ᐸᐸᑕᑦ ᐱᖁᑎᑦ

ᐱᖁᑎᑦ ᐱᔾᔪᑎᒋᓪᓗᒋᑦ ᐅᖄᓚᐅᑦ 1-888-712-31011-888-712-3101 ᐃᑲᕐᕋᕆᔭᑦ: 6ᒥᑦ ᐅᓪᓛᒃᑯᑦ - 9ᒧᑦ ᐅᓐᓄᒃᑯᑦ ᐅᐊᓕᓂᐅᑉ ᖃᐅᔨᓴᐅᑎᖓᒍᑦ.

ᐱᖁᑎᒋᔭᑉ ᒥᒃᓵᓄᑦ ᑕᐃᒪᐃᓐᓂᕋᐃᔾᔪᑎ ᑕᑕᑎᒐᒃᓴᖅ

ᖃᖓᑕᓲᑉ ᐃᓗᐊᓄᑦ ᓇᔅᓴᖅᑕᐅᔪᓐᓇᖅᑐᑦ ᑎᒍᒥᐊᒐᑦ

ᐊᑐᓂ ᐊᐅᓪᓚᕐᓂᐅᓴᔪᑦ ᐱᔪᓐᓇᖅᑎᑕᐅᔪᑦ ᐊᑕᐅᓯᕐᒥᑦ (1) ᑎᒍᒥᐊᓗᑎ ᐃᑦᑎᕐᕕᒥᑦ ᖃᖓᑕᓲᒧᑦ

  • ᐊᖏᓂᕆᒋᐊᖃᖅᑕᖏᑦ ᐅᖓᑕᐅᔾᔨᒋᐊᖃᖏᑦᑐᑦ 23 cm x 41 cm x 57 cm (9" x 16" x 22.5"),
  • ᐅᖁᒪᐃᓐᓂᖓ ᐅᖓᑕᐅᔾᔨᒋᐊᖃᖏᑦᑐᖅ 10 kg (22lbs)

ᑎᒍᒥᐊᖅᑕᐅᓂᐊᖅᑐᖅ ᐅᖓᑖᓄᑦ ᐊᖏᓂᖃᑉᐸᑦ ᑕᑉᐱᒃᑯᐊ ᐊᖏᓂᕆᔭᕆᐊᖃᑦᑕᖏᑕ, ᐃᓕᒍᓐᓇᔾᔮᖏᑦᑐᖅ ᐊᖏᓂᖓᓂᒃ ᖃᐅᔨᓴᖅᕕᐅᖃᑦᑕᖅᑐᒧᑦ ᑕᐃᑲᓂ ᐃᑭᔾᔪᑎᑖᕋᓱᕝᕕᒻᒥ ᐅᕝᕙᓘᓐᓃᑦ ᖃᐅᔨᒋᐊᕈᑏᑦ ᓵᖓᓃᑦᑐᑦ ᐊᑦᔨᓕᐅᕈᑏᑦ, ᐃᓱᒪᒋᔭᐅᓂᐊᖅᑐᖅ ᐊᖏᓗᐊᕆᐊᖓᓂᒃ ᑎᒍᒥᐊᖅᑕᐅᓗᓂ. ᐊᑭᓖᑎᑕᐅᑐᐃᓐᓇᕆᐊᖃᑦᑐᑎᑦ.

ᑎᒍᒥᐊᖅᑕᐃᑦ ᖃᖓᑕᓲᒧᑦ ᓇᔅᓴᕈᕕᐅᒃ, ᑐᖅᑯᑦᑕᐅᓯᒪᔭᕆᐊᓕᒃ ᐃᑭᒪᔫᑉ ᐱᔪᓐᓇᕐᓗᓂᐅᒃ ᐊᑖᓂ ᐃᒃᓯᕙᐅᑕᐅᑉ ᓯᕗᓂᐊᓃᑦᑐᖅ ᑖᒃᓱᒪ ᐅᕝᕙᓘᓐᓃᑦ ᐃᓗᐊᓅᕐᓗᒍ ᖁᓛᓂ ᒪᑐᐃᖅᑕᖅᑑᑉ. ᑎᒍᒥᐊᒐᐃᑦ ᑐᖅᑯᑦᑕᐅᓯᒪᐃᓐᓇᕆᐊᓖᑦ ᖃᖓᓕᒫᑦᑎᐊᖅ, ᖃᖓᑦᑕᓕᖅᐸᑦ ᐊᒻᒪᓗ ᐅᕝᕙᓘᓐᓃᑦ ᒥᒋᐊᖅᑐᓕᖅᐸᑦ ᖃᖓᑕᓲᖅ ᐅᕝᕙᓘᓐᓃᑦ ᐅᖃᐅᔾᔭᐅᒍᑦᓯ ᐱᔨᑲᑖᖏᓐᓄᑦ ᖃᖓᑕᓲᑉ ᐊᑦᑕᓇᐃᖅᓯᒪᔭᕆᐊᖃᕐᓂᕐᒧᑦ ᐱᑦᔪᑎᖃᓪᓗᑎᒃ.

ᑲᓇᐃᑎᐊᓐ ᓄᐊᑦᑯᑦ ᑎᒍᒥᐊᖅᑕᐅᔪᒪᔪᒥᒃ ᐃᑭᔾᔪᑎᑖᖅᕕᒃᑯᕈᔨᑐᐃᓐᓇᕆᐊᓖᑦ ᐃᓂᖃᖏᓗᐊᕐᓂᖓᓄᑦ ᖃᖓᑕᓲᑉ ᐃᓗᐊᓂ. ᐊᑭᓖᑎᑕᐅᑐᐃᓐᓇᕆᐊᓖᑦ ᐱᖁᑎᓄᑦ.

ᓇᓕᐊᓐᓂᑐᐃᓐᓇᖅ ᐅᑯᓂᖓ ᒥᑭᑦᑑᑎᓂᒃ ᐱᖁᑎᒋᔭᐅᔪᒥᒃ ᐊᔪᓐᖏᑎᑕᐅᒃᑲᓐᓂᕈᓐᓇᖅᑐᖅ ᓈᔅᓴᕐᓗᓂ, ᑖᓐᓇ ᐊᖏᓂᖓ ᐅᖓᑖᓃᖏᑐᐊᖅᐸᑦ 12 cm/5 in:

  • ᐊᑕᐅᓯᖅ ᐸᐃᑉᐹᒃᑯᕖᑦ ᑎᒍᒥᐊᒐᑦ
  • ᐊᑕᐅᓯᖅ ᖃᕋᓴᐅᔭᖅ ᓵᑦᑐᖅ ᒪᑭᑦᑕᖅᑐᖅ
  • ᐊᑕᐅᓯᖅ ᐊᕐᓇᒧᑦ ᓂᕈᒥᐊᒐᖅ
  • ᐊᑕᐅᓯᖅ ᐊᓐᓄᕌᒃᑯᕕᒃ

ᐊᖏᖃᑎᒌᓐᓂᒃᑯᑦ ᐊᒻᒪᓗ ᖃᖓᑕᓲᖃᖃᑎᒌᓐᓂᒃᑯᑦ ᖃᖓᑕᓂᐅᕙᑦᑐᖅ

ᖃᖓᑕᓂᐊᖅᑐᑦ ᐃᖏᕐᕋᓂᐊᖅᑐᖅ ᐊᖏᖃᑎᒌᓐᓂᒃᑯᑦ ᐅᕝᕙᓘᓐᓃᑦ ᖃᖓᑕᓲᖃᖃᑎᖐᓐᓂᒃᑯᑦ ᒪᓕᓐᓂᐊᕐᒥᔪᖅ ᐃᑦᑎᖅᕕᓐᓄᑦ ᐊᑐᐊᒐᕐᓂᒃ, ᐊᑭᓖᔾᔪᑎᖏᓐᓂᒃ ᐊᒻᒪᓗ ᒪᓕᒐᖏᓐᓂᒃ ᖃᖓᑕᓲᑉ ᑎᑎᕋᖅᓯᒪᔪᑦ ᖃᖓᑕᔾᔪᑎᓂ.

ᖃᐅᔨᒋᐊᕈᓐᓇᖅᑐᑎᑦ ᖃᖓᑕᓲᓕᕆᔨᒃᑯᑦ ᐃᑭᐊᖅᑭᕕᖓᓐᓄᑦ ᕿᒥᕐᕈᓂᐊᕋᕕᑦ ᐊᑐᖅᑕᐅᖃᑦᑕᖅᑐᓂᒃ ᐃᑦᑎᖅᕕᓐᓄᑦ ᐊᑐᐊᒐᖏᓐᓂᒃ, ᐊᑭᓖᔾᔪᑎᖏᓐᓂᒃ ᐊᒻᒪᓗ ᒪᓕᒐᖏᓐᓂᒃ.

ᐃᓱᒪᒋᔭᖃᕐᓂᖅ

ᐊᕐᔭᙳᖅᑎᓯᒪᔪᖅ

ᑲᓇᐃᑎᐊᓐ ᓄᐊᑦᑯᑦ ᐊᖏᕐᓂᐊᖅᑐᑦ ᐊᕐᔭᙳᖅᑎᓯᒪᔪᒥᒃ ᖄᖏᐅᔾᔭᐅᙱᑐᐊᖅᐸᑦ ᖃᖓᑕᓲᕐᒥ ᑎᒍᒥᐊᖅᑕᐅᓪᓗᑎᒃ ᐱᓯᒪᑎᒋᔭᐅᔪᓐᓇᖅᑐᑦ. ᑐᖁᓚᐅᕐᓂᖓᓄᑦ ᓇᓗᓇᐃᒃᑯᑕᖅ ᐊᕐᔭᙳᖅᑎᓯᒪᓂᕋᐃᔾᔪᑎᓗ ᓴᖅᑭᑎᑕᐅᔭᕆᐊᖃᖅᑑᒃ ᑕᒪᐃᓐᓄᑦ ᐃᑭᔭᖅᑐᕈᓐᓇᐅᑎᑖᖅᑎᑦᑎᔨᒧᑦ ᐊᒻᒪ ᐊᑦᑕᕐᓇᖅᑐᖅᓯᐅᖅᑎᓄᑦ.

ᐊᔭᐅᑉᐱᐊᑦ

ᐊᔭᐅᑉᐱᐊᑦ ᖃᓱᑎᕆᐊᓕᖕᒥᒃ ᓇᐃᒡᓕᒋᐊᕈᑎᖃᒡᒍᖕᒪᑕ ᖁᓕᖕᓃᑦᑐᒧᑦ ᑐᖅᑯᖅᓯᒪᔪᓐᓇᐅᑎᒋᕚᑦ ᑕᒪᓐᓇ.

ᑕᒫᓂᖅᑭᔪᑦ ᐅᐊᔭᖃᖏᑦᑐᑦ ᐱᓕᕆᔾᔪᑎᑦ

ᐊᖏᖅᑕᐅᓯᒪᔪᑦ ᑕᒫᓂᖅᑭᔪᑦ ᐅᐊᔭᖃᖏᑦᑐᑦ ᐱᓕᕆᔾᔪᑎᑦ

ᐃᓚᖏᑦ ᑕᒫᓂᖅᑭᔪᑦ ᐅᐊᔭᖃᖏᑦᑐᑦ ᐱᓕᕆᔾᔪᑎᑦ ᐊᔪᕈᓐᓃᖅᑎᑕᐅᒻᒪᑕ ᑲᓇᐃᑎᐊᓐ ᓄᐊᒃᑯᓐᓂᑦ ᖃᖓᑕᓲᑉ ᐃᓗᐊᓄᑦ ᓇᔅᓴᖅᑕᐅᔪᓐᓇᕐᓗᑎᒃ, ᓈᒻᒪᑉᐸᑕ ᐃᓗᐊᓄᑦ ᑎᒍᒥᐊᖅᑕᐅᓂᐊᖅᑑᑉ ᐊᒻᓗ ᐅᖁᒪᐃᓐᓂᕆᔭᕆᐊᖃᑦᑕᖓᓄᑦ ᐊᒻᒪᓗ ᐊᑦᑕᓇᐃᖅᓯᒪᓂᕐᒧᑦ ᒪᓕᒐᕆᔭᐅᔭᕆᐊᓕᓐᓄᑦ. ᐅᑯᐊᓕ ᐹᑕᓖᖃᕆᐊᓖᑦ ᐅᐊᔭᖃᖏᑦᑐᑦ ᐱᓕᕆᔾᔪᑎᑦ ᓂᐱᖃᕈᓐᓇᖅᑐᒥᒃ ᐱᑕᖃᑦᑎᑎᓐᖏᑦᑐᑦ ᖃᖓᑕᓲᒥ ᐊᒻᒪᓗ ᐊᐅᓚᑕᐅᔪᓐᓇᖅᑐᑎᒃ ᐃᑭᒪᔪᓄᑦ ᑭᓯᐊᓂᓕ ᖃᖓᑦᑕᓕᖅᐸᑕ, ᖁᑦᑎᑦᓯᓇᓱᐊᖅᑎᓪᓗᒍ, ᑎᑭᒋᐊᖅᑐᓕᖅᑎᓪᓗᒍ, ᒥᒐᓱᓕᖅᑎᓪᓗᒍ ᐊᒻᒪᓗ ᓂᓪᓕᐊᔪᖃᑦᑎᓪᓗᒍ ᐊᑦᑕᓇᐃᖅᓯᒪᓂᕐᒧᑦ ᓇᓗᓇᐃᖅᑎᕆᔾᔪᑎᓂᒃ:

-ᕿᓪᓕᖅᑐᑦ/MP3/MP4/ ᐊᒻᒪᓗ ᐊᓯᖏᑦ ᓂᑦᔮᔪᓂᒃ ᑐᓵᔾᔪᑎᑦ
-ᖃᕋᓴᐅᔭᐃᑦ ᐊᒻᒪᓗ ᖃᕋᓴᐅᔭᕋᓛᑦ
-ᑕᕐᕆᔭᐅᑎᑦ ᕿᓪᓕᖅᑐᒧᑦ
-ᑲᑉᐳᔭᖅᑐᑦ ᐅᓐᖏᔭᐅᑎᑦ
-ᖃᕋᓴᐅᔭᐃᑦ-ᐅᖃᓕᒫᕈᑎᑦ
-ᑐᓵᔾᔪᑎᑦ
-ᐆᒪᑎᒧᑦ ᐃᑲᔫᑎᑦ (ᐱᖃᓯᐅᑎᓪᓗᒋᑦ ᑕᐃᒃᑯᐊ (ᓄᖑᔪᐃᑦᑐᓕᒻᒥᒃ ᐹᑕᓖᑦ)
-ᐋᓐᓂᐊᖅᑐᓕᕆᔨᒃᑯᑦ ᑕᒫᓂᖅᑭᔪᑦ ᐅᐊᔭᒨᖅᑐᑦ ᐱᓕᕆᔾᔪᑎᑦ ᖃᐅᔨᓴᕈᑎᑎᒍᑦ ᓈᒻᒪᒋᔭᐅᓯᒪᔪᑦ*
-ᑎᒍᒥᐊᒐᐃᑦ ᑕᒻᒪᕇᒃᑯᑎᑦ ᐊᒻᒪᓗ ᐊᓯᖏᓪᓗ ᑎᒍᒥᐊᒐᐃᑦ ᐱᓕᕆᔾᔪᑎᑦ
-ᐃᓅᔭᕆᐊᖃᕐᓂᕐᒧᑦ ᐊᑐᕆᐊᓖᑦ
-ᐃᒃᐱᐊᔪᒻᒥᐅᑕᐃᑦ ᓇᐃᓴᐅᓯᕆᔾᔪᑎᑦ (ᐸᐅᑉᐹᖃᕆᐊᖃᖏᑦᑐᑦ)
-ᑕᒫᓂᖅᑭᔪᑦ ᑕᓚᕖᓴᐃᑦ ᐊᒻᒪᓗ ᐊᓯᖏᓪᓗ ᑐᓴᖃᑦᑕᐅᑎᓕᕆᓂᕐᒧᑦ ᐊᑐᖅᑕᐅᓲᓂᒃ
-ᑕᒫᓂᖅᑭᔪᖅ ᓂᐱᓕᐅᕈᑎ/ᐊᑦᔨᓕᐅᕈᑎᑦ
-ᐱᓐᖑᐊᕈᑏᑦ ᐊᒻᒪᓗ ᑕᕆᔭᕈᓐᓇᐅᑎᑦ

*ᐅᑦᔨᕆᒍᒃ: ᐋᓐᓂᐊᕕᒃᑯᑦ ᑕᒫᓂᖅᑭᔪᑦ ᐅᐊᔭᖃᖏᑦᑐᑦ ᐱᓕᕆᔾᔪᑎᖏᑦ (MPEDs) ᓲᕐᓗ ᐆᒪᑎᒧᑦ ᓱᑲᑎᑦᑎᔾᔪᑎᑦ (AEDs), ᓯᓂᒃᑐᒧᑦ ᐊᓂᖅᓵᑐᖅᑎᐊᕈᑎᑦ, ᐊᓯᖏᓪᓗ ᐋᖅᑭᒃᑕᐅᓯᒪᔭᕆᐊᖃᑉᐳᑦ ᖃᐅᔨᓴᖅᑕᐅᓂᑰᓗᑎᓪᓗ ᒪᓕᓪᓗᒍ ᑎᑎᕋᖅᓯᒪᔪᖅ 21, ᓇᓗᓇᐃᖅᑕᐅᓯᒪᓂᖓ M, ᐅᕝᕙᓘᓐᓃᑦ RTCA/DO-160, ᒫᓐᓇᐅᔪᖅ ᐊᑐᖅᑕᐅᔪᑦ ᐊᒻᒪᓗ ᐊᑐᖅᑕᐅᔪᓐᓇᖅᑐᑎᒃ ᖃᖓᑕᓲᒦᓪᓗᓂ ᖃᖓᑕᓂᓕᒫᖓᓂ.

ᑕᒫᓂᖅᑭᔪᑦ ᑲᑉᐳᔭᖅᑐᑦ ᐊᒻᒪᓗ ᐅᐊᔭᖃᖏᑦᑐᑦ ᐱᓕᕆᔾᔪᑎᑦ ᑐᓴᖅᓴᐅᖏᑦᑑᒐᓗᐊᒃᑯᑦ ᐃᓕᓴᕐᓇᕈᑎᓖᑦ, ᖃᕋᓴᐅᔭᒃᑯᑦ ᑎᑎᕋᖃᑦᑕᐅᑎᓂᖅ ᐅᕝᕙᓘᓐᓃᑦ ᐅᖄᓚᐅᑎᒃᑯᑦ ᑎᑎᕋᖃᑦᑕᐅᑎᓂᖅ, ᐅᖄᓚᐅᑎᑦ ᑎᒍᒥᐊᒐᐃᑦ, ᖃᖓᑦᑕᖅᑎᑕᐅᓯᒪᔪᒃᑯᑦ ᐅᖄᓚᐅᑎᑦ, ᖃᕋᓴᐅᔭᐃᑦ, ᖃᕋᓴᐅᔭᕋᓛᑦ, ᑎᒍᒥᐊᒐᐃᑦ ᐊᐃᐹᑦ, ᐊᓯᖏᓪᓗ ᐊᑐᖅᑕᐅᔪᓐᓇᖅᑐᑦ ᐊᐅᓚᐅᑎᖏᓐᓂᒃ ᐊᐅᓚᑦᔭᓚᐅᖏᓐᓂᖏᓐᓂ ᐊᒻᒪᓗ ᒪᑐᔭᐅᓚᐅᖏᓐᓂᖓᓂ ᐊᒻᒪᓗ ᓱᓕ ᒪᑐᖏᑦ ᒪᑐᐃᖅᑕᐅᑉᐸᑕ ᑎᑭᒃᑯᑎᒃ. ᐅᖄᓚᐅᑎᕋᓛᑦ ᐊᑐᖅᑕᐅᔭᕆᐊᖃᖏᑦᑐᑦ ᖃᖓᑕᓲᖅ ᐊᐅᓚᑎᓪᓗᒍ ᐅᕝᕙᓘᓐᓃᑦ ᓇᓗᓇᐃᖅᓯᔪᖃᑦᑎᓪᓗᒍ ᐊᑦᑕᓇᐃᖅᓯᒪᔾᔪᑎᓂᒃ ᖃᖓᑦᑕᕐᓂᐊᓕᕐᓗᓂ ᐅᕝᕙᓘᓐᓃᑦ ᖃᖓᓕᒫᑦᑎᐊᒃᑯᑦ ᖃᖓᑕᓂᓕᒫᖓᓂ, ᐊᒻᒪᓗ ᓄᖅᑲᕝᕕᖓᓅᖅᐸᓪᓕᐊᓇᓱᒃᑎᓪᓗᒍ.

ᐊᖏᖅᑕᐅᓯᒪᖏᑦᑐᑦ ᑕᒫᓂᖅᑭᔪᑦ ᐅᐊᔭᖃᖏᑦᑐᑦ ᐱᓕᕆᔾᔪᑎᑦ

ᐅᑯᐊᓕ ᐱᓕᕆᔾᔪᑎᑦ ᐊᖏᖅᑕᐅᓯᒪᓂᐊᖅᑐᑦ ᓇᔅᓴᓂᐊᕐᓗᒋᑦ ᑎᒍᒥᐊᖅᑕᓐᓂ ᐊᖏᓂᖏᑦ ᓈᒻᒪᑉᐸᑕ ᐊᒻᒪᓗ ᐅᖁᒪᐃᓐᓂᕆᔭᕆᐊᖃᑦᑕᖓ ᑭᓯᐊᓂ ᐊᑐᖅᑕᐅᔭᕆᐊᖃᖏᑦᑐᑦ ᖃᖓᑐᐃᓐᓇᑦᑎᐊᖅ ᖃᖓᑕᓗᓂ ᑲᓇᐃᑎᐊᓐ ᓄᐊᑦᑯᑦ ᖃᖓᑕᓲᖏᓐᓂ ᒫᓐᓇᐅᔪᖅ ᐱᑦᔪᑎᒋᓪᓗᒍ ᑐᓴᖅᓴᐅᖏᑦᑐᒃᑯᑦ ᐸᕝᕕᓴᐃᓂᖃᕈᓐᓇᕐᒪᑕ ᖃᖓᑕᓲᑉ ᑐᓴᐅᒪᖃᑦᑕᐅᑎᔾᔪᑎᖏᓐᓂᒃ, ᑕᒻᒪᕇᒃᑯᑎᖏᓐᓂᒃ, ᐃᖏᕐᕋᔾᔪᑎᖏᓐᓂᒃ ᐊᒻᒪᓗ ᖃᕋᓴᐅᔭᕈᔪᖏᓐᓂᓪᓗ:

-AM/FM ᓈᓚᐅᑏᑦ
-CB ᐆᕚᑦ
-ᑕᒫᓂᖅᑭᔪᑦ ᓈᓚᐅᑎᕋᓛᑦ ᑐᓴᖃᑦᑕᐅᑎᔾᔪᑎᑦ ᐅᕝᕙᓘᓐᓃᑦ ᕿᓂᕈᑎᑦ
-ᐸᐃᑉᐹᓕᕆᔾᔪᑎᓪᓗ
-ᐱᓐᖑᐊᕈᑎᑦ ᐃᒻᒥᓂᒃ ᐃᖏᕐᕋᔪᓐᓇᖅᑐᑦ
-ᐊᓯᖏᓪᓗ ᑭᓱᑐᐃᓐᓇᐃᑦ ᖃᖓᑕᓲᖅᑎᐅᑉ ᐃᓱᒫᓘᑎᒋᔭᖏᑦ ᐊᕐᕕᐊᕈᓐᓇᕋᔭᖅᑐᖅ ᖃᖓᑕᑦᑎᐊᕋᓱᐊᕐᓂᕐᒧᑦ

ᓄᑖᑦ ᒪᓕᒐᕋᓛᑦ ᓇᓗᓇᐃᖅᑕᐅᔪᑦ ᒪᐃ 26, 2014-ᒥ ᑲᓇᐃᑎᐊᓐ ᓄᐊᑦᑯᑦ ᐱᓕᕆᐊᖃᕋᓱᐊᖅᐳᑦ ᐊᖏᖅᑕᐅᑎᑦᑎᓇᓱᐊᖅᑐᑎᒃ ᐃᓚᐅᑎᑕᐅᖏᓐᓂᖓᓄᑦ ᑕᒪᒃᑯᐊ ᖃᖓᑕᖃᑦᑕᖅᑐᖁᑎᕗᑦ ᐊᑐᕈᓐᓇᓂᐊᕐᒪᑕ ᑕᒫᓂᖅᑭᔪᖁᑎᒥᓂᒃ ᐅᐊᔭᒃᑰᖏᑦᑐᖅ ᐱᓕᕆᔾᔪᑎᓂᒃ ᖃᖓᑕᓂᓕᒫᖏᓐᓂ, ᑭᓯᐊᓂ ᐊᑦᑕᓇᐃᖅᒪᒐᓗᐊᕐᒪᖔᑕ ᖃᐅᔨᓴᖅᑕᐅᓚᐅᕐᓗᑎᒃ ᐊᒻᒪᓗ ᐊᖏᖅᑕᐅᓯᒪᓗᑎᒃ ᐊᑐᓕᖅᑎᑕᐅᓚᐅᖏᑎᓪᓗᒍ ᑖᓐᓇ ᐃᓚᐅᑎᑦᑎᖏᓐᓂᖅ. ᖁᔭᓐᓇᒦᖅᐸᔅᓯ ᐅᑕᖅᑭᔪᓐᓇᑦᑎᐊᕋᑦᓯ ᐊᒻᒪᓗ ᑐᑭᓯᔪᓐᓇᑦᑎᐊᕋᔅᓯ ᐅᓪᓗᒥᐅᔪᖅ ᐊᑐᐊᒐᖅᑎᓐᓂᒃ ᑭᓪᓕᖃᑦᑎᑦᑎᓂᕐᒧᑦ ᐱᑦᔪᑎᓕᒃ ᑕᒫᓂᖅᑭᔪᑦ ᐅᐊᔭᖃᖏᑦᑐᑦ ᐱᓕᕆᔾᔪᑎᓂᒃ ᐊᒻᒪᓗ ᐊᐅᓚᓂᕆᔭᖏᓐᓂᒃ ᖃᖓᑕᑎᓪᓗᒋᑦ.

ᐅᑦᔨᕈᓱᒋᑦ ᖃᕋᓴᐅᔭᕋᓛᑦ ᐅᕝᕙᓘᓐᓃᑦ ᐅᐊᔭᒨᖅᑐᑦ ᐲᖅᑕᐅᔭᕆᐊᖃᕐᓂᐊᖅᑐᑦ ᑎᒍᒥᐊᒐᔅᓯᓐᓂᒃ ᖃᐅᔨᓴᖅᑕᐅᕕᖓᑎᒎᓕᕈᑦᓯ, ᕿᒥᕐᕈᔾᔪᑎᒃᑰᓚᐅᖏᓐᓂᖏᓐᓂ.

 

ᐆᒪᔪᖁᑎᒋᔭᑦ

ᐆᒪᔪᖁᑎᒋᔭᑦ ᐃᑭᔪᓐᓇᖅᑎᑕᐅᔪᑦ ᑎᒍᒥᐊᖅᑕᐅᓗᑎᒃ ᐱᓯᒪᔭᐅᓗᑎᒃ (PETC) ᐱᔨᑦᑎᕐᓂᕐᒧᑦ ᐊᑭᖃᖅᑎᑕᐅᓗᑎᒃ $50.00ᓂᒃ (ᐊᒻᒪ ᐱᖁᑎᓄᑦ ᑖᒃᓰᔭᐃᔾᔪᑦ/ᐊᕕᒃᑐᖅᓯᒪᔪᒧᑦ ᑖᒃᓰᔭᐃᔾᔪᑦ) ᐊᑐᓂ, ᐅᑯᐊ ᑎᑭᐅᑎᔭᐅᑐᐊᖅᐸᑕ:

  • ᐊᒃᓱᓪᓘᓐᓃᑦ ᐃᑲᕐᕋᑦ 24 ᐊᐅᓪᓚᕐᕕᒃᓴᐅᑉ ᑐᖔᓂ ᑐᓴᖅᑎᑦᑎᔭᕆᐊᓕᒃ, ᑐᙵᕕᒋᔭᐅᓪᓗᓂ ᐃᓂᒃᓴᖃᖅᑎᒋᓂᖓ. ᐊᑐᖅᑐᖅ ᑲᓇᐃᑎᐊᓐ ᓄᐊᑦᑯᑦ ᖃᖓᑕᓲᖏᓐᓄᑐᐊᖅ. ᖃᖓᑕᔪᑦ ᐊᓯᖏᓐᓂᑦ ᖃᖓᑕᔪᓕᕆᔨᓂᒃ ᐋᖅᑭᒃᓱᐃᖃᑎᖃᓪᓗᐊᖅᑐᑦ ᖃᖓᑕᓲᖏᑎᒎᕐᓂᐊᖅᐸᑦᑕ.
  • ᖃᖓᑕᔪᑦ ᓂᐅᕕᕈᓐᓇᙱᑦᑐᑦ ᐃᒃᓯᕙᐅᑕᒃᑲᓐᓂᕐᒥᒃ ᐆᒪᔪᕐᒥᓄᑦ ᑎᒍᒥᐊᕐᓗᓂᐅᒃ ᐱᓯᒪᓂᐊᖅᑕᒥᓄᑦ ᐊᒻᒪ ᐆᒪᔪᖁᑎᒋᔭᑦ ᖃᖓᑕᔪᓐᓇᖅᑎᑕᐅᔪᑦ ᐃᓄᐃᑦ ᐃᒃᓯᕚᕐᕕᒋᖃᑦᑕᖅᑕᖏᓐᓂ ᐃᒃᓯᕙᐅᑕᕐᒥ ᕿᓚᐅᖅᑕᐅᔪᓐᓇᙱᑦᑐᑦ. ᖃᖓᑕᔪᑦ ᐱᓯᒪᓪᓗᑎᒃ ᐆᒪᔪᕐᓂᒃ ᐃᒃᓯᕚᕆᐊᖃᙱᑦᑐᑦ ᓯᕗᓂᐊᓂ ᐅᕝᕙᓘᓐᓃᑦ ᐊᓂᕝᕕᐅᕙᒃᑐᒥᑦ ᓴᓂᓕᕇᒃᑐᓂ.
  • ᐆᒪᔪᖁᑎᒋᔭᑦ ᐃᖅᓯᓇᕆᐊᖃᙱᑦᑐᑦ, ᐸᒡᕕᓇᙱᓪᓗᑎᒃ, ᑎᐱᖃᙱᓪᓗᑎᒃ, ᑲᒪᒋᔭᐅᔭᕆᐊᖃᙱᖦᖢᑎᒡᓗ ᖃᖓᑕᑎᓪᓗᒋᑦ. ᐆᒪᔪᖁᑎᒋᔭᑦ ᓅᑕᐅᔪᓐᓇᙱᑦᑐᑦ ᐆᒪᔪᒃᑯᕕᖕᓂᑦ ᖃᖓᑐᐃᓐᓇᖅ ᖃᖓᑕᓲᕐᒦᑎᓪᓗᒍ.
  • ᐊᖏᖅᑕᐅᔪᓐᓇᖅᑐᓂᑦ ᐆᒪᔪᖁᑎᒋᔭᑦ ᐃᓚᐅᕗᑦ ᒥᑭᑦᑐᑦ ᕿᒻᒦᑦ ᐳᓰᓪᓗ, ᑎᖕᒥᐊᑦ, ᐅᑲᓖᑦ, ᐊᕕᙵᕐᓚᐅᔭᐃᓪᓗ ᐊᔾᔨᒌᙱᑦᑐᑦ. ᐊᓯᖏᓪᓕ ᐃᒪᕐᒥᐅᑕᑦ ᐊᓂᖅᑎᕆᔪᑦ, ᓂᒥᕆᐊᑦ, ᓕᔭᑦ, ᐅᓕᑲᐹᓖᑦ, ᐊᕕᙵᐃᑦ ᐸᒥᐅᖅᑑᑦ ᐸᒥᐅᖅᑑᕐᔪᐊᓪᓗ, ᑎᕆᐊᕐᓚᐅᔭᑦ, ᑎᕆᐊᓪᓗ ᐊᖏᖅᑕᐅᔪᒃᓴᐅᙱᑦᑐᑦ ᑐᕌᖅᑎᑕᐅᔭᕆᐊᖃᖅᖢᑎᒡᓗ ᑲᓇᐃᑎᐊᓐ ᓄᐊᑦ Air Cargoᒃᑯᓐᓄᑦ.
  • ᐆᒪᔪᖁᑎᒋᔭᖅ ᖃᖓᑕᓂᐊᖅᑐᒧᑦ ᐆᒪᔪᖃᐅᓯᕝᕕᒡᒋᐊᕆᔭᒦᑦᑕᕆᐊᖃᖅᐳᑦ ᒥᑭᓗᐊᕆᐊᖃᕋᓂᓗ ᒪᑭᑕᑦᑎᐊᕐᕕᒋᔪᓐᓇᕐᓗᒍ, ᑲᐃᕙᕝᕕᒋᔪᓐᓇᕐᓗᒍ ᓇᓚᕝᕕᒋᔪᓐᓇᕐᓗᒍᓗ. ᐆᒪᔪᖃᐅᓯᕝᕕᒃ ᐃᒃᓯᕙᐅᑕᐅᑉ ᐊᑎᑦᑎᐊᖓᓂᑦᑐᓐᓇᕆᐊᓕᒃ (23 cm x 41 cm x 57 cm/9” x 16” x 22.5”) ᐃᒡᓗᒃᑐᓪᓗ ᐊᓂᖅᑎᕆᕝᕕᖃᕆᐊᖃᖅᖢᓂ, ᓇᑖᓗ ᐃᔅᓵᕆᔭᙱᓪᓗᓂ. ᑎᓯᔪᑦ ᐊᕿᑦᑐᓪᓗ ᐆᒪᔪᖃᐅᓯᕝᕖᑦ ᐊᑐᖅᑎᑕᐅᓂᐊᖅᑐᑦ. ᕿᑐᑦᑐᒐᐅᔭᑦ ᐊᑐᖅᑎᑕᐅᔾᔮᙱᑦᑐᑦ.
  • ᐆᒪᔪᖃᐅᓯᕝᕖᑦ ᒪᕐᕉᖕᓂᒃ ᕿᒦᖕᓂᒃ ᒪᕐᕉᖕᓂᒡᓘᓐᓃᑦ ᐳᓯᑳᓂᒃ ᐴᕐᕕᐅᓯᒪᔪᓐᓇᖅᐳᑦ (ᐊᔾᔨᒌᒃᑑᒋᐊᖃᖅᖢᑎᒃ) ᐱᓇᓱᐊᕈᓯᑦ 8 ᐅᖓᑖᓂ ᐊᒻᒪ ᑕᖅᑭᑦ 6 ᑐᖔᓂ ᑭᓯᐊᓂ ᐱᓛᖑᔭᕆᐊᖃᖅᖢᑎᒃ ᐊᖏᓗᐊᕆᐊᖃᕋᑎᒡᓗ ᐆᒪᔪᖃᐅᓯᕝᕕᖕᒥ ᐊᓂᖅᑎᕆᔪᓐᓇᑦᑎᐊᕐᓗᑎᒃ ᐊᐅᓚᑲᑕᒍᓐᓇᕐᓗᑎᒡᓗ. ᕿᒻᒥᓪᓗ ᐳᓯᑳᓪᓗ ᑕᖅᑭᑦ 6 ᐅᖓᑖᓃᑦᑐᑦ ᐊᑐᓂ ᐆᒪᔪᖃᐅᓯᕝᕕᖃᕆᐊᖃᖅᐳᑦ. ᖁᐸᓄᐊᕐᔪᕋᓴᐃᑦ ᑲᑎᙵᔪᓐᓇᖅᐳᑦ ᐸᖕᒥᐅᕈᑎᓗᐊᙱᑐᐊᖅᐸᑕ.
  • ᖃᖓᑕᔪᑦ ᐊᑕᐅᓯᕐᒥᒃ ᐆᒪᔪᖃᐅᓯᕝᕕᖕᒥᒃ ᐸᐸᑦᑎᑎᑕᐅᔪᓐᓇᖅᐳᑦ. ᑭᓯᐊᓂ, ᑭᒡᓕᖃᖅᑎᑕᐅᕗᑦ ᖃᖓᑕᕝᕕᐅᔪᓕᒫᑦ ᑕᓪᓕᒪᐃᓐᓇᕐᓂᒃ (5) ᐆᒪᔪᖃᐅᓯᕝᕕᒃᑕᖃᕈᓐᓇᖅᑎᑦᑎᕗᑦ PETC. ᑕᒪᒃᑯᐊ ᐆᒪᔪᖁᑎᒋᔭᓅᖓᔪᑦ ᐃᓚᒍᑦᑎᐅᔾᔨᓯᒪᙱᓚᑦ ᐱᔨᑦᑎᖅᑎᒋᔭᐅᕙᒃᑐᓂᒃ ᖃᖓᑕᕝᕕᖕᒦᖃᓯᐅᑎᔭᒃᓴᐅᔪᓂᒃ.

ᐱᐊᕋᕐᓄᑦ ᖃᐃᓪᓗᐊᒐᐃᑦ ᓇᓚᕝᕖᓪᓗ

ᐱᐊᕋᕐᓄᑦ ᖃᐃᓪᓗᐊᒐᖅ ᓇᓚᕝᕖᒡᓘᓐᓃᑦ ᓇᒃᓴᖅᑕᐅᔪᓐᓇᖅᔭᐳᖅ ᐃᓂᖃᕐᕕᖕᒥ ᑐᖅᑯᖅᑕᐅᔪᓐᓇᕐᓂᐊᑐᐊᖅᐸᑦ *.

  • ᐱᐊᕋᕐᓄᑦ ᖃᐃᓪᓗᐊᒐᐃᑦ ᓇᓚᕝᕖᓪᓗ ᐸᐸᑕᐅᖃᓯᐅᔾᔭᐅᑎᑕᐅᒐᔪᙱᓚᑦ, ᑭᓯᐊᓂ ᖃᖓᑕᕝᕕᒋᔭᑉ ᐊᒃᑎᒋᓂᖓ ᓈᒻᒪᒃᐸᑦ ᐃᑭᔭᖅᑐᕉᔾᔭᐅᔪᓐᓇᖅᐳᑦ.
  • ᐊᒻᐴᓗᐃᑦ ᖃᖓᑕᕕᒋᔭᒦᑎᑦᑕᕆᐊᒃᓴᖏᑦ ᐊᖏᓗᐊᕋᓗᐊᖅᑎᓪᓗᒋᑦ ᒪᑯᐊ ᓈᒻᒪᓈᑐᐊᖅᐸᑕ:
  • ᓴᓇᓯᒪᓂᖓ ᐊᔾᔨᐅᑐᐃᓐᓇᖅᐸᑦ, ᓯᕿᓐᓂᖅᑕᐅᔾᔭᐃᒃᑯᑎᖓᓗ ᐱᖁᑎᖃᕐᕕᖓᓗ ᐲᖅᓯᒪᑐᐊᖅᐸᑎᒃ, ᐃᒧᑎᑕᒃᓴᐅᒃᐸᓪᓗ;
  • ᐊᒃᑎᒋᓂᕆᔭᖏᑦ ᐅᖓᑖᓃᙱᑐᐊᖅᐸᑕ 15 cm x 15 cm x 100 cm (6” x 6” x 40”)
  • ᖃᖓᑕᓂᐊᖅᑐᖅ ᐃᒐᓛᖅᖠᐅᒃᐸᑦ ᐊᓂᑲᐅᖅᑐᕐᕕᖕᒦᙱᑉᐸᓪᓗ.

ᐸᐸᑕᒃᓴᕆᖃᓯᐅᑎᔭᒃᓴᐅᙱᑉᐸᑕ ᐱᐊᕋᕐᓄᑦ ᖃᐃᓪᓗᐊᒐᐃᑦ ᓇᓚᕝᕖᓪᓗ ᐱᖁᑎᓄᑦ ᐅᓯᔭᓄᑦ ᐃᓚᓕᐅᑎᖃᓯᐅᔾᔭᐅᓇᔭᖅᐳᑦ. ᑕᑯᓗᒍ ᐱᖁᑎᓄᑦ ᐅᓯᔭᓄᑦ ᐊᑐᐊᒐᖅ ᑐᑭᓯᒋᐊᒃᑲᓐᓂᕈᒪᒍᕕᑦ.

ᐃᒃᓯᕙᐅᑕᐃᑦ ᑲᐃᓪᓗᐊᒐᐃᑦ

ᐃᒃᓯᕙᐅᑕᖅ ᑲᐃᓪᓗᐊᒐᖅ ᐱᖁᑎᒡᒋᐊᕆᑎᑕᐅᓇᔭᖅᐳᖅ ᐅᓯᔭᓃᑎᑕᐅᓗᓂᓘᓐᓃᑦ *.

* ᐃᓂᒃᓴᖅᑕᖃᖅᐸᑦ, ᐃᒧᔪᓐᓇᑦᑎᐊᖅᑐᖅ ᐃᒃᓯᕙᐅᑕᖅ ᑲᐃᓪᓗᐊᒐᖅ /ᐃᒧᔪᓐᓇᑦᑎᐊᖅᑐᖅ ᐱᓱᒍᑎ ᐱᖁᑎᓂ ᐸᐸᑕᓂ ᐃᓚᒋᔭᐅᑎᑕᐅᔪᓐᓇᖅᐳᖅ.

ᖃᖓᑕᕝᕕᖕᒦᑎᑕᖅ ᐱᖁᑎ / ᐃᒃᓯᕙᐅᑕᖃᒃᑲᓐᓂᕐᓂᖅ

ᖃᖓᑕᓂᐊᖅᑐᖅ ᑐᒃᓯᕋᕈᓐᓇᖅᐳᖅ ᓱᕋᒃᓴᕋᐃᑦᑐᕐᔪᐊᕌᓗᖕᒥᒃ, ᐊᑭᑐᔪᕐᔪᐊᕌᓗᖕᒥᒃ ᐊᖏᓗᐊᕆᔭᒥᒡᓘᓐᓃᑦ ᐱᖁᑎᒥᒃ (ᐸᐸᑕᒃᓴᐅᑎᑕᐅᔪᓐᓇᖅᑎᓯᒪᒃᐸᑦ ᑲᓇᐃᑎᐊᓐ ᓄᐊᑦᑯᓐᓄᑦ) ᓇᒃᓴᖅᑕᐅᔪᓐᓇᖅᑎᑕᐅᓗᓂ ᖃᖓᑕᕝᕕᖕᒥ, ᐃᒃᓯᕙᐅᑕᒃᑲᓐᓂᕐᒥᒃ ᐊᑐᖅᑕᐅᔪᖃᕆᐊᖃᖅᐸᑦ ᒪᑯᐊ ᒪᓕᒃᑕᐅᔭᕆᐊᖃᕐᓂᐊᖅᐳᑦ:

  • ᐃᒃᓯᕙᐅᑕᖃᒃᑲᓐᓂᕈᑎᒋᔭᖅ ᐃᑲᒪᓂᐊᖅᑑᑉ ᓴᓂᐊᓃᑦᑕᕆᐊᖃᖅᐳᖅ. ᓂᕆᔭᒃᓴᖅᑖᒃᑲᓐᓂᕈᑎᒋᔭᐅᔪᓐᓇᙱᓚᖅ ᑖᓐᓇ ᐃᓂᒋᔭᖅ.
  • ᖃᖓᑕᓂᐊᖅᑐ ᓇᒃᓴᕈᓐᓇᖅᐳᖅ ᓱᕋᒃᓴᕋᐃᑦᑐᕐᔪᐊᕌᓗᖕᒥᒃ, ᐊᑭᑐᔪᕐᔪᐊᕌᓗᖕᒥᒃ ᐊᖏᓗᐊᕆᔭᒥᒡᓘᓐᓃᑦ ᐱᖁᑎᒥᒃ ᑖᓐᓇ ᐱᖁᑎ ᐱᖃᓯᐅᔾᔭᐅᑎᓯᒪᙱᑐᐊᖅᐸᑦ ᐊᑭᖃᕋᑎᒃ ᐱᖁᑎᒡᒋᐊᕆᑎᑕᓂ ᐱᖁᑎᒡᒋᓗᐊᕈᑎᒋᑎᑕᓂᒡᓘᓐᓃᑦ.
  • ᑲᓇᐃᑎᐊᓐ ᓄᐊᑦ ᐊᑭᓖᑎᑦᑎᓂᐊᖅᐳᑦ ᓇᑉᐸᖓᓂᒃ ᐊᑭᒋᑎᑕᑉ YNORTH ᑕᒪᒃᑮᑎᑦᑎᓗᑎᒡᓗ 100% HNORTH, VNORTH, MNORTH ᐊᑭᒋᑎᑕᓂᒃ ᖃᖓᑕᕝᕕᒋᙵᖅᑕᑉ ᐊᑭᖓᓂᒃ ᐊᐊᑐᕐᓗᑎᒃ.
  • ᐃᑭᔪᓐᓇᙱᑎᑕᐅᔪᖅᑕᖃᖅᐸᑦ ᖃᖓᑕᓂᐊᖅᑐᑦ ᐊᑭᓖᓯᒪᒃᐸᑕ ᐃᒃᓯᕙᐅᑕᒃᑲᓐᓂᕐᒧᑦ ᐃᑭᑎᑕᐅᙱᓐᓂᕐᒧᑦ ᑮᓇᐅᔭᓂᒃ ᐱᑎᑕᐅᔾᔪᑎᒋᔪᓐᓇᙱᓚᔾᔪᒃ ᑖᓐᓇ ᐃᒃᓯᕙᐅᑕᕆᔭᖅ.
  • ᐃᒐᓛᖅᖠᕐᒦᑕᑦᑕᕆᐊᖃᖅᐳᖅ, ᐊᓂᑲᐅᖅᑐᕐᕕᖕᒦᑕᕆᐊᖃᕐᙱᓚᖅ, ᓯᕗᓂᐊᓃᓛᖑᔪᒥ ᑭᖑᓂᐊᓃᓛᖑᔪᒥᓘᓐᓃᑦ ᐃᒃᓯᕙᐅᑖᖕᓂᒃ ᓴᓂᓕᕇᒃᑑᖕᓂᒃ ᐅᖓᖅᑰᔾᔨᓯᓯᒫᕐᔪᒍᓐᓇᖅᐳᖅ ᑭᓯᐊᓂ ᓯᓚᖅᑰᔾᔨᓯᒪᔪᓐᓇᙱᓚᖅ. ᐃᒃᓯᕙᐅᑕᐅᑉ ᑐᓄᐊ ᒪᑭᑕᑏᓐᓇᕆᐊᖃᖅᐳᖅ.
  • ᐴᖅᑲᖅᓯᒪᓂᕆᔭᖓ ᐅᓕᒃᓯᒪᓂᕆᔭᖓᓗ ᐋᖅᑭᓯᒪᔭᕆᐊᖃᖅᐳᖅ ᖃᖓᑕᔪᓄᑦ ᐋᓐᓂᕈᑕᐅᖁᓇᒍ. ᐊᑦᑐᖏᖅᓱᖅᓯᒪᑦᑎᐊᕆᐊᖃᖅᐳᖅ ᓄᓗᐊᖑᔭᓄᑦ ᐊᑦᑐᖏᖅᓯᔾᔪᑎᓄᓪᓘᓐᓃᑦ. ᐃᒃᓯᕙᐅᑕᑉ ᐊᑐᖏᖅᓯᒪᔾᔪᑎᖏᑦ ᐅᐃᒍᖏᓪᓗ ᐊᑐᖅᑕᐅᔪᓐᓇᙱᓚᑦ.
  • ᐊᒃᑎᒋᓂᖓ ᐅᖓᖅᑰᔾᔨᓯᓯᒪᔪᓐᓇᙱᓚᖅ 46 cm x 60 cm x 43 cm (18” x 17” x 23”), ᐊᒋᐊᒐᕐᔪᐊᑦ ᑦᓯᐊᓗᑦ ᐱᓇᑎᒃ, ᐅᖁᒪᐃᓐᓂᖓᓗ 165 lbs (75 kg).