ᑭᒃᑰᒻᒪᖔᑦᑖ

ᐊᑐᖅᑕᐅᓯᒪᔪᖅ ᐊᒻᒪ ᓇᖕᒥᓂᖃᖅᑐᑦ

ᖃᓄᐃᓕᖓᓂᕆᓯᒪᔭᖓ ᐊᒻᒪᓗ ᓇᒻᒥᓂᖃᓐᓂᖅ
ᑲᓇᐃᑎᐊᓐ ᓄᐊᒃᑯᑦ ᓴᖅᑭᑕᐅᓚᐅᖅᓯᒪᔪᖅ ᑐᓐᖓᕕᖃᑦᑐᑎᒃ ᐊᑐᖅᑕᐅᓂᑯᓂᒃ ᐅᑯᐊ ᑲᓇᐃᑎᐊᓐ ᖃᖓᑕᓲᓕᕆᔨᒃᑯᖏᑦ, ᐸᓯᕕᒃ ᖃᖓᑕᓲᓕᕆᔨᒃᑯᖏᑦ, Transair ᐊᒻᒪᓗ ᓄᐊᑎᐊᒃᑯᑦ. ᐅᓯᑲᑦᑕᖃᑦᑕᖅᑐᑎᒃ ᐃᓄᓐᓂᒃ ᐊᒻᒪᓗ ᐅᓯᔭᒃᓴᓂᒃ ᐊᕐᕌᒍᓄᑦ 80 ᐅᖓᑖᓄᑦ, ᑲᓇᐃᑎᐊᓐ ᓄᐊᔅᑯᑦ ᖃᖓᑕᖃᑦᑕᖅᐳᑦ ᓄᓇᑦᑎᐊᕐᒧᑦ ᐊᒻᒪᓗ ᓄᓇᕗᑦᒧᑦ ᖃᓪᓗᓈᑦ ᓄᓇᖏᓐᓂ ᖃᖓᑦᑕᐸᑦᑐᑎᒃ ᐃᐊᑦᒪᑕᓐ ᐊᒻᒪᓗ ᐋᑐᕚᒥᒃ. ᑲᓇᐃᑎᐊᓐ ᓄᐊᔅᑯᑦ ᑎᒥᓐᖑᖅᑎᑕᐅᓚᐅᖅᓯᒪᔪᑦ 1998-ᒥ ᓂᐊᕕᐊᖑᒻᒪᑦ ᓄᐊᑎᐅᕋᒃᑯᓐᓂᑦ, ᓇᒻᒥᓂᖁᑎᒋᔭᐅᔪᖅ ᐃᓅᕕᐊᓗᐃᑦ ᑯᐊᐳᕇᓴᓐᑯᖏᓐᓂᑦ.

ᐅᑭᐅᑦᑕᖅᑐᒥ ᐱᓕᕆᓂᕆᔭᕗᑦ
ᑲᓇᐃᑎᐊᓐ ᓄᐊᔅᑯᑦ ᑐᓐᖓᕕᒋᓇᓱᐊᖅᑕᖓ ᖃᖓᑕᓲᖅᑎᓪᓗᐊᑕᐅᓗᑎᒃ ᐅᑭᐅᖅᑕᖅᑐᐊᓂ ᑲᓇᑕᐅᑉ. ᖃᖓᑕᖃᑦᑕᕐᓂᕆᔭᕗᑦ ᐱᔨᑦᑎᕐᓂᐅᖃᑦᑕᖅᐳᖅ ᐊᒻᒪᓗ ᐊᑲᐅᔪᒦᑎᑦᑎᓇᓱᒃᑐᑕ, ᐅᖃᓪᓚᖃᑎᖃᑉᐸᑦᑐᑕ ᐃᓄᓐᓂᒃ ᖃᓪᓗᓈᑎᑐᑦ ᐊᒻᒪᓗ ᐃᓄᒃᑎᑐᑦ; ᖃᖓᑕᖃᑦᑕᖅᑐᖁᑎᕗᑦ ᐊᖏᕐᕋᖅᓯᒪᑐᐃᓐᓇᖅᑐᑎᑐᑦ ᐱᖁᒐᑦᑎᒍ. ᐅᐱᒍᓱᖃᑦᑕᕆᕗᒍᑦ ᓄᓇᓕᓐᓂᑦ ᐱᓕᕆᓂᕆᔭᑦᑎᓐᓂᒃ ᐅᑭᐅᖅᑕᖅᑐᒥ, ᐃᖅᑲᓇᐃᔭᖅᕕᐅᑦᑎᐊᕈᓐᓇᕐᓗᓂ, ᓇᔪᖅᑕᐅᓗᓂ ᐊᒻᒪᓗ ᐱᕈᖅᐸᓪᓕᐊᓗᓂ. ᒫᓐᓇᐅᔪᖅ ᐃᖅᑲᓇᐃᔭᖅᑎᖃᑦᑐᒍᑦ ᐅᖓᑖᓂ 900 ᐊᒻᒪᓗ ᐅᖓᑖᓂ 300 ᐃᖅᑲᓇᐃᔭᖅᑐᑦ ᐅᑭᐅᖅᑕᖅᑐᒥ. 2013-ᖑᑎᓪᓗᒍ, ᑲᓇᐃᑎᐊᓐ ᓄᐊᔅᑯᑦ ᑮᓇᐅᔭᖃᑦᑎᑦᑎᔪᓐᓇᓚᐅᖅᑐᑦ ᐅᖓᑖᓄᑦ $2.3 ᓄᓇᓕᓐᓂ ᐱᓂᕆᖃᑎᒋᔭᐅᖃᑦᑕᖅᑐᓂᒃ.

ᓄᓇᓕᖕᒥᑦ ᐃᑲᔪᕐᓂᖅ

ᑲᓇᐃᑎᐊᓐ ᓄᐊᑦᑯᓐᓂᑦ, ᐅᒃᐱᕈᓱᒃᑐᒍᑦ ᑮᓇᐅᔭᖅᑐᕐᓂᕐᒥᒃ ᓄᓇᓕᑦᑎᓐᓂᒃ ᐱᔨᑦᓯᕋᖅᑕᖅᐸᑦᑎᓐᓂᒃ. ᐅᖄᓕᒫᒃᑲᓐᓂᕈᒪᒍᕕᑦ ᐅᑭᐅᖅᑕᖅᑐᕐᒥᑦ ᐊᒃᓱᕉᑎᑦᑎᓐᓂᒃ, ᐅᕝᕙᓘᓐᓃᑦ ᐆᒃᑐᕈᒪᒍᕕᑦ ᐃᑲᔪᖅᑐᖅᑕᐅᓂᕐᒥᒃ, ᓇᕿᓪᓗᒍ ᐅᓇ.

ᑲᓇᐃᑎᐊᓐ ᓄᐊᑦ ᓇᓗᓇᐃᒃᑯᑕᖓ

ᑲᓇᐃᑎᐊᓐ ᓄᐊᑦᑯᑦ ᓇᓗᓇᐃᒃᑯᑕᖓ ᐋᕐᕿᒃᓱᖅᑕᐅᓚᐅᖅᑐᖅ ᑕᑯᒃᓴᐅᖁᓪᓗᒍ ᓴᙱᓂᕐᒥᒃ, ᐱᒋᐊᕆᖕᓂᕐᒥᒃ, ᐱᐅᓂᕐᒥᒃ ᐊᒻᒪ ᐱᕕᒃᓴᖃᑦᓯᐊᕐᓂᖓ ᐅᑭᐅᖅᑕᖅᑑᑉ.

ᐱᖓᓱᑦ ᓇᓗᓇᐃᒃᑯᑕᑦ, ᑕᑯᒃᓴᐅᔪᑦ ᐅᑭᐅᖅᑕᖅᑐᕐᒥᑐᐊᑦᓯᐊᖅ, ᐊᑐᖅᑕᐅᔪᖅ ᐅᓂᒃᑲᐅᑎᖃᕆᐊᒥᒃ ᑎᖕᒥᓲᓕᕆᓂᑦᑎᓐᓂᒃ:

  • ᓇᓄᖅ

       ᑲᓇᐃᑎᐊᓐ ᓄᐊᑦᑎᑐᑦ, ᓇᓄᖅ ᑲᔪᓯᓂᖃᑦᓯᐊᖅᑐᖅ ᓄᓇᒥᑦ ᐱᕕᒃᓴᖃᕐᓇᖅᑐᕐᒥᒃ ᐊᒃᓱᕈᖅᖢᓂ ᐱᓕᕆᓪᓗᓂ, ᐃᓱᒪᓕᐅᑦᓯᐊᕐᓂᒃᑯᑦ, ᐊᒻᒪ ᐱᓕᕆᒋᐊᑲᐅᑎᒋᓂᒃᑯᑦ. ᓇᓄᖅᑎᑐᑦ, ᓴᐱᓕᖅᑕᐃᓕᒻᒪᕆᒃᐸᒃᑐᒍᑦ ᐊᙳᑎᓯᒪᑦᓯᐊᕆᐊᖅᖢᑕ ᐊᕙᑎᑦᑎᓐᓂᒃ ᓴᙱᓂᖃᖅᑐᒃᑯᑦ, ᑲᔪᓰᓐᓇᖅᑐᒃᑯᑦ, ᐃᓱᒪᒃᑯᑦ ᓴᙱᓂᖃᖅᑐᒃᑯᑦ ᐊᒻᒪ ᐃᓱᒪᒃᓴᖅᓯᐅᖅᓯᒪᑦᓯᐊᕐᓂᒃᑯᑦ ᐱᓕᓂᕐᒥᒃ.

  • ᐅᓐᓄᐊᖅᓯᐅᑦ ᓯᕿᓂᖅ ᐊᒻᒪ ᐊᖅᓴᕐᓃᑦ

ᐊᖅᓴᕐᓃᑦ ᐊᒻᒪ ᓯᕿᓂᖅ ᑕᑯᓐᓇᕈᑕᐅᔪᑦ ᐱᐅᓂᖓᓂᒃ, ᑐᑭᓯᔭᐅᒐᓂᒍᓐᓇᕐᓂᖓᓂᒃ ᐊᒻᒪ ᐊᓯᔾᔨᖅᐸᓪᓕᐊᖏᓐᓇᕐᓂᖓᓂᒃ ᐅᑭᐅᖅᑕᖅᑑᑉ. ᑖᒃᑯᐊ ᓇᓗᓇᐃᒃᑯᑕᐅᖕᒥᔪᑦ ᑲᓇᐃᑎᐊᓐ ᓄᐊᑦ ᐱᔪᒪᓂᕆᑦᓯᐊᖅᑕᖓᓂᒃ ᐊᓯᔾᔨᕐᓂᕐᒥᒃ ᐊᙳᒪᑎᓂᖅᓴᐅᔪᒪᓪᓗᑎᒃ ᑎᖕᒥᓲᒃᑰᖅᑎᑦᑕ ᐱᔭᕆᐊᖃᖅᑕᖏᓐᓂᒃ. ᒪᕐᕉᒃ ᓴᕿᔭᕐᓂᐅᔫᒃ ᐊᖅᓴᕐᓃᓂᒃ ᓇᓗᓇᐃᒃᑯᑕᐅᔪᒃ ᓄᓇᕗᒻᒥᐅᑕᕐᓂᒃ ᓄᓇᑦᓯᐊᕐᒥᐅᑕᕐᓂᒡᓗ ᓇᖕᒥᖃᖅᑎᒋᔭᕗᑦ, ᐊᒻᒪᓗ ᐱᔨᑦᓯᕋᖅᐸᖕᒥᔭᕗᑦ. ᐊᖅᓴᕐᓃᑎᑐᑦ ᐊᒻᒪ ᓯᕿᓂᖅᑎᑐᑦ, ᐅᑭᐅᖅᑕᖅᑑᑉ ᕿᓚᖓᓂᒃ ᐃᓕᑕᕐᓇᑦᓯᐊᖅᑐᒍᑦ.

ᐱᖃᑎᖃᖅᖢᓂ ᓄᑖᖅ ᐅᖃᐅᓯᑦᑎᓐᓂᒃ "ᐅᑭᐅᖅᑕᖅᑐᒻᒪᕆᒃ," ᓄᑖᖅ ᓇᓗᓇᐃᒃᑯᑕᕗᑦ ᐅᓂᒃᑳᑦᓯᐊᖅᑐᖅ ᑲᓇᐃᑎᐊᓐ ᓄᐊᑦ ᐊᔾᔨᐅᖏᑦᑐᒥᒃ ᑐᑭᓯᐊᓂᖓ ᓄᓇᒥᒃ ᐱᔨᑦᓯᕋᖅᐸᒃᑕᑦᑎᓐᓂᒃ ᐊᒻᒪᓗ ᐊᒃᓱᕉᑎᑦᑎᓐᓂᒃ ᐊᙳᑎᒐᓱᖕᓂᕐᒥᒃ ᐃᓄᖁᑎᖏᑦᑕ ᐃᖏᕐᕋᓂᕆᔭᕆᐊᖃᖅᑕᖏᓐᓂᒃ.