ᐱᕗᑦ 2013 - 2014

ᑕᐃᒪᙵᑦ 2005-ᒥᑦ, Canadian North ᐊᑐᐃᓐᓇᐅᑎᑦᓯᓯᒪᔪᖅ ᐱᕗᑦ ᐊᑭᒥᒃ ᐃᓚᓕᐅᕈᑎᓕᖕᓄᑦ ᓄᓇᕗᑦ ᓄᓇᑖᕐᓂᕐᒥᒃ ᐊᖏᖃᑎᒌᒍᑎᒥᒃ ᐊᒻᒪ ᐃᓄᕕᐊᓗᐃᑦ ᑭᖑᓪᓕᖅ ᐊᖏᖃᑎᒌᒍᑎᒥᒃ. ᓇᖕᒥᓂᖃᖅᑐᖁᑎᕗᓪᓗ, ᓄᓇᓯ ᑯᐊᐳᕇᓴᒃᑯᓪᓗ ᐊᒻᒪ ᐃᓄᕕᐊᓗᐃᑦ ᐱᕙᓪᓕᐊᓂᕐᒧᑦ ᑯᐊᐳᕇᓴᒃᑯᓪᓗ, ᖁᕕᐊᓱᒃᑐᒍᑦ ᐊᑐᐃᓐᓇᐅᑎᑦᓯᑲᓐᓂᕐᓂᕐᒥᒃ ᑖᑉᓱᒥᖓᑦ ᐊᑭᑭᒡᓕᕆᐊᖅᓯᒪᔪᒥᒃ ᐊᑭᒥᒃ ᐃᓚᓕᐅᕈᑎᖃᖅᑐᖁᑎᑦᑎᓐᓄᑦ.

ᐃᓄᖕᓂ ᓇᖕᒥᓂᖃᖃᑕᐅᔪᓂᒃ ᓄᓇᕗᒻᒥ ᐊᒻᒪ ᐊᐃᑉᐸᖏᑦ ᐊᑐᕈᓐᓇᖅᐳᑦ ᑭᓪᓕᖃᓐᖏᑦᑕᓂᒃ ᐊᐅᓪᓚᕈᑎᓂᒃ ᑲᓇᐃᑎᐊᓐ ᓄᐊᑦᑯᑎᒍᑦ ᑮᓇᐅᔭᐃᓐᖏᓂᖅᓴᐅᑎᒋᓗᑎᒃ 65%-ᒥᒃ*.

ᑕᒪᓐᓇ ᑐᑭᓕᒃ 30,000 ᐅᖓᑖᓂ ᓄᓇᕗᒻᒥᐅᑦ ᐃᓄᐃᑦ ᐊᒻᒪ ᐃᓄᕕᐊᓗᐃᑦ ᐊᑐᐃᓐᓇᖃᓛᖅᑐᑦ ᐊᔾᔨᐅᖏᑦᑐᖅ ᐊᐅᓚᔭᒃᓴᖁᑎᑦᑎᓐᓂᒃ ᖁᕕᐊᓲᑎᖃᒻᒪᕆᒃᑐᕐᒥᒃ ᓇᖕᒥᓂᖃᕐᓂᑦᑎᓐᓂᒃ.

ᖁᔭᓐᓇᒦᒃ ᐃᑲᔪᖅᑐᐃᖏᓐᓇᕋᕕᑦ ᐱᕗᒻᒥᑦ. ᓂᕆᐅᒃᐳᒍᑦ ᐃᓕᖕᓂᒃ ᑐᙵᓱᒃᑎᑦᓯᒋᐊᒥᑦ ᑎᖕᒥᓲᕐᒥᑦ!

ᖃᓄᖅ ᐃᓂᓕᐅᕐᓂᖅ:

1. ᑐᒃᓯᕋᕐᓗᒋᑦ ᐃᖏᕐᕋᓂᕆᔪᒪᔭᕐᓄᑦ ᐅᓪᓗᐃᑦ ᐅᖄᓚᓗᑎᑦ.

  • ᐅᖃᕐᓗᑎᑦ ᐃᓚᓕᐅᕈᑎᖃᕋᕕᑦ ᐃᓂᓕᐅᕋᕕᓪᓗ ᐊᑐᕐᓗᑎᑦ ᐱᕗᑦ ᐊᑭᒥᒃ.
  • ᑭᒡᒐᖅᑐᖅᑎᕗᑦ ᓇᓗᓇᐃᕐᓂᐊᖅᑐᖅ ᐃᓚᓕᐅᕈᑎᖃᕐᓂᕆᔭᕐᓂᒃ.
ᕿᑭᖅᑖᓗᖕᒥᑦ ᑭᕙᓪᓕᕐᒥᓪᓗ:
 1-888-979-8240
ᐃᓄᒃᑎᑐᑦ ᐱᔨᑦᓯᕋᖅᑎᖃᕐᒥᔪᖅ.
ᐃᖃᓗᖕᓂᑦ:
(867) 979-0093.
ᕿᑎᕐᒥᐅᓂ ᐊᒻᒪ ᓄᓇᑦᓯᐊᕐᒥᑦ:
1-877-96-PIVUT (967-4888).

2. ᓄᓇᓕᒋᔭᕐᓂᑦ ᒥᒃᑕᕐᕕᕐᒧᐊᕐᓗᑎᑦ ᑕᑕᑎᕐᓗᒍ ᐱᕗᑦ ᑎᖕᒥᓲᒃᑰᕈᑎᑖᕐᓂᕐᒧᑦ ᑐᒃᓯᕋᐅᑦ.

  • ᒥᒃᑕᕐᕕᒃ ᐱᓕᕆᖃᑎᖃᕐᓂᐊᖅᑐᖅ ᐃᓂᓕᐅᕐᕕᑦᑎᓐᓂᒃ ᖃᐅᔨᒋᐊᕐᓗᑎᒃ ᐃᓂᖃᑦᓯᐊᕐᓂᕐᒥᒃ ᐊᑭᖓᓂᒡᓗ.
  • ᐃᓂᑕᖃᑦᓯᐊᕐᓂᖓ ᓇᓗᓇᐃᖅᑕᐅᓯᒪᓕᕈᓂ, ᒥᒃᑕᕐᕕᖕᒥᑦ ᐊᑭᓕᕈᖕᓇᖅᑐᖅ.
  • ᐃᓂᓕᐅᕐᕕᒃᐳᑦ ᐋᕐᕿᒃᓱᐃᓕᕐᓗᓂ ᑎᖕᒥᓲᒃᑰᕈᑎᖕᓂᒃ ᓂᐅᕕᕐᓂᑯᒥᒡᓗ, ᐃᓕᖕᓄᑦ ᐊᐅᓪᓚᐃᔭᐅᓕᕐᓗᑎᒃ.

3. ᖃᕆᑕᐅᔭᒃᑯᑦ ᐱᔪᖕᓇᖅᑐᑦ ᑕᑕᑎᕐᓗᒍᓗ ᐱᕗᑦ ᑐᒃᓯᕋᕐᓂᕐᒧᑦ ᑕᑕᑎᕈᑎ ᐅᕙᓂ.

  • ᐊᒻᒪ, ᑐᓄᓗᒍᓘᓐᓃᑦ ᑕᑕᑎᖅᓯᒪᔪᖅ ᑐᒃᓯᕋᐅᑦ ᒥᒃᑕᕐᕕᖕᒧᑦ ᓄᓇᓕᒋᔭᕐᓂᑦ ᐋᕐᕿᒃᓱᖅᑕᐅᓗᓂ, ᐊᐅᓪᓚᐃᓗᒍᓘᓐᓃᑦ ᓱᑲᑦᑐᒃᑯᑦ ᐅᕙᑦᑎᓐᓄᑦ, ᐅᕝᕙᓘᓐᓃᑦ ᐊᔾᔨᓕᐅᕐᓗᒍ ᖃᕆᑕᐅᔭᒃᑯᑦ ᐊᐅᓪᓚᐃᓗᒍ ᐅᕙᑦᑎᓐᓄᑦ ᐅᕗᖓ:
ᓱᑲᑦᑐᒃᑯᑦ: (867) 979-3214)
ᖃᕆᑕᐅᔭᒃᑯᑦ: pivut@canadiannorth.com

ᖃᐅᔨᒪᔭᕆᐊᖃᖅᑕᑎᑦ

  • ᐃᖏᕐᕋᔪᖕᓇᖅᑐᑦ ᐊᑯᓐᓂᖓᓂ ᔫᓂ 1, 2011 ᐊᒻᒪ ᒪᐃ 31, 2012.
  • ᐃᓂᓕᐅᕐᓂᖃᕆᐊᖃᖅᑐᖅ ᐅᓪᓗᑦ 3 ᓯᕗᓂᐊᒍᑦ.
  • ᖃᐅᔨᒪᒋᑦ ᐃᓂᓕᐅᕆᐊᑲᖕᓂᖅᓴᐅᒍᕕᑦ, ᐱᔪᖕᓇᕐᓂᖅᓴᐅᓛᖅᑕᑎᑦ ᐅᓪᓗᐃᑦ ᐃᖏᕐᕋᕕᒋᔪᒪᔭᑎᑦ, ᐃᒃᓯᕙᐅᑕᑦ ᐊᑐᐃᓐᓇᖏᓐᓇᖃᑦᑕᖏᒻᒪᑕ ᐅᓪᓗᕐᓂᑦ ᐱᔪᒪᓂᖅᓴᐅᔭᕐᓂᑦ.
  • ᐃᓂᓕᐅᒐᓂᒃᑯᕕᑦ, ᑐᓂᔭᐅᓛᖅᑐᑎᑦ ᑎᖕᒥᓲᒃᑰᕈᑎᓕᐊᕐᓂᒃ ᓇᓂᓯᔾᔪᑎᒥᒃ. ᑕᒡᕘᖓ ᓇᓂᓯᔪᖕᓇᖅᑐᒍᑦ ᐃᓂᓕᐅᕐᓂᕆᓯᒪᔭᕐᓂᒃ ᑎᖕᒥᓲᒃᑰᕈᑎᓕᕆᔾᔪᑎᑦᑎᓐᓂᒃ, ᐊᒻᒪ ᐃᖏᕐᕋᔪᖕᓇᕈᑎᒋᓂᐊᖅᑕᑦ. ᑖᓐᓇ ᓇᓗᓇᐃᒃᑯᑕᖅ ᓇᒃᓴᕐᓂᐊᖅᐸᑦ ᑎᖕᒥᓲᒃᑰᕐᓂᕆᔭᓕᒫᕐᓄᑦ.
  • ᐃᖏᕐᕋᒋᐊᖃᓛᕐᒥᔪᑎᑦ ᒐᕙᒪᒃᑯᓐᓄᑦ ᐋᕐᕿᒃᓱᖅᑕᐅᓯᒪᔪᒥᒃ ᐊᔾᔨᖃᖅᑐᕐᒥᒃ ᑭᓇᐅᓂᕐᓂᒃ ᓇᓗᓇᐃᒃᑯᑕᕐᒥᒃ. ᐊᐱᕐᖁᑎᒃᓴᖃᕈᕕᑦ ᑭᓇᐅᓂᕐᓂᒃ ᓇᓗᓇᐃᒃᑯᑕᐅᑉ ᒥᒃᓵᓄᑦ, ᖃᕆᑕᐅᔭᖃᕐᕕᑦᑎᓐᓄᐊᕆᑦ ᓇᓗᓇᐃᖅᑕᐅᓂᐊᕐᒪᑦ - www.canadiannorth.com.
  • ᐱᕗᑦ ᐊᑐᐃᓐᓇᐅᑎᑕᓂᖓ ᑭᐳᒃᑕᐅᔪᖕᓇᖏᑦᑐᖅ ᑮᓇᐅᔭᙳᖅᑎᓪᓗᒍ. ᓅᑕᐅᔪᖕᓇᖏᒻᒥᔪᖅ ᐊᓯᖕᓄᑦ, ᐊᑐᖅᑕᐅᑲᓐᓄᕈᖕᓇᖏᖢᓂᓗ ᐅᕝᕙᓘᓐᓃᑦ ᐅᑎᖅᑎᑕᐅᔪᖕᓇᖏᑦᑐᖅ.
  • ᐊᐃᑉᐸᕆᔭᐅᔪᑦ ᐱᕗᒻᒥ ᐊᑐᕈᓐᓇᖅᑐᐃᑦ Canadian Northᑯᑎᒍᑦ ᐅᕝᕙᓪᓘᓐᓂ Calm Airᒥᑦ ᑭᓯᐊᓂ ᖃᖓᑕᖃᑎᒋᔭᕆᐊᖃᕐᑕᖏᑦ
  • ᐊᑐᐃᓐᓇᐅᑎᑦᓯᓂᖅ ᐃᓚᒋᔭᐅᒍᓐᓇᙱᑦᑐᖅ ᑎᖕᒥᓲᒃᑰᕈᑎᓂᒃ ᐊᑭᑭᒡᓕᒋᐊᖅᓯᒪᔪᓂᒃ ᐊᒻᒪ ᐊᓯᖏᓐᓄᑦ ᐊᑭᑭᒡᓕᒋᐊᕐᓂᐅᔪᓂᒃ.
  • ᓄᕐᖃᖓᓚᐅᑲᐃᓐᓇᕈᓐᓇᖏᑦᑐᑦ - ᐃᖏᕐᕋᔭᕆᐊᖃᖅᑐᑦ ᓯᕗᓪᓕᕐᒥᒃ ᓄᓇᓕᖕᒥᑦ ᐃᑭᕝᕕᒋᔭᕐᓂᑦ ᑭᖑᓪᓕᕐᒧᑦ ᐃᖏᕐᕋᕕᒋᓇᓱᒃᑕᕐᓄᑦ.
  • ᐊᓯᔾᔨᖅᑎᕆᔪᖕᓇᖅᑐᑦ ᑭᓯᐊᓂ ᒪᓕᒃᑐᑦ ᐊᑐᐃᓐᓇᖃᕐᓂᖓᓂᒃ ᑐᒃᓯᕋᕐᓂᖃᖅᑎᓪᓗᓂ.
  • ᐃᖏᕐᕋᒋᐊᓚᐅᙱᓂᕐᒥᒃ ᓄᕐᖃᖅᑎᑦᓯᖏᒃᑯᓂ ᑕᒪᐃᑕ ᐃᓚᖏᑦ ᐃᖏᕐᕋᓂᐅᖃᑕᐅᔪᒃᓴᑦ ᓄᕐᖃᖅᑎᑕᐅᓛᖅᑐᑦ. ᑎᖕᒥᓲᒃᑰᕈᑎᑦ ᐊᔪᓕᖅᑎᑕᐅᓗᑎᒃ ᐊᑐᒐᒃᓴᐅᔪᖕᓇᐃᒻᒪᕆᒡᓗᑎᒃ.