ᐅᑦᑑᕙ 23, 2014 - ᑲᓇᑕᒥ ᐅᑭᐅᖅᑕᖅᑐᒥ ᖃᖓᑕᔫᑦ ᑲᔪᓯᑎᑦᓯᒍᓐᓃᖅᑐᑦ ᐅᖃᖃᑎᒌᓐᓂᐅᔪᓂᒃ

ᑲᓇᑕᒥ ᐅᑭᐅᖅᑕᖅᑐᒥ ᖃᖓᑕᔫᑦ ᑲᔪᓯᑎᑦᓯᒍᓐᓃᖅᑐᑦ ᐅᖃᖃᑎᒌᓐᓂᐅᔪᓂᒃ

ᐅᑦᑑᕙ 23, 2014
ᑐᓴᕋᑦᓴᐅᑦᓴᐅᑎᒋᔪᑦ

ᐃᐊᑦᒪᓐᑕᓐ ᐃᐅᓪᕘᑕ ᐊᒻᒪᓗ ᑰᔾᔪᐊᖅ (ᑯᐸᐃ) – ᒪᑭᕕᒃ ᑯᐊᐳᕇᓴᒃᑯᑦ ᐊᒻᒪᓗ ᓄᐊᑎᐅᕋᒃᑯᑦ ᑎᒍᒥᐊᖅᑎᐅᔪᑦ ᕘᔅᑦ ᐃᐊᒃᑯᓐᓂᒃ ᐊᒻᒪᓗ ᑲᓇᐃᑎᐊᓐ ᓄᐊᕐᖦ, ᑐᓴᖅᑎᑦᓯᔪᑦ ᐅᖃᖃᑎᒌᓐᓂᕐᒥᓂᒃ ᓄᖅᑲᑎᑦᓯᓂᕋᖅᓱᑎᒃ ᑐᕌᒐᖃᖅᑐᓂᒃ ᑲᑎᑎᑦᓯᓂᕐᒥᒃ ᖃᖓᑕᔫᓄᑦ ᐊᐅᓚᓂᐅᔪᓄᑦ, ᐅᖃᖃᑎᒌᒃᑲᓐᓂᕋᔭᓐᖑᐊᕋᑎᓪᓗ.

ᑲᓇᐃᑎᐊᓐ ᓄᐊᕐᖦ ᐊᒻᒪᓗ ᕘᔅᑦ ᐃᐊᒃᑯᑦ ᑲᔪᓯᓂᐊᖅᑐᑦ ᐱᓕᕆᖃᑎᒌᑦᓯᐊᖏᓐᓇᕐᓗᑎᒃ ᐱᔨᑦᓯᑦᓯᐊᕈᐅᓂᖅᐹᓂᒃ ᐊᑐᕈᒪᓪᓗᑎᒃ ᓂᐅᕕᖅᑎᓄᑦ ᐊᒻᒪᓗ ᒪᓂᒪᑎᑕᐅᔪᓄᑦ.

ᖃᖓᑕᔫᑦ ᐊᐅᓚᓂᖏᑦ ᐱᔨᑦᓯᕋᐅᑏᓪᓗ ᑕᒪᒃᑮᓐᓂ ᖃᖓᑕᔫᓕᕆᔨᓂ ᐊᑦᑐᖅᑕᐅᓯᒪᓐᖏᑦᑐᑦ. ᑕᒪᕐᒥᒃ ᐅᖃᐅᓯᑦᓴᖃᒃᑲᓐᓂᔾᔮᖏᑦᑐᑦ ᑕᒡᕗᖓᖓᔪᓂᒃ.

-30-

ᑲᓇᐃᑎᐊᓐ ᓄᐊᕐᖦ-ᑯᑦ ᒥᑦᓵᓄᑦ
ᑲᓇᐃᑎᐊᓐ ᓄᐊᕐᖦ ᐊᒻᒪᓗ ᐱᒋᐊᓐᖓᖅᓯᒪᔪᑦ ᑲᒻᐸᓂᖏᑦ (ᑲᓇᐃᑎᐊᓐ ᐃᐊᓚᐃᓐᔅ, ᐸᓯᕕᒃ ᐅᐊᔅᑕᓐ ᐃᐊᓚᐃᓐᔅ, ᑐᕌᓐᔅᐃᐊ, ᓄᐊᕐᑎᐊ) ᐱᒃᑯᒋᔭᖃᒻᒪᕆᑦᓱᑎᒃ ᐱᔨᑦᓯᖃᑦᑕᖅᓯᒪᔪᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐃᓄᓐᓂᒃ ᐅᓯᔭᑦᓴᓂᓪᓗ ᐅᓯᕙᑦᓱᑎᒃ ᐊᕐᕌᒍᐃᑦ 80 ᐅᖓᑖᓄᑦ. ᒪᓂᒪᑎᑦᓯᑦᓱᑎᒃ ᓄᓇᓕᓐᓄᑦ 19-ᓄᑦ, ᑲᓇᐃᑎᐊᓐ ᓄᐊᕐᖦ-ᑯᑦ ᐱᒃᑯᒋᔭᖃᒻᒪᕆᑦᓱᑎᒃ ᐱᔨᑦᓯᖅᑐᑦ ᓄᓇᑦᓯᐊᕐᒥᒃ ᓄᓇᕗᒻᒥᓪᓗ, ᐊᖅᑯᓵᖅᐸᑦᓱᑎᒃ ᖃᓪᓗᓈᓄᑦ ᐃᐊᑦᒪᓐᑕᓐᒧᑦ ᐋᑐᕚᒧᓪᓗ. ᑲᓇᐃᑎᐊᓐ ᓄᐊᕐᖦᑯᑦ ᐊᑐᐃᓐᓇᐅᑎᑦᓯᔨᓪᓗᐊᑕᐅᒻᒥᔪᑦ ᖃᖓᑕᑎᑕᐅᓂᕐᒥᒃ ᐊᒥᓱᓄᑦ ᐱᔭᕆᐊᓕᓐᓄᑦ ᐊᑦᑕᓇᓐᖏᑦᑐᓂᒃ, ᑲᔪᓯᓂᖃᑦᓯᐊᖅᑐᓂᒃ ᐊᑭᑐᓗᐊᓐᖏᑦᑐᓂᒃ ᖃᖓᑕᔫᓂᒃ. ᖃᖓᑕᑎᑕᐅᒍᓐᓇᕐᒥᔪᑦ ᓄᐊᕐᖦ ᐊᒥᐅᕆᑲᒧᑦ ᐱᓐᖑᐊᖅᑎᒻᒪᕆᓐᓄᑦ, ᐅᒥᐊᕐᔪᐊᓄᑦ ᐳᓚᕋᑦᑎᓄᑦ ᐊᒥᓲᓈᖅᓯᒪᔪᓄᓪᓗ ᐃᓄᓐᓄᑦ. ᑲᓇᐃᑎᐊᓐ ᓄᐊᕐᖦ ᓇᒻᒥᓂᕆᔭᐅᖃᑕᐅᔪᖅ ᓄᐊᑎᐅᕋᒃᑯᓐᓄᑦ, ᓇᒻᒥᓂᕆᔭᐅᔪᖅ ᐃᓄᕕᐊᓗᐃᑦ ᐱᕙᓪᓕᐊᔪᓕᕆᔨᒃᑯᖏᓐᓄᑦ, ᑭᒡᒐᖅᑐᐃᑦᓱᑎᒃ ᐃᓄᕕᐊᓗᓐᓄᑦ ᐱᖓᓐᓇᖓᓂ ᐅᑭᐅᖅᑕᖅᑑᑉ. ᑐᑭᓯᒋᐊᒃᑲᓐᓂᕈᒪᒍᑦᓯ ᖃᓄᐃᓕᒐᔭᖅᑯᓯ ᐅᕗᖓ www.canadiannorth.com.

ᕘᔅᑦ ᐃᐊᒃᑯᑦ ᒥᑦᓵᓄᑦ
ᖃᖓᑕᔫᖃᖅᓱᑎᒃ 23-ᓂᒃ ᐱᖃᓯᐅᑎᑦᓱᑎᒃ ᒪᕐᕉᒃ ᓇᒻᒥᓂᕆᔭᐅᔫᒃ ᐊᐅᓚᑕᐅᑦᓱᑎᓪᓗ ᓯᑕᒪᓕᐊᓘᒃ ᕼᐆᑭᓖᔅ ᐅᓯᔾᔪᑏᒃ ᖃᖓᑕᔫᒃ ᑲᓇᑕᒥ, ᕘᔅᑦ ᐃᐊᒃᑯᑦ ᐅᑭᐅᖅᑕᖅᑐᒥᐅᓂᒃ ᑲᓲᒪᑎᑦᓯᓕᖅᑐᑦ ᐃᓄᓐᓂᒃ ᐅᖓᑖᓂ 65 ᐊᕐᕌᒍᐃᑦ. ᕘᔅᑦ ᐃᐊᒃᑯᑦ ᒪᓂᒪᑎᑦᓯᕙᑉᐳᑦ ᖃᖓᑕᔫᓂᒃ ᐃᓄᓐᓄᑦ, ᐅᓯᔭᑦᓴᓄᑦ ᐊᒻᒪᓗ ᖃᖓᑕᑎᑕᐅᒍᓐᓇᖅᓱᑎᒃ ᐅᐸᒋᐊᒃᑲᓐᓂᕋᑦᓴᐅᔪᓄᑦ ᐅᑭᐅᖅᑕᖅᑐᒥ ᐅᐸᒍᓐᓇᓐᖏᑦᑕᖏᓐᓄᑦ ᖃᖓᑕᔫᖑᖃᑎᖏᑦᑕ. ᕘᔅᑦ ᐃᐊᒃᑯᑦ ᓇᒻᒥᓂᕆᔭᐅᔪᑦ ᒪᑭᕕᒃ ᑯᐊᐳᕇᓴᒃᑯᓐᓄᑦ ᐃᖅᑲᓇᐃᔭᖅᑎᖃᖅᓱᑎᒃ 1000 ᒥᑦᓵᓃᑦᑐᓂᒃ, ᑖᒃᑯᓇᓐᖓᑦ 450 ᐃᖅᑲᓇᐃᔭᖅᓱᑎᒃ ᓄᓇᖃᖅᓱᑎᓪᓗ ᐅᑭᐅᖅᑕᖅᑐᒥ. ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕗᓐᖓᕆᑦ www.firstair.ca.

ᑐᑭᓯᒋᐊᕐᕕᑦᓴᖅ:
Sarah Bain
Hill + Knowlton Strategies
sarah.bain@hkstrategies.ca
613.298.3514