ᐱᖁᑎᑦ ᐅᓯᔭᑦ

ᐱᖁᑎᑦ ᒥᒃᓵᓄᑦ ᐅᖄᓚᐅᑦ 1-888-712-3101
ᐃᑲᕐᕋᕆᔭᑦ: 6ᒥᑦ ᐅᓪᓛᒃᑯᑦ - 9ᒧᑦ ᐅᓐᓄᒃᑯᑦ ᐅᐊᓕᓂᐅᑉ ᖃᐅᔨᓴᐅᑎᖓᒍᑦ.

ᐱᖁᑎᑦ ᐅᓯᔭᑦ ᖃᓄᐃᑦᑑᔪᓐᓇᕐᓂᕆᔭᖏᑦ

ᑲᓇᐃᑎᐊᓐ ᓄᐊᑦ ᒪᕐᕉᖕᓂᒃ ᐊᑭᓖᔾᔪᑕᐅᔭᕆᐊᖃᕐᓇᑎᒃ ᐱᖁᑎᒡᒋᐊᖃᕈᓐᓇᖅᑎᑦᑎᕗᑦ ᖃᖓᑕᔪᓕᒫᓂᒃ ᐊᑭᓖᔾᔪᑕᐅᓯᒪᔪᓂᒃ. ᑖᒃᑯᐊᒃ ᒪᑯᓂᖓ ᑎᑭᐅᔾᔨᓯᒪᔭᕆᐊᖃᖅᐴᒃ:

ᐅᖁᒪᐃᓐᓂᖅᐹᕆᔪᓐᓇᖅᑎᑕᖅ - 70 lbs (32 kg) ᐊᑐᓂ

ᐊᒃᑎᒋᔪᓐᓇᖅᑎᑕᖅ - 62" (158 cm) ᐊᑐᓂ (ᓴᓂᒧᑦ ᑐᑭᒧᑦ ᐳᖅᑐᓂᖓᓗ)

ᒪᑯᐊ ᐱᓇᑎᒃ

  • ᐅᕉᕋ ᑳᓐᓯᐅᔾᒧᑦ ᐃᓚᒋᔭᑦ ᐱᖓᓱᓂᒃ ᐱᖁᑎᓂᒃ ᐅᓯᓕᐅᔾᔭᐅᑎᑦᑎᔪᓐᓇᖅᐳᑦ ᖃᖓᑕᑐᐊᕌᖓᒥᒃ ᖃᖓᑕᕝᕕᒋᑎᑕᐅᔪᑦ ᑲᓇᐃᑎᐊᓐ ᓄᐊᑦᑯᓐᓄᑦ (ᐅᔾᔨᕆᓗᒍ - ᐱᖁᑎᒡᒋᒃᑲᓐᓂᕐᓂᖅ ᖃᖓᑕᓲᖑᖃᑎᑦᑎᓐᓄᑦ ᐊᑐᕈᓐᓇᙱᑦᑐᖅ)
  • ᕿᑐᒪᔪᖅ/B4 ᐴᖅ, ᐊᒃᑎᒋᓂᖓ ᑎᑭᐅᑎᓯᒪᔪᖅ 80" (203 cm), ᐅᓯᓕᐅᔾᔭᐅᑎᑕᐅᔪᓐᓇᖅᐳᖅ ᒪᕐᕉᒃᑐᑦ ᐱᖁᑎᑦ ᐅᓯᔭᑐᑦ ᐃᓱᒪᒋᔭᐅᓗᓂ
  • ᐱᖁᑎᒡᒋᐊᕆᔭᖅ ᐅᖁᒪᐃᓐᓂᖃᖅᐸᑦ 100 lbs (45 kg) ᐅᖓᑖᓂ ᐅᕝᕙᓘᓐᓃᑦ ᐊᑭᑎᒋᓂᖓ ᐊᖏᓂᖅᓴᐅᒃᐸᑦ 115" (292 cm), ᐅᓯᓕᐅᔾᔭᐅᔪᓐᓇᙱᓚᖅ ᐱᖁᑎᑦ ᐅᓯᔭᑐᑦ, ᐅᓯᔪᓕᕆᔪᓄᙵᐅᑎᔭᕆᐊᖃᖅᐸᓯᐅᒃ ᓄᓇᔅᓯᓐᓂ ᑲᓇᐃᑎᐊᓐ ᓄᐊᑦᑯᑦ ᐅᓯᔭᐅᔪᓕᕆᔨᖏᑦ ᐅᖄᓚᕕᒋᓗᒋᑦ 1-800-663-2223
  • ᓄᑕᖅᑲᑦ ᑕᐃᒫᑦᑕᐃᓐᓇᖅ ᐱᖁᑎᓂᒃ ᐅᓯᔭᐅᑎᑦᑎᔪᓐᓇᖅᐳᖅ ᐊᑭᖓ ᖃᓄᐃᑦᑐᑐᐃᓐᓇᐅᒐᓗᐊᖅᐸᖅ. ᓄᓇᕋᓛᑦ ᖃᖓᑦᑕᐅᓯᖅᓯᒪᙱᑦᑐᑦ ᐊᑕᐅᓯᕐᒥᒃ ᐱᖁᑎᓂᒃ ᐅᓯᓕᐅᔾᔨᔾᔪᑕᐅᔪᓐᓇᖅᐳᑦ. ᖃᖓᑕᔪᑦ ᓄᑕᕋᓛᓕᔭᖅᖢᑎᒃ ᐃᒧᑦᑕᖅᑐᒥᒃ ᐊᔭᐅᕈᑎᒡᒋᕈᓐᓇᖅᑎᑕᐅᕗᑦ ᐊᓯᖔᖓᓂᒡᓘᓐᓃᑦ ᓄᑖᕋᓚᓕᔭᕈᑎᒥᒃ ᐱᖁᑎᒡᒋᐊᕆᔪᓐᓇᖅᑕᒥ ᖄᒃᑲᓐᓂᐊᒍᑦ.

ᐱᖁᑎᑦ ᑭᖑᕙᖅᑐᑦ

ᑕᐃᒪᐃᒐᔪᙱᒃᑲᓗᐊᖅᑎᓪᓗᒍ ᐱᖁᑎᑎᑦ ᑭᖑᕙᖅᑎᑕᐅᒃᐸᑕ ᐅᓂᒃᑳᓕᐊᒥᒃ ᑕᑕᑎᕆᓪᓗᐊᖅᐳᑎᑦ ᐱᖁᑎᓂᒃ ᑲᒪᔨᐅᔪᒧᑦ ᓯᕗᒧᒡᕕᒋᔭᕐᓃᑦᑐᒧᑦ. ᑖᒃᑯᐊ ᐅᖄᓚᕕᒋᔪᓐᓇᖅᑕᕐᓂᒃ ᖃᐅᔨᑎᑦᑎᓇᔭᖅᐳᑦ ᖃᓄᐃᓕᖓᓕᕐᒪᖔᑕ ᖃᐅᔨᒋᐊᕐᕕᒋᔪᓐᓇᖅᑕᕐᓂᒃ.

ᐃᓚᖏᓐᓄᑦ ᐱᖁᑎᓄᑦ ᐊᑭᓕᐅᑎᒋᔭᐅᔪᓐᓇᖅᑐᓄᑦ ᒥᕝᕕᖕᒦᑦᑐᖅ ᐱᔨᑦᑎᖅᑎᕗᑦ ᐅᕝᕙᓘᓐᓃᑦ ᐱᖁᑎᓕᕆᔨᒋᔭᕗᑦ ᑕᑕᑎᕆᖁᔨᑐᐃᓐᓇᕆᐊᖃᖅᐳᑦ ᐃᓕᖕᓂᒃ.

ᑐᓴᕋᓱᒍᒪᒍᕕᑦ ᐱᖁᑎᓄᑦ ᑭᖑᕙᖅᑐᓄᑦ ᐊᓯᖏᓐᓄᓪᓘᓐᓃᑦ ᐱᖁᑎᓅᖓᔪᓄᑦ ᐅᖄᓚᕕᒋᔪᓐᓇᖅᐸᐃᑦ ᐱᖁᑎᑦ ᒥᒃᓵᓄᑦ ᐊᒡᓚᒡᕕᒃᐳᑦ.

ᕿᑎᒃᑐᖅᓯᐅᑎᑦ

  • ᐸᐃᓯᑰᑦ/ᐱᓲᑎᑦ ᐊᑭᓖᔾᔪᑎᒋᔭᐅᓇᔭᖅᐳᑦ $75.00 (ᐊᒻᒪ ᐱᖁᑎᓄᑦ ᑖᒃᓰᔭᐃᔾᔪᑦ ᐊᕕᒃᑐᖅᓯᒪᔪᒧᓪᓗ ᑖᒃᓰᔭᐃᔾᔪᑦ) ᐃᓱᒪᒋᔭᐅᖃᓯᐅᔾᔭᐅᓇᔭᕋᑎᒡᓗ ᐊᑭᖃᙱᓪᓗᒍ ᐱᖁᑎᑦ ᐅᓯᔭᐅᔪᓐᓇᖅᑐᓄᑦ. ᐸᐃᓯᑰᑦ ᑎᒍᓕᖏᑦ ᓴᓂᒧᑦ ᐋᖅᑭᒃᓯᒪᔭᕆᐊᖃᖅᐳᑦ ᑐᒃᑲᒐᖏᓪᓗ ᐲᖅᓯᒪᔭᕆᐊᖃᖅᖢᑎᒃ ᐅᓯᓕᐅᔾᔭᐅᔪᓐᓇᖅᓯᓚᐅᙱᓐᓂᖏᓐᓂ.
  • ᐃᖃᓗᒐᓲᑎᑦ ᐅᓯᓕᐅᔾᔭᐅᔪᓐᓇᖅᐳᑦ ᐱᖁᑎᑐᑦ ᐅᓯᔭᓄᑦ ᐃᓱᒪᒋᖃᓯᐅᔾᔭᐅᔪᓐᓇᖅᖢᑎᒡᓗ ᐊᑭᖃᙱᓪᓗᒍ ᐱᖁᑎᑦ ᐅᓯᔭᐅᔪᓐᓇᖅᑐᓄᑦ, ᖄᖏᐅᔾᔨᓯᒪᒃᐸᓗ ᐊᑭᓖᔾᔪᑎᒋᔭᐅᑎᑕᐅᔪᓐᓇᖅᖢᑎᒃ ᖄᖏᐅᔾᔨᓯᒪᔾᔪᑎᒋᔭᒧᑦ ᐊᑐᓂ. ᑖᒃᑯᑎᒎᓇᖅ ᐊᑕᐅᓯᖅᑐᑦ ᐃᖃᓗᒑᓱᑎ ᐃᓱᒪᒋᔭᐅᕗᖅ ᒪᕐᕉᒃ ᐃᖅᑲᑦᑕᐅᑏᒃ, ᐃᒨᖅᓯᔾᔪᑎ, ᖃᓗᓯᔾᔪᑎ ᑲᒫᓘᒡᓗ (ᐴᖅᑲᑦᑎᐊᖅᓯᒪᓗᑎᒃ) ᖃᕐᔪᖅᓴᖃᐅᓯᕝᕕᒡᓗ ᑖᒃᑯᓄᖓ ᐊᑕᖃᓯᐅᑎᑎᑉᐸᓪᓘᓐᓃᑦ ᐃᓛᒃᑰᖅᑎᓯᒪᒃᐸᓪᓘᓐᓃᑦ
  • ᒑᓪᕝᒍᑎᑦ ᐅᓯᓕᐅᔾᔭᐅᔪᓐᓇᖅᐳᑦ ᐱᖁᑎᑐᑦ ᐅᓯᔭᓄᑦ ᐃᓱᒪᒋᖃᓯᐅᔾᔭᐅᔪᓐᓇᖅᖢᑎᒡᓗ ᐊᑭᖃᙱᓪᓗᒍ ᐱᖁᑎᑦ ᐅᓯᔭᐅᔪᓐᓇᖅᑐᓄᑦ, ᖄᖏᐅᔾᔨᓯᒪᒃᐸᓗ ᐊᑭᓖᔾᔪᑎᒋᔭᐅᑎᑕᐅᔪᓐᓇᖅᖢᑎᒃ ᖄᖏᐅᔾᔨᓯᒪᔾᔪᑎᒋᔭᒧᑦ ᐊᑐᓂ. ᒑᓪᕝᒍᑎᑦ ᐃᒫᒃ ᐃᓱᒪᒋᔭᐅᕗᑦ ᐴᖅ ᐃᓗᓕᖃᕐᓗᓂ 14 ᐅᖓᑖᓂᐅᙱᑦᑐᖅ, 12 ᐊᖅᓴᑯᓗᐃᑦ, ᐊᒻᒪ ᐃᓯᒐᐅᔮᒃ ᒑᓪᕝᑐᖅᓯᐅᑏᒃ.
  • ᓯᑮᕈᑎᑦ ᐅᓯᓕᐅᔾᔭᐅᔪᓐᓇᖅᐳᑦ ᐱᖁᑎᑐᑦ ᐅᓯᔭᓄᑦ ᐃᓱᒪᒋᖃᓯᐅᔾᔭᐅᔪᓐᓇᖅᖢᑎᒡᓗ ᐊᑭᖃᙱᓪᓗᒍ ᐱᖁᑎᑦ ᐅᓯᔭᐅᔪᓐᓇᖅᑐᓄᑦ, ᖄᖏᐅᔾᔨᓯᒪᒃᐸᓗ ᐊᑭᓖᔾᔪᑎᒋᔭᐅᑎᑕᐅᔪᓐᓇᖅᖢᑎᒃ ᖄᖏᐅᔾᔨᓯᒪᔾᔪᑎᒋᔭᒧᑦ ᐊᑐᓂ. ᓯᑮᕈᑎᑦ ᐃᒫᒃ ᐃᓱᒪᒋᔭᐅᕗᑦ, ᒪᕐᕉᒃ ᓯᐊᕐᕇᔮᕈᑎᑯᑖᒃ, ᐊᔭᐅᑉᐱᐊᕈᑎᖏᒃ, ᑲᒫᓘᒃ, ᐊᕚᔾᔭᐃᒃᑯᑎᓗ, ᐅᕝᕙᓘᓐᓃᑦ ᓂᑯᕕᖓᓗᓂ ᓯᑐᕋᐅᑦ, ᑲᒫᓘᒃ ᐊᕚᔾᔭᐃᒃᑯᑎ, ᐅᕝᕙᓘᓐᓃᑦ (ᑎᑭᐅᑎᓗᓂ) ᒪᕐᕉᒃ ᐃᒪᒃᑯᑦ ᑲᓕᑕᐅᔾᔪᑎᒃ ᐊᑕᐅᑦᑎᒦᑎᑕᐅᒃᐸᑕ ᐃᓛᒃᑰᖓᑎᑕᐅᒃᐸᑕᓘᓐᓃᑦ. ᓯᑮᕈᑎᓗᒃᑖᑦ ᐴᖅᑲᑦᑎᐊᖅᓯᒪᔪᐃᓐᓇᐅᔭᕆᐊᖃᖅᐳᑦ.

ᐆᒪᔪᖁᑎᒋᔭᑦ

  • ᐆᒪᔪᖁᑎᒋᔭᑦ ᐃᓕᔭᐅᔪᑦ ᐱᖁᑎᓄᑦ ᐅᓯᔭᓄᑦ (AVIH) ᐊᑭᓕᓖᔭᕆᐊᖃᕈᑕᐅᕗᑦ $100.00 (ᐊᒻᒪ ᐱᖁᑎᓄᑦ ᑖᒃᓰᔭᐃᔾᔪᑦ ᐊᕕᒃᑐᖅᓯᒪᔪᒧᓪᓗ ᑖᒃᓰᔭᐃᔾᔪᑦ) ᐊᑐᓂ ᐊᑭᖃᕐᓇᒍᓗ ᐱᖁᑎᒡᒋᐊᕆᖃᓯᐅᔾᔭᐅᔪᓐᓇᙱᓚᑦ. ᒪᑯᐊ ᑎᑭᐅᑎᓯᒪᔭᕆᐊᖃᖅᐳᑦ:
  • ᑭᒡᓕᒋᓗᒍ ᐃᑲᕐᕋᑦ 24 (ᖃᖓᑦᑕᓚᐅᙱᓐᓂᖅᓯᓐᓂ) ᑐᓴᖅᑎᑦᑎᔾᔪᑎᒋᓯᒪᕙᒌᕆᐸᓖᑦ ᐃᓂᒃᓴᖅᑕᖃᖅᐸᓪᓗ ᑭᓯᐊᓂ.
  • ᐃᒪᐃᖁᔭᐅᒐᓗᐊᖅᐳᑦ ᑲᓇᐃᑎᐊᓐ ᓄᐊᑦᑯᓐᓄᑦ ᖃᖓᑕᔪᑦ ᐆᒪᔪᖁᑎᒡᒋᖅᖢᑎᒃ ᐃᑭᔪᓐᓇᐅᑎᑖᕆᐊᖅᑐᖁᔭᐅᓪᓗᑎᒃ ᐃᑲᕐᕋᓪᓗᐊᑉ ᑐᖔᓂ ᖃᖓᑦᑕᕐᓇᖅᓯᓚᐅᖅᑎᓐᓇᒍ ᑲᒪᒋᔭᐅᑦᑎᐊᕈᓐᓇᕐᓂᐊᕐᒪᑕ ᐊᑦᑕᕐᓈᕿᔪᖃᕋᓂ.
  • ᐆᒪᔪᖁᑎᒋᔭᑦ ᐃᖅᓯᓇᕆᐊᖃᙱᓚᑦ, ᖁᐊᖅᓵᕐᓇᕋᑎᒡᓗ ᑎᐱᓗᒐᑎᒡᓗ ᑲᒪᒋᔭᐅᔭᕆᐊᖃᕐᓂᐊᖃᑎᒡᓗ ᖃᖓᑕᑎᓪᓗᒋᑦ. ᐴᖅᓯᒪᔭᕆᐊᖃᕐᓂᐊᖅᐳᑦ ᐃᓄᖓᑦᑕ ᐴᒡᒋᐊᕆᔭᖓᓂ ᐅᕝᕙᓘᓐᓃᑦ ᐴᖅᓯᒪᓗᑎᒃ ᓈᒻᒪᒋᔭᐅᔪᒥ ᑲᓇᐃᑎᐊᓐ ᓄᐊᑦᑯᓐᓄᑦ. ᐆᒪᔪᖁᑕᐅᓯᕝᕕᒃ ᓂᑯᕐᕋᕝᕕᐅᔪᓐᓇᕆᐊᖃᖅᐳᖅ ᐅᐃᔾᔮᕐᕕᐅᔪᓐᓇᕐᓗᓂᓗ ᐊᖁᐱᕝᕕᐅᔪᓐᓇᕐᓗᓂᓗ. ᕿᑐᑦᑐᒐᐅᔭᐃᑦ, ᕿᑐᒪᔪᒥᒃ ᓇᑎᓖᑦ ᓴᕕᒐᐅᔭᐃᓪᓗ ᐊᑐᖅᑎᑕᐅᔾᔮᙱᓚᑦ.
  • ᐅᖁᒪᐃᓐᓇᕆᔭᖏᑦ ᐆᒪᔪᖁᑎᒋᔭᑦ ᐴᖓ ᐃᓚᒋᖃᓯᐅᑎᓪᓗᒍ ᐅᖓᑖᓅᕈᓐᓇᙱᓚᖅ, 182 lbs (83 kg). ᐆᒪᔪᖁᑎᒋᔭᑦ ᐅᖁᒪᐃᓐᓂᕆᔪᓐᓇᖅᑎᑕᒥᒃ ᖄᖏᐅᔾᔨᓯᒪᔪᑦ ᐅᓯᒋᔭᐅᔪᑎᑐᑦ ᐊᐅᓪᓚᖅᑎᑕᐅᔭᕆᐊᖃᖅᐳᑦ.
  • ᖃᖓᑕᔪᒃᓴᑦ ᑭᒡᓕᖃᖅᑎᑕᐅᕗᑦ ᒪᕐᕉᖕᓂᒃ (2) ᐅᒪᔪᖁᑎᒃᑯᕕᒡᒋᕈᓐᓇᖅᑎᑕᐅᓪᓗᑎᒃ, ᑭᓯᐊᓂ ᐊᔪᕈᑎᑕᖃᑐᐃᓐᓇᕆᐊᖃᖅᐳᖅ ᖃᖓᑕᓲᑉ ᐊᒃᑎᒋᓂᖓ ᐱᔾᔪᑕᐅᓗᓂ. ᐆᒪᔪᖁᑎᒃᑯᕕᒋᔭᑦ ᐆᒃᑐᕋᖅᑕᐅᓂᐊᖅᐳᑦ ᖃᖓᑕᕝᕕᒋᔭᒧᑦ ᓈᒻᒪᒃᑲᓗᐊᕐᒪᖔᑦ ᖃᐅᔨᒪᔭᐅᔪᒪᒧᑦ:
  • ᑎᖕᒥᓲᑦ B737 ᐊᒻᒪ Dash 8 - 27" W x 40" D x 30" H (ᐊᖏᔪᕐᔪᐊᑦ ᕿᒻᒥᖃᐅᓯᕝᕖᑦ) ᕿᒻᒥᐅᑉ ᐅᖁᒪᐃᓐᓂᕆᔭᖓ, ᐴᖓ ᐃᓚᐅᓪᓗᒍ, ᐅᖓᑖᓅᕆᐊᖃᙱᑦᑐᖅ 182 lbs (83 kg).
  • ᒪᕐᕈᐃᓐᓇᐅᒋᐊᓖᒃ ᐊᑕᐅᑦᑎᒥ, ᐃᒡᓗᒥᐅᖑᖃᑎᒌᓕᒪᔫᒃ, ᐊᑕᐅᓯᕐᒧᑦ ᐴᖅᓯᒪᔪᓐᓇᖅᑑᒃ. ᐱᖓᓱᑦ ᐅᖓᑖᓃᑦᑕᕆᐊᖃᙱᑦᑐᑦ ᖃᑕᙳᑎᒌᑦ ᑕᖅᑭᒃ 6ᓄᑦ ᑎᑭᐅᑎᓯᒪᓗᑎᒃ ᐊᑕᐅᑦᑎᒧᑦ ᐴᖅᓯᒪᔪᓐᓇᖅᑐᑦ.
  • ᓄᓕᐅᔪᑦ, ᐊᒫᒪᒃᑕᐅᔪᑦ, ᕿᒻᒥᐊᕐᔪᐃᓪᓗ ᐱᓇᓱᐊᕈᓯᑦ 8 ᑐᒑᓃᑦᑐᑦ ᐅᓯᓕᐅᔾᔭᐅᔪᓐᓇᙱᓚᑦ.
  • ᐆᒪᔪᖁᑎᒋᔭᑦ ᑎᖕᒥᓲᖁᑎᒋᔭᑉ ᐊᓯᐊᓄᐊᖅᑕᐅᔪᓐᓇᖅᑎᑕᐅᙱᓚᑦ.
  • ᖃᐅᔨᒪᔭᐅᔭᕆᐊᓕᒃ - ᐆᒪᔪᖁᑎᒋᔭᑦ ᐃᓚᒋᔭᐅᖃᓯᐅᔾᔭᐅᔪᓐᓇᙱᓚᑦ ᐱᖁᑎᑐᑦ ᐅᓯᔭᑐᑦ ᖃᖓᑕᓂᕆᔭᑦ ᐃᓚᖃᖅᐸᑦ ᓇᐃᓴᐅᑎᖃᖃᑎᖃᕐᓂᕐᒥᒃ (ᐅᓇ ᓇᕿᓪᓗᒍ ᕿᒥᕐᕈᔪᒪᒍᖕᓂ ᓇᐃᓴᐅᑎᖃᖃᑎᖃᕐᓂᕐᒥᒃ ᐱᔾᔪᑎᓕᒃ.)

ᑕᑯᒋᐊᕐᓗᒍ ᐸᐸᑕᓄᑦ ᐱᖁᑎᒡᒋᐊᖑᔪᓄᑦ ᐊᑐᐊᒐᐃᑦ ᐊᑭᓕᐅᑎᒋᔭᕆᐊᓖᑦ ᐆᒪᔪᖁᑎᒋᔭᑦ (PETC) ᐸᐸᑕᐅᓪᓗᑎᒃ ᐱᖁᑎᒡᒋᐊᖑᔪᓐᓇᕐᓂᖏᓐᓄᑦ.

ᓯᖁᒥᓴᕋᐃᑦᑐᑦ ᐱᖁᑎᑦ

ᓯᖁᒥᓴᕋᐃᑦᑐᑦ ᐱᖁᑎᑦ ᐅᓯᓕᐅᔾᔭᐅᓇᔭᖅᐳᑦ ᑭᓯᐊᓂ ᐴᑐᖃᕐᒥᓃᑉᐸᑕ ᐅᕝᕙᓘᓐᓃᑦ, ᐴᓕᐊᕆᓯᒪᔭᒦᑉᐸᑦ ᓇᒃᓴᖃᖅᑕᕈᓐᓇᕈᒪᒧᑦ ᓯᖁᒥᔾᔭᐅᒃᑯᑎᒃᓴᒥᒡᓗ ᐃᓗᓪᓕᖅᓱᖅᓯᒪᒃᐸᑦ. ᐱᖁᑎᑦ ᑖᒃᑯᓄᖓ ᑎᑭᐅᑎᓯᒪᙱᑦᑐᑦ ᐅᓯᓕᐅᔾᔭᐅᓂᐊᖅᐳᑦ ᑭᓯᐊᓂ ᑕᑕᑎᖅᑕᐅᔪᖃᓚᐅᖅᑎᓪᓗᒍ ᐊᑭᑐᓗᐊᙱᓪᓗᒍ ᐅᑎᕐᕕᐅᓇᓱᒃᑲᔭᕐᓂᕋᕿᔾᔪᑎᒥᒃ ᓇᓗᓇᐃᒃᑯᑦᑎᐅᑎᓯᒪᔪᒃᓴᒥᒃ. ᑐᓴᕆᐊᒃᑲᓐᓂᕈᒪᒍᕕᑦ ᐴᖅᑐᐃᔾᔪᓯᕆᑎᑕᐅᓯᒪᔭᕆᐊᖃᕈᓯᕐᓂᒃ ᑲᓱᕐᕕᒋᓗᒍ ᐅᓯᔭᐅᔪᒃᓴᓕᕆᔨᖁᑎᒋᔭᓯ ᐅᕝᕙᓘᓐᓃᑦ ᑲᓇᐃᑎᐊᓐ ᓄᐊᑦᑯᑦ ᐅᓯᔭᐅᔪᓕᕆᔨᖏᑦ.

ᐱᖁᑎᒡᒋᐊᖑᐃᓐᓇᖅᐸᙱᑦᑐᑦ ᐅᓯᓕᐅᔾᔭᒃᓴᑦ

ᐊᕐᔭᙳᖅᑎᓯᒪᔪᑦ

ᑲᓇᐃᑎᐊᓐ ᓄᐊᑦ ᐅᓯᔭᐅᔪᓃᑎᑦᑎᔪᓐᓇᖅᐳᑦ ᐃᓅᑉ ᑎᒥᕕᓂᐊ ᐊᕐᔭᙳᖅᑎᓯᒪᑎᓪᓗᒍ ᐴᖅᑲᖅᓯᒪᑦᑎᐊᑐᐊᖅᐸᑦ ᐊᑎᓕᐅᖅᓯᓯᒪᔪᖅᑕᖃᕐᓗᓂᓗ ᐊᑭᓕᖅᑕᐅᔪᒃᓴᖅ ᐊᖏᓗᐊᙱᓪᓗᒍ. ᐃᓅᔪᓐᓇᖅᑐᖅᓯᐅᑦ ᐊᕐᔭᙳᖅᑎᑕᐅᓯᒪᓂᕋᐃᔪᖅᓯᐅᓪᓗ ᑕᑯᖅᑯᔾᔭᐅᔭᕆᐊᖃᖅᐴᒃ ᐃᑭᔪᓐᓇᐅᑎᑖᖅᑎᑦᑎᔪᒧᑦ.

ᐊᑦᑕᕐᓇᕈᓐᓇᖅᑐᑦ

ᒪᓕᒐᒥᒃ ᓱᕋᐃᓂᐅᕗᖅ ᐊᑦᑕᕐᓇᕕᒡᔪᐊᖅᖢᓂᓗ ᓱᕈᕈᑎᒋᓐᓇᖅᑐᓂᒃ ᓇᒃᓴᕆᐊᒃᓴᖅ ᐴᖃᓯᐅᑎᓯᒪᓗᒋᓪᓘᓐᓃᑦ ᐃᓛᒃᑰᕐᓗᒋᓪᓘᓐᓃᑦ. ᑭᓯᐊᓂ, ᐃᓚᖏᑦ ᐃᑭᔪᓐᓇᖅᑎᑕᐅᖃᑦᑕᙱᑦᑐᑦ ᐃᑭᔪᓐᓇᖅᑎᑕᐅᓯᒪᔪᑦ ᐅᓪᓗᑕᒫᑦ ᐊᑐᖅᑕᐅᕙᑦᑐᓄᑦ ᖃᖓᑕᔪᓄᑦ.

ᓂᒡᓕᓇᖅᑎᑦᑎᔾᔪᑎ

ᖃᖓᑕᓂᐊᖅᑐᑦ ᐅᓯᔭᒃᓴᙳᖅᑎᑦᑎᔪᓐᓇᖅᐳᑦ ᐱᖁᑎᒥᓂᒃ ᓱᕈᕋᔭᖅᑐᓂᒃ ᓂᒡᓕᓇᙱᒃᑯᑎᒃ ᓂᒡᓕᓇᖅᑎᑦᑎᔾᔪᑎᒦᑎᓪᓗᒍ, ᑕᒪᓐᓇ ᑕᐃᔭᐅᔪᖅ ᓂᓚᒃ ᓴᓗᐊᒪᔪᖅ ᐊᓂᖅᑎᕆᓐᓇᖅᑐᒥᑦ ᓴᓇᓯᒪᕗᖅ ᓱᕈᕈᑕᐅᓐᓇᕋᓂ. ᐊᑐᓂ ᐃᑭᒪᔪᑦ ᑭᒡᓂᖃᖅᑎᑕᐅᒋᕗᑦ 2 kg (4.4 lb) ᑕᒪᑐᒥᖓ ᓇᒃᓴᕆᐊᒃᓴᖅ.

ᖁᑭᐅᑎᑦ ᓱᓇᒃᑲᓪᓗ

ᑲᐃᒥᑦᑎᓯᒪᙱᑦᑐᑦ ᖁᑭᐅᑎᑦ ᓇᒃᓴᖅᑕᓃᑎᖃᓯᐅᔾᔭᐅᔪᓐᓴᖅᐳᑦ ᐅᓯᔭᐅᑎᑕᐅᓗᑎᒡᓘᓐᓃᑦ ᑮᒃᓯᒪᔪᒥ ᑎᓯᔪᒥᒃ ᐴᖅᓯᒪᓗᑎᒃ. ᑲᐃᓪᓗᐃᕕᓖᑦ ᑲᐃᓪᓗᐃᕖᖅᑕᐅᓯᒪᔭᕆᐊᖃᖅᐳᑦ ᑲᐃᓪᓗᐃᕕᐊᓗ ᐃᓛᒃᑰᖓᑎᓯᒪᔭᕆᐊᖃᖅᖢᓂ. ᖃᖓᑕᓂᐊᖅᑐᖅ ᐊᑎᓕᐅᖅᓯᔭᕆᐊᖃᖅᐳᖅ ᖁᑭᐅᓯᔭᕈᓐᓇᐅᒻᒥᒃ FIREARMS tag (AS 030) ᓇᓗᓇᐃᕆᓯᒪᔪᒥᒃ ᖁᑭᐅᑦ ᑲᐃᒥᑦᑎᓯᒪᙱᓐᓂᖓᓂᒃ ᐊᒻᒪ ᖃᖓᑕᓂᐊᖅᑐᖅ ᑲᓇᑕᐅᑉ ᐱᕋᔭᒃᑕᐃᓕᒪᓂᕐᒧᑦ ᐱᖁᔭᖁᑎᖏᑎᒍᑦ ᐸᓯᔭᒃᓴᐅᑐᐃᓐᓇᕆᐊᖃᕐᓂᕆᔭᖓᓂᒃ.

ᓱᓇᒃᑲᑦ ᐅᖁᒪᐃᓐᓂᖃᖅᑐᑦ 11 lbs (5 kg) ᐅᖓᑖᓂ ᑭᓯᐊᓂ 55 lbs (25 kg) ᑐᖔᓂ ᓇᒃᓴᖅᑕᐅᔪᓐᓇᕐᓂᐊᖅᐳᑦ ᐅᓯᔭᐅᔪᓃᓪᓗᑎᒃ ᐊᒻᒪ ᒪᓕᒋᐊᖃᖅᖢᑎᒃ ᑎᑎᕋᖅᓯᒪᓂᖃᕆᐊᖃᖅᖢᑎᒡᓗ ᒪᓕᖏᓂᖏᓐᓂᒃ ᐊᑦᑕᕐᓇᕈᓐᓇᖅᑐᓄᑦ ᐊᑐᐊᒐᕐᓂᒃ. ᓱᓇᒐᐃᑦ ᐊᓯᐊᑕ 1.4S ᐅᕝᕙᓘᓐᓃᑦ ᓱᓇᒐᐃᑦ ᖄᖅᑕᔫᖃᖅᑐᑦ ᐅᕝᕙᓘᓐᓃᑦ ᐱᒃᓯᑳᕈᑎᖃᖅᑐᑦ ᐊᑭᑎᑕᐅᔾᔮᙱᑦᑐᑦ ᕿᔪᖁᑎᓃᓐᓂᕐᒧᑦ ᐅᕝᕙᓘᓐᓃᑦ ᐅᓯᔭᐅᔪᓕᕆᔨᒃᑰᖅᑎᑕᐅᓂᕐᒧᑦ.

ᐊᖑᓇᓱᖕᓂᕐᒧᑦ ᐃᓕᓴᕆᔭᐅᔾᔪᑏᑦ

ᑐᑭᖓ ᐱᔾᔪᑎᒋᓪᓗᒍ, “ᐊᙳᑕᕆᔭᖅ ᑐᑭᖃᖅᑐᖅ ᐆᒪᔪᕕᓂᐅᑉ ᑎᒥᐊ ᐅᕝᕙᓘᓐᓃᑦ ᑭᓱᑐᐃᓐᓇᖅ ᐆᒪᔪᕕᓂᕐᒥᙶᖅᑐᖅ ᓲᕐᓗ ᓇᒡᔪᐃᑦ ᐅᕝᕙᓘᓐᓃᑦ ᐊᖑᓇᓱᖕᓂᕐᒧᑦ ᐃᓕᓴᕆᔭᐅᔾᔪᑏᑦ ᐃᓚᐅᓪᓗᑎᒃ ᕿᓯᒡᓗ/ᐊᒥᕐᓗ ᓇᓕᐊᖕᑐᐃᓐᓇᖅ ᐆᒪᔪᒥᑦ ᓯᓚᑐᐃᓐᓇᕐᒥᙶᖅᑐᒥᑦ ᐅᕝᕙᓘᓐᓃᑦ ᐆᒪᔪᖁᑎᒋᔭᐅᓚᐅᖅᑐᒥᑦ ᐊᒥᖃᖅᑐᒥᒃ, ᐅᕝᕙᓘᓐᓃᑦ ᓯᓚᑐᐃᓐᓇᕐᒥᑦ ᐃᒪᕐᒦᓲᑦ ᑎᖕᒥᐊᑦ/ᑎᖕᒥᐊᑦ.

ᐊᙳᑕᕆᔭᖅ ᐹᓂ ᓇᓗᓇᐃᖅᑕᐅᔪᑦ ᐃᑭᑎᑕᐅᔾᔮᙱᑦᑐᑦ ᕿᔪᖁᑎᓂ. ᐊᐅᓪᓚᖅᑎᑕᐅᓂᖓ ᐋᖅᑭᒃᓱᓛᖅᐸᐃᑦ ᓄᓇᓕᖕᓂ ᑲᓇᐃᑎᐊᓐ ᓄᐊᑦᑯᑦ ᐅᓯᔭᐅᔪᓕᕆᔨᖓᒍᑦ ᐅᖃᓗᒡᕕᒋᓗᒋᑦ ᐅᕙᓂ 1-800-663-2223. ᐊᔪᙱᑦᑕᕌᖓᕕᑦ, ᓯᕗᓂᐊᓂ ᐋᖅᑭᒃᓯᓇᓱᓪᓗᐊᖃᑦᑕᖅᑐᑎᑦ ᑭᖑᕙᖅᑎᑕᐅᓗᓂ ᐊᐅᓪᓚᖅᑎᑕᐅᔾᔮᙱᒻᒪᑦ.

ᐃᑭᔪᓐᓇᖅᑎᑕᐅᔪᑦ: ᓄᑖᖅ/ᖁᐊᖑᔪᖅ ᓂᕿ ᐅᕝᕙᓘᓐᓃᑦ ᐃᖃᓗᒃ ᐃᑭᑎᑕᐅᔪᓐᓇᖅᑐᑦ ᕿᔪᖁᑎᓂ, ᐃᓚᐅᑎᑕᐅᓛᖅᖢᑎᒡᓗ ᓇᓗᓇᐃᖅᑕᐅᓂᖏᓐᓂ ᐊᑭᖃᙱᓪᓗᑎᒃ ᕿᔪᖁᑎᑦ ᐃᑭᑎᑕᐅᔪᑦ ᖄᖏᐅᑎᒃᐸᓪᓗ ᐊᑐᓂ ᐊᑭᖃᖅᑎᑕᐅᓛᖅᖢᓂ ᕿᔪᖁᑎᖃᓗᐊᕐᓂᕐᒧᑦ, ᐊᑐᓂ ᐴᖅᑲᖅᑕᐅᓯᒪᑦᑎᐊᖅᐸᑦ ᑯᑐᒃᑐᖃᓛᙱᒻᒪᑦ ᐊᐅᖕᒥᒃ ᐊᓯᖏᓐᓂᒡᓗ, ᐊᒻᒪ ᖃᖓᑕᔪᖅ ᑕᑕᑎᕆᔭᕆᐊᖃᖅᖢᓂ ᐊᑭᑐᓗᐊᙱᓪᓗᒍ ᐅᑎᕐᕕᐅᓇᓱᒃᑲᔭᕐᓂᕋᕿᔾᔪᑎᒥᒃ ᓇᓗᓇᐃᒃᑯᑦᑎᐅᑎᓯᒪᔪᒥᒃ.

ᓄᑕᕋᓛᕐᓄᑦ ᐊᔭᐅᕈᑏᑦ

ᐃᓛᒃᑰᑦ, ᓄᑕᕋᓛᕐᓄᑦ ᐊᔭᐅᕈᑏᑦ ᐊᖏᖅᑕᐅᔪᓐᓇᖅᑐᑦ ᕿᔪᖁᑎᓃᑎᑕᐅᖃᑕᐅᓗᑎᒃ ᐅᕝᕙᓘᓐᓃᑦ ᖃᖓᑕᓲᕐᒥ ᑎᒍᒥᐊᖅᑕᐅᓗᑎᒃ ᐱᓯᒪᔭᐅᓗᑎᒃ. ᖃᖓᑕᓲᕐᒥ ᐱᔪᖁᑎᓃᑦᑐᓐᓇᖅᑎᑕᐅᒃᐸᑦ, ᓄᑕᕋᓛᕐᒧᑦ ᐊᔭᐅ ᐊᑭᖃᖅᑎᑕᐅᓇᔭᙱᑦᑐᖅ ᓇᐃᓴᖅᑕᐅᓕᕈᓂ ᕿᔪᖁᑎᖃᐅᓗᐊᕐᓂᕐᒧᑦ ᐊᑭᓕᖅᑕᐅᔭᕆᐊᖃᖅᑐᑦ.

ᐱᓱᒍᓐᓇᐅᑏᑦ

ᐊᑐᓂ ᖃᖓᑕᓲᒃᑰᖅᑐᖅ ᐊᑕᐅᓯᕐᒥᒃ ᐱᓱᒍᓐᓇᐅᑎᖃᕈᓐᓇᖅᑐᖅ ᐊᑭᓕᕆᐊᖃᙱᓪᓗᓂ. ᐱᓱᒍᓐᓇᐅᑏᑦ, ᐊᔭᐅᕈᑎᑎᑐᑦ, ᐃᓚᐅᑎᑕᐅᕙᙱᑦᑎᐊᖅᑐᑦ ᓇᓗᓇᐃᖅᑕᐅᔭᕌᖓᑕ ᖄᒃᑲᓐᓂᐊᒍᑦ ᐃᑭᓕᖅᑕᐅᔭᕆᐊᓖᑦ ᕿᔪᖁᑎᓄᑦ.

ᐃᑭᔭᖅᑐᖅᑐᖅ ᐱᓱᒍᓐᓇᐅᑎᒥᓂᒃ ᐊᑐᐃᓐᓇᓕᒫᕈᓐᓇᖅᐳᖅ ᑎᖕᒥᓲᒧᑦ ᐃᑭᔭᖅᑐᓕᒪᕐᓂᕐᒥᓄᑦ. ᐱᓱᒍᓐᓇᐅᑎᑦ ᖃᖓᑕᕕᒋᔭᒦᑎᑕᐅᔪᓐᓇᖅᐳᑦ ᐃᒧᔪᓐᓇᖅᑑᔭᕋᖓᑕ ᑭᓯᐊᓂ.

ᐅᖓᑖᓅᕈᔾᔨᓯᒪᔪᑦ ᐱᖁᑎᑦ

ᖃᖓᑕᓂᐊᖅᑐᑦ ᐅᖓᑖᓅᕈᔾᔨᓯᒪᔪᑦ ᐱᖁᑎᒥᓂᒃ ᐊᑭᖃᙱᓪᓗᒍ ᓇᒃᓴᖅᑕᐅᔪᓐᓇᖅᑎᓯᒪᔪᒥᑦ (ᐊᒥᓲᓗᐊᖅᑐᑦ, ᐅᖁᒪᐃᓗᐊᖅᑐᑦ, ᖃᓄᑐᐃᓐᓇᖅ) ᐊᑭᓖᖁᔭᐅᓇᔭᖅᐳᑦ ᐅᖓᑖᓅᕈᔾᔨᓯᒪᓂᕐᒧᑦ.

ᐅᖓᑖᓅᕈᔾᔨᓯᒪᓂᕐᒧᑦ ᐊᑭᓕᐅᑎᒋᖁᔭᑦ ᐃᒪᐃᓕᖓᕗᖅ:

ᐊᑭᓕᖁᔭᑦ ᑭᒡᓕᒋᑎᑕᖅ ᐊᑭ (ᐊᑐᓂ)
ᐅᓄᓗᐊᕈᑎᔪᑦ ᐱᖓᔪᖓᑦ ᐅᖓᑖᓄᓪᓗ *ᐅᓯᓕᐅᔾᔭᐅᓇᔭᖅᑐᑦ ᐃᓂᒃᓴᖅᑕᖃᖅᐸᑦ $50
ᓯᕗᓪᓕᐅᔾᔭᑦ ᐅᓄᓗᐊᕈᑎᔪᑦ ᐱᖓᔪᖓᑦ ᐅᖓᑖᓄᓪᓗ ᐅᓯᔭᐅᓂᐊᓪᓚᕆᒃᑐᖅ (ᓇᓗᓇᐃᒃᑯᑕᖅ "PRIORITY EXCESS") $100
ᐅᖁᒪᐃᓗᐊᖅᑐ ᐅᖓᑖᓂ 32 kgs (70 lbs) ᑭᓯᐊᓂ ᑐᖔᓂ 45 kgs (100 lbs) $50
ᐊᖏᓗᐊᖅᑐᖅ 158 cm - 292 cm (60 in - 115 in) $50
ᐅᖁᒪᐃᓗᐊᖅᑐᑦ ᐅᓄᓗᐊᕈᑎᓪᓗᑎᒃ ᐊᑯᓐᓂᖏᓐᓂ 32 kgs (70 lbs) ᐊᒻᒪ 45 kgs (100 lbs) ᐊᖏᓂᖃᖅᖢᑎᒃ 158 cm - 292 cm (60 in - 115 in) $100
ᐅᓄᓗᐊᕈᑎᔪᑦ ᐅᖁᒪᐃᓗᐊᖅᖢᑎᒃ ᐱᖓᔪᖓᑦ ᐅᖓᑖᓄᓪᓗ ᐅᖁᒪᐃᓐᓂᖅᓴᐃᑦ 32 kgs (70 lbs) ᐅᖓᑖᓂᐅᙱᑦᑐᖅ 45 kgs (100 lbs) $100
ᐅᓄᓗᐊᕈᑎᔪᑦ ᐊᖏᓗᐊᖅᖢᑎᒃ ᐱᖓᔪᖓᑦ ᐅᖓᑖᓄᓪᓗ ᐊᖏᓂᓖᑦ 158 cm - 292 cm (60 in - 115 in) $100
ᐅᓄᓗᐊᕈᑎᔪᑦ ᐅᖁᒪᐃᓗᐊᖅᖢᑎᒃ ᐊᖏᓗᐊᖅᖢᑎᒡᓗ ᐱᖓᔪᖓᑦ ᐅᖓᑖᓄᓪᓗ ᐅᖁᒪᐃᓐᓂᓖᑦ 32 kgs (70 lbs) ᐊᒻᒪ 45 kgs (100 lbs) ᐊᑯᓐᓂᖏᓐᓂ ᐊᒻᒪ ᐊᖏᓂᖃᖅᖢᑎᒃ 158 cm - 292 cm (60 in - 115 in) $150
ᖃᖓᑕᓂᐊᖅᑐᑦ ᐊᖏᓗᐊᖅᑐᓂᒃ ᐱᖁᑎᒡᒋᕈᒪᔪᑦ ᖃᐃᖁᔭᐅᒐᓗᐊᖅᐳᑦ ᐃᑲᕐᕋᐅᑉ ᑐᖔᓂᐅᙱᑦᑐᖅ ᕿᒥᕐᕈᔭᐅᔪᓐᓇᖁᓪᓗᒋᑦ ᐃᑭᔭᖅᑐᖅᕕᒃᑰᕆᐊᖅᑐᕈᓐᓇᖅᓯᓚᐅᙱᓐᓂᖏᓐᓂ..

*ᐊᑭᒋᑎᑕᑦ ᑲᓇᐃᑎᐊᓐ ᓄᐊᑦᑯᑐᐊᖅ ᖃᖓᑕᑎᑦᑎᕝᕕᒋᔭᖏᓐᓅᖓᕗᑦ. ᐊᑭᓕᐅᑎᒋᑎᑕᑦ ᐅᖓᒻᒧᑐᐃᓐᓇᖅ ᐊᑐᖅᐳᑦ ᑎᑭᐅᑎᕕᒋᓂᐊᖅᑕᖓᓄᓪᓗ ᑐᕌᖓᓪᓗᑎᒃ ᖃᖓᑕᔪᖅ ᓯᕗᒧᓚᐅᕋᓂ ᓄᖅᑲᕈᒪᓯᒪᙱᑉᐸᑦ ᑕᕝᕗᖓᓗ ᓄᖅᑲᕐᕕᒋᔪᒪᔭᖓᓄᑐᐊᖅ ᑎᑭᐅᑎᑎᓯᒪᓪᓗᑎᒃ. *ᐊᑭᓕᐅᑎᒋᔭᑦ ᐃᓚᒍᑕᕆᔭᕆᐊᖃᖅᑕᓕᒫᓂᒃ ᐃᓚᔭᐅᕙᒃᐳᑦ ᔩᐊᔅᑏ-ᒥᒃ ᐊᕕᒃᑐᖅᓯᒪᓃᓪᓗ ᐊᑭᓕᐅᑎᒋᑎᑉᐸᒃᑕᖏᑦ.*ᓱᓇᑐᐃᓐᓇᖅ ᐅᖁᒪᐃᓐᓂᖃᖅᐸᑦ 45 kgs (100 lbs) ᐅᖓᑖᓂ ᐅᓯᔭᐅᕝᕕᒃᑰᖅᑎᑕᐅᓇᔭᖅᐳᖅ. ᐱᓇᑎᒃ - ᐆᒪᔪᖁᑎᒡᒋᐊᕆᔭᑦ ᐴᕆᔭᖏᑦ ᓈᒻᒪᖕᓂᐊᑐᐊᖅᐸᑕ ᖃᖓᑕᕝᕕᒋᔭᐅᓂᐊᖅᑐᒧᑦ.

ᐱᖁᑎᓄᑦ ᐊᑭᓕᐅᑎᒋᔭᒃᓴᑦ

ᓇᓗᓇᐃᖅᑕᐅᓯᒪᓪᓗᑎᒃ ᑕᐃᒪᐃᙱᓐᓂᖏᓐᓂᒃ, ᑎᑎᕋᐅᓯᕆᓯᒪᓪᓗᑎᒃ ᐊᑭᒋᓂᕋᖅᑕᓂ, ᑲᓇᐃᑎᐊᓐ ᓄᐊᑦᑯᑦ ᐊᑭᓖᑎᑕᐅᔪᓐᓇᖅᐳᑦ ᔭᒐᑦᑐᓄᑦ ᓱᕋᒃᑕᓄᓪᓘᓐᓃᑦ ᐱᖁᑎᒋᔭᓄᑦ ᑲᓇᐃᑎᐊᓐ ᓄᐊᑦᑯᓐᓄᑦ ᐱᓯᒪᔭᐅᑎᓪᓗᒋᑦ. ᐊᑭᓕᐅᑎᒋᔭᒃᓴᕆᔭᕗᑦ ᐃᒪᐃᑦᑑᕗᑦ:

  1. ᓄᓇᒋᔭᒥ (ᑲᓇᑕᒥ)
    a. ᐸᐸᑕᖅ - $750.00 CAD *ᑕᑯᓗᒋᒃ ᐃᓚᐅᑎᑕᐅᙱᑦᑐᑦ 1 ᐊᒻᒪ 2
    b. ᐅᓯᔭᑦ - $750.00 CAD
  2. ᓄᓇᕐᔪᐊᕐᒥ (ᐃᓚᒋᔭᐅᓪᓗᑎᒃ ᓄᓇᐃᑦ ᐊᑯᓐᓂᒋᑎᒍᑦ ᐃᖏᕐᕋᓂᒃ ᐊᒻᒪ ᓄᓇᒋᔭᒥ ᐃᖏᕐᕋᓂᕆᔭᑦ ᖃᖓᑕᓂᕆᔭᓄᑦ)
    a. ᐸᐸᑕᖅ - $660.00 CAD *ᑕᑯᓗᒋᒃ ᐃᓚᐅᑎᑕᐅᙱᑦᑐᑦ 1 ᐊᒻᒪ 2
    b. ᐅᓯᔭᑦ - $33.00/kg CAD

ᐃᓚᐅᑎᑕᐅᙱᑦᑐᑦ

:

  • ᑲᓇᐃᑎᐊᓐ ᓄᐊᑦᑯᑦ ᐊᑭᓕᐅᑎᖃᕋᔭᙱᓚᑦ ᔭᒐᑦᑐᓂᒃ, ᓱᕋᒃᑐᓂᒃ ᑭᖑᕙᓗᐊᖅᑐᓂᒡᓘᓐᓃᑦ ᒪᑯᓄᖓ: ᓯᖁᒥᔭᑦᑐᑦ ᓱᕋᔭᑦᑐᓪᓘᓐᓃᑦ, ᑮᓇᐅᔭᑦ, ᑕᑯᒥᓇᖅᓴᐅᑎᑦ, ᓂᕆᔾᔪᑎᑦ, ᐸᐃᑉᐹᑦ ᐊᑎᓕᐅᖅᑕᐅᑲᑕᒋᐊᓖᑦ, ᐱᒋᔭᖃᕐᓂᕋᐃᔾᔪᑎᑦ, ᓴᓇᐅᒐᐃᑦ ᐊᓯᖏᓪᓗ ᐊᑭᑐᔪᑦ; ᐃᒥᐊᓗᐃᑦ, ᐱᓯᓇᓯᒋᔭᒧᑦ ᑎᑎᖅᑲᑦ, ᓂᔾᔭᐅᓯᕆᓂᕐᒨᖓᔪᑦ; ᐃᒡᓗᒧᑦ ᐱᖁᑎᑦ; ᐊᒡᓚᒡᕕᒃᓯᐅᑎᑦ; ᐊᔾᔨᓕᐅᕈᑎᑦ ᐃᓚᒍᑕᖏᓪᓗ; ᐊᒻᒪᓘᓐᓃᑦ ᐆᒃᓯᑖᕈᑎᒡᒋᐊᕆᔭᓂᒃ ᖃᖓᑕᔫᑉ ᐱᖁᑎᒋᔭᖏᓐᓃᖃᑕᐅᔪᓂᒃ ᖃᐅᔨᒪᔮᕆᔭᐅᒐᓗᐊᖅᐸᑕ ᖃᐅᔨᒪᔮᕆᔭᐅᙱᑉᐸᑕᓘᓐᓃᑦ ᖃᖓᑕᓲᖃᖅᑎᐅᔪᓄᑦ.
  • ᑲᓇᐃᑎᐊᓐ ᓄᐊᑦᑯᑦ ᐊᑭᓕᐅᑎᖃᕋᔭᙱᓚᑦ ᐋᓐᓂᖅᑐᖃᕐᓂᕐᒧᑦ, ᖃᓂᒻᒪᒃᑐᖃᕐᓂᕐᒧᓪᓘᓐᓃᑦ ᑐᖁᔪᖃᕐᓂᖓᓄᓪᓗ ᐆᒪᔪᖁᑎᒋᔭᒥᒃ ᖃᖓᑕᔪᓐᓇᖅᑎᑕᐅᔪᒥᒃ. ᐃᓄᒋᔭᖅ ᐊᑭᓕᐅᑎᖃᖅᑎᐅᓇᔭᖅᐳᖅ ᐊᑭᓕᐅᑎᒋᔭᕆᐊᖃᖅᑎᑕᓗᒃᑖᓂᒃ ᒪᓕᒡᓗᑎᒃ ᒐᕙᒪᒃᑯᑦ ᐊᑐᐊᒐᖁᑎᖏᓐᓂᒃ ᑭᒡᓕᖃᖅᑎᑕᖏᓐᓂᒡᓗ.
  • ᑲᓇᐃᑎᐊᓐ ᓄᐊᑦᑯᑦ ᐊᑭᓕᐅᑎᖃᕋᔭᙱᓚᑦ ᖃᓄᐃᑦᑐᖃᕐᓂᕐᒧᑦ ᓱᕋᒻᒪᒍᑎᒋᔭᓂᒃ, ᓲᕐᓗ ᑭᖑᕙᕐᓂᕐᒧᑦ, ᐃᖅᑲᓇᐃᔮᒃᑯᑦ ᑮᓇᐅᔾᔭᒃᓵᑦ, ᐱᓯᓇᓯᑎᒍᑦ ᔭᒐᐃᔭᑦ, ᑕᐃᒪᐃᑎᑕᐅᓇᔭᖅᐸᑕ ᐱᖁᑎᒋᔭᑦ ᔭᒐᑕᐅᒃᐸᑕ, ᓱᕋᒻᒪᒃᑕᐅᒃᐸᑕ ᑭᖑᕙᖅᑎᑕᐅᒃᐸᑕᓘᓐᓃᑦ. ᑕᐃᒪᐃᖏᓐᓇᕋᔭᖅᐳᖅ ᖃᖓᑕᔪᖅ ᐅᖓᑖᓅᖓᔪᓂᒃ ᐊᕿᖃᓪᓗᐊᕐᓂᕋᐃᓯᒪᒐᓗᐊᖅᐸᑕ.

ᐅᖓᑖᓅᖓᔪᓄᑦ ᐊᑭᖃᓪᓗᐊᖅᑎᑕᐅᓂᖅ

ᐃᑭᔭᖅᑐᕈᓐᓇᐅᑎᑖᕆᐊᖅᑐᕐᓗᓂ ᖃᖓᑕᓂᐊᖅᑐᖅ ᖃᐅᔨᒃᑲᖅᑕᐅᑎᑦᑎᔪᓐᓇᖅᐳᖅ ᐱᖁᑎᒋᔭᓂ ᐅᖓᑖᓅᖓᔪᒥᒃ ᐊᑭᖃᓪᓗᐊᖅᑎᑕᐅᓂᖃᖁᓪᓗᒋᑦ ᑲᓇᐃᑎᐊᓐᑯᑦ ᐊᑭᓕᐅᑎᒋᔪᓐᓇᕐᓂᕆᔭᖓᑕ ᐅᖓᑖᓄᑦ. ᑭᓯᐊᓂ, ᐊᑭᓕᐅᑎᖃᕈᓐᓇᕐᓂᕋᔾᔮᙱᑦᑐᒍᑦ ᐱᖁᑎᑦ ᐃᓚᖏᓐᓂᒃ (ᓇᓗᓇᐃᖅᑕᐅᓯᒪᓪᓗᑎᒃ ᐃᓚᒋᔭᐅᖃᑕᐅᑎᑕᐅᙱᑦᑕᕆᐊᒃᓴᖏᓐᓂᒃ ᐊᑭᓕᐅᑎᒋᔭᐅᓇᔭᖅᑐᓂ). ᑕᒪᒃᑯᓄᖓ ᖃᖓᑕᓂᐊᖅᑐᑦ ᐃᓛᒃᑰᖅᑐᒥᒃ ᓇᓪᓕᐅᒃᑯᒫᖅᑖᖅᑎᑦᑎᓪᓗᐊᖅᐳᑦ ᓇᓪᓕᐅᒃᑯᒫᖅᑖᖅᑎᑦᑎᔨᓂᑦ. ᐊᓯᖏᓐᓄᑦ ᒪᑯᐊ ᐊᑭᓕᖅᑕᐅᔪᓐᓇᑐᐃᓐᓇᕆᐊᖃᖅᐳᑦ: ᐊᑭᓪᓗᐊᕆᓂᕋᖅᑕᖅ − ᐃᑲᒪᓂᐊᖅᑐᖅ ᐅᖓᑖᓄᑦ ᐊᑭᓪᓗᐊᖃᕐᓂᕋᐃᔪᓐᓇᖅᐳᖅ ᐊᑭᓕᐅᑎᒋᔭᐅᓇᔭᖅᑐᓄᑦ ᑎᑭᐅᑎᓯᒪᓗᒍ ᖄᒃᑲᓐᓂᐊᒍᑦ $750.00 CAD/USD. ᑭᒡᓕᒋᔭᖅ ᐊᑭᓪᓗᐊᕆᓂᕋᖅᑕᓄᑦ ᐅᖓᖅᑰᔾᔨᓯᒪᔪᓐᓇᙱᓚᖅ $1500.00 CAD/USD ᐊᑐᓂ ᖃᖓᑕᔪᓄᑦ ᓄᓇᒋᔭᒥ ᖃᖓᑕᓗᑎᒃ ($750.00 ᐊᑭᓕᐅᑕᐅᓇᔭᖅᑐᖅ ᐃᓚᓗᒍ $750.00 ᓂᐅᕕᐊᕆᔭᖅ ᐅᖓᑖᓅᖓᔪᓄᑦ ᐊᑭᖃᓪᓗᐊᖅᑎᑕᐅᓂᖅ).
ᐅᖓᑖᓅᖓᔪᓄᑦ ᐊᑭᖃᓪᓗᐊᖅᑎᑕᐅᓂᖅ - ᖃᖓᑕᓂᐊᖅᑐᖅ ᐅᖓᑖᓅᖓᔪᒥᒃ i ᐊᑭᖃᓪᓗᐊᖅᑎᑕᐅᓂᖅᑕᖃᖅᑎᑦᔭᕆᐊᒃᓴᖅ ᐱᖁᑎᒋᔭᒥᓄᑦ, ᐅᖓᑖᓅᖓᔪᓄᑦ ᐊᑭᖃᓪᓗᐊᖅᑎᑕᐅᓂᕐᒧᑦ ᐊᑭᓕᐅᑎᒋᔭᐅᔭᕆᐊᖃᕐᓂᕋᕐᓗᒍ. ᐊᑭᓕᐅᑎᒋᔭᑦ ᓄᓇᓕᒋᔭᒥ ᐃᖏᕐᕋᓗᓂ .50ᓴ $100ᑖᓚᑕᒫᑦ ᐊᑭᓪᓗᐊᕆᓂᕋᖅᑕᑉ ᐅᖓᑖᓅᖓᓂᖓ (ᔩᐊᔅᑏᖃᖏᑦᑐᖅ). ᑭᒡᓕᒋᑎᑕᖅ ᑎᑎᕋᐅᓯᕆᓯᒫᓂᒃᑐᖅ ᓯᕗᓂᖓᓂ.

ᐃᐊᕐ ᑲᓇᑕᒃᑯᑦ ᐱᖁᑎᑦ ᓅᑕᐅᓂᖏᑦ

ᖃᖓᑕᒍᕕᑦ ᑲᓇᐃᑎᐊᓐ ᓄᐊᑦᑯᑎᒍᑦ ᖃᖓᑕᓕᖔᕐᓗᑎᑦ ᐃᐊᕐ ᑲᓇᑕᒃᑯᑎᒍᑦ ᐱᖁᑎᑎᑦ ᓯᕗᒧᒃᑎᑕᐅᓇᔭᖅᐳᑦ ᑎᑭᐅᑎᕕᒋᓇᓱᒃᑕᕐᓄᑦ. ᑕᐃᒫᒃ ᒪᕐᕈᐊᖅᑎᕐᓗᑎᑦ ᐃᑭᔭᖅᑐᕈᓐᓇᐅᑎᑖᕆᐊᖃᕋᔭᙱᓚᑎᑦ. ᖃᖓᑕᓂᕆᓂᐊᖅᑕᕐᓂᒃ ᓇᓗᓇᐃᕆᓯᒪᔪᒥᒃ ᑕᑯᖅᑯᔾᔨᔭᕆᐊᖃᖅᐳᑎᑦ.

ᓇᐃᓴᐅᑎᖃᖃᑎᒌᖕᓂᒃᑯᑦ ᖃᖓᑕᓂᕆᔭᑦ

ᖃᖓᑕᔭᕌᖓᕕᑦ ᓇᐃᓴᐅᑎᖃᖃᑎᖃᖅᑐᒃᑯᑦ (ᑲᓇᐃᑎᐊᓐ ᓄᐊᑦᑯᑦ ᓈᓴᐅᑎᖓ ᐊᐅᓚᑕᐅᔪᖅ ᐃᐊᕐ ᑲᓇᑕᒃᑯᓐᓄᑦ) ᖃᖓᑕᕝᕕᒋᒋᐊᙵᖅᑕᕕᑦ ᐱᖁᑎᒡᒋᖅᑎᑦᑎᔪᓐᓇᕐᓂᕆᔭᖓ ᐊᑐᖅᐳᖅ.

ᐆᒃᑑᑎᒋᓪᓗᒋᑦ:

 

ᐃᓅᕕᒃ – ᐅᐃᓂᐸᐃᒡ

ᐃᓅᕕᒃ – ᐊᑦᒪᓐᑕᓐ ᐃᖏᕐᕋᑎᑕᐅᔪᖅ ᑲᓇᐃᑎᐊᓐ ᓄᐊᑦᑯᓐᓄᑦ

ᐊᑦᒪᓐᑕᓐ – ᐅᐃᓂᐸᐃᒡ ᐃᖏᕐᕋᑎᑕᐅᔪᖅ ᐃᐊᕐ ᑲᓇᑕᒃᑯᓐᓄᑦ

ᑲᓇᐃᑎᐊᓐ ᓄᐊᑦᑯᑦ ᕿᔪᖁᑎᓄᑦ ᒪᓕᒐᖏᑦ ᐊᑐᖅᑐᑦ.

ᓴᐃᓐ ᔮᓐᔅ – ᐃᖃᓗᐃᑦ ᓴᐃᓐ ᔮᓐᔅ – ᑐᕌᓐᑐ ᐃᖏᕐᕋᑎᑕᐅᔪᖅ ᐃᐊᕐ ᑲᓇᑕᒃᑯᓐᓄᑦ
ᑐᕌᓐᑐ – ᐋᑐᕚ ᐃᖏᕐᕋᑎᑕᐅᔪᖅ ᐃᐊᕐ ᑲᓇᑕᒃᑯᓐᓄᑦ
ᐋᑐᕚ – ᐃᖃᓗᐃᑦ ᐃᖏᕐᕋᑎᑕᐅᔪᖅ ᑲᓇᐃᑎᐊᓐ ᓄᐊᑦᑯᓐᓄᑦ
ᐃᐊ ᑲᓇᑕᒃᑯᑦ ᕿᔪᖁᑎᓄᑦ ᒪᓕᒐᖏᑦ ᐊᑐᖅᑐᑦ.

ᕿᒥᕐᕈᐊᓛᖅᐸᐃᑦ ᐃᐊ ᑲᓇᑕᐅᑉ ᕿᔪᖁᑎᓄᑦ ᐊᑕᐊᒐᖓ ᓯᕗᓪᓕᕐᒥ ᑲᖓᑕᕝᕕᒋᓂᐊᖅᑕᐃᑦ ᐃᖏᕐᕋᕝᕕᒋᓂᐊᖅᑕᕐᓃᒃᑐᒥ ᐊᐅᓚᑕᐅᒃᐸᑦ ᐃᐊ ᑲᓇᑕᒃᑯᓐᓄᑦ, ᑲᓇᐃᑎᐊᓐ ᓄᐊᑦᑯᑦ ᖃᖓᑎᓲᖓᑕ ᓈᓴᐅᑎᖓᓂᒃ ᑎᑎᕋᖅᓯᒪᓂᖃᕋᓗᐊᖅᐸᑦ.