃᑦᑕᓚᖓᕗᑎᑦ.

“ᑲᓇᐃᑎᐊᓐ ᓄᐊᑦᑯᑦ ᐊᕉᕋ ᑐᓂᕐᕈᓯᐊᑦᓴᖏᑦ ᓄᑖᖑᓂᕐᓴᑦ ᑕᒪᐃᓐᓄᓕᒫᖅ ᐱᑖᕐᕕᐅᓚᕿᔪᓐᓇᕐᑐᑦ, ᖃᖓᑕᒐᔪᒃᑲᓗᐊᕈᕕᑦ ᐃᖅᑲᓇᐃᔮᕐᓄᑦ ᓇᕈᓗᑎᑦ ᐅᕝᕙᓘᓐᓃᑦ ᑲᔾᔭᐅᓴᒋᐊᒧᑦ ᐃᖏᕐᕋᑕᒃᑯᕕᑦ ᖃᖓᑕᒐᔪᓐᖏᓂᕐᓴᐅᒐᓗᐊᕐᓗᑎᑦ, ᐅᓂᒃᑳᓚᐅᕐᑐᖅ ᐲᑕ ᒪᒃᑳᑦ, ᐊᖏᔪᖅᑳᑉ ᑐᖏᓕᐊ ᐃᖏᕐᕋᕙᑦᑐᓄᑦ ᓂᐅᕐᕈᑎᑦᓴᓕᐅᕐᓂᖕᒧᑦ ᑲᓇᐃᑎᐊᓐ ᓄᐊᑦᑯᓐᓂ.

ᐅᓯᕙᑦᑕᕗᑦ ᐅᔾᔨᕈᓱᓐᓂᐊᕐᑐᑦ ᐊᕉᕋᒃᑯᑦ ᑐᓂᕐᕈᐊᑦᓴᑦ ᓱᒃᑲᓂᕐᓴᒥᑦ ᑲᑎᖅᓱᐃᔪᓐᓇᕐᓯᒻᒪᑕ, ᓖᓴ ᕼᐃᒃᔅ ᐅᖃᓚᐅᕐᑐᖅ, ᐊᖏᔪᖅᑳᖓᑦ ᐃᖏᕐᕋᒐᔪᑦᑐᓄᑦ ᓂᐅᕐᕈᑎᑦᓴᓕᐅᕐᑏᑦ ᑎᒻᒥᓲᑦᑎᓐᓂ. “ᑕᐃᒃᑯᐊ ᖃᖓᑕᒐᔪᑦᑐᑦ ᖃᖓᑦᑕᐅᑎᑖᕈᒪᓐᓂᕈᑎᒃ ᑲᑎᖅᓱᐃᒋᐊᖃᓲᖑᒻᒪᑕ 12,000ᓂᒃ ᐅᖓᓯᓗᐊᓐᖏᑦᑐᒧᑦ ᖃᖓᑕᓂᐊᕈᑎᒃ. ᐊᑐᕈᓐᓇᕐᓯᓂᐊᓕᕐᑕᖏᑦ ᒥᑭᓐᓂᕐᓴᓂᑦ ᑐᓂᕐᕈᑎᒋᕙᑦᑕᑎᓐᓂᒃ ᐱᔪᓐᓇᕐᓯᓗᑎᒃ ᓂᐅᕕᐊᑦᓴᓂᓪᓗ,” ᐅᖃᓚᐅᕐᑐᖅ.

ᐊᕉᕋ ᑐᓂᕐᕈᓯᐊᑦᓴᖏᑦ ᐱᕙᓪᓕᐊᓯᒪᔪᑦ ᒫᓐᓇ ᐊᕉᕋ ᐱᔨᑦᓯᕐᑎᖏᑦ ᖁᓪᓕᕐᐹᓂᒃ ᑐᓐᓂᕐᕈᓯᐊᕐᑎᑦᓯᕙᑦᑐᓄᑦ ᑲᓇᐃᑎᐊᓐ ᓄᐊᒃᑯᑎᒍᑦ ᖃᖓᑕᒐᔪᑦᑐᑦ ᐃᓕᓴᕐᓯᑐᐃᓐᓇᕐᓂᐊᕐᑐᑦ. ᒫᓐᓇ ᐊᕉᕋᒃᑯᑦ ᑐᓂᕐᕈᑎᐅᕙᑦᑐᑦ ᖃᖓᑕᒐᔪᑦᑐᓄᑦ ᖁᕕᐊᒋᔭᐅᒐᔪᑦᑐᑦ ᓱᓕ ᐊᑐᐃᓐᓇᐅᒻᒪᑕ, ᐃᓚᑐᐃᓐᓇᕐᑕᕗᓪᓕ ᑲᑎᖅᓱᐃᔪᓐᓇᕐᓯᓪᓗᑎᑦ ᐊᑐᕈᓐᓇᕐᓯᓪᓗᒋᓪᓗ ᓈᓴᐅᑎᑎᒍᑦ ᑲᑎᖅᓱᕐᑕᒥᓂᕐᑎᑦ ᓂᐅᕕᐅᑎᒋᔪᓐᓇᕐᓯᓂᐊᕋᕕᒋᑦ ᐊᑐᐃᓐᓇᕆᔭᑦᑎᓐᓂᒃ.

ᓄᑖᑦ ᑐᓂᕐᕈᓯᐊᑦᓴᑲᓐᓃᑦ ᐱᖓᓲᓕᖓᔪᑦ ᖁᓕᕇᑦ: ᐊᕉᕋ ᑐᓂᕐᕈᓯᐊᑦᓴᖏᑦ ᖃᓕᕇᒻᒪᑕ ᓇᓗᓇᐃᒃᑯᑎᖏᑦ; ᖃᑯᓪᓕᖅ, ᒎᓗ ᐊᓕᒎᔭᕐᓗ. ᖃᖓᑕᕙᑦᑐᑦ ᐊᔪᕈᓐᓃᑦᓴᐅᑎᒋᔪᓐᓇᕐᑐᑦ ᐊᕉᕋᒃᑯᑦ ᑲᑎᖅᓱᐃᕕᒻᒥᑦ ᖃᖁᓪᓕᖕᒥᑦ ᑕᕝᕙᑦᓴᐅᑎᒋ − ᖁᓖᕋᕐᓗᑎᒃ ᒪᕐᕉᓪᓗ ᖃᖓᑕᓐᓂᕈᑎᒃ, ᐅᕝᕙᓘᓐᓃᑦ ᐊᕐᕕᓂᓕᕐᓱᕐᓗᑎᒃ ᐅᑎᕐᔭᕆᐊᕈᑎᒃ ᐊᕐᕌᒍᑕᒫᑦ. ᐊᕉᕋ ᐱᔨᑦᓯᕈᑎᖏᑦ ᐃᒐᓚᐅᔭᒧᑦ ᑎᑭᐅᑎᓯᒪᔪᓄᑦ ᖃᖓᑕᒐᔪᓐᓂᕐᐹᓄᑦ ᐊᕙᑏᕐᓱᕐᓗᑎᒃ ᖁᓕᓪᓗ ᖃᖓᑕᖃᑦᑕᕐᐸᑕ ᐊᕐᕌᒍᒥ.

ᓄᑖᑦ ᐱᒋᐊᕐᐸᓪᓕᐊᓂᖏᓐᓂ ᐊᕉᕋ ᑐᓂᕐᕈᓯᐊᑦᓴᖏᑦ, ᑲᓇᐃᑎᐊᓐ ᓄᐊᑦᑯᑦ ᐱᑐᐃᓐᓇᐅᖏᑦᑐᒃᑯᑦ ᓴᖅᑭᔮᕐᑎᑦᓯᓂᐊᕐᖓᑕ. ᖃᖓᑕᓂᐊᕐᑐᑦ ᐊᑎᓕᔪᒥᓂᐅᑉᐸᑕ ᐊᑯᓐᓂᖓᓂ ᒫᔾᔨ 31 ᐊᒻᒪ ᔫᓂ 30, ᐊᑭᓕᕐᑕᐅᓂᐊᕐᑐᑦ 200ᓂᖕ ᑲᑎᖅᓱᐃᕕᒻᒥᓅᕋᑦᓴᒥᓂᒃ ᐊᑎᓕᑐᐃᓐᓇᕈᓂ, ᐊᓪᓛᑦᑕᐅᖅ ᐃᓚᓕᐅᑎᑦᓴᐅᑎᒋᓂᐊᕐᑐᑦ ᓵᓚᒃᓴᕋᓱᐊᕐᑐᓄᑦ 100,000ᓂᑦ ᐊᕉᕋ ᑐᓂᕐᕈᓯᐊᑦᓴᖏᓐᓂᑦ ᑲᑎᖅᓱᐃᕕᓐᓄᑦ ᐃᓚᓕᐅᑎᔪᓐᓇᕐᑐᓂᑦ. ᓱᓕ, ᖃᖓᑕᓂᕐᑕᒫᑦ ᑲᓇᐃᑎᐊᓐ ᓄᐊᑦᑯᑎᒍᑦ, ᐃᓚᓕᐅᑎᓕᖅᑭᑦᑖᕙᓪᓗᑎᑦ ᓵᓚᑦᓴᕋᓱᐊᕐᑐᓄᑦ ᔫᓂ 30, 2014 ᑎᑭᓐᓇᓱᐊᕐᓂᖓᓂ.

ᖃᖓᑕᖃᑕᐅᖃᑦᑕᕐᑐᑦ ᐊᑎᓕᐅᖃᑕᐅᔪᓐᓇᕐᑐᑦ ᑲᓇᐃᑎᐊᓐ ᓄᐊᑦᑯᑦ ᓵᓚᖃᐅᓯᐊᑦᓴᖏᓐᓄᑦ ᓄᑖᓄᑦ ᑲᑎᖅᓱᐃᕕᒻᒧᑦ ᑐᑭᓯᒋᐊᕐᕕᒃ ᖃᐅᔨᒋᐊᕐᓗᒍ ᖃᕆᑕᐅᔭᒃᑯᑦ ᐅᕗᖓ ᐊᕉᕋ ᑐᓂᕐᕈᓯᐊᑦᓴᖏᑦ aurorarewards.com ᐅᖄᓚᓗᑎᓪᓘᓐᓃᑦ 1.800.661.1505.

ᑲᓇᐃᑎᐊᓐ ᓄᐊᑯᑦ ᐅᓂᒃᑳᖓ

ᑲᓇᐃᑎᐊᓐ ᓄᐊᑦᑯᑦ ᖃᖓᑕᓲᓕᕆᔨᐅᖃᑕᐅᕗᑦ ᐊᒻᒪ ᐱᒋᐊᕐᑎᑦᓯᔨᒋᓯᒪᔭᖏᑦ ᐱᓐᖑᕐᑎᑕᐅᒻᒪᓐ ᑲᒻᐸᓂᖓᑦ (ᑲᓇᐃᑎᐊᓐ ᖃᖓᑕᓲᓕᕆᔩᑦ, ᐸᓯᐱᒃ ᕕᐊᔅᑐᓐ, ᑐᕌᓐᔅᐃᐊ, ᓄᐊᑎᐊ) ᐅᐱᒍᓱᒻᒪᕆᒃᑐᑎᖕ ᑲᓇᐃᑎᐊᓐ ᓄᐊᑦᑯᑎᒍᑦ ᖃᖓᑕᕙᑦᑐᓂᒃ ᐅᓯᑲᖅᑕᖅᑎᐅᓕᕐᑐᑦ ᐃᓄᓐᓂᒃ ᐱᖁᑎᓂᓪᓗ ᐊᕐᕌᒍᓂᒃ 80ᓂᒃ, ᖃᖓᑕᕕᐅᔪᓐᓇᕐᑐᑦ ᐃᖏᕐᕋᕕᖏᑦ ᖁᓕᑦ ᑎᓴᒪᐅᔪᕐᖏᕋᕐᑐᑦ ᐊᑕᐅᓯᕐᓗ (19) ᐃᓂᑦᓴᓕᐅᕐᕕᐅᔪᓐᓇᕐᑐᑦ ᓄᓇᑦᓯᐊᒧᑦ ᐊᒻᒪ ᓄᓇᕗᒧᑦ ᖃᖓᑕᒍᒪᔪᓄᑦ ᑲᓇᑕᐅᑉ ᐅᑭᐅᖅᑕᖅᑐᐊᓄᑦ ᓇᑭᑐᐃᓐᓇᖅ ᐊᖅᑯᓵᕐᕕᒃᑯᑦ ᐃᑦᒪᓐᑕᓐᑯᑦ ᐋᑐᕚᒃᑯᓪᓗ ᖃᖓᑦᑕᕐᓗᑎᒃ. ᑲᓇᐃᑎᐊᓐ ᓄᐊᑦᑯᑦ ᐃᓂᑦᓴᓕᐅᕆᐊᑐᓐᖏᑦᑐᒃᑯᑦ ᐊᑭᓖᓯᒪᓗᓂ ᓵᑕᕋᑦᓴᐅᓪᓗᑎᒃ ᓴᓇᔨᕐᔪᐊᓄᑦ ᐱᔨᒃᓯᐸᑦᑕᖏᓐᓄᑦ, ᐱᓐᖑᐊᕐᑏᑦ ᐊᑭᑦᑐᕋᐅᑎᓂᖏᓐᓂ, ᐃᓄᒋᐊᑦᑐᓂᓪᓗ ᐅᓯᔭᕆᐊᖃᕐᐸᑕ. ᑲᓇᐃᑎᐊᓐ ᓄᐊᑦᑯᑦ ᐃᓚᒋᔭᐅᒋᕗᑦ ᓄᐊᑎᐅᕋ ᑎᒥᖁᑖᓄᑦ ᑲᒻᐸᓂᖁᑎᓕᓐᓄᑦ ᐊᑖᓃᑦᑐᑎᒃ ᑯᐊᐳᓖᓴᐅᒻ, ᓄᐊᑎᐅᕋ ᐃᓐᑯᐊᐳᓖᑎᑦ ᐃᓕᑕᕆᔭᐅᓯᒪᔪᑦ (NorTerra Inc.), ᓇᓕᒧᒌᒥᒃ ᓇᖕᒥᓂᕆᔭᐅᓪᓗᓂ ᐃᓄᓐᓄᑦ ᓄᓇᖃᖅᑳᕐᓯᒪᔪᓄᑦ.

−30-

ᑐᓴᕋᑦᓴᑦ ᐃᓄᑦᑎᑑᖓᓪᓗᓂ ᖃᕆᑕᐅᔭᒃᑯᑦ ᖃᐅᔨᒋᐊᕋᑦᓴᑦ ᐅᕗᖓ www.canadiannorth.com

ᑐᑭᓯᒋᐊᒃᑲᓐᓂᕈᒪᒍᕕᑦ ᑐᓴᕋᑦᓴᐅᑉ ᒥᑦᓵᓄᑦ ᖃᐅᔨᒋᐊᕐᕕᑦᓴᑦ:
ᓯᑳᑦ ᐅᐃᑐᐋᓪ
ᐊᖏᔪᖅᑳᖅ, ᑐᓴᐅᒪᖃᑦᑕᐅᑎᓂᕐᒧᑦ, ᑲᓇᐃᑎᓐ ᓄᐊᑦ

ᐅᖄᓚᐅᑖ: 780.893-0098
ᖃᕆᑕᐅᔭᒃᑯᑦ: sweatherall@canadiannorth.com