ᓄᑕᕋᓄᓪᓗ ᐱᐊᕋᓄᓪᓗ ᖃᖓᑕᓲᒃᑰᕈᑎᑦ

ᓄᑕᕋᓄᓪᓗ ᐱᐊᕋᓄᓪᓗ ᖃᖓᑕᓲᒃᑰᕈᑎᑦ

 

ᓱᕈᓯᑯᓗᐃᑦ ᖃᖓᑕᕙᓐᓂᖏᑦ ᐊᐃᑉᐸᖃᕋᑎᖕ
ᖃᐅᑕᒫᑦᓯᐊᖅ ᓄᓇᓖᑦ ᑲᓇᐃᑎᐊᓐ ᓄᐊᑦᑯᓐᓂᖕ ᐅᑉᐱᕈᓱᒃᐸᒻᒪᑕ ᐊᓐᓂᓇᖅᑑᑎᓂᖕ ᐅᓯᔭᐅᑎᑦᓯᒐᐃᒐᒥᖕ ᐅᓯᑲᕐᑕᕋᑦᓴᓂᖕ − ᐊᓐᓂᓇᕐᓂᖅᐹᖑᓪᓗᑎᓪᓗ ᐅᑭᐅᑭᓛᖁᑎᕗᑦ ᓱᕈᓯᑯᓗᐃᑦ ᐃᖏᕐᕋᔭᕆᐊᖃᕐᐸᑦᑐᑦ. ᓱᕈᓰᑦ ᐅᑭᐅᓖᑦ ᐊᑯᓐᓂᖓᓂ ᑕᓪᓕᒪᓂᑦ ᖁᓕᓄᑦ ᒪᕐᕉᓄᓪᓗ (12) ᓇᓪᓕᐅᓂᕐᓯᐅᕐᓯᒪᓐᖏᑦᑐᑦ ᓱᓕ ᑭᓪᓕᖓᓄᑦ ᖃᖓᑕᔪᓐᓇᕐᑎᑕᐅᒻᒪᑕ ᐊᐃᑉᐸᖃᓐᖏᒃᑲᓗᐊᕐᓗᑎᖕ ᐊᖏᔪᖅᑳᒥᓂᖕ ᐸᐸᑦᓯᔨᒥᓂᓪᓘᓐᓃᑦ ᐊᑎᓕᐅᕐᓯᒪᑐᐊᖅᐸᑕ ᐃᑭᔪᓐᓇᕐᓂᖓᓂᖕ ᐊᐃᑉᐸᖃᓐᖏᒃᑲᓗᐊᕐᓗᓂ ᐅᑭᐅᑭᓗᐊᕐᑐᖅ ᐸᐃᑉᐹᑎᒍᑦ ᐊᑎᓕᕕᒻᒧᑦ ᐊᑎᓕᐅᕐᓯᒪᑐᐊᕈᓂ.


ᐊᐅᓪᓚᕐᓂᖅ
ᐅᓪᓗᖓᓂ ᐃᖏᕐᕋᕕᒋᓂᐊᕐᑕᖓᑕ, ᐃᓐᓇᖅ ᓱᕈᓯᑯᓗᒻᒥᑦ ᖃᓂᐅᖅᓯᒪᔪᖅ ᖃᖓᑕᓲᒃᑯᕕᒻᒧᑦ ᐊᐃᑉᐸᖃᐃᓐᓇᕆᐊᓕᒃ ᐃᑭᒐᓱᓐᓂᓕᒫᖓᓄᑦ, ᐅᑕᖅᑭᕕᒻᒦᖏᓐᓇᕐᓗᓂᓗ ᖃᖓᑕᓲᖅ ᖃᖓᑦᑕᕋᓱᓐᓂᖓᓂ.


ᑎᑭᓐᓂᖅ
ᐊᐃᑉᐸᖃᓐᖏᑦᑐᖅ ᓱᕈᓯᑯᓗᒃ ᓂᐅᕝᕕᐅᕐᑕᐅᓯᒪᒋᐊᓕᒃ ᐊᐃᑦᓯᖁᔭᐅᓯᒪᔪᒧᑦ, ᓴᖅᑮᓗᓂᓗ ᑭᓇᐅᒻᒪᖔᕐᒥ ᓇᓗᓇᐃᒃᑯᑎᒥᓂᖕ.


ᐊᖅᑯᑖᓂ ᖃᓂᐅᖅᑕᐅᕕᖓᓂᖕ ᓂᐅᕝᕕᐅᕐᑕᐅᕕᖓᓄᑦ, ᑲᓇᐃᑎᐊᓐ ᓄᐊᑦ ᐃᒪᐃᓕᐅᕆᐊᓖᑦ:
• ᓇᓗᓇᐃᕐᓗᒍ ᓱᕈᓯᑯᓘᒻ ᖃᖓᑕᕕᒋᓂᐊᕐᑕᖓ ᐊᐅᓚᑦᑎᐊᕋᓗᐊᕐᒪᖔᑦ ᐊᐅᓪᓚᕐᕕᑦᓴᐅᑎᖓᒍᑦ. ᓂᕆᐅᓇᓐᖏᑦᑐᒃᑯᑦ ᐅᖓᕙᕆᐊᕐᑕᐅᑳᓪᓚᑉᐸᑦ ᐊᓯᐊᓄᓪᓘᓐᓃᑦ ᒥᒋᐊᖃᑳᓪᓚᑉᐸᑦ, ᑲᓇᐃᑎᐊᓐ ᓄᐊᑦᑯᑦ ᐋᖅᑭᑦᓱᐃᓂᐊᕐᐳᑦ ᓇᐅᒃᑯᖔᖅ ᓱᕈᓯᑯᓘᑉ ᐃᖏᕐᕋᓂᕆᓂᐊᕐᑕᖓ ᐊᑲᐅᓂᖅᐹᖑᓂᐊᕐᒪᖔᑦ.
• ᐱᔭᕇᕐᑕᐅᑎᑦᓯᓗᑎᖕ ᑎᑎᖅᑲᑦ ᐊᑐᕆᐊᖃᕐᓂᐊᕐᑕᖏᑦ.
• ᐃᑦᓯᕚᕐᕕᒋᓂᐊᕐᑕᖓᓗ ᖃᖓᑕᓕᕈᓂ ᐱᔨᒧᑦ ᖃᖓᑕᓲᒥ ᐃᑦᓯᕙᕕᒋᒐᔪᒃᑕᖏᑕ ᖃᓂᒋᔮᓃᑎᑕᐅᓗᓂ ᖃᐅᔨᓴᕐᑕᐅᑦᓯᐊᓂᐊᕐᖓᑦ.
• ᓇᓗᓇᐃᕐᓗᒍ ᕿᑐᕐᖓᐃᑦ ᐊᐅᓪᓚᕆᐊᕐᑐᕐᕕᐅᑉ ᐹᖓᓂ ᖃᐅᔨᓴᕐᑎᖏᓐᓄᑦ ᖃᖓᑕᓲᒥᓗ ᐱᔨᑦᓯᕐᑎᓄᑦ, ᐊᒻᒪ ᑭᓇᐅᓂᖓᓂᖕ ᓇᓗᓇᐃᒃᑯᑎᖃᕐᑎᓪᓗᒍ ᖃᖓᓕᒫᒃᑯᑦ ᐱᓯᒪᒋᐊᓕᖓᓂᖕ ᑕᑯᔭᐅᒃᑲᕋᑦᓴᖓᓂᖕ.
• ᐊᓯᓕᒫᖏᑦ ᖃᖓᑕᓂᐊᕐᑐᑦ ᐃᑭᓚᐅᓐᖏᓐᓂᖏᓐᓂ ᕿᑐᕐᖓᐃᑦ ᓇᖕᒥᓂᖅ ᐅᓯᓕᐅᔾᔭᐅᖅᑳᕐᑎᒋᐊᓖᑦ.
• ᐊᐃᑉᐸᕆᓗᒍ ᕿᑐᕐᖓᖓ ᐋᓪᓗᒍ ᑎᑭᑉᐸᓪᓕᐊᔪᑦ ᐅᑕᖅᑭᕕᖓᓄᑦ ᐊᒻᒪ ᓄᑲᑉᐱᐊᖅ ᓂᕕᐊᕐᓯᐊᓘᓐᓃᑦ ᓴᒃᑯᓪᓗᒍ ᐸᖅᑭᔨᒋᓂᐊᕐᑕᖓᓄᑦ ᑎᓕᔭᐅᓯᒪᔪᒧᑦ ᑭᓇᐅᒻᒪᖔᑦ ᓇᓗᓇᐃᒃᑯᑎᖓ ᑐᓂᓚᐅᕐᓗᒍ ᐊᑎᓕᐅᕐᑎᓚᐅᕐᓗᒍᓪᓗ ᐸᖅᑭᔨᖓ ᓂᐅᕝᕕᐅᕐᓯᒪᔪᖅ.
• ᐊᑭᓖᒃᑲᓐᓂᕆᐊᓕᒃ ᑕᐃᒫᒃ ᐸᖅᑭᔨᖃᕐᑎᑕᐅᓂᐊᕐᐸᑦ. ᐅᓇ ᓇᕿᓪᓗᒍ ᑐᑭᓯᒋᐊᒃᑲᓐᓂᕈᒪᒍᕕᑦ ᐊᑭᖏᑕ ᒥᑦᓵᓄᑦ.


ᐊᓈᓇᒋᔭᑦ ᓇᔾᔨᔪᑦ:
ᑲᓇᐃᑎᐊᓐ ᓄᐊᑦᑯᑦ ᐃᑭᑎᑦᓯᔪᓐᓇᕐᑐᑦ ᓇᔾᔨᔪᓂᖕ (ᓯᖓᐃᔪᓂᖕ) ᖃᖓᑕᒍᓐᓇᕐᑎᑕᐅᓪᓗᑎᒃ ᐱᓇᓱᐊᕈᓯᖃᓕᕈᓂ 36ᓂᒃ ᐱᖃᓯᐅᑎᓗᒍ (ᑕᖅᑭᖃᓕᖅᑲᑦ ᑎᓴᒪᐅᔪᕐᖏᕋᕐᑐᓂᖕ (8)) ᐱᓇᓱᐊᕈᓯᖅ ᑭᖑᓪᓕᕐᐹᖓᑦ ᕿᓚᒻᒥᐅᓚᑦᓯᓚᐅᕐᓯᒪᓐᖏᑉᐸᑦ ᐃᕐᓂᕕᖓᓂᖕ ᐅᕝᕙᓘᓐᓃᑦ ᐋᓐᓂᐊᖏᑉᐸᑦ ᖃᓄᐃᓐᖏᑦᑎᐊᕐᐸᑦ.
ᓇᔾᔨᔪᑦ ᐃᕐᓂᔭᕇᕐᓂᐊᓕᕐᑐᑦ ᑕᖅᑭᖃᓕᕈᑎᖕ ᖁᓕᐅᓐᖏᕋᕐᑐᓂᖕ (9) ᐃᑭᑎᑕᐅᔪᓐᓇᕐᑐᑦ ᑭᓯᐊᓂ ᐅᑯᐊ ᒪᓕᖁᔭᐅᔪᑦ ᒪᓕᑦᑕᐅᑦᓯᐊᑐᐊᖅᐸᑕ:
• ᖃᖓᑕᓂᐊᕐᑑᑉ ᓗᒃᑖᖓ ᐊᑎᓕᓯᒪᒋᐊᓕᒃ ᐸᐃᑉᐹᒥᑦ T-43 ᑭᐅᔭᕆᐊᓖᑦ ᓇᓗᓇᐃᑐᐊᖅᐸᑕ ᖃᖓᒃᑯᑦ ᐃᕐᓂᕕᑦᓴᖃᓐᖑᐊᕐᒪᖔᑦ ᐊᒻᒪ ᕿᑐᕐᖓᕐᑖᕐᓂᐅᓴᔪᖅ ᖃᓄᐃᓐᖏᓐᓂᕋᕐᓗᒍ ᖃᖓᑕᒐᓗᐊᕐᐸᑦ. ᐅᓇ ᓇᕿᓪᓗᒍ ᑎᑎᕋᕈᒪᒍᕕᐅᒃ ᑭᐅᔭᕆᐊᓖᑦ ᑎᑎᕋᕐᕕᑦᓴᖓ.
• ᑎᑎᕋᕐᕕᑦᓴᖅ ᑭᐅᓯᒪᔪᖅ ᐊᐅᓪᓚᕐᑎᒍᓐᓇᕐᑕᐃᑦ ᓱᒃᑲᔪᒃᑯᑦ ᐊᓪᓚᕝᕕᑎᓐᓄᑦ (MEDA) ᐃᑲᕐᕋᑦ 48 ᓯᕗᕐᖓᒍᑦ ᐊᐅᓪᓚᓚᐅᖅᑳᑎᓐᓇᒍ ᐅᓗᖓᓂ, ᐅᕗᖓ ᐊᐅᓪᓚᕐᑎᓪᓗᒍ 1-866-437-5381.
• ᖃᖓᑕᓂᐊᕐᑑᑉ ᐃᕐᓂᕕᑦᓴᖓ ᐱᓇᓱᐊᕈᓯᓕᒫᑐᐃᓐᓇᐅᑉᐸᑦ ᐅᓪᓗᑦ ᐱᖓᓲᔪᕐᑐᑦ ᐊᑕᐅᓯᕐᓗ ᖃᖓᑕᔭᕆᐊᖃᓐᖏᑦᑐᖅ ᐊᒻᒪ ᐃᕐᓂᓱᓐᓂᐅᓴᓐᖏᑐᐊᕐᐸᑦ ᐅᓪᓗᖓᓂ ᐃᖏᕐᕋᕕᖓᑕ.
ᖃᐅᔨᒪᔭᐅᒋᐊᓕᒃ: ᓇᔾᔨᔪᑦ ᖃᖓᑕᓲᒥ ᐃᑦᓯᕙᑐᐊᕈᑎᖕ ᕿᓗᐊᕆᐊᓖᑦ ᐃᖏᒥᒍᑦ ᓈᖓᑕ ᐊᑎᑦᓯᐊᖓᒍᑦ ᐊᑦᓱᖏᓪᓗᒍ. ᖃᖓᑕᓲᒥ ᐱᔨᒧᑦ ᐃᑲᔪᕐᑕᐅᔪᓐᓇᕐᑐᑦ ᕿᓗᐊᖓ ᑕᑭᓪᓕᒋᐊᕆᐊᖃᕐᐸᑦ ᐊᑲᕐᕆᔮᒃᑲᓐᓂᖁᓪᓗᒍ. ᐊᑐᓕᖁᔭᐅᓯᒪᕗᖅ ᓇᔾᔨᔪᑦ ᖃᖓᑕᖁᔭᐅᒐᑎᖕ ᐋᓐᓂᐊᒧᑦ ᓇᔾᔨᓂᖓᓄᓪᓘᓐᓃᑦ ᖃᓄᐃᓕᑳᓪᓕᓐᓂᐅᓴᓱᕆᔭᐅᑉᐸᑦ ᖃᖓᑕᓂᖓᓂ ᐱᔭᕆᐊᑦᑐᕋᔭᖅᐸᑦ ᐅᕝᕙᓘᓐᓃᑦ ᑐᐊᕕᕐᓇᕐᓯᑳᓪᓚᓐᓂᕐᐸᑦ.


ᕿᑐᕐᖓᕐᑖᕆᐅᕐᑐᑦ ᓄᑕᕋᓛᓪᓗ ᐃᓅᕋᑖᕐᓂᑯᑦ:
ᕿᑐᕐᖓᕐᑖᕆᐅᕐᑐᑦ ᓄᑕᕋᓛᓪᓗ ᐃᓅᕋᑖᕐᓂᑯᑦ ᖃᖓᑦᑕᕈᓐᓇᕐᑎᑕᐅᔾᔮᖏᓚᑦ ᐅᓪᓗᑦ ᐱᖓᓲᔪᕐᑐᑦ ᐊᑕᐅᓯᕐᓗ (ᐱᓇᓱᐊᕈᓯᓕᒫᖅ) ᐊᓂᒍᕋᓱᓐᓂᖓᓂ ᑭᓯᐊᓂ ᓗᑦᑖᖅ ᐅᕝᕙᓘᓐᓃ ᐃᕐᓂᓱᒃᓰᔨᖓ ᐸᐃᑉᐹᑎᒍᑦ ᖃᖓᑕᒍᓐᓇᕐᓂᕋᐃᔪᒥᖕ ᐊᑎᓕᑐᐊᖅᐸᑦ (T43 ᑭᐅᔭᕆᐊᓖᑦ ᑎᑎᕋᕐᕕᑦᓴᖓ) ᐅᖃᖅᓯᒪᓗᓂ ᕿᑐᕐᖓᕐᑖᕆᐅᕐᑐ ᓄᑕᕋᓛᕐᓘᓐᓃᑦ ᐃᓅᕋᑖᕐᓂᑯ ᖃᓄᐃᓐᖏᒻᒪᑦ ᖃᖓᑕᒋᐊᖓ. ᐱᔪᓐᓇᕐᑕᑎᑦ ᑎᑎᕋᕐᕕᑦᓴᑦ, ᑭᐅᓗᒋᑦ ᐱᔭᕇᕆᐊᓖᑦ ᐊᐅᓪᓚᕐᑎᓪᓗᒋᓪᓗ ᐃᑲᔪᖅᑕᐅᔭᕆᐊᓖᑦ ᖃᖓᑕᓂᐊᕐᑐᑦ ᓇᓗᓇᐃᕐᓯᔾᔪᑎᖏᑦ ᑎᑎᕋᕐᕕᑦᓴᖓ (ᑭᐅᔭᕆᐊᓖᑦ ᑎᑎᕋᕐᕕᑦᓴᖓ T43) ᖃᕆᓴᐅᔭᒃᑯᑦ ᖃᐅᔨᒋᐊᕐᕕᑎᓐᓄᑦ (MEDA) ᓱᒃᑲᔪᒃᑯᑦ ᐅᕗᖓ 1-866-437-5381.

ᖃᐅᔨᒪᒋᐊᕈᑎ: T43 ᓈᑎᕆᐊᓕᒃ ᓈᑎᙱᖔᕐᓗᒍ, ᑲᓇᐃᑎᐊᓐ ᓄᐊᑦ−ᒃᑯᑦ ᐅᑯᓂᖓ ᐱᑎᑕᐅᖔᕈᓐᓇᕐᒥᔪᑦ ᓇᓗᓇᐃᒃᑯᑕᐅᓗᑎᑦ ᐃᓅᕋᑖᖅ ᐱᐊᕋᖅ ᐊᐅᓪᓚᕈᓐᓇᕋᒥ:

  • ᐋᓐᓂᐊᒍᓐᓃᕐᓂᖓᓄᑦ ᐊᐅᓪᓚᕈᓐᓇᖅᑎᑕᐅᔪᖅ ᓈᑎᕆᐊᓕᒃ ᔅᑖᓐᑕᓐ ᓄᓇᑦᓯᐊᕐᒥ ᐋᓐᓂᐊᕐᕕᖓᓂ (SRH#6100-0S9-01 ᓈᑎᕆᐊᓕᒃ)
  • F29/1207 OR F29/1110 ᓈᑎᕆᐊᓕᒃ ᓄᓇᕗᑦ ᒐᕙᒪᖏᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᖏᓐᓂᑦ ᐊᒻᒪᓗ ᐃᓄᓕᕆᔨᒃᑯᓐᓂ


ᓄᑕᕋᓛᑦ
ᓄᑕᕋᓛᑦ ᐱᓇᓱᐊᕈᓯᖃᑐᐃᓐᓇᕐᑐᑦ ᖃᖓᑕᔪᓐᓇᕐᑎᑕᐅᕗᑦ ᑭᓯᐊᓂ T43 ᑭᐅᔭᕆᐊᓖᑦ ᑎᑎᕋᕐᕕᑦᓴᖓ ᑕᑕᑎᖅᑕᐅᑐᐊᖅᐸᑕ, ᐅᕝᕙᓘᓐᓃᑦ ᓗᑦᑖᖅ ᑎᑎᖅᑲᐅᓯᐊᕐᑎᑦᓯᑐᐊᖅᐸᑦ ᖃᓄᐃᓐᖏᓐᓂᕋᐃᓗᓂ ᖃᖓᑕᔪᓐᓇᕐᓂᖓᓂᖕ.
 

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕈᓐᓇᕐᑐᑎᑦ ᑲᓇᐃᑎᐊᓐ ᓄᐊᑦᑯᑦ ᐃᓂᑦᓴᓕᐅᕐᕕᖓᓄᑦ ᐅᕗᖓ 1-800-661-1505.


ᐅᓯᔾᔪᑏᑦ ᐊᒃᓱᖏᐅᑎᓖᑦ
ᑲᓇᐃᑎᐊᓐ ᓄᐊᑦᑯᑦ ᐊᑐᐃᓐᓇᐅᑎᑦᓯᔪᓐᓇᖏᒻᒪᑕ ᓄᑕᕋᕐᓄᑦ/ᓱᕈᓯᓛᓄᑦ ᐅᓯᔾᔪᑎᓂᖕ ᐊᒃᓱᖏᐅᑎᓕᓐᓂᑦ (ᑲᐃᓪᓗᐊᕈᑎᓂᑦ) ᑭᓯᐊᓂᓕ ᓇᑦᓴᕐᑐᖃᕐᐸᑦ ᐅᓯᓕᐅᔾᔭᐅᔪᓐᓇᕐᑑᒐᓗᐊᑦ ᖃᓄᐃᒋᔭᐅᓐᖏᑐᐊᕐᐸᑦ ᐃᑦᑎᕐᕕᓂᑦ ᐅᓯᓕᕐᓱᐃᔨᓄᑦ ᐱᖃᓯᐅᔾᔭᐅᔪᓐᓇᕆᐊᖓ ᐅᕝᕙᓘᓐᓃᑦ ᖃᖓᑕᓲᒧᑦ ᓇᑦᓴᑲᐅᑎᒋᔪᓐᓇᕐᓗᒍ ᒥᑭᔫᑉᐸᑦ, ᓇᑦᓴᕐᑕᐃᑦ ᐅᓗᕆᐊᓇᓐᖏᓂᖓ ᒪᓕᒐᕐᑎᒍᑦ ᒪᓕᑦᓯᐊᑐᐊᖅᐸᑦ. ᐊᓯᓕᒫᖏᑦ ᐅᖓᑖᓅᕈᑎᓯᒪᔪᑦ ᓇᑦᓴᕋᓱᐊᕐᑕᑎᑦ (ᐅᖁᒪᐃᓗᐊᕐᑐᑦ/ᐊᖏᓗᐊᕐᑐᑦ) ᐊᑭᓕᕆᐊᖃᕐᓂᐊᕐᑐᑦ ᐅᖓᑕᐅᔾᔨᓯᒪᔪᑦ ᑕᐃᒪᐃᒋᐊᖃᕐᐸᑦ. ᐊᒃᓱᖏᕆᐊᓖᑦ ᐅᓯᔾᔪᑏᑦ ᐊᒃᓱᖏᕐᑕᐅᔪᓐᓇᖏᑉᐸᑕ ᖃᖓᑕᓲᑉ ᐊᒃᓱᖏᐅᑎᖏᓐᓄᑦ ᐊᖏᓗᐊᕐᓂᖓᓄᑦ, ᓴᓇᒪᓂᖓᓄᑦ, ᐅᕝᕙᓘᓐᓃᑦ ᓱᕋᑦᓯᒪᓂᖓᓄᑦ ᐅᓯᓕᐅᔾᔭᐅᒋᐊᓖᑦ ᐊᑦᑎᕐᕖᑦ ᐅᓯᓕᕐᓱᐃᕕᖓᒍᑦ ᖃᖓᑕᓲᒧᑦ ᓇᑦᓴᕈᓐᓇᓐᖏᑉᐸᒍ ᖃᖓᑕᓲᑉ ᐃᑦᓯᕙᕕᖏᑕ ᐊᑖᓅᕈᓐᓇᖏᓐᓂᖓᓄᑦ ᐅᕝᕙᓘᓐᓃᑦ ᑐᖅᑯᐃᕕᖓᓄᑦ ᖁᓛᓃᑦᑐᒧᑦ.


ᑲᓇᑕᒥ ᓴᓇᔭᐅᓂᑯᑦ ᐅᓯᔾᔪᑏᑦ (ᑲᐃᓪᓗᕈᑏᑦ)
ᒪᓕᒐᕐᓂᑦ ᒪᓕᑦᓯᐊᕐᓯᒪᓂᖏᓐᓂᖕ ᓇᓗᓇᐃᒃᑯᓯᕐᓯᒪᒋᐊᓖᑦ ᓇᓗᓇᐃᒃᑯᑎᑖᕆᓯᒪᔭᖏᓐᓂᒃ ᑲᓇᑕᒥ ᐊᐅᓚᐅᑎᓖᑦ ᐊᑦᑕᓇᕐᔭᐃᕐᓯᒪᒋᐊᖃᕐᓂᖏᓐᓄᑦ ᒪᓕᒐᖏᑎᒍᑦ (CMVSS) 213 ᐅᕝᕙᓘᓐᓃᑦ 213.1, ᐊᒻᒪ ᓇᓗᓇᐃᒃᑯᑎᖓ ᑎᑎᕋᕐᓯᒪᒋᐊᓕᒃ ᖃᖓᒃᑯᑦ ᐅᓪᓗᕐᓯᐅᑎᑎᒍᑦ ᓴᓇᔭᐅᓐᓂᕐᒪᖔᑦ ᔮᓐᓄᐊᕆ 1, 1981 ᒫᓐᓇᓂᓴᐅᓂᕐᐹᖑᓂᕋᕐᓗᒍ.


ᒥᐊᓕᒐᕐᓂ ᓴᓇᔭᒥᓃᑦ ᐅᓯᔾᔪᑏᑦ (ᑲᐃᓪᓗᐊᕈᑏᑦ)

ᓴᓇᔭᒥᓃᑦ ᒥᐊᓕᒐᑦ ᓄᓇᖓᓂ ᐊᑯᓐᓂᖓᓂ ᔮᓐᓄᐊᕆ 1, 1981 ᐊᒻᒪ ᕖᕝᕗᐊᕆ 25, 1985, ᓇᓗᓇᐃᒃᑯᑎᖃᕆᐊᓖᑦ ᑎᑎᕋᕐᓯᒪᔪᓂᖕ ᐃᒫᒃ:

1. “ᐅᓇ ᓱᕈᓯᖕᒧᑦ ᐅᓯᔾᔪᑎ ᐊᒃᓱᖏᐅᑎᓕᒃ ᓴᓇᔭᐅᓯᒪᔪᖅ ᑕᒪᐃᓐᓂᓕᒫᑦᓯᐊᖅ ᒐᕙᒪᒃᑯᑦ ᐊᐅᓚᐅᑎᓖᑦ ᐊᑦᑕᓇᕐᔭᐃᕐᓯᒪᒋᐊᖃᕐᓂᖏᓐᓄᑦ ᒪᓕᒐᖏᓂᑦ ᒪᓕᑦᓯᐊᕐᓯᒪᕗᑦ” (FMVSS), ᐊᒻᒪᓗ
2. "ᓇᓗᓇᐃᒃᑯᓯᕐᑕᐅᓯᒪᔪᖅ ᐊᑐᕈᓐᓇᕐᓂᕋᕐᑕᐅᓪᓗᓂ ᐊᐅᓚᐅᑎᓕᓐᓂ ᓄᓇᓯᐅᑎᓂ ᖃᖓᑕᓲᒥᓗ” ᐊᐅᐸᕐᑐᒥᖕ ᑎᑎᕋᕐᓯᒪᓪᓗᑎᒃ.
CARES™ ᓱᕈᓯᖕᓂᑦ ᐅᓯᔾᔪᑏᑦ ᐊᑦᓱᖏᐅᑎᓖᑦ: CARES™ ᑲᐃᓪᓗᐊᕈᑏᑦ ᐊᑦᓱᖏᐅᑎᓖᑦ ᓴᓇᔭᐅᓯᒪᒻᒪᑕ ᐊᑐᖅᑕᐅᔪᓐᓇᖁᓪᓗᒋᑦ ᐅᑭᐅᓕᓐᓄᑦ ᐊᑕᐅᓯᕐᒥᑦ ᑎᓴᒪᓄᑦ, ᐅᖁᒪᐃᓐᓂᓕᓐᓂᖕ ᖁᓕᓂᑦ ᐊᕙᑎᓄᑦ ᑭᓗᒍᕌᒻᔅ (22-44 ᐸᐅᑎᑦ), ᑕᑭᓂᓕᓐᓄᑦ 100 ᓯᓐᑎᒦᑕᑦ (40 ᐃᓐᔅ) ᑐᖔᓂᓘᓐᓃᑦ ᐊᒻᒪ ᐃᒻᒥᓂᖕ ᐃᑦᓯᕙᔪᓐᓇᑐᐊᕈᑎᖕ. ᐊᑭᓐᓂᖓᓃᑐᐊᖅᐸᑦ ᒪᓕᖁᔭᐅᔪᓂᑦ ᓴᓇᔪᒥᓃᑦ ᑭᓪᓕᒋᔭᐅᖁᔭᖏᓐᓂᖕ (ᓇᓗᓇᐃᒃᑯᑎᖓ ᐅᖃᖅᓯᒪᓂᐊᕐᑐᖅ), ᐅᑯᓂᖓᓗ ᓴᖅᔮᕐᑎᑦᓯᒋᐊᓖᑦ ᓇᓗᓇᐃᒃᑯᑎᖏᓐᓂᖕ:
• ᐊᔪᓐᖏᑎᑕᐅᔪᑦ CARES™ ᓇᓗᓇᐃᒃᑯᑎᖓᓂᖕ ᐊᖏᖅᑕᐅᓯᒪᓂᖓᑕ ᒪᓕᒐᓕᒫᓂᖕ ᒪᓕᑦᑐᑎᖕ (ᒐᕙᒪᑐᖃᒃᑯᑦ ᖃᖓᑕᓲᓂᖕ ᖃᐅᔨᓴᕐᑎᒻᒪᕆᖏᓐᓄᑦ FAA ᐊᖏᖅᑕᐅᓯᒪᓗᓂ ᒪᓕᑦᑐᒍ ᐃᓚᖓᓃᑦᑐᖅ 14 CFR 21.305 (d) ᐊᖏᖅᑕᐅᓯᒪᓗᓂᓗ ᖃᖓᑕᓲᒥ ᑭᓯᐊᓂ ᐊᑐᖅᑕᐅᓂᐊᕐᓂᖓᓂᖕ).
• ᐃᓚᑦᓴᖏᑦ ᓈᓴᐅᑎᓖᑦ 4082-1 ᓇᓗᓇᐃᒃᑯᑕᖓᓂ ᑎᑎᕋᕐᓯᒪᓗᒍ


ᓈᒻᒪᒋᔭᐅᔪᑦ ᓄᑕᕋᓛᓄᑦ ᓱᕈᓯᓛᓄᓪᓗ ᐅᓯᔾᔪᑏᑦ (ᑲᐃᓪᓗᐊᕈᑏᑦ) ᐊᒃᓱᖏᕆᐊᓖᑦ
1. ᐃᖅᑯᐊᓄᑦ ᓵᖓᔪᑦ ᐅᓯᔾᔪᑏᑦ ᐊᒃᓱᖏᐅᑎᓖᑦ ᑭᓯᐊᓂ ᐅᓯᔪᓐᓇᕆᐊᖃᕐᖓᑕ ᐱᐊᕋᓛᓄᑦ ᐅᖁᒪᐃᓐᓂᓕᓐᓄᑦ ᑕᓪᓕᒪᐅᔪᕐᖏᕋᕐᑐᑦ ᑭᓗᒍᕌᒻᔅ (9 kg/ 20 ᐸᐅᑎᑦ)., ᐅᖁᒪᐃᓐᓂᕆᒋᐊᓕᖏᑕ ᑭᓪᓕᖓ ᓇᓗᓇᐃᕐᓯᓯᒪᓪᓗᓂ ᐅᓯᔾᔪᑎᖓᓂ ᐊᔾᔨᒌᖏᑦᑑᔪᓐᓇᕐᑐᑎᓪᓗ ᓴᓇᒪᓂᖏᑦ ᒪᓕᓪᓗᒋᑦ.
2. ᓵᖓᓄᑦ ᓵᓐᖓᔪᑦ ᐅᓯᔾᔪᑏᑦ ᑲᐃᓪᓗᐊᕈᑏᑦ ᐅᓯᔪᓐᓇᕐᑎᑕᐅᕗᑦ ᑭᓯᐊᓂ ᐅᖁᒪᐃᓐᓂᓕᓐᓄᑦ ᐊᑯᓐᓂᖓᓂ ᑕᓪᓕᒪᐅᔪᕐᖏᕋᕐᑐᑦ ᐊᒻᒪ ᖁᓕᑦ ᑎᓴᒪᐅᔪᕐᖏᕋᕐᑐᓪᓗ ᑭᓗᒍᕌᒻᔅ (9- 18 kg (20 – 40 ᐸᐅᑎᑦ.) ᓇᓗᓇᐃᕐᑐᕐᓯᒪᓪᓗᓂᓗ ᑲᐃᓪᓗᐊᕈᒻᒥ ᖃᓄᑎᒋ ᐅᖁᒪᐃᓐᓂᖃᕆᐊᖃᕐᒪᖔᑦ ᐊᑐᓂ ᐅᓯᔾᔪᑏᑦ.
3. ᓇᓪᓕᐊᓄᑐᐃᓐᓈᖓᔪᓐᓇᕐᑐᑦ (ᓵᖓᓄᑦ ᐃᖅᑯᐊᓄᓪᓘᓐᓃᑦ ᓵᓐᖓᔪᑦ) ᐅᓯᔾᔪᑏᑦ ᐊᒃᓱᖏᐅᑎᓖᑦ: ᑕᐃᔭᐅᕙᓐᓂᖓ “ᓇᓪᓕᐊᓄᑐᐃᓐᓈᖓᔪᓐᓇᕐᑐᖅ” ᓇᓗᓇᐃᒃᑯᑕᐅᒐᔪᑦᑐᑦ ᓴᓇᔪᒥᓂᕐᓄᑦ ᐊᑐᖅᑕᐅᔪᓐᓇᕆᐊᖏᑦ ᑲᐃᓪᓗᐊᕈᑏᑦ ᐃᖅᑯᐊᓄᑦ ᓵᖓᓄᓪᓘᓐᓃᑦ ᓵᓐᖓᔪᓐᓇᕐᓗᓂ ᓱᕈᓯᑯᓗᒃ ᑲᐃᓪᓗᐊᕐᑕᖅ.


ᐊᔪᖅᑎᑕᐅᔪᑦ ᓄᑕᕋᓛᓄᑦ ᓱᕈᓯᑯᓗᓐᓄᓪᓘᓐᓃᑦ ᐅᓯᔾᔪᑏᑦ ᐊᒃᓱᖏᐅᑎᓖᑦ

• ᖁᕐᕙᕆᐊᕈᑏᑦ ᐃᑦᓯᕙᕖᑦ
• ᖁᕐᕙᕆᐊᕈᑏᑦ ᐃᑦᓯᕙᕖᑦ, ᐱᖃᓯᐅᔾᔨᓯᒪᕗᑦ ᐅᓯᔾᔪᑎᓂᖕ ᐊᒃᓱᖏᐅᑎᓕᓐᓂ ᓇᓗᓇᐃᒃᑯᑎᑖᕐᓯᒪᔪᑦ ᓈᓴᐅᑎᓕᒃ CMVSS 213.2
• ᓈᕐᒥᒍᑦ ᐊᕙᓗᓕᒫᖓᓄᓪᓗ ᕿᓗᐊᕈᓐᓇᐅᑏᑦ
• ᐊᒫᕈᑏᑦ (ᓲᕐᓗ ᓵᖓᓂ ᐊᒫᕈᑏᑦ ᐆᑦᑑᑎᒋᓗᒍ ᐊᑎᓖᑦ ᓯᓇᒡᓕ Snugli®)
ᐅᓇ ᓇᕿᓪᓗᒍ ᑐᑭᓯᒋᐊᒃᑲᓐᓂᕈᒪᒍᕕᑦ ᖃᓄᐃᑦᑐᑦ ᐊᔪᓐᖏᑎᑕᐅᒻᒪᖔᑕ ᐅᓯᔾᔪᑏᑦ ᐊᒃᓱᖏᐅᑎᓖᑦ (ᑲᐃᓪᓗᐊᕈᑎᑦ) ᐊᒻᒪ ᖃᓄᐃᑦᑑᒻᒪᖔᑕ ᑭᐅᔭᕆᐊᓖᑦ ᑎᑎᕋᕐᕕᑦᓴᑦ ᐱᓯᒪᔭᕆᐊᖃᕐᒪᖔᑕ ᐊᐅᓪᓚᓚᐅᓐᖏᓂᖏᓐᓂ.
ᐅᓇ ᓇᕿᓪᓗᒍ ᐊᔪᕆᕐᓯᐅᔾᔨᒍᑎᓂᖕ ᖃᐅᔨᒋᐊᕈᒪᒍᕕᑦ. ᐊᑭᓖᒋᐊᓖᑦ 40.00 ᑖᓚᓂᖕ, ᐃᓚᓗᒍ ᐃᓐᑲᒪᑖᒃᓯᓄᑦ ᐊᑭᓕᕆᐊᓖᑦ (HST ᑖᒃᓰᔭᕈᑏᑦ ᐊᑭᓕᕆᐊᓖᑦ ᖃᖓᑦᑕᕐᓂᐊᕐᑐᓂᖕ ᐋᑐᕚᒥᑦ ᐊᒻᒪ ᐃᓐᑲᒪᑖᒃᓯᓄᑦ ᔩᐃᔅᑏ ᐊᐅᓪᓚᕐᓂᐊᕐᑐᑦ ᓄᓇᓕᓐᓃᓐᖔᕐᓗᑎᑦ) ᑐᕋᐃᓐᓇᕐᓂᐊᕐᐸᑦ ᐅᑎᕐᔭᕆᐊᓐᖏᓪᓗᓂ, ᐊᑕᐅᓯᐅᓗᓂ ᓱᕈᓯᑯᓗᖕ ᐅᑭᐅᑭᓗᐊᕐᑐᖅ ᐊᐃᑉᐸᖃᓐᖏᑦᑐᖅ ᖃᖓᑕᓂᕐᒥᓂ, ᐊᑭᓖᑎᑕᐅᓂᐊᕐᑐᑦ ᐸᖅᑭᔭᐅᓂᖓᓄᑦ ᐱᔨᒧᑦ.