ᑐᐊᕕᕐᓇᖅᑐᓕᕆᓂᕐᒧᑦ ᑎᖕᒥᓲᒃᑰᕈᑎᑦ

Canadian North-ᒥᑦ, ᐊᑐᐃᓐᓇᐅᑎᑦᓯᕙᒃᑐᒍᑦ ᑐᐊᕕᕐᓇᖅᑐᓕᕆᓂᕐᒧᑦ ᐃᖏᕐᕋᔾᔪᑎᓂᒃ ᐊᑭᑭᒡᓕᒋᐊᖅᑎᑦᓯᓂᕐᒥᒃ ᑕᐃᒃᑯᓄᖓ ᐃᓚᒋᔭᖏᓐᓂᒃ ᐃᓅᔪᖕᓇᐃᖅᑐᖃᕐᑐᓄᑦ, ᐊᒻᒪᓗ ᑕᐃᒃᑯᓄᖓ ᐃᓚᒋᔭᖃᖅᑐᑦ ᐃᓅᔪᖕᓇᐃᖅᑐᒃᓴᐅᔪᓂᒃ.

ᒪᑯᐊ ᑐᑭᓯᒋᐊᕈᑎᒃᓴᑦ ᐱᔭᐅᔭᕆᐊᖃᖅᑐᑦ ᐊᔪᙱᓂᐅᕈᓂ ᑕᒡᕗᐊ ᐊᑭᑭᒡᓕᒋᐊᕐᓂᕐᒥᒃ.

ᐃᓅᔪᖕᓇᐃᖅᑐᖃᕐᕈᓂ ᐃᓚᒋᔭᕐᓂᒃ ᐱᔭᕆᐊᖃᖅᑐᑎᑦ ᐅᑯᓇᙵᑦ:

  • ᐃᓅᔪᖕᓇᐃᖅᑑᑉ ᐊᑎᖓᓂᒃ
  • ᐃᓅᔪᖕᓇᐃᖅᑐᒧᑦ ᖃᓄᖅ ᐃᓚᖃᕐᒪᖔᖅᐲᑦ
  • ᐊᑎᖓ, ᑐᕌᕈᑎᖓ ᐊᒻᒪ ᐅᖄᓚᐅᑎᖓᑕ ᓈᓴᐅᑖ ᐃᖢᐊᖅᓴᐃᔨᐅᑉ ᑕᑕᑎᕆᔪᖅ ᐃᓅᔪᖕᓇᐃᕐᓂᐅᑉ ᓇᓗᓇᐃᒃᑯᑎᖓᓂᒃ, ᐅᕝᕙᓘᓐᓃᑦ ᐃᕐᖃᐅᒪᓂᕐᒧᑦ/ᐃᓕᓯᓂᕐᒧᑦ ᐃᒡᓗᕐᔪᐊᑉ.

ᐃᓚᒋᔭᑦ ᐃᓅᔪᖕᓇᐃᖅᑐᒃᓴᐅᓂᕈᓂ ᐱᔭᕆᐊᖃᖅᑐᑎᑦ ᐅᑯᓇᙵᑦ:

  • ᐋᓐᓂᐊᖅᑑᑉ ᐊᑎᖓ
  • ᐋᓐᓂᐊᖅᑐᒧᑦ ᖃᓄᖅ ᐃᓚᖃᕐᒪᖔᖅᐲᑦ
  • ᐊᑎᖓ, ᑐᕌᕈᑎᖓ ᐊᒻᒪ ᐅᖄᓚᐅᑎᖓᑕ ᓈᓴᐅᑖ ᑲᒪᑦᓯᐊᖅᑐᖅ ᐃᖢᐊᖅᓴᐃᔨᐅᑉ ᐃᖢᐊᖅᓴᐃᕕᐅᓪᓘᓐᓃᑦ

ᑐᓂᓯᔪᖕᓇᖏᒃᑯᕕᑦ ᑐᑭᓯᒋᐊᕈᑎᒃᓴᓂᒃ ᐃᖏᕐᕋᒋᐊᓚᐅᙱᑎᓪᓗᑎᑦ, ᑐᒃᓯᕋᕈᖕᓇᓛᖅᑐᑎᑦ ᐊᑎᕐᕕᐅᓂᕐᒥᒃ ᐃᖏᕐᕌᓂᑐᐊᕈᕕᑦ. ᑐᓂᓯᑐᐃᓐᓇᕐᓗᑎᑦ ᐃᖏᕐᕋᓂᕆᓚᐅᖅᑕᖅᐱᑦ ᑎᑎᕐᖃᖏᓐᓂᒃ (ᐃᑭᔾᔪᑎᑦ ᐊᒻᒪ ᑎᖕᒥᓲᒃᑰᕈᑎᒥᒃ ᓂᐅᕕᕐᓂᑯ), ᐊᔾᔨᖓᓂᒃ ᐃᓅᔪᖕᓇᐃᕐᓂᕐᒧᑦ ᓇᓗᓇᐃᒃᑯᑕᖅ ᐅᕝᕙᓘᓐᓃᑦ ᐃᓕᓯᓂᕐᒧᑦ ᑐᑭᒧᐊᒃᑎᑦᓯᔨᐅᑉ ᓇᓗᓇᐃᒃᑯᑕᖓᓂᒃ, ᐊᒻᒪ ᑕᑕᑎᖅᓯᒪᔪᖅ ᐃᓅᔪᖕᓇᐃᖅᑐᓕᕆᓂᕐᒧᑦ ᐅᑎᕐᕕᐅᓂᕐᒥᒃ ᐆᒃᑐᕈᑎ ᑕᑕᑎᕆᐊᓕᒃ (ᐊᑐᐃᓐᓇᐅᔪᖅ ᓇᓂᑐᐃᓐᓇᖅ ᒥᒃᑕᕐᕕᖕᒥᑦ ᐃᑭᔾᔪᑎᑖᕐᕕᖕᒥᑦ).

ᐃᓅᔪᖕᓇᐃᖅᑐᓕᕆᓂᕐᒧᑦ ᐅᑎᕐᕕᐅᓂᕐᒥᒃ ᐆᒃᑐᕈᑎ

ᑭᓇ ᐊᔪᙱᑉᐸ?

  • ᐊᐃᑉᐸᕆᔭᐅᔪᖅ (ᐃᓚᒋᓪᓗᒋᑦ ᑲᑎᑎᓯᒪᙱᑦᑐᑦ, ᐊᖑᑕᐅᖃᑎᒌᑦ ᐊᕐᓇᐅᖃᑎᒌᑦ)
  • ᓱᕈᓯᖅ (ᐃᓚᒋᓪᓗᒋᑦ ᑎᒍᐊᖅ, ᑎᒍᐊᙳᐊᖅ-, ᐃᙳᑕᖅ, ᐃᓗᓕᖅ)
  • ᐊᖓᔪᕐᖄᖅ (ᐃᓚᒋᓪᓗᒋᑦ ᐊᖓᔪᕐᖄᖅᑖᖅ, ᐊᑖᑕᑦᓯᐊᖅ, ᐊᓈᓇᑦᓯᐊᖅ, ᐊᒪᐅᖅ, ᒪᓕᒐᑎᒍᑦ, ᑲᑎᑎᓐᓂᒃᑯᑦ, ᑲᑎᑎᓯᒪᙱᒃᑲᓗᐊᕐᓗᓂ ᑲᑎᑎᓐᓂᒃᑯᑦ)
  • ᖃᑕᙳᑎ (ᐃᓚᒋᓪᓗᒋᑦ ᒪᓕᒐᑎᒍᑦ, ᑲᑎᑎᓐᓂᒃᑯᑦ, ᑲᑎᑎᓯᒪᙱᒃᑲᓗᐊᕐᓗᓂ ᑲᑎᑎᓐᓂᒃᑯᑦ)
  • ᐊᑦᓴᒃ/ᐊᖓᒃ/ᐊᓈᓇᒃᓴᖅ/ᐊᑖᑕᒃᓴᖅ (ᐃᓚᒋᓪᓗᒋᑦ ᐊᐃᑉᐸᕆᐅᔫᑉ, ᑲᑎᑎᓯᒪᙱᑕᐅᑉ ᐊᐃᑉᐸᕆᔭᐅᑉ)
  • ᐸᓂᒃᓴᖅ/ᐃᕐᓂᒃᓴᖅ/ᐊᙵᒃ/ᐅᔪᕈᒃ
  • ᒪᓕᒐᑎᒍᑦ ᒥᐊᓂᖅᓯᔨ (ᐃᓚᒋᓪᓗᒋᑦ ᒥᐊᓂᖅᓯᔨᐅᑉ ᐊᐃᑉᐸᖓ)

ᐃᓅᔪᖕᓇᐃᖅᑐᒃᓴᐅᓂᐅᑉ ᑐᑭᖓ

  • ᐋᓐᓂᐊᖅᑐᖅ ᖃᐅᔨᓴᖅᑕᐅᒻᒪᕆᒡᕕᖕᒥᑦ
  • ᐆᒻᒪᓯᕆᒻᒪᕆᒃᑐᖅ
  • ᑳᓐᓴᖃᕐᓂᒃᑯᑦ ᐊᔪᓕᖅᑕᐅᔪᖅ - ᐃᖏᕐᕋᒍᖕᓇᖅᑐᒃᓴᐅᔪᖅ ᐊᑕᐅᓰᙱᓗᓂ
  • ᐱᕋᔭᖕᓂᒻᒪᕆᐅᔪᖅ
  • ᐃᓅᔪᖕᓇᐃᖅᑐᒃᓴᐅᓂᕋᖅᑕᐅᒻᒪᕆᒡᓗᓂ
  • ᐃᖢᐊᖅᓴᐃᕕᖕᒨᕐᓂᖓ ᐃᓚᖃᖅᑐᖅ ᐃᓅᔪᖕᓇᐃᕐᕕᖕᒧᐊᕐᓂᖅ ᐅᕝᕙᓘᓐᓃᑦ ᐊᓯᖓᓄᑦ ᐃᒡᓗᕐᔪᐊᕐᒧᑦ ᐊᑐᓕᖁᔭᐅᓯᒪᔪᖅ ᐃᖢᐊᖅᓴᐃᔨᒧᑦ ᐃᖢᐊᖅᓴᐃᕕᖕᒦᓚᐅᕐᖄᕐᓗᓂ ᐃᓅᔪᖕᓇᐃᕐᓂᐊᓕᒻᒪᕆᖕᓂᕐᒧᑦ.

ᐄᑯᓘᒐᓗᐊᖅ, ᑖᑉᓱᒥᖓ ᐊᑭᑭᒡᓕᒋᐊᕈᑎᒥᒃ ᐊᑐᐃᓐᓇᐅᑎᑦᓯᔪᖕᓇᖏᑦᑐᒍᑦ ᐋᓐᓂᐊᕐᓂᕐᓄᑦ ᐃᓅᔪᖕᓇᐃᖅᑐᒃᓴᐅᑎᑦᓯᖏᑦᑐᓄᑦ, ᐅᕝᕙᓘᓐᓃᑦ ᐱᖁᑎᒋᔭᐅᔪᓂᒃ ᐋᕐᕿᒃᓱᐃᒋᐊᖅᑐᕐᓂᕐᒧᑦ.

ᐆᒃᑐᕈᑎᑦ

  • ᐊᑭᖏᑦ ᐊᑐᖅᑐᖅ ᐃᖏᕐᕋᕕᖕᒥᑦ ᖃᓂᓐᓂᖅᐹᒧᑦ ᒥᒃᑕᕐᕕᖕᒧᑦ ᐱᔨᑦᓯᕋᖅᑕᐅᔪᒧᑦ Canadian North-ᒧᑦ
  • ᐊᔪᙱᑦᑐᖅ ᖃᖓᐅᓂᖏᓐᓂᒃ ᐋᕐᕿᒃᓯᒪᔪᑎᒍᑦ ᓇᒧᑐᐃᓐᓇᖅ ᐃᖏᕐᕋᕕᒋᖃᑦᑕᖅᑕᖏᓐᓄᑦ Canadian North
  • ᐊᔪᙱᑦᑐᖅ ᐅᑎᒧᑦ ᑭᓯᐊᓂᑦ, ᐅᑎᕐᕕᒃᓴᖅ ᐅᓪᓗᖅ ᒪᑐᐃᖓᑎᑕᐅᔪᖕᓇᖏᑦᑐᖅ
  • ᐊᔪᖅᑐᖅ ᐃᓚᒋᔭᐅᓂᖅ ᐊᓯᖏᓐᓄᑦ ᐊᑭᑭᒡᓕᒋᐊᕈᑎᓄᑦ ᐱᔫᒥᓵᕈᑎᓄᓪᓗ.

ᐃᓅᔪᖕᓇᐃᖅᑐᓕᕆᓂᕐᒧᑦ ᐊᑭᖏᑦ ᐊᔪᙱᑦᑐᑦ ᑲᑎᖅᓱᐃᓂᕐᒥᒃ Aeroplan-ᒧᑦ.