ᑲᓇᐃᑎᐊᓐ ᓄᐊᑦᑯᑎᒍᑦ ᐅᓯᔭᐅᒋᐊᓕᓐᓂᖕ ᐊᐅᓪᓚᕐᑎᑦᓯᖃᑦᑕᕐᑐᓄᑦ

ᑲᓇᐃᑎᐊᓐ ᓄᐊᑦᑯᑎᒍᑦ ᐅᓯᔭᐅᒋᐊᓕᓐᓂᖕ ᐊᐅᓪᓚᕐᑎᑦᓯᖃᑦᑕᕐᑐᓄᑦ

ᐊᓯᔾᔩᓂᐊᕐᓂᑎᓐᓂᖕ ᑐᓴᕐᑎᑦᓯᓂᖅ  ᖃᖓᑕᓲᒃᑯᑦ ᐅᓯᑲᕐᑕᖅᑕᐅᕙᑦᑐᑦ ᖃᐅᔨᓴᕐᑕᐅᔾᔪᓯᖏᑕ ᒪᓕᒐᖏᑦ ᓄᑖᖑᕐᑎᑕᐅᓂᖏᑦ ᐱᒋᐊᕐᓗᓂ ᑎᓯᒻᒪ 31, 2012

ᑎᓯᒻᒪ 31, 2012ᖑᓕᖅᑲᑦ, ᐱᓪᓗᐅᑕᐅᓂᖏᑦ ᒪᓕᒐᑦ ᖃᖓᑕᓲᒃᑯᑦ ᐅᓯᑲᕐᑕᖅᑕᐅᕙᑦᑐᑦ ᖃᐅᔨᓴᕐᑕᐅᔾᔪᓯᖏᑕ ᐊᓯᔾᔨᕐᑕᐅᓛᕐᖓᑕ ᓄᓇᑦᑎᓐᓂ ᓯᓚᕐᔪᐊᒥᐅᖃᑎᑦᑎᓄᓪᓗ ᓂᐅᕐᕈᔪᑦ ᖃᖓᑕᕙᑦᑐᑦ ᐃᑭᕕᒋᕙᑦᑕᖏᑦ ᐊᐅᓪᓚᕐᕕᖏᓐᓂ ᐱᒋᐊᓛᕐᑐᑦ CATSA−ᑲᓇᑕᒥ ᒥᑦᑕᕐᕕᓂᖕ ᖃᐅᔨᓴᕐᑏᑦ ᑎᒥᖓᑦ.  ᐱᖃᑕᐅᓗᑎᖕ ᔭᓗᓇᐃᕝ, ᐃᑦᒥᓐᑕᓐ, ᐃᖃᓗᐃᑦ ᐋᑐᕚᓗ.

ᐱᒋᐊᕐᓗᒍ ᑎᓯᒻᒪ 31, 2012, 100% ᐳᓴᑦᑎᑦ ᑕᒪᒃᑭᕐᓗᒋᑦ ᐊᐅᓪᓚᕐᑎᑕᐅᔪᑦ ᐅᓯᑲᕐᑕᐅᑎᓕᒃᑯᑦ ᖃᖓᑕᓲᒃᑯᑦ ᐃᓅᖅᑲᑎᒌᓄᑦ ᖃᖓᑕᕕᐅᕙᑦᑐᒃᑯᑦ ᓄᓇᑦᑎᓐᓂ ᓯᓚᑎᑦᑎᓄᓪᓗ ᓯᓚᕐᔪᐊᕐᒥᐅᖃᑎᑦᑎᓐᓄᑦ ᖃᐅᔨᓴᕐᕕᓕᒃᑯᑦ ᓇᑦᓴᕐᑐᖃᓐᖏᒃᑲᓗᐊᕐᒪᖔᑦ ᓇᑦᓴᕆᐊᖃᓐᖏᑦᑐᓂᖕ ᐊᐅᓪᓚᓕᕐᑎᓪᓗᒋᑦ/ᐊᖅᑯᓵᕐᑎᓪᓗᒋᑦ CATSA−ᑲᓇᑕᒥ ᒥᑦᑕᕐᕕᓂᖕ ᖃᐅᔨᓴᕐᑏᑦ ᑎᒥᖓᑦ -ᓇᓗᓇᐃᕐᑕᐅᓯᒪᔪᓂ ᑲᓱᕐᕕᐅᕙᑦᑐᓂ ᑲᓇᑕᐅᑉ ᒥᑦᑕᕐᕕᖏᓐᓂ ᓇᓗᓇᐃᕐᓯᒪᒋᐊᓖᑦ ᐊᐅᓪᓚᕐᑎᑕᐅᔪᑦ ᐊᐅᓪᓚᕐᑎᖅᓯᔪᒦᓐᖔᕐᓂᖓ ᐊᑎᓕᐅᕐᓯᒪᓗᓂ ᐅᕝᕙᓘᓐᓃᑦ ᖃᐅᔨᓴᕐᑕᐅᓯᒪᓗᑎᖕ ᓄᑖᑦ ᐱᖁᔭᖏᑦ ᒪᓕᓪᓗᒋᑦ.  ᖃᖓᑕᓲᒃᑯᑦ ᐅᓯᑲᕐᑕᐸᑦᑐᑦ ᐊᐅᓪᓚᕐᑎᑦᓯᔪᓐᓇᐃᓕᓂᐊᓕᕐᑐᑦ ᒪᓕᒐᑐᖃᐃᑦ ᖃᐅᔨᓴᕐᐸᑦᑐᓄᑦ ᐊᑐᐊᖅᑕᐅᕙᑦᑐᑦ ᐊᐅᓪᓚᕐᑎᑦᓯᔪᖃᕋᐃᒻᒪᑦ ᑕᐃᔭᐅᕙᓐᓂᖓ “ᐊᐅᓪᓚᕐᑎᑦᓯᔪᖅ ᖃᐅᔨᒪᔭᐅᔪᖅ” ᐊᒻᒪ “ᐊᐅᓪᓚᕐᑎᑦᓯᔪᖅ ᖃᐅᔨᒪᔭᐅᓐᖏᑦᑐᖅ” ᐊᑐᐊᕆᐊᓕᖏᑦ. 

ᖃᓄᖅ ᑐᑭᖃᕐᒪᓐ CATSA−ᑲᓇᑕᒥ ᒥᑦᑕᕐᕕᓂᖕ ᖃᐅᔨᓴᕐᑏᑦ ᑎᒥᖓᑦ - ᓇᓗᓇᐃᕐᑕᐅᓯᒪᔪᑦ ᑲᓇᐃᑎᐊᓐ ᒥᑦᑕᕐᕕᒋᕙᑦᑕᖏᑦ?

“CATSA” ᑐᑭᓕᒃ ᑲᓇᑕᒥ ᒥᑦᑕᕐᕕᓂᖕ ᖃᐅᔨᓴᕐᑏᑦ ᑎᒥᖓᑦ.  ᑲᓇᐃᑎᐊᓐ ᓄᐊᑦ ᐃᖏᕐᕋᕕᒋᕙᑦᑕᖏᑕ ᐊᖅᑯᓵᕐᑕᕐᕕᖏᑦ ᑲᓱᕐᕕᐅᕙᑦᑐᑦ, ᐱᖃᓯᐅᔾᔭᐅᓯᒪᓪᓗᑎᖕ ᐃᑦᒥᓐᑕᓐ, ᐃᖃᓗᐃᑦ, ᐋᑐᕚ ᐊᒻᒪ ᔭᓗᓇᐃᕝ.  

ᓇᑭᑐᐃᓐᓇᖅ ᐊᐅᓪᓚᕐᑎᑕᐅᔪᑦ ᐅᓯᔭᑦᓴᑦ ᐊᐅᓪᓚᕐᕕᖓᓂᖕ, ᑎᑭᕝᕕᖓᓄᑦ, ᐅᕝᕙᓘᓐᓃᑦ ᐊᖅᑯᓵᕐᓂᐊᕐᐸᑕ ᑖᒃᑯᑎᒎᓇ ᒥᑦᑕᕐᕕᒃᑯᑦ ᖃᐅᔨᓴᕐᑕᐅᖃᑦᑕᕆᐊᓖᑦ ᓄᑖᑦ ᒪᓕᒐᑦ ᒪᓕᓪᓗᒋᑦ ᖃᐅᔨᓴᕈᓰᑦ ᐊᓯᔾᔨᕐᓯᒪᓕᕐᑎᓗᒋᑦ.  

ᖃᓄᕐᓕ ᑐᑭᖃᓕᕐᐸ ᑲᓇᐃᑎᐊᓐ ᓄᐊᑦᑯᑦ ᐱᔨᑦᓯᕐᐸᑦᑕᖏᓐᓄᑦ/ᐊᐅᓪᓚᕐᑎᑦᓯᕙᑦᑐᓄᑦ ᐅᓯᑲᕐᑕᕋᑦᓴᓂᖕ ᐃᑉᐱᒋᓕᕐᓂᐊᕐᑕᖏᑦ?  

ᖃᖓᑕᓲᒃᑯᑦ ᐅᓯᔭᐅᓂᐊᕐᑐᑦ ᐊᐅᓪᓚᕐᑎᑦᓯᕕᐅᔪᒪᓂᖏᓐᓄᑦ ᑲᓇᐃᑎᐊᓐ ᓄᐊᑯᑦ ᐊᐅᓪᓚᕐᕕᖓᓂᖕ, ᑎᑭᕝᕕᑦᓴᖓᓄᑦ, ᐊᖅᑯᓵᕐᓂᐊᕐᐸᑕ ᑲᓇᑕᒥ ᒥᑦᑕᕐᕕᓂᖕ ᖃᐅᔨᓴᕐᑏᑦ ᑎᒥᖓᓄᑦ ᓇᓗᓇᐃᕐᑕᐅᓯᒪᔪᒃᑯᑦ ᒥᑦᑕᕐᕕᑎᒍᑦ ᐃᑦᒪᓐᑕᓐᑯᑦ, ᔭᓗᓇᐃᕝᑯᑦ, ᐃᖃᓗᑦᑎᒍᑦ ᐊᒻᒪ/ᐋᑐᕚᒃᑯᓪᓘᓐᓃᑦ ᖃᐅᔨᓴᕐᑕᐅᓯᒪᑦᓯᐊᕆᐊᓖᑦ ᐃᓗᓕᖏᑦ ᐅᓯᔭᐅᓂᐊᕐᑐᑦ.   ᑖᒃᑯᐊ ᑕᒪᐃᓐᓂᓕᒫᑦᓯᐊᖅ ᐅᓯᔭᐅᒋᐊᓕᓐᓂᖕ ᐱᖃᓯᐅᔾᔨᓯᒪᔪᑦ ᖃᓪᓗᓈᓄᑦ/ᖃᓪᓗᓈᓂᖕ ᑎᑭᑦᑐᑦ/ᐊᐅᓚᕐᑐᓪᓗ ᐅᑭᐅᖅᑕᖅᑐᒧᑦ(ᒥᑦ).

ᖃᓄᕐᓕ ᓇᓗᓇᐃᕐᑕᐅᖃᑦᑕᕐᓂᐊᕐᐸᑦ ᖃᐅᔨᓴᕐᑕᐅᓯᒪᒐᓗᐊᕐᒪᖔᑕ ᐊᐅᓪᓚᕐᑎᑕᐅᓇᓱᐊᕐᑐᑦ ᐅᓯᑲᕐᑕᖅᑎᖏᑎᒍᑦ?

ᐱᒋᐊᕐᓗᓂ ᑎᓯᐱᕆ 31, 2012, 100% ᑕᒪᒃᑭᕐᓗᒋᑦ ᐅᓯᑲᕐᑕᖅᑏᑦ ᖃᖓᑕᓲᒃᑯᑦ ᓄᓇᑦᑎᓐᓂ ᐃᖏᕐᕋᓂᐊᕐᑐᑦ ᐊᒻᒪ ᓯᓚᕐᔪᐊᕐᒥᐅᖃᑎᑦᑎᓐᓄᑦ ᐊᐅᓚᕐᑐᖃᕐᓂᐊᕐᐸᑦ ᖃᖓᑕᕕᖏᑦ ᐊᐅᓪᓚᕐᓂᐊᕐᑎᓪᓗᒋᑦ ᑲᓇᑕᒥ ᒥᑦᑕᕐᕕᓂᖕ ᖃᐅᔨᓴᕐᑏᑦ ᑎᒥᖓᓄᑦ ᖃᐅᔨᓴᕐᑕᐅᖅᑳᕆᐊᓕᓐᓂ ᒪᓕᒐᖃᑐᐊᖅᐸᑕ ᑲᓇᑕᐅᑉ ᒥᑦᑕᕐᕕᖏᑎᒍᑦ ᐊᑎᓕᐅᕐᑕᐅᓯᒪᒋᐊᓖᑦ ᐊᐅᓪᓚᕐᑎᑦᓯᖃᑦᑕᓕᓂᐅᒐᒥᖕ, ᐅ ᕝᕙᓘᓐᓃᑦ ᕿᒥᕐᕈᔭᐅᖅᑳᕐᓯᒪᓗᑎᖕ ᐊᐅᓪᓚᕐᑎᑕᐅᓇᓱᐊᕐᑐᑦ, ᑕᐃᒪᐃᑦᑕᕆᐊᓖᑦ ᒪᓕᒐᑦ ᓄᑖᑦ ᒪᓕᓪᓗᒋᑦ, ᐅᓗᕆᐊᓇᓐᖏᒋᐊᖏᑦ ᐅᓯᔭᐅᓂᐊᕐᑐᑦ ᓇᓗᓇᐃᒃᑯᓯᕐᑕᐅᓯᒪᑐᐊᕐᐸᑕ.  

ᖃᓄᖅ ᓇᖕᒥᓂᖁᑎᒐ ᑲᒻᐸᓂ ᐊᑎᓕᐅᕈᑎᒍᓐᓇᕐᐸᕋ ᐊᐅᓪᓚᕐᑎᑦᓯᖃᑦᑕᕈᒪᓂᐊᕈᒪ?  

ᖃᐅᔨᒋᐊᕈᓐᓇᕐᑐᑎᑦ ᑲᓇᑕᒥ ᖃᖓᑕᓲᒃᑯᑦ ᐅᓯᔭᒃᓴᓂᑦ ᖃᐅᔨᓴᕐᑎᖏᓐᓄᑦ (ACS) ᖃᓄᐃᓕᐅᕐᐸᒻᒪᖔᑕ ᑐᑭᓯᒋᐊᕈᓐᓇᕐᑐᑎᑦ ᖃᕆᓴᐅᔭᒃᑯᑦ ᐱᑐᕝᕕᖓᓄᑦ ᐅᕗᖓ http://www.tc.gc.ca/eng/aviationsecurity/asc-41.htm ᖃᕆᓴᐅᔭᒃᑯᑦ ᑐᑦᓯᕋᕈᓐᓇᕐᑐᑎᑦ ᐃᓚᓕᐅᑎᔪᒪᓐᓂᕈᕕᑦ ᐊᑎᓕᕕᒻᒧᑦ; ᖃᐅᔨᒋᐊᕐᕕᒋᓗᒍ ᑲᓇᑕᒥ ᖃᖓᑕᓲᒃᑯᑦ ᐅᓯᔭᒃᓴᓂᑦ ᖃᐅᔨᓴᕐᑏᑦ ᐃᑲᔪᕐᑎᖏᑦ ᐊᓪᓚᕝᕕᖓᓄᑦ ᐅᕗᖓ ᐊᑭᖃᓐᖏᑦᑐᒃᑯᑦ ᐅᖄᓚᓗᑎᓐ 1-866-375-7342; ᖃᕆᑕᐅᔭᒃᑯᓪᓘᓐᓃᑦ ᑭᐅᔭᕆᐊᓖᑦ ᑭᐅᑐᐊᕈᕕᒋᑦ ᐊᐅᓪᓚᕐᑎᓪᓗᒋᑦ ᐅᕗᖓ aircargo-fretaerien@tc.gc.ca.

ᑭᓱᖃᕆᐊᖃᕐᐳᖓ ᐊᑎᖃᖃᑕᐅᔪᒪᒍᒪ ᐊᐅᓪᓚᕐᑎᑦᓯᕙᑦᑐᑦ ᐊᑎᓕᕕᖓᓄᑦ?  

ᓇᖕᒥᓂᖃᕐᓂᕋᕈᒻᒥᑦ ᓈᓴᐅᑎᖃᕆᐊᖃᕐᑐᑎᑦ (ᑲᓇᑕᐅᑉ ᐃᓐᑲᒪᑖᒃᓯᓕᕆᔨᖏᓐᓄᑦ ᓈᓴᐅᑎᑖᕐᑎᑦᓯᔨᖏᓐᓂᖕ), ᑲᓇᑕᒥ ᑐᕌᕈᑏᑦ, ᐊᒻᒪ ᑭᓇᑐᐃᓐᓇᕐᒥᑦ ᖃᐅᔨᒪᔮᓐᓂᖕ ᓇᓗᓇᐃᕐᓯᓯᒪᓗᑎᓐ ᖃᐅᔨᒋᐊᕐᕕᐅᔪᓐᓇᕐᑐᒥᖕ ᓇᖕᒥᓂᕆᔭᒃᑯᑦ ᐱᓇᓱᐊᖃᑎᒋᕙᑦᑕᓐᓂᖕ ᐊᐅᓪᓚᕐᑎᑦᓯᒋᐊᖃᕋᐃᒐᕕᑦ ᖃᖓᑕᓲᒃᑯᑦ ᐃᓕᓐᓂᖕ ᖃᐅᔨᓕᒻᒪᑦᑐᒥᖕ (ᐆᑦᑑᑎᒋᓗᒍ ᖃᖓᑕᓲᒃᑯᑦ ᐅᓯᑲᕐᑕᕋᑦᓴᓂᖕ ᐃᓂᑦᓴᓕᐅᕆᔨ ᐅᕝᕙᓘᓐᓃᑦ ᖃᖓᑕᓲᓕᕆᔨᖏᓐᓂᖕ).  ᑲᓇᐃᑎᐊᓐ ᓄᐊᑦᑯᑦ ᐊᐅᓪᓚᕐᑎᑦᓯᕕᒋᓕᒻᒪᒃᑯᕕᒋᑦ, ᖃᕆᓴᐅᔭᒃᑯᑦ ᑎᑎᕋᕐᕕᒋᔪᓐᓇᕐᑕᑎᑦ cargosecurity@canadiannorth.com ᐅᕙᑦᑎᓐᓂᖕ ᑎᑎᖅᑲᒃᑯᑦ ᑕᑎᑖᕐᑎᑕᐅᔪᒪᓐᓂᕈᕕᑦ ᐊᐅᓪᓚᕐᑎᑦᓯᓕᒻᒪᒋᐊᑦᓴᖅ ᐅᕙᑦᑎᑎᒍᑦ.

ᖃᓄᕐᓕ ᓇᖕᒥᓂᖃᕐᓂᖕᒧᑦ ᓈᓴᐅᑎᑖᓚᐅᕐᓯᒪᓐᓂᖏᒃᑯᒪ ᐅᕝᕙᓘᓐᓃᑦ ᓇᖕᒥᓂᕋ ᑲᒻᐸᓂ ᐊᑎᓕᔭᐅᓐᓂᖏᑉᐸᑦ ᐊᐅᓪᓚᕐᑎᑦᓯᖃᑕᐅᔪᓐᓇᕐᓂᕋᓂᖕ ᑎᑭᓚᐅᓐᖏᓐᓂᖓᓂ ᑎᓯᒻᒪ 31, 2012?

ᑭᓱᑐᐃᓐᓇᑦ ᐊᐅᓪᓚᕐᑎᑕᐅᔪᑦ ᐊᖏᖅᑕᐅᓯᒪᓐᖏᑉᐸᑕ ᐅᓯᔭᐅᖁᔨᔪᑦ ᐊᑎᖃᖃᑕᐅᖏᓐᓂᖏᓐᓄᑦ  ᐅᕝᕙᓘᓐᓃᑦ ᐊᖏᖅᑕᐅᓯᒪᓐᖏᑉᐸᑕ ᐱᖃᑕᐅᔪᑦ (ᖃᖓᑕᓲᒃᑯᑦ ᐅᓯᔭᐅᒋᐊᓕᓐᓂᖕ ᐊᐅᓪᓚᕐᑎᑦᓯᕕᐅᒐᔪᑦᑐᑦ) ᖃᐅᔨᓴᕐᑕᐅᒋᐊᖃᕐᓂᐊᕐᑐᑦ ᕿᒥᕐᕈᔭᐅᓗᓂ/ᐃᓗᓕᖏᑦ ᐊᐅᓪᓚᕐᑎᑕᑦ ᖃᓄᐃᒋᔭᐅᖁᓇᒋᑦ ᖃᖓᑕᓲᒃᑯᑦ ᐊᐅᓪᓚᕐᑎᒐᑦᓴᐅᒻᒪᑕ, ᑕᐃᒪᐃᑦᑕᕆᐊᖃᕐᐸᑦ ᐊᑭᓖᒃᑲᓐᓂᕆᐊᖃᓕᕋᔭᕐᑐᑎᑦ ᖃᐅᔨᓴᕐᑎᓄᑦ ᖃᐅᔨᓴᕐᑕᐅᒃᑲᓐᓂᕆᐊᖃᕐᓂᖓᓄᑦ, ᐃᒻᒪᖃᑦᑕᐅᖅ ᐊᐅᓪᓚᕐᑎᒐᓱᐊᕐᑕᐃᑦ ᐅᖓᕙᕆᐊᕐᑕᐅᑐᐃᓐᓇᕆᐊᓕᒃ ᖃᐅᔨᓴᕐᑕᐅᖅᑳᕆᐊᖃᕐᓂᖓᓄᑦ ᖃᐅᔨᓴᕐᕕᒻᒥ.   

ᖃᓄᒃᑲᓐᓂᖅ ᐊᓯᔾᔨᕐᑐᖃᕐᓂᐊᕐᐸ ᑖᒃᑯᓇᓂ ᐱᖁᔭᓂ ᖃᐅᔨᒪᓂᐊᕋᒪ ᑭᓱᒥᖕ ᓂᕆᐅᒋᐊᑦᓴᖅ ᐊᐅᓚᕐᑎᑦᓯᓂᐊᕐᓂᕈᒪ?  

ᑲᓇᐃᑎᐊᓐ ᓄᐊᑦ ᑐᓴᕐᑎᑦᓯᑲᓐᓂᕐᓂᐊᕐᑐᑦ ᐊᓯᔾᔩᑲᓐᓂᕐᓂᐊᕈᑎᖕ ᖃᓄᑐᐃᓐᓇᖅ ᐱᓇᓱᐊᕈᓯᓂ ᐊᒡᒋᕐᑐᓂ ᓇᓗᓇᐃᔭᕐᓯᒪᓗᑎᖕ ᖃᖓᒃᑯᑦ ᐃᓱᓕᑦᑕᕐᕕᖃᕐᓂᐊᕐᖔᑕ ᐊᐅᓪᓚᕐᑎᒋᐊᓖᑦ ᐊᒻᒪᓗᑦᑕᐅᖅ ᖃᐅᔨᓴᕐᑎᓄᑦ ᐊᑭᓕᒃᑲᓐᓂᕆᐊᓖᑦ ᕿᓂᕐᓂᖏᓐᓄᑦ ᖃᐅᔨᓴᕐᓂᖏᓐᓂ ᖃᓄᐃᓕᖓᓂᐊᕐᒪᖔᑕ ᓄᑖᑦ ᐱᖁᔭᑦᓴᑦ ᐱᔾᔪᑎᒋᓪᓗᒋᑦ.   

ᖃᓄᕐᓕ ᐊᐱᖅᑯᑎᑦᓴᖃᒃᑲᓐᓂᕈᒪ ᐊᐅᓪᓚᕐᑎᑦᓯᖃᑦᑕᕐᓂᐅᑉ ᒥᑦᓵᓄᑦ?

ᑲᓇᑕᐅᑉ ᐃᖏᕐᕋᔪᓕᕆᔨᒃᑯᖏᑦ ᐊᑐᐃᓐᓇᕈᐃᓚᐅᕐᑐᑦ ᑐᑭᓯᒋᐊᒃᑲᓐᓂᕈᑎᑦᓴᓂᑦ ᑖᒃᑯᓄᖓ ᐃᓚᓕᐅᔾᔭᐅᓯᒪᔪᓂᖕ ᓇᓗᓇᐃᕐᑐᐃᓯᒪᔪᑦ.  ᐊᐱᖅᑯᑎᑦᓴᖃᒃᑲᓐᓂᕈᕕᑦ, ᖃᐅᔨᒋᐊᕈᓐᓇᕐᑐᑎᑦ ᑲᓇᑕᐅᑉ ᐃᖏᕐᕋᔪᓕᕆᔨᒃᑯᖏᓐᓄᑦ ᐅᕗᖓ ᐊᑭᖃᓐᖏᑦᑐᒃᑯᑦ 1-866-375-7342 ᖃᕆᑕᐅᔭᒃᑯᓪᓘᓐᓂᑦ ᑐᕌᕐᑎᓪᓗᒋᑦ ᐅᕗᖓ aircargo-fretaerien@tc.gc.ca.