ᐅᓯᔭᐅᔪᒃᓴᑦ ᐅᓯᔭᐅᔾᔪᓯᖏᑦ

ᐅᓯᔾᔪᔾᔭᐅᔭᕆᐊᖃᕈᕕᑦ ᓇᒃᓴᕈᔾᔭᐅᔭᕆᐊᖃᕈᕕᓪᓘᓐᓃᑦ, ᑲᓇᐃᑎᐊᓐ ᓄᐊᑦᑯᑦ ᐅᓯᔭᐅᔪᓕᕆᔨᖏᑦ ᐅᓯᓂᐊᖅᐳᑦ ᕿᓚᒥ, ᐊᑦᑕᕐᓇᙱᑦᑐᒃᑯᑦ, ᐊᑭᖓᓗ ᐊᓯᖏᑦᑕ ᐊᑭᖃᖅᑎᒋᓗᓂ. ᖃᖓᑕᓲᖅᐳᑦ ᓄᑖᙳᖅᐸᓪᓕᐊᔪᓪᓗ ᑲᑎᑎᖦᖢᑎᒍᑦ ᐊᕕᒃᑐᖅᓯᒪᔪᓂ ᑲᓇᑕᐅᓪᓗ ᓯᓚᑖᓂ ᐱᓕᕆᖃᑎᕙᒃᑕᕗᑦ ᐱᔨᑦᑎᖃᑦᑕᕐᓂᖏᓐᓄᑦ, ᐋᖅᑭᒃᓱᖅᓯᒪᔪᒍᑦ ᑎᑭᐅᑎᔪᓐᓇᕐᓂᐊᕋᑦᑕ ᓄᓇᕐᔪᐊᓕᒫᕐᒥ ᐱᔨᑦᑎᖅᑕᐅᔭᕆᐊᖃᖅᑐᓂᒃ.

ᐅᓯᔭᐅᔪᒃᓴᑦ ᐊᐅᓪᒪᖅᑎᑕᐅᔪᓐᓇᓴᖅᑐᑦ ᐊᑭᓕᖅᑕᐅᕙᒌᕐᓗᑎᒃ ᐅᕝᕙᓘᓐᓃᑦ ᐊᑭᓕᖅᑕᐅᓗᑎᒃ ᑎᑭᐅᔾᔭᐅᔪᒧᑦ. ᑲᓇᐃᑎᐊᓐ ᓄᐊᑦ ᐅᓯᔭᐅᑎᑦᑎᓂᕐᒧᑦ ᐊᑭᓕᒃᓴᖃᕐᕕᒋᔭᖃᕈᓐᓇᐅᑎᖕᓄᐊᖅᑕᐅᑎᓪᓗᒍ, ᐊᑮᑦᑐᖅᑖᕈᓐᓇᐅᑎ ᐊᐅᒃᑕᔫᖅ ᐅᕝᕙᓘᓐᓃᑦ ᑮᓇᐅᔭᖅᑎᒍᑦ. ᖃᐅᔨᒋᐊᕐᕕᒋᓗᒍ ᑲᓇᐃᑎᐊᓐ ᓄᐊᑦᑯᑦ ᐅᓯᔭᐅᔪᓕᕆᔨᖏᑕ ᐊᐅᓚᑦᑎᔨᖓ ᐊᑭᓖᔪᓐᓇᕋᔭᕐᒪᖔᖅᐱᑦ ᑯᐊᐸᕇᓴᓄᑦ ᐊᑭᒋᔭᐅᕙᒃᑐᓂᒃ.

ᖁᕕᐊᓱᒃᑐᒍᑦ ᐅᓯᔾᔪᓯᖃᐅᕐᓂᑦᑎᓐᓄᑦ ᑎᑭᐅᑎᔪᓐᓇᖅᑐᒍᑦ ᐊᑐᓪᓗᐊᕆᐊᖃᖅᑕᕐᓂᒃ:

ᑲᓇᐃᑎᐊᓐ ᓄᐊᑦᑯᑦ ᑕᒪᐃᑎᒍᑦ ᐅᓯᓂᖏᑦ

ᐊᐅᓪᓚᖅᑎᑦᑎᖃᑦᑕᖅᑐᑦ ᐃᑲᕐᕋᑦ 48 ᐃᓗᐊᓂ, ᑕᒪᐃᑎᒍᑦ ᐅᓯᓂᖅ ᐱᐅᓛᖑᕗᖅ ᐊᐅᓪᓚᖅᑎᑦᑎᓂᕐᒧᑦ ᑐᐊᕕᕐᓇᓗᐊᙱᑦᑐᓂᒃ ᐅᓯᔭᒃᓴᓂᒃ ᑲᒪᒋᔭᐅᑦᑎᐊᕐᓗᓂ ᐊᑭᑐᓗᐊᙱᓪᓗᓂᓗ.

ᑲᓇᐃᑎᐊᓐ ᓄᐊᑦᑯᑦ ᐱᐅᓛᒥᒃ ᐱᔨᑦᑎᓪᓚᕆᖕᓂᖏᑦ

ᐱᐅᓛᒥᒃ ᐱᔨᑦᑎᓪᓚᖕᓂᒃᑰᕐᓂᖅ ᖃᓄᖅᑑᕐᓇᕐᓂᖅᓴᐅᔪᖅ, ᓂᕈᐊᕐᓇᖅᖢᓂ ᓇᓕᖓᖕᓂᒃ ᖃᖓᑕᓲᓂᒃ ᐱᐅᓛᖑᖕᒪᖔᑦ ᖃᖓᒃᑰᕐᕕᒋᔭᕆᐊᖃᖅᑕᕐᓄᑦ, ᐊᒻᒪ ᑲᒪᒋᔭᐅᓂᖓᓄᑦ ᐅᓯᔭᐅᔪᒃᓴᖅ ᐊᒃᓱᓪᓘᓐᓃᑦ 60 ᒥᓂᑦ ᖃᖓᑕᓲᑉ ᐊᐅᓪᓚᕐᕕᒃᓴᖓᑕ ᑐᖔᓂ.

ᐊᑭᑐᔪᑦ ᐅᓯᔭᐅᔪᒃᓴᑦ, ᐊᖏᔪᒻᒪᕇᑦ ᐅᖁᒪᐃᑦᑐᓪᓘᓐᓃᑦ ᐊᒻᒪ ᐊᑦᑕᕐᓇᕈᓐᓇᖅᑐᑦ ᑲᒪᒋᔭᐅᔭᕆᐊᓖᑦ ᐊᒃᓱᓪᓘᓐᓃᑦ ᐃᑲᕐᕋᑦ ᐱᖓᓱᑦ ᖃᖓᑕᓲᑉ ᐊᐅᓪᓚᕐᕕᒃᓴᖓᑕ ᑐᖔᓂ. ᐃᓂᒃᓴᓕᐅᓕᕈᕕᑦ ᐅᓯᔭᐅᔪᒃᓴᒧᑦ, ᓂᕈᐊᕈᓐᓇᖅᑐᑎᑦ ᓇᖕᒥᓂᖅ ᐊᐃᒃᖠᕆᐊᒃᓴᖅ ᑎᑭᑉᐸᑦ, ᐅᕝᕙᓘᓐᓃᑦ ᓇᒧᑐᐃᓐᓇᖅ ᑲᓇᒥ ᓇᒃᓴᖅᑕᐅᑎᑦᑕᕆᐊᒃᓴᖅ ᐊᑭᖓ ᐊᓯᑦᑎᓐᓂᒃ ᐊᓯᔾᔨᖃᐸᓗᒡᓗᓂ.

ᑲᓇᐃᑎᐊᓐ ᓄᐊᑦᑯᑦ ᐸᐃᑉᐹᓕᕆᓂᕐᒧᑦ ᐱᔨᑦᑎᕐᓂᖏᑦ

ᐊᐃᒃᖠᕈᓐᓇᖅᑐᑦ ᐊᒡᔭᕈᓐᓇᖅᖢᑎᒡᓗ ᓇᒡᒐᔾᔭᒥᑦ ᑕᓪᓕᒻᒥᕐᒧᑦ ᐃᖅᑲᓇᐃᔭᕐᕕᐅᕙᒃᑐᑦ ᐃᑲᕐᕋᖏᓐᓂ. ᐊᒡᔭᕈᓐᓇᖅᑕᐃᑦ ᐊᐅᓪᓚᖅᑎᓐᓂᐊᖅᑕᐃᑦ ᑲᓇᐃᑎᐊᓐ ᓄᐊᑦ ᐅᓯᔭᐅᔪᓕᕆᔨᒃᑯᖏᓐᓄᑦ ᐃᓗᖕᓄᑦ ᓈᒻᒪᒃᓯᒃᐸᑦ, ᐅᕝᕙᓘᓐᓃᑦ ᐊᐃᒃᖠᖅᑕᐅᖁᓗᒍ ᐅᖄᓚᒡᕕᒋᓗᑎᒍᑦ. ᑲᒪᒋᔭᐅᓂᖏᓐᓄᑦ ᐊᑐᐊᒐᕐᓄᑦ, ᑲᓇᐃᑎᐊᓐ ᓄᐊᑦᑯᓐᓂ ᐊᖏᕈᓐᓇᙱᑦᑐᒋᑦ ᐃᓚᖏᓐᓂᒃ ᐸᐃᑉᐹᑎᑐᑦ, ᑭᓯᐊᓂ ᑐᓴᖅᑎᑦᑎᔪᓐᓇᖅᑐᒍᑦ ᖃᓄᖅ ᐊᓯᐊᒍᑦ ᐊᓯᐊᒎᖅᑎᑦᑎᔪᓐᓇᖅᖢᑕᓗ ᑕᒪᒃᑯᓂᖓ ᐅᓯᔭᐅᔪᒃᓴᓂᒃ.

ᑲᒪᒋᔭᐅᑦᑎᐊᕆᐊᖃᖅᑐᑦ ᐅᓯᔭᐅᔪᒃᓴᑦ

ᑐᑭᓯᐊᔪᒍᑦ ᐱᒻᒪᕆᐅᑎᒋᓂᖓᓂᒃ ᐅᓯᔭᐅᔪᒃᓴᑎᑦ ᐅᓯᔭᐅᑦᑎᐊᖅᑕᐅᓂᖏᓐᓂᒃ ᐊᑦᑕᕐᓇᙱᑦᑐᒃᑯᑦ ᑭᖑᓪᓕᕐᒥ ᓇᒧᙵᖅᑕᐅᓂᐊᕐᓂᖏᓐᓄᑦ, ᓇᒃᓯᐅᔾᔨᒍᕕᑦ ᐊᑭᑐᔪᓂᒃ, ᓂᕿᓂᒃ ᓱᕈᕈᓐᓇᖅᑐᓂᒃ, ᐅᕝᕙᓘᓐᓂᑦ ᐃᓚᔮᕆᒃᓯᒍᑦ ᐆᒪᔪᖁᑎᖓᓂᒃ. ᑲᒪᒋᔭᐅᑦᑎᐊᕆᐊᖃᖅᑐᑦ ᐅᓯᔭᐅᔪᒃᓴᑦ ᑲᒪᒋᔭᐅᑦᑎᐊᕆᐊᖃᖅᐳᑦ!

ᐅᓯᔭᐅᔪᓕᕆᔨᕗᑦ ᐊᑐᐃᓐᓇᐅᔪᑦ ᑭᐅᔪᓐᓇᖅᖢᑎᒃ ᐊᐱᖅᑯᑎᖕᓂᒃ ᓇᓪᓕᐊᒃ ᐱᐅᓛᖑᓇᔭᕐᒪᖔᑦ ᐅᓯᔭᐅᓂᖏᓐᓄᑦ ᐊᔾᔨᒌᙱᑦᑑᑎᑦ ᑲᒪᒋᔭᐅᑦᑎᐊᕆᐊᖃᖅᑐᑦ ᐅᓯᔭᐅᔪᒃᓴᑦ. ᑐᙵᕕᒋᓪᓗᒍ ᖃᓄᐃᑦᑑᓂᖓᓂᒃ ᐅᓯᔭᐅᔪᒃᓴᖅ ᒪᓕᒋᐊᖃᑐᐃᓐᓇᕆᐊᖃᖅᑐᑎᑦ ᒪᓕᒃᑕᐅᔭᕆᐊᓕᖕᓂᒃ ᐊᑐᐊᒐᕐᓂᒡᓗ.

ᓇᕿᓪᓗᒋᑦ ᐅᓇᓂ ᑲᓱᕐᕖᑦ ᖃᐅᔨᒋᐊᒃᑲᓐᓂᕈᒪᒍᕕᑦ ᑲᒪᒋᔭᐅᑦᑎᐊᕆᐊᖃᖅᑐᑦ ᐅᓯᔭᐅᔪᒃᓴᑦ ᒥᒃᓵᓄᑦ:

*ᐆᒪᔪᖁᑏᑦ ᐅᓯᔭᐅᑎᑦᑕᕌᖓᕕᐅᒃ ᐅᓯᔭᐅᔪᓕᕆᔨᒃᑯᑦ, ᐆᒃᑐᕐᓗᒍ ᐆᒪᔪᒃᑯᕖᑦ ᐅᖄᓚᒡᕕᒋᓗᒍᓗ ᓄᓇᓕᒡᓂ ᐅᓯᔭᐅᔪᓕᕆᔩᑦ ᖃᐅᔨᒋᐊᕐᓗᑎᑦ ᖃᔅᓯᑐᕋᔭᕐᒪᖔᑦ ᐆᒪᔪᖁᑏᑦ ᐅᓯᔭᐅᒃᐸᑦ.

ᖃᐅᔨᒋᐊᒃᑲᓐᓂᕈᒪᒍᕕᑦ ᑲᒪᒋᔭᐅᑦᑎᐊᕆᐊᖃᖅᑐᑦ ᐅᓯᔭᐅᔪᒃᓴᑦ ᒥᒃᓵᓄᑦ ᖃᐅᔨᒋᐊᕐᕕᒋᓗᒍ ᓄᓇᓕᖕᓂ ᑲᓇᐃᑎᐊᓐ ᓄᐊᑦᑯᑦ ᐅᓯᔪᓕᕆᔨᖏᑦᑕ ᐊᒡᓚᒡᕕᖓ.