ᐅᓯᔭᐅᔪᓄᑦ ᓇᓪᓕᐅᒃᑯᒫᖅᑖᕋᓱᐊᕐᓃᑦ

ᑲᓇᐃᑎᐊᓐ ᓄᐊᑦᑯᑦ ᐅᓯᔭᐅᑎᑦᑎᔭᕐᓂᒃ ᑭᖑᕙᙱᓪᓗᑎᒃ ᐊᑦᑕᕐᓇᙱᑦᑐᒃᑯᑦ ᐅᓯᓂᐊᖅᑐᑦ. ᑲᒪᒋᔭᐅᕐᓗᒃᐸᑕ ᐅᓯᔭᐅᑎᑕᑎᑦ ᐅᓯᔭᐅᔪᓄᑦ ᓇᓪᓕᐅᒃᑯᒫᖅᑖᕈᓱᒋᐊᖃᖅᑐᑎᑦ. ᐃᖅᑲᐅᒪᓂᐊᖅᐳᑎᑦ ᕿᓚᒻᒥᐅᓂᖅᓴᖅ ᖃᐅᔨᒃᑲᐅᔾᔪᑏᑦ ᑐᓂᔭᐅᒃᐸᑕ ᓇᓪᓕᐅᒃᑯᒫᖅᑖᕋᓱᐊᕐᓂᕐᒧᑦ, ᕿᓚᒻᒥᐅᓂᖅᓴᖅ ᐋᖅᑭᒍᓐᓇᕐᓂᐊᖅᑕᕗᑦ.

ᐅᖃᓕᒫᕐᓂᐊᖅᐸᑎᑦ ᐊᑐᖅᑕᐅᔪᒃᓴᑦ ᐅᓯᔭᐅᔪᓄᑦ ᓇᓪᓕᐅᒃᑯᒫᖅᑖᕋᓱᐊᕐᓂᕐᒧᑦ ᑕᑕᑎᕆᓗᒍᓗ ᐅᓇᓃᑦᑐᖅ ᐅᓯᔭᐅᔪᓄᑦ ᓇᓪᓕᐅᒃᑯᒫᖅᑖᕋᓱᐊᕐᓂᕐᒧᑦ ᑕᑕᑎᕆᔾᔪᑎ.

ᖃᐅᔨᒪᓂᐊᖅᐳᑎᑦ ᓇᓕᐊᑐᐃᓐᓇᖅ ᓇᓪᓕᐅᒃᑯᒫᖅᑖᕋᓱᐊᕐᓂᖅ ᐃᓱᒪᒃᓴᖅᓯᐅᕈᑕᐅᔪᓐᓇᓚᐅᖅᑎᓐᓇᒍ, ᑕᒪᕐᒥᒃ ᐅᓯᔭᐅᓂᕐᒧᑦ ᐊᑭᓕᒃᑕᐅᔭᕆᐊᖃᓚᐅᖅᑐᑦ ᐊᑭᓕᖅᑕᐅᓯᒪᔭᕆᐊᖃᖅᑳᖅᑐᑦ.

ᓇᓪᓕᐅᒃᑯᒫᖅᑖᕋᓱᐊᕐᓂᕐᒧᑦ ᐊᑐᖅᑕᐅᔪᒃᓴᑦ

ᐅᑯᐊ ᐊᑐᖅᑕᐅᔭᕆᐊᖃᖅᑐᑦ ᕿᓚᒻᒥᐅᔪᓐᓇᕐᓂᕆᖅᐹᒃᑯᑦ ᑲᒪᒋᔪᓐᓇᕐᓂᐊᕋᑦᑎᒍᑦ ᓇᓪᓕᐅᒃᑯᒫᖅᑖᕋᓱᐊᕐᓃᑦ.

ᑐᓴᖅᑎᑦᑕᕆᐊᖃᖅᑕᑎᑦ ᑲᓇᐃᑎᐊᓐ ᓄᐊᑦᑯᑦ ᓇᓪᓕᐅᒃᑯᒫᖅᑖᕋᓱᐊᓛᕐᓂᕐᓂᒃ ᐅᑯᐊ ᐅᓪᓗᐃᑦ ᒪᓕᒡᓗᒋᑦ ᐱᓚᐅᕐᓂᕐᓂᑦ ᐱᖁᑎᖕᓂᑦ:

  • ᖁᓕᓪᓗ ᑕᓪᓕᒪᑦ (15) ᐅᓪᓗᐃᑦ ᑲᓇᑕᐅᑉ ᐃᓗᐊᓂ ᐅᓯᔭᐅᓚᐅᖅᑐᓄᑦ
  • ᖁᓕᓪᓗ ᑎᓴᒪᑦ (14) ᐅᓪᓗᐃᑦ ᑲᓇᑕᐅᑉ ᓯᓚᑖᓄᑦ ᐅᓯᔭᐅᓚᐅᖅᑐᓄᑦ

ᑐᓴᖅᑎᑦᑎᐊᓂᒃᑯᕕᑦ ᓇᓪᓕᐅᒃᑯᒫᖅᑖᕋᓱᐊᓛᕐᓂᕐᓂᒃ ᐃᓕᓴᕆᔭᐅᓱᒪᔪᒃᑯᑦ ᓇᓪᓕᐅᒃᑯᒫᖅᑖᕋᓱᒋᐊᖃᖅᑐᑎᑦ ᐅᑯᐊ ᐅᓪᓗᐃᑦ ᒪᓕᒡᓗᒋᑦ ᐱᓚᐅᕐᓂᕐᓂᑦ ᐱᖁᑎᖕᓂᑦ:

  • ᐅᐊᓐ ᕼᐊᓐᓇᓚᑦ ᐊᕙᑎᓪᓗ (120) ᐅᓪᓗᐃᑦ ᑲᓇᑕᐅᑉ ᐃᓗᐊᓂ ᐅᓯᔭᐅᓚᐅᖅᑐᓄᑦ
  • ᒪᕐᕉᒃ (2) ᐊᕐᕌᒎᒃ ᑲᓇᑕᐅᑉ ᓯᓚᑖᓄᑦ ᐅᓯᔭᐅᓚᐅᖅᑐᓄᑦ

ᓇᓪᓕᐅᒃᑯᒫᖅᑖᕋᓱᐊᕐᓂᕐᒧᑦ ᐅᑯᐊ ᖃᐅᔨᒃᑲᐃᔾᔪᑎᑦ ᐃᓚᐅᓪᓗᐊᖅᑐᑦ:

  • ᑕᑕᑎᕆᔭᐊᓯᒫᓂᒃᑐᖅ ᐊᑎᓕᐅᖅᑕᐅᓯᒪᔪᕐᓗ ᐅᓯᔭᐅᓂᕐᒧᑦ ᓇᓪᓕᐅᒃᑯᒫᖅᑖᕋᓱᐊᕐᓂᕐᒧᑦ ᑕᑕᑎᕈᑎ
  • ᓇᓪᓕᐅᒃᑯᒫᖅᑖᕋᓱᐊᕐᓂᕐᒧᑦ ᖃᔅᓯᑐᕐᓂᖓ ᐊᒻᒪ ᓇᐃᓴᐅᓯᕆᓂᕐᒧᑦ ᐊᑐᖅᑕᐅᔪᖅ
  • ᓂᐅᕕᖅᑕᐅᓂᖓᓄᑦ ᓇᓗᓇᐃᒃᑯᑕᖅ ᐊᒻᒪᓗ/ᐅᕝᕙᓘᓐᓃᑦ ᓱᕋᒃᑐᖃᕐᓂᖅᐸᑦ ᐋᖅᑭᒃᑕᐅᓂᖓᓄᑦ ᓇᓗᓇᐃᒃᑯᑕᖅ
  • T5 ᓇᓕᖅᑲᖓ ᑕᑕᑎᕆᔭᐅᓯᒪᓗᓂ ᖃᖓᑕᔪᓕᕆᔨᒧᑦ ᓱᕋᒃᓯᒪᓂᖓ ᓇᓗᓇᐃᖅᑕᐅᓯᒪᓗᓂ
  • B3ᑉ ᓇᓕᖅᑲᖓᓂᒃ ᐱᓇᓱᒃᑯᕕᑦ ᑲᓇᑕᐅᑉ ᓯᓚᑖᓅᕐᓂᕐᒧᑦ ᐊᑭᓖᔭᕆᐊᖃᙱᓐᓂᕐᒧᑦ ᑖᒃᓰᔭᐃᔭᖅᑕᐅᓚᐅᖅᑐᓂᒡᓗ

ᐅᓯᔭᐅᓂᕐᒧᑦ ᓇᓪᓕᐅᒃᑯᒫᖅᑖᕋᓱᐊᕐᓂᕐᒧᑦ ᒪᓕᒐᒃᓴᖅ - ᑖᒃᑯᐊ ᒪᓕᒐᒃᓴᐃᑦ ᖃᐅᔨᓐᓇᖅᑐᑦ ᖃᓄᖅ ᑕᑕᑎᕆᔪᓐᓇᕐᒪᖔᖅᐱᑦ ᓇᓪᓕᐅᒃᑯᒫᖅᑖᕋᓱᐊᕐᓂᕐᒧᑦ ᑕᑕᑎᕈᑎᒥᒃ.

ᐅᓯᔭᐅᓂᕐᒧᑦ ᓇᓪᓕᐅᒃᑯᒫᖅᑖᕋᓱᐊᕐᓂᕐᒧᑦ ᑕᑕᑎᕈᑎ - ᑖᓐᓇ ᐸᐃᑉᐹᕐᒧᐊᖅᑕᐅᔪᓐᓇᖅᑐᖅ ᑕᑕᑎᕈᑎ ᑕᑕᑎᕆᔭᐅᔭᕆᐊᓕᒃ ᓇᒃᓯᐅᑎᔭᐅᓗᓂᓗ ᑎᑎᖅᑲᒃᑯᕕᒃᑯᑦ ᓱᒃᑲᔪᒃᑯᓪᓘᓐᓃᑦ ᑲᓇᐃᑎᐊᓐ ᓄᐊᑦᑯᓐᓄᑦ. ᑕᑯᓗᒍ ᑐᕌᕈᑎ ᐊᒻᒪᓗ/ᐅᕝᕙᓘᓐᓃᑦ ᓱᒃᑯᔪᒃᑯᑦ ᐅᖄᓚᐅᑦ ᑖᔅᓱᒪ ᒪᒃᐱᒐᐅᑉ ᐊᑖᓂ.

ᓇᓪᓕᐅᒃᑯᒫᖅᑖᕋᓱᐊᕐᓃᑦ ᓇᒃᓯᐅᔾᔭᐅᔭᕆᐊᓖᑦ ᑎᑎᖅᑲᒃᑯᕕᒃᑯᑦ ᓱᒃᑲᔪᒃᑲᓪᓘᓐᓃᑦ:

Cargo Claims
Canadian North
5201 50th Ave
Yellowknife NT, X1A 3S9
Fax: 867 669 4040