ᖃᖓᑕᓪᓗᓂ

ᖃᖓᑕᓲᒃᑰᖅᑐᑦ ᐱᔨᑦᑎᕐᓂᕗᑦ

ᖃᖓᑕᓲᕐᒥ ᐱᔨᑦᑎᕋᕈᑎᒋᔭᐅᔪᑦ ᐅᑯᐊᖑᕗᑦ:

ᓂᖀᑦ
ᖁᕕᐊᓱᒃᐳᒍᑦ ᑕᒧᐊᒃᓴᓂᑦ ᐊᑐᐃᓐᓇᐅᒪᑎᑦᑎᓲᖑᒐᑦᑕ ᑕᒪᐃᓐᓂᑦ ᖃᖓᑕᓲᕐᓂᑎᓐᓂᑦ ᑐᖔᓂ 60 ᒥᓂᔅᓯ ᐊᑯᓂᐅᓂᖃᖅᑐᓂᑦ, ᐊᒻᒪᓗ ᑕᑯᒧᐊᒃᓴᓂᑦ (ᓲᕐᓗ ᐆᓇᖅᑐᖅ ᓯᕙᑦ, ᐸᓚᐅᒑᑦ, ᓂᐊᖅᑲᐅᔭᐃᑦ, ᓰᓯᑦ ᐅᕝᕙᓘᓐᓃᑦ ᐃᒐᒃᑯᑦ ᐆᒃᓯᒪᔪᑦ ᑕᒧᐊᒃᓴᑦ) ᖃᖓᑕᓲᕐᓂᑎᓐᓂᑦ ᐃᑲᕐᕋᖅ ᐊᑕᐅᓯᑉ ᐅᖓᑖᓄᑦ. ᐆᓇᖅᑐᑦ ᓂᖀᑦ ᐊᑐᐃᓐᓇᐅᒪᑎᓲᕆᒻᒥᔭᕗᑦ ᐃᓚᖏᓐᓂᑦ ᖃᖓᑕᓲᕐᓂᑎᓐᓂᑦ ᓂᕆᓐᓇᐅᓕᕋᐃᒻᒪᑦ.

ᐱᕈᖅᑐᒥᓃᕐᓇᕐᓂᑦ ᓂᕆᓲᖑᒍᕕᑦ, ᐊᐅᒃᑯᓪᓘᓐᓃᑦ ᓱᑲᖃᓗᐊᕈᕕᑦ ᓂᕆᔭᒃᓴᑦ ᐅᕝᕙᓘᓐᓃᑦ ᓂᖀᑦ ᐱᕈᖅᑐᒥᓂᕐᓂᑦ ᐸᓚᐅᒑᒃᓴᓂᑦ ᓂᐱᙵᑎᑦᑎᔾᔪᑎᓕᓐᓂᑦ ᓂᕆᒋᐊᖃᙱᒃᑯᕕᑦ ᓂᕿᓂᑦ ᓂᕆᔭᕆᐊᖃᕈᕕᑦ ᖃᐅᔨᒃᑲᖅᑎᒍᑦ 24 ᐃᑲᕐᕋᑦ ᓯᕗᓂᐊᒍᑦ ᐊᐅᓪᓚᓚᐅᙱᑎᓪᓗᑎᑦ ᐅᖄᓚᓗᑎᑦ ᐃᓂᒃᓴᓕᐅᕐᕕᑎᓐᓄᑦ ᐅᕗᖓ 1-800-661-15051-800-661-1505 ᐅᕝᕙᓘᓐᓃᑦ ᑐᓴᖅᑎᓪᓗᒋᑦ ᖃᖓᓲᒃᑯᕕᒻᒥ ᐃᖅᑲᓇᐃᔭᖅᑎᕗᑦ. ᑖᒃᑯᐊ ᓂᖀᑦ ᓂᕆᔭᕆᐊᓕᑦᑎᑦ ᐊᑐᐃᓐᓇᐅᒪᑎᓐᓇᓱᐊᖏᓐᓇᕐᓂᐊᖅᑕᕗᑦ ᐱᔭᕆᐊᓕᑦᑎᑦ ᐱᔪᓐᓇᕋᐃᒍᑦᑕ.

ᐃᒥᐊᓗᒃ
ᐃᒥᐊᓗᖃᖅᑎᑦᑎᓲᖑᒻᒥᔪᒍᑦ ᐃᓚᖏᓐᓂᑦ ᖃᖓᑕᓲᕐᓂᑎᓐᓂᑦ ᐱᖁᔭᖅᑎᒍᑦ ᐃᑲᕐᕋᖏᑦ ᐋᖅᑭᒃᑕᐅᓯᒪᔪᑦ ᐃᒥᐊᓗᑦᑎᑦᑎᒍᓐᓇᐅᑏᑦ ᒪᓕᓪᓗᒋᑦ ᑭᓯᐊᓂ. ᖃᖓᑕᓲᕐᒥ ᐱᔨᑦᑎᕋᖅᑏᑦ ᐱᔪᓐᓇᐅᑎᓖᑦ ᕿᐱᓗᓪᓗᑎᑦ ᐃᒥᐊᓗᒍᒪᔪᓂᑦ ᑭᓇᑐᐃᓐᓇᕐᒧᑦ ᓇᓗᓇᐃᒃᑯᑕᖃᙱᑦᑐᑦ ᐅᑭᐅᖏᑦ ᖃᑦᑎᐅᒻᒪᖔᑦ ᐊᔾᔨᙳᐊᖃᖅᑐᓂᑦ. ᐃᒥᐊᓗᒃᑐᖃᕆᐊᖃᙱᑦᑐᖅ ᑲᓇᐃᑎᐊᓐ ᓄᐊᑦ−ᒃᑯᓐᓄᑦ ᐃᒥᐊᓗᒃ ᐱᔨᑦᑎᖅᑕᐅᙱᑦᑐᓂᑦ.

ᐃᒥᒐᒃᓴᑦ
ᐃᒥᒐᒃᓴᓂᑦ ᐊᑐᐃᓐᓇᐅᒪᑎᑦᑎᓲᖑᒻᒥᔪᒍᑦ ᑕᒪᐃᓐᓂᑦ ᖃᖓᑕᓲᖁᑎᑦᑎᓐᓂᑦ, ᑏ, ᑳᐱ, ᓰᕐᓇᖅᑐᑦ ᐱᕈᖅᑐᒥᓃᓪᓗ ᔫᓯᖏᓐᓂᑦ, ᐊᒻᒪᓗ ᐊᔾᔨᒌᙱᑦᑐᓂᑦ ᐃᒥᒐᕐᓂᑦ.

ᐃᒥᐊᓗᑦ ᓂᐅᕕᐊᕆᔭᒃᓴᐅᕗᑦ $6−ᕌᖅᑐᑎᑦ ᐊᑐᓂᑦ (ᑮᓇᐅᔭᒥᒃ ᑭᓯᐊᓂ ᐊᑐᕐᓗᓂ ᓂᐅᕕᐊᕆᔭᒃᓴᑦ). ᐊᔾᔨᒌᙱᑦᑐᕈᓘᔭᕐᓂᑦ ᐃᒥᐊᓗᓂᑦ ᓂᐅᕕᐊᒃᓴᖃᓲᖑᔪᒍᑦ, ᑲᓇᑕᒥ ᓴᓇᔭᐅᓯᒪᔪᓂᓪᓗ ᕕᐊᓂᑦ ᕙᐃᓂᓂᓪᓗ.

ᐃᓂᒃᓴᖃᑦᑎᐊᖅᑐᑦ ᐃᒃᓯᕚᕐᕕᖏᑦ ᖁᓛᓃᑦᑎᑦᑎᔪᓐᓇᖅᑐᑎᓪᓗ ᐃᓄᐃᑦ ᑐᖅᑯᐃᕕᖓᓂ
ᑲᓇᐃᑎᐊᓐ ᓄᐊᑦ ᐱᓕᕆᐊᕆᓲᖏᑦ−ᓂᐅᒃᑯᑦ ᐃᒃᓯᕚᕐᕕᖓ ᐃᓂᒃᓴᖃᑦᑎᐊᓛᖑᕗᖅ, ᖁᓛᓂ ᐃᒃᓯᕙᐅᑕᑉ ᑐᖅᑯᐃᕕᒃᑕᖃᖅᑐᓂ, ᐊᑲᐅᓂᖅᓴᐅᑎᑦᑎᓪᓗᓂ ᑕᒪᓐᓇ ᐊᐅᓪᓚᖅᑐᓄᑦ ᒥᕐᖑᐃᓯᕐᕕᐅᓪᓗᓂᓗ.

ᐅᖃᐅᓰᑦ ᐊᑐᓲᕗᑦ
ᖃᖓᑕᓲᕐᒥ ᐱᔨᑦᑎᕋᖅᑎᕗᑦ ᐅᑭᐅᖅᑕᖅᑐᒥᐅᑦ ᐅᖃᐅᓯᖏᓐᓂᑦ ᐅᖃᓪᓚᓲᑦ, ᐅᖃᐅᓯᖃᓲᑦ ᐃᓅᕕᐊᓗᒃᑐᓐ, ᐃᓄᒃᑎᑐᑦ, ᐅᐃᕖᑎᑐᑦ, (ᖃᓪᓗᓈᑎᓪᓗ!).

ᐅᑭᐅᖅᑕᖅᑐᒥ ᐱᔨᑦᑎᕋᕈᓯᖏᓐᓂᑦ ᒪᓕᑦᑐᑦ
ᐃᒃᓯᕚᕐᓗᑎᑦ, ᑕᖃᐃᖅᓯᕐᓗᑎᑦ, ᖁᕕᐊᒋᓗᒍᓗ ᖃᖓᑕᓲᕐᓂᕆᔭᐃᑦ. ᖃᐅᔨᒪᕗᒍᑦ ᖁᕕᐊᒋᓂᐊᕋᕕᐅᒃ ‘ᐅᑭᐅᖅᑕᖅᑐᒥᐅᑕᓪᓚᕆᒃᑎᑐᑦ’ ᑐᙵᓱᐊᑎᑦᑎᒍᓐᓇᕐᓂᕗᑦ.

ᐱᔨᑦᑎᕋᕐᓂᖏᑦ ᐊᓯᖏᑦ ᖃᖓᑕᓲᓕᕆᔩᑦ ᐱᓕᕆᖃᑎᒋᓲᕗᑦ
ᖃᖓᑕᓲᕐᒥ ᐱᔨᑦᑎᕐᓂᕗᑦ ᐊᔾᔨᒌᙱᑐᒡᒍᑕᐅᕗᑦ ᐊᓯᐊᓄᑦ ᖃᖓᑕᓲᓕᕆᔨᒃᑯᓐᓄᑦ ᐊᐅᓪᓛᕆᐊᖃᕈᕕᑦ ᑎᑭᓐᓇᓱᓪᓗᑎᑦ ᐅᐸᒃᑕᖕᓄᑦ.