ᐱᖁᑎᑦ ᐅᓯᔭᑦ

ᖃᖓᑕᓂᐊᖅᑐᓄᑦ ᐱᖁᑎᒃᑯᕖᑦ ᐊᔪᓐᖏᑎᑕᐅᓂᖏᑦ, ᐊᑐᐊᖅᓯᔾᔪᑎᖏᑦ ᐊᒻᒪᓗ ᐊᑭᓖᔾᔪᑎᖏᑦ

ᐅᑯᐊᓕ ᑐᕌᖓᔪᑦ ᑲᓇᐃᑎᐊᓐ ᓄᐊᑦᑯᑎᒍᑦ ᖃᖓᑕᔪᒫᓐᓂᐊᖅᑐᓄᑦ ᑕᕝᕙᓂ ᐅᕝᕙᓘᓐᓃᑦ ᑭᖑᓂᐊᒍᑦ ᐱᖓᑦᑎᐅᑉ, ᔫᓐ 15, 2016, ᐊᐅᓚᓂᐊᕐᓗᑎᒃ ᑕᕝᕙᓂ ᐅᕝᕙᓘᓐᓃᑦ ᑭᖑᓂᐊᒍᑦ ᐱᖓᑦᑎᐅᑉ, ᔪᓚᐃ 15, 2016
ᖃᖓᑦᑕᐅᑎᑖᕈᑎᑖᖅᓯᒪᔪᓄᑦ ᓯᕗᓂᐊᒍᑦ ᔫᓐ 15, 2016, ᐅᕝᕙᓘᓐᓃᑦ ᐊᐅᓚᓂᐊᕐᓗᓂ ᓯᕗᓂᐊᒍᑦ ᔪᓚᐃ 15, 2016, ᐅᓇ ᓇᕿᓚᐅᕈᒃ, please click here


ᑖᓐᓇ ᖃᖓᑕᓂᐊᖅᑐᓄᑦ ᐱᖁᑎᒃᑯᕖᑦ ᐊᔪᓐᖏᑎᑕᐅᓂᖏᑦ, ᐊᑐᐊᖅᓯᔾᔪᑎᖏᑦ ᐊᒻᒪᓗ ᐊᑭᓖᔾᔪᑎᖏᑦ ᒪᓕᒋᐊᓕᑎᑦ ᐊᑦᔨᒋᔾᔮᖏᑕᖓ, ᒪᓕᓪᓗᓂ ᖃᖓᑦᑕᐅᑎᖃᕈᕕᑦ ᑲᓇᐃᑎᐊᓐ ᓄᐊᑦᑯᑎᒍᐃᓐᓇᖅ, ᐅᕝᕙᓘᓐᓃᑦ ᖃᖓᑕᓂᐊᕐᓗᑎᑦ ᐊᐅᓚᑕᐅᔪᓄᑦ ᖃᖓᑕᓲᓕᕆᔨᐅᖃᑎᑦᑎᓐᓄᑦ.

ᓯᕗᓪᓕᖅᐹᒥᒃ ᖃᖓᑕᓂᐊᕐᓂᕆᔭᐃᑦ ᓇᓗᓇᐃᖅᓯᒪᔪᖅ ᖃᖓᑦᑕᐅᑎᓐᓂ ᐊᐅᓚᑕᐅᑉᐸᑦ ᐊᖏᖃᑎᒌᒍᑎᖓᑎᒍᑦ ᑲᓇᐃᑎᐊᓐ ᓄᐊᑦ ᐅᕝᕙᓘᓐᓃᑦ ᐊᑐᖅᑕᐅᖃᑦᑕᖅᑐᓄᑦ ᖃᖓᑕᓲᓕᕆᔩᑦ ᑲᓇᐃᑎᐊᓐᑯᑦ ᐊᓯᖏᑦ, ᐊᒻᒪᓗ ᖃᖓᑕᓂᐊᕐᓂᖓᑕ ᓇᒻᒪᖓ ᐱᖃᓯᐅᔾᔨᑉᐸᑦ ᖃᖓᑕᓲᓕᕆᔨᐅᖃᑎᖓᑕ ᓇᓗᓇᐃᒃᑯᑕᖓᓂᒃ (ᐊᑖᓂ ᑎᑎᕋᖅᓯᒪᔪᑦ), ᖃᖓᑕᓲᖑᖃᑎᖓᑕ ᖃᖓᑕᓂᐊᖅᑐᓄᑦ ᐱᖁᑎᖏᓐᓄᑦ ᐊᑐᐊᖅᓯᔾᔪᑎᖏᑦ, ᐊᔪᓐᖏᑎᑕᐅᓂᖏᑦ ᐊᒻᒪᓗ ᐊᑭᓖᔾᔪᑎᖏᑦ ᒪᓕᒋᐊᖃᕐᓂᐊᖅᑕᑎᑦ ᐃᑭᒪᕕᒋᓂᐊᖅᑕᒃᑯᑦ ᐊᒻᒪᓗ ᐊᓯᓕᒫᖏᓐᓄᑦ ᖃᖓᑕᕕᒋᓂᐊᖅᑕᓐᓄᑦ ᓇᓗᓇᐃᖅᓯᒪᔪᑦ ᖃᖓᑕᓂᕆᓂᐊᖅᑕᕕᑦ ᑎᑎᖅᑲᖏᑎᒍᑦ. ᖃᐅᔨᒪᑦᑎᐊᕆᐊᕐᓂᐊᖅᐸᑎᑦ ᖃᖓᑕᓲᖑᖃᑎᖓᑕ ᖃᖓᑕᓂᐊᖅᑐᓄᑦ ᐱᖁᑎᖏᑕ ᐊᑐᐊᒐᖏᑦ, ᐊᑐᐊᖅᓯᔾᔪᑎᖏᓪᓗᑦᑕᐅᖅ, ᐊᔪᓐᖏᑎᑕᐅᔪᓄᓪᓗ ᐊᒻᒪᓗ ᐊᑭᓖᔾᔪᑎᖏᑦ:

Air Canada – ᖃᖓᑕᓲᑉ ᓇᓗᓇᐃᒃᑯᑕᖓ AC
First Air – ᖃᖓᑕᓲᑉ ᓇᓗᓇᐃᒃᑯᑕᖓ 7F
WestJet – ᖃᖓᑕᓲᑉ ᓇᓗᓇᐃᒃᑯᑕᖓ WS

ᓯᕗᓪᓕᖅᐹᒥᒃ ᖃᖓᑕᓂᐊᕐᓂᕆᔭᐃᑦ ᓇᓗᓇᐃᖅᓯᒪᔪᖅ ᖃᖓᑦᑕᐅᑎᓐᓂ ᐊᐅᓚᑕᐅᑉᐸᑦ ᑲᓇᐃᑎᐊᓐ ᓄᐊᑦᑯᓐᓄᑦ (ᐊᒻᒪᓗ ᖃᖓᑕᓲᑉ ᓇᒻᒪᖓ ᐱᖃᓯᐅᔾᔨᑉᐸᑦ ᑲᓇᐃᑎᐊᓐ ᓄᐊᒃᑯᑦ ᖃᖓᑕᓲᖁᑎᖓᑕ ᓇᓗᓇᐃᒃᑯᑕᖓᓂᒃ − 5T), ᑲᓇᐃᑎᐊᓐ ᓄᐊᑦᑯᑦ ᖃᖓᑕᓂᐊᖅᑐᓄᑦ ᐱᖁᑎᖏᓐᓄᑦ ᐊᑐᐊᖅᓯᔾᔪᑎᖏᑦ, ᐊᔪᓐᖏᑎᑕᐅᔪᑦ ᐊᒻᒪᓗ ᐊᑭᓖᔾᔪᑎᖏᑦ ᒪᓕᒋᐊᖃᕐᓂᐊᕐᒥᔭᑎᑦ ᐊᐅᓚᕐᓂᐊᓕᕈᕕᑦ ᐊᒻᒪᓗ ᐊᓯᓕᒫᖏᑦ ᖃᖓᑕᓂᕆᓂᐊᖅᑕᑎᑦ ᓇᓗᓇᐃᖅᓯᒪᔪᑦ ᖃᖓᑦᑕᐅᑎᓐᓂ. ᖃᖓᑕᓲᒃᕕᒻᒧᐊᕈᕕᑦ ᐊᐅᓚᕆᐊᖅᑐᓕᕐᓗᑎᑦ, ᖃᖓᑦᑕᐅᑎᓕᕆᔨ ᑲᒪᒋᔭᖃᕐᓂᐊᖅᑐᖅ ᐱᖁᑎᓐᓂᒃ ᐊᒻᒪᓗ ᐊᑭᓖᔭᕆᐊᖃᕈᕕᑦ ᐊᑭᓖᔾᔪᑎᓐᓂᒃ ᑲᒪᓗᓂ.

ᐅᑦᔨᕈᓱᒋᑦ - ᐊᑭᓖᔾᔪᑎᑦ ᖃᑦᑎᐅᓂᖏᑦ ᐊᑖᓂ ᑕᑯᒃᓴᐅᑎᑕᐅᕗᑦ ᐱᖃᓯᐅᔾᔨᔪᑦ ᒥᑭᓂᖅᐹᖓᓂᒃ ᐅᓄᕐᓂᖅᐹᖓᓄᑦ ᑖᒃᓰᔭᕈᑎᖓ ᐊᑐᕆᐊᖃᑐᐃᓐᓇᕆᐊᓕᒃ (5%−ᒥᑦ 15%−ᒧᑦ).

ᖃᖓᑦᑕᐅᑎᑖᕈᑎᑦ ᓯᕗᓪᓕᖅ ᐃᑦᑎᖅᕕᒃ ᑐᒡᓕᐊ ᐃᑦᑎᖅᕕᒃ ᐱᖓᔪᐊᑦ ᐃᑦᑎᖅᕕᒃ
(ᐅᖓᑖᓄᑦ)1
ᑎᓴᒪᖓᑦ ᐊᒻᒪᓗ ᑕᓪᓕᒪᖓᑦ
ᐃᑦᑎᖅᕖᑦ1
ᐅᖁᒪᐃᓗᐊᖅᑐᑦ
ᕿᑎᐊᓂ 51-70 lbs2
ᐅᖁᒪᐃᓗᐊᖅᑐᑦ,
ᕿᑎᐊᓂ 71-100 lbs,
ᐊᒻᒪᓗ/ᐅᕝᕙᓘᓐᓃᑦ ᐊᖏᓗᐊᖅᑐᖅ
ᐅᓄᕐᓂᖅᐹᖓ 50 lbs (23 kgs) ᓇᔅᓴᖅᑕᐅᔪᓐᓇᖅᑐᖅ ᖃᖓᑕᓂᐊᕐᓗᓂ

 


$26.25 -
$28.75

 


$105 -
$115

Super-Flex ᐊᑭᖃᖏᑦᑐᖅ ᐊᑭᖃᖏᑦᑐᖅ ᐊᑭᖃᖏᑦᑐᖅ

$105 - $115

Flex ᐊᑭᖃᖏᑦᑐᖅ ᐊᑭᖃᖏᑦᑐᖅ $78.75 -
$86.25
Saver ᐊᑭᖃᖏᑦᑐᖅ $36.75 -
$40.25
$78.75 -
$86.25
ᐱᕗᑦ ᐊᑭᖃᖏᑦᑐᖅ $36.75 -
$40.25
$78.75 -
$86.25
ᐊᑭᑭᓪᓕᒋᐊᖅᓯᒪᔪᒧᑦ ᐃᒃᓯᕙᐅᑕᖏᑦ3 $26.25 -
$28.75
$36.75 -
$40.25
$78.75 -
$86.25
Aurora Rewards−ᑯᑦ ᖃᖓᑦᑕᐅᑎᑦ ᐊᑭᖃᖏᑦᑐᖅ $36.75 -
$40.25
$78.75 -
$86.25
Aeroplan−ᑯᑦ ᖃᖓᑦᑕᐅᑎᑦ ᐊᑭᖃᖏᑦᑐᖅ $36.75 -
$40.25
$78.75 -
$86.25
Air Miles−ᑯᑦ ᖃᖓᑦᑕᐅᑎᑦ ᐊᑭᖃᖏᑦᑐᖅ $36.75 -
$40.25
$78.75 -
$86.25

*ᒪᓕᓪᓗᒍ ᑲᓇᑕᒥ ᐃᖏᕐᕋᖃᑦᑕᖅᑐᓕᕆᔨᒃᑯᑦ ᐱᓕᕆᕝᕕᖓᑕ ᖃᖓᑕᓂᐊᖅᑐᑦ ᐃᑦᑎᖅᕕᖏᓐᓄᑦ ᒪᓕᒐᐃᑦ, ᑕᑉᐱᓐᓇ ᖁᓛᓃᑦᑐᖅ ᐋᖅᑭᒋᐊᖅᓯᒪᔪᖅ ᐃᑦᑎᖅᕕᓐᓂᒃ ᐱᖁᑎᖃᕐᓂᕐᒧᑦ ᐊᑭᓖᔾᔪᑎᑦ ᐊᒻᒪᓗ ᐊᔪᓐᖏᑎᑕᐅᔪᑦ ᐊᑐᖅᑕᐅᓂᐊᖅᐳᑦ ᐃᓂᒃᓴᓕᐅᖅᓯᒪᓗᓂ ᖃᖓᑕᓂᐊᕐᓂᕐᒧᑦ ᑖᒃᑯᐊ ᑲᓇᐃᑎᐊᓐ ᓄᐊᒃᑯᑦ ᖃᖓᑕᓲᖁᑎᖓᑕ ᓇᓗᓇᐃᒃᑯᑕᖓ (5T) ᓴᖅᑭᔮᖅᐸᑦ ᓯᕗᓪᓕᕐᒥ ᖃᖓᑕᕕᒋᓂᐊᖅᑕᒃᑯᑦ ᑎᑎᕋᖅᓯᒪᔪᖅ ᖃᖓᑦᑕᐅᑎᓐᓂ. ᒪᓕᒃᑕᐅᓂᐊᖅᑐᖅ ᖃᖓᑕᕕᒋᓂᐊᖅᑕᓐᓄᑦ, ᐊᒻᒪᓗ ᐊᓯᖏᑦ ᖃᖓᑕᕕᒋᓂᐊᖅᑕᑎᑦ ᑎᑎᕋᖅᓯᒪᔪᑦ ᖃᖓᑦᑕᐅᑎᓐᓂ.

1ᑭᓯᐊᓂᓕ ᐱᖃᓯᐅᔾᔭᐅᓯᒪᑉᐸᑦ ᐊᑭᖃᖏᑐᒃᑯᑦ ᐊᔪᓐᖏᑎᑕᐅᓂᒃᑯᑦ, ᐱᖓᔪᐊᑦ, ᑎᓴᒪᖓᑦ ᐊᒻᒪᓗ ᑕᓪᓕᒪᖓᑦ

ᓇᔅᓴᖅᑕᐅᓂᐊᖅᑐᑦ ᐱᖁᑎᑦ ᐃᓱᒪᒋᔭᐅᓂᐊᖅᐳᑦ ᐅᖓᑖᓅᕈᑎᔪᑦ ᓇᔅᓴᕆᐊᓕᖏᑕ ᐊᒻᒪᓗ ᐊᐅᓚᖅᑎᑕᐅᓗᑎᒃ ᐃᓂᖃᑉᐸᑕ ᑭᓯᐊᓂ.


2ᑕᐃᒪᓕ ᐱᖁᑎᒋᔭᐅᔪᖅ ᐅᖁᒪᐃᓗᐊᖅᐸᑦ ᐊᒻᒪᓗ ᐊᖏᓗᐊᖅᐸᑦ, ᐊᑭᓖᑎᑕᐅᓂᐊᖅᑐᖅ ᐊᖏᓗᐊᕐᓂᕋᖅᑕᐅᔪᒧᐃᓐᓇᖅ.
3ᐃᓚᖏᑦ ᐃᒃᓯᕙᑕᐃᑦ ᐊᑭᑭᓪᓕᒋᐊᖅᓯᒪᔪᑦ ᐱᖃᓯᐅᔾᔨᔪᓐᓇᖅᑐᑦ ᐃᑦᑎᕐᕕᒻᒧᑦ ᐊᔪᓐᖏᑎᑕᐅᔪᓂᒃ ᐊᑦᔨᒋᖏᑕᖓ ᑕᑯᒃᓴᐅᑎᑕᐅᔪᓂᒃ ᖁᓛᓂ. ᑕᑯᓚᐅᕆᑦ ᐊᑐᖅᑕᐅᖃᑦᑕᖅᑐᓂᒃ ᖃᖓᑦᑕᐅᑎᓄᑦ ᒪᓕᒐᖏᓐᓂᒃ ᓇᓗᓇᐃᖅᓯᑎᐊᖅᓯᒪᔪᓂᒃ.

ᖃᐅᔨᒪᒋᑦ

 

  • ᖃᖓᑕᓂᐊᖅᑐᑦ ᓄᑕᕋᒻᒥᒃ ᐊᐅᓚᖃᑎᖃᕈᑎᒃ ᓇᔅᓴᕈᓐᓇᖅᑎᑕᐅᓂᐊᖅᑐᑦ ᐃᒧᓲᒥᒃ ᐊᔭᐅᕈᑎᒥᒃ ᐅᕝᕙᓘᓐᓃᑦ ᐊᓯᐊᓂᒃ ᓄᑕᕋᓐᓄᑦ ᐊᔭᐅᕈᑎᒥᒃ ᐊᓯᐊᓂᓪᓘᓐᓃᑦ ᐃᓚᓕᐅᔾᔭᐅᓯᒪᓗᓂ ᐊᔪᓐᖏᑎᑕᐅᔾᔪᑎᓄᑦ.
  • ᐊᑕᐅᓯᕐᒥᒃ ᐱᓲᑎᒥᒃ ᐊᑕᐅᓯᕐᒧᑦ ᐊᐅᓚᖅᑐᒧᑦ ᓈᒻᒪᒋᔭᐅᓂᐊᖅᑐᖅ ᖃᖓᑕᓂᐊᕐᓗᓂ ᐱᖁᑎᒋᔭᐅᓗᓂ ᐊᑭᖃᖏᓪᓗᓂ. ᐱᓲᑏᑦ, ᓲᕐᓗ ᐊᔭᐅᕈᑏᑦ ᐃᒃᓯᕙᐅᑕᐃᑦ, ᐱᖃᓯᐅᔾᔭᐅᓯᒪᒍᓐᓇᖏᑦᑐᑦ ᐊᑭᖃᓪᓗᑎᒃ ᐅᖓᑖᓅᕈᑎᐅᔪᓄᑦ ᐱᖁᑎᓄᑦ.
  • Please see here ᓇᕿᓪᓗᒍ ᑖᓐᓇ ᑐᖑᔪᖅᑐᖅ ᓇᓗᓇᐃᖅᓯᒪᑦᑎᐊᖅᑐᓂᒃ ᕿᒥᕐᕈᓂᐊᕋᕕᑦ ᐆᒪᔪᐃᑦ ᐊᐅᓚᖅᑎᑕᐅᓂᖏᓐᓄᑦ.

ᖃᖓᑕᓂᐊᖅᑐᓄᑦ ᐱᖁᑎᒋᔭᐅᔪᓄᑦ ᐃᑲᔫᑏᑦ ᐃᓚᒋᔭᐅᔪᓄᑦ Aurora Concierge−ᒧᑦ  

Aurora Concierge−ᒧᑦ ᐃᓚᒋᔭᐅᔪᑦ1 ᐅᑯᓂᖓ ᐊᔪᓐᖏᑎᑕᐅᓂᐊᖅᐳᑦ ᖃᖓᑕᓂᐊᖅᑐᓄᑦ ᐱᖁᑎᒋᔭᐅᔪᓄᑦ2 ᖃᖓᑕᓲᖁᑎᓕᒫᖏᑎᒍᑦ ᑲᓇᐃᑎᐊᓐ ᓄᐊᒃᑯᑦ, ᖃᖓᑦᑕᐅᑎᑖᕈᑎᖓ ᖃᓄᐃᑦᑐᒐᓗᐊᖅᐸᑦ:

Status Level
1st Bag
2nd Bag
3rd Bag
Aurora Concierge Diamond
ᑭᖃᖏᑦᑐᖅ
ᐊᑭᖃᖏᑦᑐᖅ
ᐊᑭᖃᖏᑦᑐᖅ
Aurora Concierge Gold
ᐊᑭᖃᖏᑦᑐᖅ
ᐊᑭᖃᖏᑦᑐᖅ
ᐊᑭᖃᖏᑦᑐᖅ
Aurora Concierge Silver
ᐊᑭᖃᖏᑦᑐᖅ
ᐊᑭᖃᖏᑦᑐᖅ
$78.75 - $86.25

1ᓱᓕᔪᓐᓇᐅᑎᒥᒃ ᐃᓚᒋᔭᐅᓂᕐᒧᑦ Aurora Concierge ᑐᓂᓯᔭᕆᐊᓕᒃ ᖃᖓᑕᓲᓕᕆᔨᒧᐊᕈᕕᑦ ᐊᐅᓚᕐᓂᐊᓕᕐᓗᑎᑦ.
2 ᐅᓄᕐᓂᖅᐹᒃᑯᑦ ᐅᖁᒪᐃᓐᓂᖓ 50 ᐸᐅᓐ (23 kilograms) ᐊᑕᐅᓯᖅ ᖃᖓᑕᓲᑰᓂᐊᖅᑐᖅ. ᐅᖁᒪᐃᓗᐊᖅᑐᓄᑦ ᐊᑭᓖᔾᔪᑎᑦ ᒪᓕᒃᑕᐅᓂᐊᖅᑐᑦ ᖃᖓᑕᓲᒃᑰᓂᐊᖅᑐᓄᑦ ᐅᖓᑖᓄᑦ ᐅᖁᒪᐃᓐᓂᓖᑦ 50 ᐸᐅᓐ.


ᐊᒥᓲᓗᐊᕈᑎᔪᑦ ᐱᖁᑎᑦ 

ᖃᖓᑕᓂᐊᖅᑐᑦ ᐅᖓᑖᓅᕈᑎᔪᑦ ᓇᔅᓴᓂᐊᖅᑕᖏᓐᓄᑦ ᐱᖁᑎᓄᑦ (ᐊᒥᓲᓗᐊᖅᐸᑕ ᐱᖁᑎᖏᑦ, ᐅᖁᒪᐃᓗᐊᖅᐸᑕ, ᐊᓯᖏᓄᓪᓗ) ᐊᑭᓖᑎᑕᐅᓂᐊᖅᑐᑦ ᐅᖓᑖᓅᕈᑎᓂᖓᓄᑦ ᐊᑭᓖᔾᔪᑎᓂᒃ (ᑕᑯᒃᓴᐅᑎᑕᐅᕗᑦ ᖁᓛᓂ ᑎᑎᕋᖅᓯᒪᔪᓂ).

ᐊᒥᓲᓗᐊᕈᑎᔪᑦ ᐱᖁᑎᑦ ᐅᓯᓕᐅᔾᔭᐅᖏᑐᐃᓐᓇᕆᐊᖃᑉᐳᑦ ᐊᒻᒪᓗ ᐃᕝᕕᑦ ᐃᑭᒪᕕᒋᔭᖓᓃᓐᖏᑐᐃᓐᓇᕆᐊᖃᑦᑐᑎᒃ.
ᐅᑦᔨᕆᒍᒃ

  • ᑲᓇᐃᑎᓐ ᓄᐊᒃᑯᑦ ᓈᒻᒪᔅᓴᕐᓂᐊᖅᑐᑦ ᐅᓄᕐᓂᖅᐸᖏᑎᒍᑦ ᑕᓪᓕᒪᓂᒃ ᐃᖁᑎᓂᒃ ᐊᑕᐅᓯᐅᑉ ᐱᖏᓐᓂᒃ ᐃᑭᒪᓂᐊᖅᑑᑉ. ᐊᓯᖏᓐᓂᒃ ᐱᑕᖃᒃᑲᓂᖅᐸᑦ ᐱᖁᑎᖏᓐᓂᒃ ᐊᐅᓚᖅᑎᑕᐅᔭᕆᐊᓖᑦ ᐅᓯᔭᔅᓴᑎᒍᑦ.
  • ᐊᑕᐅᓯᕐᒥᒃ ᐱᖁᑎᒥᒃ ᐅᖁᒪᐃᓐᓂᖃᑦᑐᖃᑉᐸᑦ ᐅᖓᑖᓄᑦ 100 lbs (45 kg) ᐅᕝᕙᓘᓐᓃᑦ ᐊᖏᓂᖓ ᐅᖓᑖᓃᑉᐸᑦ 115" (292 cm), ᐊᐅᓚᖅᑎᑕᐅᔭᕆᐊᓕᒃ ᐅᓯᔭᔅᓴᑎᒍᑦ.

ᐊᐅᓚᑎᑦᑎᓂᐊᕈᕕᑦ ᐋᖅᑭᒃᓱᐃᔪᓐᓇᖅᐳᑎᑦ ᓄᓇᓕᑦᓯᓐᓂ ᑲᓇᐃᑎᐊᓐ ᓄᐊᒃᑯᑦ ᐅᓯᔭᔅᓴᓄᑦ ᐊᓪᓚᒡᕕᖓᒍᑦ ᐅᖄᓚᓗᑎᑦ 1-866-663-2223.

ᑭᖑᕙᖅᓯᒪᔪᑦ ᐱᖁᑎᑦ

ᑕᐃᒪᓕ ᐱᖁᑎᑎᑦ ᑭᖑᕙᖅᑐᒥᓂᐅᑉᐸᑕ, ᓇᓗᓇᐃᖅᓯᒋᐊᖃᑉᐳᑎᑦ ᐱᖁᑎᓕᕆᔨᓄᑦ ᑎᑭᒃᑯᕕᑦ ᐅᐸᑦᑕᓐᓄᑦ. ᑖᒃᑯᐊ ᐱᓕᕆᔨᐅᔪᑦ ᑐᓂᓯᓂᐊᖅᑐᑦ ᖃᐅᔨᒋᐊᖅᕕᒋᔪᓐᓇᑕᓐᓂᒃ ᓇᒻᒪᒥᒃ ᖃᐅᔨᒋᐊᕈᒪᓐᓂᕈᕕᑦ ᖃᓄᐃᓕᖓᓕᕐᒪᖔᑦ.

ᐱᖁᑎᓄᑦ ᐊᑭᓕᖅᑕᐅᔪᒪᔾᔪᑎᓄᑦ, ᖃᖓᑕᓲᒃᑯᕕᒻᒥ ᐱᔨᑦᑎᖅᑎᐅᔪᑦ ᐅᕝᕙᓘᓐᓃᑦ ᐱᖁᑎᓕᕆᔨᐅᔪᑦ ᑎᑎᕋᖁᔨᑐᐃᓐᓇᕆᐊᓕᒃ ᑎᑎᕋᕆᐊᓕᒻᒥᒃ ᐆᒥᖓ Baggage Declaration Form.

ᖃᐅᔨᒋᐊᕈᑎᐅᔪᑦ ᑭᖑᕙᖅᓯᒪᔪᓄᑦ ᐱᖁᑎᓄᑦ ᐅᕝᕙᓘᓐᓃᑦ ᐊᓯᖏᑦ ᐱᖁᑎᓄᑦ ᐊᑭᓖᔾᔪᑎᑦ, ᐅᖄᓚᒍᓐᓇᕐᒥᔪᑎᑦᑕᐅᖅ ᐊᔾᓚᒡᕕᐊᓄᑦ ᐱᖁᑎᓕᕆᔨᒃᑯᑦ.

ᖃᖓᑦᑕᐅᑎᖃᕝᕕᒃᑰᖅᓯᒪᔪᑦ ᐱᖁᑎᑦ ᐅᑎᖅᑎᑕᐅᓂᖏᑦ ᐊᑭᓖᔾᔪᑎᒥᓃᑦ

ᖃᖓᑦᑕᐅᑎᖃᕝᕕᒃᑰᖅᓯᒪᔪᑦ ᐱᖁᑎᓄᑦ ᐊᑭᓖᔾᔪᑎᑦ ᐊᔪᓐᖏᑎᑕᐅᒻᒥᔪᑦ ᐅᑎᖅᑎᑕᐅᓗᑎᒃ ᐊᓯᔾᔨᖅᑐᖃᑦᑐᒥᓂᐅᑎᓪᓗᒍ ᖃᖓᑕᓂᐊᕐᓂᖓᓂᒃ, ᐅᕝᕙᓘᓐᓃᑦ ᖃᖓᑕᓂᐊᕐᓂᖓ ᓄᖅᑲᑦᑎᑕᐅᓐᓂᖅᐸᑦ.

  • ᖃᖓᑕᓂᐊᕐᓂᖓ ᐊᓯᔾᔨᖅᑕᐅᔭᕆᐊᖃᕐᓂᖅᐸᑦ ᐊᑭᓖᓯᒪᓕᖅᑎᓪᓗᒍ ᖃᖓᑕᐅᑎᑖᖅᕕᒻᒥ, ᐱᖁᑎᓄᑦ ᐊᑭᓖᓪᔪᑎᑦ ᒪᓕᒃᑕᐅᓂᐊᕐᒥᔪᑦ ᓄᑖᒥᒃ ᖃᖓᑕᓂᐊᕋᓗᐊᕐᓗᓂ.
  • ᖃᖓᑦᑕᓂᐊᕐᓂᖓ ᓄᖅᑲᑦᑎᑕᐅᔭᕆᐊᖃᕐᓂᖅᐸᑦ ᐊᑭᓖᓯᒪᓕᕐᓗᓂ ᖃᖓᑦᑕᐅᑎᑖᖅᕕᒻᒥ, ᐱᖁᑎᓄᑦ ᐊᑭᓖᔾᔪᑎᑦ ᐃᓚᒋᔭᐅᓂᐊᕐᒥᔪᑦ ᓄᖅᑲᑦᑎᑕᐅᓂᖓᓄᑦ ᐅᑎᖅᑎᑕᐅᔾᔪᑎᖓᓂ.

ᐅᓗᕆᐊᓇᖅᑐᑦ ᐱᖁᑎᑦ

ᒪᓕᒐᕐᓂᒃ ᓯᖁᒥᑦᑎᓂᐅᕗᖅ ᐊᒻᒪᓗ ᐅᓗᕆᐊᓇᒻᒪᕆᑦᑐᓂ ᐴᖅᑲᐃᔭᕆᐊᔅᓴᖅ ᐊᑦᑕᓇᖅᑐᓂᒃ ᑭᓱᑐᐃᓐᓇᕐᓂᒃ ᐃᓗᐊᓂ/ᖃᖓᑦᑕᐅᑎᒃᑰᖅᓯᒪᔪᓂ ᐱᖁᑎᓂ. ᑭᓯᐊᓂᓕ, ᐊᓯᐊᒎᕈᓐᓇᖅᑎᑕᐅᒋᕗᑦ ᐊᔪᓐᖏᑎᑦᑎᔪᒪᓪᓗᑎᒃ ᐃᓚᖏᓐᓂᒃ ᐊᔪᖅᑎᑕᐅᔪᓂᒃ ᐱᖁᑎᓂᒃ ᐊᑐᖅᑕᐅᔭᕆᐊᖃᖃᑦᑕᖅᑐᓂᒃ ᖃᐅᑕᒫᑦ ᓇᔅᓴᖅᑕᐅᓂᐊᕐᓗᑎᒃ ᖃᖓᑕᔪᒧᑦ. Click here for details.

ᓂᓚᓕᐊᕆᓯᒪᔪᑦ

ᐊᐅᓚᓂᐊᖅᑐᑦ ᐱᖁᑎᖃᕈᓐᓇᕆᕗᑦ ᐊᑦᑕᓇᓐᖏᑦᑐᓂᒃ ᓱᕈᔭᕐᑑᒐᓗᐊᓂᒃ ᐴᖅᑲᖅᓯᒪᑐᐊᖅᐸᑕ ᓱᕈᔾᔭᐃᒃᑯᑎᓄᑦ ᐊᑦᔨᒌᖏᑦᑐᓄᑦ ᐱᖃᓯᐅᑎᓗᒍ ᓂᓚᓕᐊᕆᓯᒪᔪᖅ ᑕᒪᓐᓇ ᐊᓂᐊᕕᖃᓪᓗᓂ ᓱᕋᑦᑎᓯᒪᖏᓪᓗᓂ ᐊᒻᒪᓗ ᐃᕐᖓᖏᓪᓗᓂ ᐴᕆᔭᖓ. ᐃᓄᒃ ᐊᑕᐅᓯᖅ ᓂᓚᒡᒋᕈᓐᓇᖅᐳᖅ 2.5 kg (5.5 lb.). ᐱᖁᑎᒋᔭᐅᔪᑐᑦ ᖃᖓᑕᓲᒨᖅᑕᐅᓂᐊᕈᓂ ᐊᑐᓂᒃ ᓇᓗᓇᐃᖅᓯᒪᑦᑎᐊᕆᐊᖃᑉᐳᖅ ᑎᑎᕋᖅᓯᒪᓗᑎᒃ “ᓂᓚᓕᒃ” ᐅᕝᕙᓘᓐᓃᑦ “ᐳᔪᕐᓗᒃ” ᓇᓗᓇᐃᖅᓯᓗᓂ ᐅᖁᒪᐃᓐᓂᖓᓂᒃ 2.5 kg ᐅᕝᕙᓘᓐᓃᑦ ᑐᖔᓂ.

ᖁᑭᐅᑎᑦ ᐊᒻᒪᓗ ᓱᓇᒐᐃᑦ

  • ᖁᑭᐅᑎᑦ ᓇᔅᓴᖅᑕᐅᔪᓐᓇᖅᑐᑦ ᐱᖁᑎᑎᒍᑦ ᑕᓐᓇ ᐊᐅᓚᓂᐊᖅᑐᖅ ᐱᖃᕈᓂ ᐱᔪᓐᓇᐅᑎᒥᒃ/ᐊᔪᓐᖏᔾᔪᑎᒥᒃ ᐊᒻᒪᓗ, ᖁᑭᐅᑎᑦ ᓱᓇᒐᖃᖏᓪᓗᑎᒃ ᐊᒻᒪᓗ ᐃᒍᑦᑎᖅᓯᒪᓗᓂ ᐅᕝᕙᓘᓐᓃᑦ ᐴᖅᑕᐅᓯᒪᓗᓂ ᖁᑭᕆᐊᕈᓐᓇᐅᑖ ᐲᖅᓯᒪᓗᓂ ᑮᒃᓯᒪᓗᓂᓘᓐᓃᑦ. ᐃᓘᓐᓇᖏᑎᒍᑦ, ᖁᑭᐅᑏᑦ ᐊᑐᕋᔅᓴᐅᒍᓐᓃᖅᑎᓯᒪᔭᕆᐊᓖᑦ. ᖁᑭᐅᑎᓗ ᐴᖅᑕᐅᓯᒪᓗᓂ ᑮᒍᓐᓇᖅᑐᒥ, ᓴᓇᔭᐅᓯᒪᔪᖅ ᖁᑭᐅᑎᓯᐅᑎ ᓱᕋᑦᑎᖅᓴᕋᐃᖏᑦᑐᒥᒃ ᖃᖓᑕᑎᓪᓗᒍ. ᓱᓇᒐᐃᑦ ᒪᓕᑦᑕᕆᐊᓖᑦ ᐅᓗᕆᐊᓇᖅᑐᓄᑦ ᒪᓕᒐᓛᖏᓐᓂᒃ ᐊᒻᒪᓗ ᐴᖅᑕᐅᓯᒪᑦᑎᐊᕐᓗᑎᒃ ᐃᓛᒃᑯᑦ ᖁᑭᐅᑎᒥᑦ. ᑖᓐᓇ ᐊᐅᓚᓂᐊᖅᑐᖅ ᐊᑎᓕᐅᕆᐊᓕᒃ ᖁᑭᐅᑎᓂᒃ ᓇᓗᓇᐃᖅᓯᓂᕐᒧᑦ ᖃᖓᑕᓲᒃᑯᕕᒻᒧᐊᕈᓂ ᖃᖓᑕᓲᓕᕆᔨᓄᑦ ᓇᓗᓇᐃᖅᓯᓗᓂ ᖁᑭᐅᑎ ᓱᓇᒐᖃᖏᓐᓂᖓᓂᒃ ᐊᒻᒪᓗ ᐃᓕᑕᖅᓯᓗᓂ ᖃᖓᑕᓂᐊᖅᑑᑉ ᒪᓕᒃᑕᕆᐊᓕᖏᓐᓂᒃ ᑖᒃᑯᑎᒎᓇ ᐱᔭᕋᔭᓐᓂᒃᑯᑦ ᒪᓕᒐᖏᑎᒍᑦ. ᑎᑎᕋᖅᑕᐅᓯᒪᔪᑦ ᑕᕝᕙᓂ ᑐᕌᖓᖏᑦᑐᑦ ᐸᓖᓯᓐᖑᐊᑉ ᐊᑐᕆᐊᖃᖃᑦᑕᖅᑕᖏᑦ ᖁᑭᐅᑏᑦ ᐅᕝᕙᓘᓐᓃᑦ ᐊᓯᖏᑦ ᓱᒋᐊᕈᑎᑦ.
  • ᓱᓇᒐᐃᑦ ᐅᖁᒪᐃᓐᓂᓖᑦ ᐅᖓᑖᓄᑦ 11 lbs (5 kg) ᑭᓯᐊᓂ ᑐᖔᓂ 55 lbs (25 kg) ᓈᒻᒪᒋᔭᐅᓂᐊᖅᑐᑦ ᐅᓯᔭᔅᓴᑎᒍᐃᓐᓇᖅ ᐊᒻᒪᓗ ᒪᓕᒋᐊᖃᑦᑐᑎᒃ ᐋᖅᑭᒃᑕᐅᓯᒪᔪᓂᒃ ᐅᓗᕆᐊᓇᖅᑐᓄᑦ ᐱᖁᑎᓄᑦ ᒪᓕᒐᕋᓛᖏᓐᓂᒃ ᐊᒻᒪᓗ ᑎᑎᕋᖅᑕᐅᓯᒪᑦᑎᐊᕐᓗᑎᒃ ᑭᓲᓂᖏᓐᓂᒃ. ᓱᓇᒐᐃᑦ ᐊᓯᖏᑦ 1.4S ᐅᕝᕙᓘᓐᓃᑦ ᓱᓇᒐᐃᑦ ᖄᑦᑕᔫᓖᑦ ᐅᕝᕙᓘᓐᓃᑦ ᐃᑭᒍᓐᓇᖅᑐᑦ ᓈᒻᒪᒋᔭᐅᔾᔮᖏᑦᑐᑦ ᖃᖓᑕᓂᐊᖅᑐᑉ ᐱᖁᑎᒋᓗᓂᒋᑦ ᐅᕝᕙᓘᓐᓃᑦ ᐅᓯᔭᔅᓴᑎᒍᑦ.
  • ᓱᓇᒐᐃᑦ ᐴᕐᒥᓃᑦᑕᕆᐊᓖᑦ ᐅᕝᕙᓘᓐᓃᑦ ᐊᖏᖅᑕᐅᓯᒪᔪᒥ ᐱᖁᑎᒃᑯᕕᒻᒥ.

ᐊᔪᖅᑎᑕᐅᔪᑦ ᐱᖁᑎᑦ

  • ᓇᓄᖅᓯᐅᑎᑦ ᑎᒻᒥᑳᑦᑕᔫᑦ ᐊᒻᒪᓗ ᓇᓄᖅᓯᐅᑎᑦ ᓂᐹᕿᔾᔪᑎᑦ ᐊᔪᖅᑎᑕᐅᔪᑦ ᖃᖓᑕᓲᖓᑎᒍᑦ ᑲᓇᐃᑎᐊᓐ ᓄᐊᒃᑯᑦ
  • ᒥᑭᑦᑑᑎᑦ ᐹᑕᓖᓖᑦ ᐃᖏᕐᕋᓲᑦ ᓈᒻᒪᒋᔭᐅᖏᑦᑐᑦ ᖃᖓᑕᓂᐊᖅᑑᕐ ᐱᖁᑎᒋᓗᓂᒋᑦ, ᑎᒍᒥᐊᖅᑕᐅᓗᑎᒃ ᐅᕝᕙᓘᓐᓃᑦ ᐅᓯᔭᔅᓴᑎᒍᑦ ᐱᑦᔪᑎᒋᓪᓗᒍ ᐊᑦᑕᓇᐃᖅᓯᒪᔭᕆᐊᖃᕐᓂᕐᒧᑦ ᐃᓗᓕᖃᒻᒪᑕ ᐋᖅᑭᒃᓴᒥᒃ ᐹᑕᓖᓂ ᐆᒪᔾᔪᑎᒋᔭᖏᓐᓂᒃ. ᐃᖏᕐᕋᓲᑦ ᐊᖏᖅᑕᐅᓯᒪᖏᑦᑐᑦ ᐱᖃᓯᐅᔾᔨᕗᑦ ᐅᑯᓂᖓ ᓇᖏᕐᓗᓂ ᐃᖏᕐᕋᔾᔪᑏᑦ ᐊᒃᓴᓗᐊᓖᑦ, ᐅᐊᔭᒨᖅᑐᑦ ᐃᖏᒃᕋᔾᔪᑎᑦ, ᐳᓪᓚᕐᒨᖅᑐᑦ ᐃᖏᕐᕋᔾᔪᑎᑦ, ᒥᑭᑦᑐᖁᓗᐃᑦ Segways ᐊᒻᒪᓗ ᐃᓯᒐᓐᓄᑦ ᒪᑭᑕᔾᔪᑏᑦ ᐃᖏᕐᕋᔾᔪᑎᑦ.

ᐱᓐᖑᐊᑐᖅᓯᐅᑎᑦ

  • Hᐋᑭᑦᑐᖅᓯᐅᑎᑦ ᐊᖏᖅᑕᐅᓯᒪᓂᐊᖅᑐᑦ ᐊᑭᖃᖏᑦᑐᖅ ᐊᑕᐅᓯᖅ ᐱᖁᑎᒋᔭᐅᔪᖅ ᐊᑐᕐᓗᓂ ᐊᑭᖃᖏᑦᑐᒥᒃ ᐱᖁᑎᒋᔭᐅᔪᓄᑦ ᐊᔪᓐᖏᔾᔪᑎᒥᒃ. ᐊᑕᐅᓯᖅ ᕼᐋᑭᑦᑐᖅᓯᐅᑎᑦ ᓇᓗᓇᐃᖅᑕᐅᓯᒪᕗᖅ ᐊᑕᐅᓯᐅᑎᑕᐅᓪᓗᓂ ᐱᖁᑎᑦ, ᐃᓗᓕᓕᒃ ᕼᐋᑭᑦᑐᖅᓯᐅᑎᓂᒃ ᐊᒻᒪᓗᒃᑕᐅᖅ ᒪᕐᕉᓐᓂᒃ ᕼᐋᑭ ᓯᑎᒃᓯᓂᒃ ᓂᐱᑎᓯᒪᓗᒋᒃ ᐊᑐᓂ, ᓴᖅᑭᑕᐅᒐᓗᐊᖅᐸᑎᒃ ᐊᑕᐅᓯᐅᓗᑎᒃ. ᕼᐋᑭᑦᑐᖅᓯᐅᑎᑦ ᐅᖁᒪᐃᓐᓂᖃᕆᐊᖃᖏᑦᑐᑦ ᐅᖓᑖᓄᑦ 50 lbs ᐅᕝᕙᓘᓐᓃᑦ ᐅᖓᑖᓅᕈᑎᒥᒃ ᐊᑭᓖᓗᓂ. ᐊᖏᓗᐊᕐᓂᖓᓄᑦ ᐊᑭᓖᔾᔪᑎᑦ ᖁᔭᓈᖅᑕᐅᓂᐊᖅᑐᑦ, ᐃᓗᓕᖃᑉᐸᑦ ᕼᐋᑭᑦᑐᖅᓯᐅᑏᓐᓇᕐᓂᒃ. ᑕᒪᕐᒥᒃ ᕼᐋᑭᑦᑐᖅᓯᐅᑏᑦ ᐳᖅᑕᐅᓯᒪᑦᑎᐊᕆᐊᓖᑦ ᐅᓯᔭᐅᔪᓐᓇᓂᐊᕐᒪᑕ. ᑲᓇᐃᑎᐊᓐ ᓄᐊᒃᑯᑦ ᕼᐋᑭᑦᑐᖅᓯᐅᑎᑦ ᕿᔪᑯᑖᑦ ᐃᒧᓯᒪᔭᐅᖃᑦᑕᖁᔨᒐᓗᐊᖅᐳᑦ ᐳᓪᓚᐅᔭᕈᓗᓐᓂᒃ ᐊᑐᕐᓗᓂ ᐅᕝᕙᓘᓐᓃᑦ ᐊᓯᐊᓂᒃ ᓱᕋᔾᔭᐃᒃᑯᑎᐅᓂᐊᖅᑐᒥᒃ ᐊᒻᒪᓗ ᓯᐊᕐᕆᔮᕈᑎᖏᑕ ᐱᑦᔭᐃᒃᑯᑎᖏᒃ ᐊᑐᖅᑕᐅᓗᑎᒃ ᐱᑦᔭᐃᖅᓯᒪᓂᐊᕐᒪᑎᒃ ᐊᒻᒪᓗ ᐊᓯᖏᑦ ᐃᑭᒪᓂᐊᖅᑐᖅ ᐱᖁᑎᖏᑦ ᓱᕋᑦᑎᖅᑕᐅᖁᓇᒋᑦ.
  • ᑐᒃᑲᕆᐊᓖᑦ ᐊᑭᖃᑦᑎᑕᐅᓂᐊᖅᑐᑦ ᐱᔨᑦᑎᕈᑎᒧᑦ ᐊᑭᓖᓪᔪᑎᒥᒃ $75.00 (GST−ᓗ ᑲᓇᑕᐅᑉ ᐊᕕᑦᑐᖅᓯᒪᔪᖏᓐᓄᑦ ᑖᒃᓰᔭᕈᑎᑦ) ᐊᒻᒪᓗ ᐱᖃᓯᐅᔾᔨᖏᓪᓗᑎᒃ ᓇᓗᓇᐃᖅᑕᐅᓇᓱᐊᕐᓂᖏᓐᓄᑦ ᐊᑭᖃᖏᑦᑐᑦ ᐱᖁᑎᒋᔭᐅᔪᓄᑦ ᐊᔪᓐᖏᔾᔪᑎᒋᔭᐅᔪᒥᒃ. ᑐᒃᑲᕆᐊᓖᑦ ᑎᒍᒥᐊᕈᑎᖏᒃ ᓴᖑᖓᑎᑕᐅᔭᕆᐊᓖᒃ ᐊᒻᒪᓗ ᑐᒃᑲᐅᑎᖏᒃ ᐲᖅᑕᐅᓯᒪᓗᑎᒃ ᑲᔪᓯᑎᑕᐅᓚᐅᖏᓐᓂᖏᓐᓂ. ᐊᒃᓴᑳᔪᖏᓪᓗ ᐴᓪᓚᐃᖅᓯᒪᖁᔭᐅᓪᓗᑎᒃ ᖃᖓᑕᓗᑎᒃ ᐳᓪᓚᖃᕐᓂᖅ ᐊᓯᔾᔨᑐᐃᓐᓇᕆᐊᖃᒻᒪᑦ.
  • ᐃᖃᓗᒐᓱᐊᕈᑎᑦ ᓈᒻᒪᒋᔭᐅᓂᐊᖅᑐᑦ ᐱᖁᑎᒋᔭᐅᓗᑎᒃ ᐊᒻᒪᓗ ᐃᓚᓕᐅᔾᔭᐅᓯᒪᓂᐊᖅᑐᑦ ᓇᓗᓇᐃᖅᑎᕆᓇᓱᐊᖅᑎᓪᓗᒋᑦ ᐊᑭᖃᖏᑦᑐᒃᑯᑦ ᐊᔪᓐᖏᑎᑕᐅᒻᒪᖔᑕ, ᐊᒻᒪᓗ ᐅᖓᑖᓅᕈᑎᓗᐊᖅᐸᑕ ᐱᖁᑎᑎᒍᑦ ᐊᑐᓂᒃ ᒪᓕᓐᓂᐊᕐᒥᔪᑦ ᐊᑭᓖᔾᔪᑎᓂᒃ ᐅᖓᑖᓅᕈᑎᔪᓄᑦ ᐊᑕᐅᓯᕐᒧᑦ ᐱᖁᑎᒧᑦ. ᐱᑦᔪᑎᒋᓪᓗᒍ ᑖᓐᓇ ᐋᖅᑭᒃᑕᐅᓯᒪᔪᖅ, ᐊᑕᐅᓯᖅ ᐱᖁᑎ ᒪᓕᓐᓂᐊᖅᑐᖅ ᐅᖓᑖᓅᕈᑎᔪᓄᑦ ᐱᖁᑎᓄᑦ ᐊᑭᓖᔾᔪᑎᒥᒃ ᐊᑕᐅᓯᑯᓗᒻᒧᑦ ᐱᖁᑎᒧᑦ. ᐱᑦᔪᑎᒋᓪᓗᒍ ᑖᓐᓇ ᐋᖅᑭᒃᑕᐅᓯᒪᔪᖅ, ᐊᑕᐅᓯᖅ ᐱᖁᑎ ᐃᖃᓗᒐᓱᐊᕈᑎ ᓇᓗᓇᐃᖅᑕᐅᓂᐊᖅᑐᖅ ᒪᕐᕉᓗᑎᒃ ᐊᐅᓚᓴᐅᑏᑦ, ᐊᑕᐅᓯᖅ ᐃᒧᕕᖓ, ᐊᑕᐅᓯᖅ ᓄᓗᐊᑦ, ᐊᑕᐅᓯᖅ ᐃᖃᓗᒐᓱᒃᑐᖅᓯᐅᑏᒃ ᐴᑦᑏᒃ (ᑕᒪᕐᒥᒃ ᐴᖅᓯᒪᑦᑎᐊᕐᓗᑎᒃ) ᐊᒻᒪᓗ ᐊᑕᐅᓯᖅ ᓂᕿᑕᒃᑯᕕᒃ ᑐᓂᔭᐅᖏᒃᑲᓗᐊᕈᓂ ᐊᑕᐅᓯᐅᓗᓂ.
  • ᒑᕕᔾᔪᑏᑦ ᓈᒻᒪᒋᔭᐅᓂᐊᖅᑐᑦ ᐊᒻᒪᓗ ᐱᖃᓯᐅᔾᔭᐅᓯᒪᓪᓗᑎᒃ ᖃᐅᔨᒐᓱᐊᕐᓗᑎᒃ ᐱᖁᑎᑦ ᐊᑭᖃᖏᑦᑐᒥᒃ ᐊᔪᓐᖏᑕᐅᔾᔪᑎᖓᒍᑦ, ᐊᒻᒪᓗ ᐅᖓᑖᓅᕈᑎᓯᒪᑉᐸᑦ ᐊᑕᐅᓯᑯᓗᒃ ᒪᓕᓐᓂᐊᕐᒥᔪᖅ ᐅᖓᑖᓅᕈᑎᓄᑦ ᐊᑭᓖᔾᔪᑎᒥᒃ. ᐊᑕᐅᓯᖅ ᒑᕕᔾᔪᑎ ᓇᓗᓇᐃᖅᑕᐅᓯᒪᕗᖅ ᐊᑕᐅᓯᑎᑐᑦ ᒑᕕᔾᔪᑏᑦ ᐃᓗᓕᖃᓪᓗᓂ ᐅᖓᑖᓅᖏᑦᑐᖅ 14 ᒑᕕᔾᔪᑏᑦ ᐊᓇᐅᓕᒑᕈᑏᑦ, 12 ᐊᖅᓴᑯᓗᖏᑦ, ᐊᒻᒪᓗ ᐊᑕᐅᓰᒃ ᒑᕕᔾᔪᑏᑦ ᐃᓯᒐᐅᔮᒃ.
  • ᓯᐊᕐᕆᔮᕈᑏᑦ ᓈᒻᒪᒋᔭᐅᓂᐊᖅᑐᑦ ᐊᒻᒪᓗ ᐱᖃᓯᐅᔾᔭᐅᓗᑎᒃ ᖃᐅᔨᒐᓱᐊᖅᑎᓪᓗᒋᑦ ᐊᑭᖃᖏᑦᑐᒃᑯᑦ ᐱᖁᑎᑦ ᐊᔪᓐᖏᔾᔪᑎᖓᒍᑦ. ᐊᖏᓗᐊᖅᑐᓄᑦ ᐊᑭᓖᔾᔪᑎᑦ ᖁᔭᓈᖅᑕᐅᓯᒪᓂᐊᖅᑐᑦ, ᑭᓯᐊᓂᓕ ᐅᖁᒪᐃᓗᐊᖅᑐᓄᑦ ᐊᑭᓖᔾᔪᑎᑦ ᐊᑐᖅᑕᐅᓂᐊᖅᑐᑦ ᐊᑐᕆᐊᖃᑉᐸᑕ. ᐅᖓᑖᓅᕈᑎᑉᐸᑕ ᐱᖁᑎᑦ ᐊᑐᓂᒃ ᒪᓕᓐᓂᐊᖅᑐᑦ ᐅᖓᑖᓅᕈᑎᓂᒃ ᐱᖁᑎᓄᑦ ᐊᑭᓖᔾᔪᑎᒥᒃ ᐊᑕᐅᓯᑯᓗᒻᒧᑦ ᐱᖁᑎᒧᑦ. ᐊᑕᐅᓯᖅ ᓯᐊᕐᕆᔮᕈᑎᑦ ᓇᓗᓇᐃᖅᑕᐅᓯᒪᕗᖅ ᐃᒫᒃ ᒪᕐᕉᒃ ᓯᐊᕐᕆᔮᕈᑏᒃ, ᑕᑭᔪᑯᑖᖏᒃ ᑎᒍᒥᒑᒃ, ᐴᑦᑏᒃ ᐊᒻᒪᓗ ᓇᓴᖓ, ᐅᕝᓘᓐᓃᑦ ᐊᑕᐅᓯᖅ ᐊᐳᑎᒃᑯᑦ ᓯᐊᕆᔮᕈᑎᑲᓪᓚᒃ, ᐴᑦᑏᒃ ᓇᓴᖓᓗ, ᐅᕝᕙᓘᓐᓃᑦ (ᑎᑭᓪᓗᒍ) ᒪᕐᕉᒃ ᐃᒫᒎᖅᑐᖅᓯᐅᑏᒃ ᓯᐊᕐᕆᔭᐅᑏᒃ ᑐᓂᔭᐅᒐᓗᐊᖅᐸᑐᒃ ᐊᑕᐅᓯᐅᑎᑕᐅᓗᓂ. ᑕᒪᕐᒥᒃ ᓯᐊᕐᕆᔮᖅᑐᖅᓯᐅᑎᑦ ᐴᖅᑕᐅᓯᒪᑦᑎᐊᕆᐊᓖᑦ ᐊᐅᓚᖅᑎᑕᐅᓂᐊᕐᓗᑎᒃ.

ᐆᒪᔪᖁᑎᒋᔭᐅᔪᑦ

ᐆᒪᔪᖁᑎᒋᔭᐅᔪᑦ ᐊᖏᖅᑕᐅᓯᒪᔪᑦ ᖃᖓᑕᓂᐊᖅᑑᑉ ᐱᖁᑎᒋᓗᓂᐅᒃ (AVIH) ᖃᐅᔨᓴᖅᑕᐅᓯᒪᓂᐊᖅᑐᖅ ᐱᔨᑦᑎᖅᓯᓂᕐᒧᑦ ᐊᑭᓖᔾᔪᑎᒧᑦ (ᐊᒻᒪᓗ GST ᐊᒻᒪᓗ ᑲᓇᑕᒥ ᐊᕕᑦᑐᖅᓯᒪᔪᓂ ᑖᒃᓰᔭᕈᑎᓄᑦ) ᒪᓕᓪᓗᒍ ᑕᒪᕐᒥᒃ ᐅᖁᒪᐃᓐᓂᖓ ᐊᒻᒪᓗ ᐊᖏᓂᖓ ᐆᒪᔪᖁᑎᒋᔭᐅᔫᑉ ᐊᒻᒪᓗ ᕿᒻᒥᒃᑯᕕᖓ. ᕿᒻᒥᒃᑯᕖᑦ ᐱᖃᓯᐅᔾᔭᐅᓯᒪᔾᔮᖏᑦᑐᑦ ᐃᓚᒋᔭᐅᓗᓂ ᖃᖓᑕᓂᐊᖅᑑᑉ ᐊᔪᓐᖏᔾᔪᑎᖏᓐᓄᑦ. ᐃᓂᒃᓴᕆᔭᐅᓲᑦ ᐊᒥᒐᓗᐊᓲᖑᓂᖏᓐᓄᑦ ᐅᓯᔭᐅᓂᐊᕐᓗᑎᒃ ᐅᒪᔪᖁᑎᒋᔭᐅᔪᑦ ᐅᓯᕝᕕᖓᓂ, ᓯᕗᓂᐊᒍᑦ ᐃᓂᒃᓴᓕᐅᖅᓯᒪᔭᕆᐊᓖᑦ ᐃᑲᕐᕋᐃᑦ 48 ᓯᕗᓂᐊᒍᑦ ᐅᖃᖃᓚᓗᑎᒃ ᐅᕗᖓ 1.800.661.1505.

ᐅᓇ ᓇᕿᓪᓗᒍ click here ᕿᒥᕐᕈᓂᐊᕐᓗᓂ ᑐᓴᕋᔅᓴᖁᑎᒋᔭᐅᔪᓂᒃ ᐊᐅᓚᖃᑦᑕᓂᕐᒧᑦ ᐆᒪᔪᖁᑎᒥᓂᒃ ᐊᐅᓚᖃᑎᖃᓪᓗᓂ, ᐱᖃᓯᐅᑎᓗᑎᒃ ᐊᑐᖅᑕᐅᔭᕆᐊᓖᑦ ᐊᑐᐊᒐᐃᑦ ᐊᒻᒪᓗ ᐊᑭᓖᔾᔪᑎᑦ.

ᓱᕋᔅᓴᕋᐃᑦᑐᑦ ᐱᖁᑎᑦ

ᓱᕋᔅᓴᕋᐃᑦᑐᑦ ᐱᖁᑎᑦ ᐊᖏᖅᑕᐅᓯᒪᓂᐊᖅᑐᑦ ᐴᖅᑕᐅᓯᒪᑦᑎᐊᖅᐸᑕ ᓴᓇᕕᐅᔪᑦ ᐴᖅᑯᑎᖏᓐᓂᒃ ᐊᑐᕐᓗᑎᒃ, ᕿᑐᑦᑐᒐᐅᔭᐃᑦ ᐊᐅᓚᑎᑦᑎᔾᔪᑎᑦ ᑎᑎᖅᑲᓂᐊᖅᕕᒃᑯᑦ ᐅᕝᕙᓘᓐᓃᑦ ᓴᓇᔭᐅᓯᒪᔪᑦ ᐴᒃᓴᐃᑦ ᐊᐅᓚᑎᑦᑎᓂᐊᕐᓗᓂ ᑕᒪᒃᑯᓂᖓ ᓱᕋᔅᓴᕋᐃᑦᑐᓂᒃ, ᐅᕝᕙᓘᓐᓃᑦ ᐴᖅᑕᐅᓯᒪᔪᑦ ᐱᑦᔭᐃᖅᓯᒪᑦᑎᐊᖅᑐᒥᒃ ᐊᑐᕐᓗᓂ. ᐱᖁᑎᑦ ᒪᓕᓐᖏᑦᑐᑦ ᑖᒃᓱᒥᖓ ᒪᓕᒃᑕᕆᐊᓕᒻᒥᒃ ᐊᖏᖅᑕᐅᔪᓐᓇᖅᑐᑦ ᑭᓯᐊᓂ ᑲᒪᒋᔭᐅᔭᕇᑦᑎᐊᓚᐅᖅᑎᓪᓗᒍ ᓵᑕᔅᓴᐅᔪᓐᓇᓂᕐᒧᑦ ᐱᖁᑎᓄᑦ ᓂᕕᖓᑖᒥᒃ, ᑐᓄᐊᓃᑦᑐᖅ ᐱᖁᑎᐅᑉ ᓂᕕᖓᑖᓂ. ᐴᖅᑲᐃᓂᕐᒧᑦ ᑐᑭᓯᒃᑲᓐᓂᕈᒪᒍᕕᑦ, ᓄᓇᓕᑦᓯᓐᓂ ᐅᓯᔭᒃᓴᓕᕆᔨᒃᑯᑦ ᐊᓪᓚᒡᕕᖓᓄᑦ ᖃᐅᔨᒋᐊᓚᐅᕆᑦ ᐅᕝᕙᓘᓐᓃᑦ ᐅᕗᖓ Canadian North's cargo department.

ᐊᑦᔨᐅᖏᑦᑐᑦ ᑭᓱᑐᐃᓐᓇᐃᑦ ᐱᖁᑎᒋᔭᐅᔪᓐᓇᖅᑐᑦ

ᐋᓯᓕᐊᖑᓯᒪᔪᑦ ᐃᓄᒥᓃᑦ

ᑲᓇᐃᑎᐊᓐ ᓄᐊᒃᑯᑦ ᐊᖏᖅᓯᔪᓐᓇᖅᑐᑦ ᐋᓯᓕᐊᖑᓯᒪᔪᓂᒃ ᐃᓄᒥᓂᕐᓂᒃ ᐱᖁᑎᒋᔭᐅᓗᑎᒃ ᖃᖓᑕᓂᐊᖅᑐᓄᑦ ᐴᖅᑕᐅᓯᒪᑦᑎᐊᕈᓂ ᐊᑎᓕᐅᖅᑕᐅᓯᒪᓗᓂ ᓵᑕᔅᓴᐅᔪᓐᓇᓂᕐᒧᑦ ᓂᕕᖓᑖᒥᒃ. ᐊᑦᔨᖓᓂᒃ ᑐᖁᔪᓄᑦ ᐊᒻᒪᓗ ᐋᓯᖑᖅᑎᑕᐅᓚᐅᕐᓂᖓᓄᑦ ᓇᓗᓇᐃᒃᑯᑕᓂᒃ ᑕᑯᔭᐅᑎᑦᑎᔭᕆᐊᓖᑦ ᖃᖓᑕᓲᓕᕆᔨᓄᑦ. ᖃᖓᑕᓲᒃᑯᕕᓐᓂ ᑕᒪᒃᑯᓇᓂ ᕿᒥᕐᕈᖃᑦᑕᖅᑐᓄᑦ ᐊᐅᓚᓂᐊᖅᑐᓂᒃ, ᐴᕆᔭᖏᑦ ᐋᓰᑦ ᕿᒥᕐᕈᔭᐅᔪᓐᓇᕐᒥᔪᑦ ᐊᒻᒪᓗ ᕿᐱᓗᒃᑕᐅᓗᑎᒃ, ᐊᐅᓚᖅᑎᑕᐅᓂᐊᕐᕋᓗᐊᕈᓂ ᐃᓗᓕᖃᖏᓪᓗᓂ ᐅᕝᕙᓘᓐᓃᑦ ᑕᑕᓪᓗᓂ, ᑎᒍᒥᐊᖅᑕᐅᓗᓂ ᐅᕝᕙᓘᓐᓃᑦ ᐱᖁᑎᒃᑯᕕᑦᑎᒍᑦ. ᑕᑯᓂᐊᕈᓐᓇᖅᐳᑎᑦ ᐆᒥᖓ www.catsa.gc.ca ᐅᕝᕙᓘᓐᓃᑦ ᐅᖄᓚᓗᑎᑦ 1 800 O-Canada ᑐᑭᓯᓯᒃᑲᓐᓂᕈᒪᒍᕕᑦ. ᐊᒻᒪᑦᑕᐅᖅ ᐊᓯᐊᒍᑦ ᐊᐅᓚᑎᑦᑎᓂᐊᕐᓗᓂ ᐋᓯᓐᖑᖅᑕᐅᓯᒪᔪᒥᒃ ᐃᓄᒥᓂᕐᒥᒃ ᖃᖓᑕᓂᐊᖅᑑᑉ ᐱᖁᑎᒋᓗᓂᐅᒃ ᖃᐅᔨᒃᑲᐃᓗᑎᑦ ᐅᓯᔭᔅᓴᓕᕆᔨᒃᑯᖏᓐᓂᒃ ᐊᐅᓚᖅᑎᑕᐅᔪᓐᓇᓂᐊᕐᒪᑦ ᐅᖄᓚᓗᑎᑦ ᐅᕗᖓ 1-866-663-2223

ᑕᑯᕚᒃᓴᒥᓐᓂᒃ ᐊᖑᓇᓱᒋᐊᖅᓯᒪᔪᑦ
ᓇᓗᓇᐃᖅᑕᐅᓂᖓᓄᑦ, “ᓂᕐᔪᑎ” ᑐᑭᖃᑉᐳᖅ ᓂᕐᔪᑎᕕᓂᖅ ᐅᕝᕙᓘᓐᓃᑦ ᓇᓕᐊᓐᓂᑐᐃᓐᓇᖅ ᐃᓚᖓ ᓂᕐᔪᑎᕕᓂᐅᑉ ᓲᕐᓗ ᓇᑦᔪᖏᑦ ᐅᕝᕙᓘᓐᓃᑦ ᑕᑯᕚᖅᑖᒃᓴᒥᓂᒃ ᐊᖑᓇᓱᓐᓂᖅ ᐱᖃᓯᐅᑎᓪᓗᒍ ᐊᒥᖓ/ᒥᖅᑯᖓ ᐆᒪᔪᖅᑕᖓᑕ ᐅᕝᕙᓘᓐᓃᑦ ᐱᕈᖅᓴᔭᐅᔪᒥᓃᑦ ᒥᖅᑯᖏᑦ ᐆᒪᔪᑦ, ᐅᕝᕙᓘᓐᓃᑦ ᑎᒻᒥᐊᑦ.

ᓂᕐᔪᑎᑦ ᓇᓗᓇᐃᖅᑕᐅᔪᑦ ᖁᓛᓂ ᐊᖏᖅᑕᐅᔪᓐᓇᖏᑦᑐᑦ ᖃᖓᑕᓂᐊᖅᑐᒧᑦ ᐱᖁᑎᒋᔭᐅᓗᑎᒃ. ᐊᐅᓚᑎᑦᑎᓂᐊᕐᕈᕕᑦ ᐋᖅᑭᒃᓱᐃᔭᕆᐊᖃᑦᑐᑎᑦ ᓄᓇᓕᑦᓯ ᑲᓇᐃᑎᐊᓐ ᓄᐊᑦᑯᑦ ᐊᐅᓚᑎᑦᑎᕕᖓᒍᑦ ᐅᖄᓚᓗᑎᑦ ᐅᕗᖓ 1-866-663-2223. ᐊᔪᕐᓇᖏᑦᑕᕌᖓᑦ, ᓯᕗᓂᐊᒍᑦ ᐋᖅᑭᒃᓱᐃᓯᒪᕙᒌᖃᑦᑕᕐᓗᓯ ᑭᖑᕙᖁᓇᒋᑦ ᐊᐅᓚᖅᑎᑕᐅᓂᖏᑦ.

ᐱᖃᓯᐅᑎᓐᖏᑦᑐᖅ: ᓄᑖᒥᓃᑦ/ᖁᐊᑦ ᓂᖀᑦ ᐅᕝᕙᓘᓐᓃᑦ ᐃᖃᓗᐃᑦ ᐊᖏᖅᑕᐅᓯᒪᒍᓐᓇᖅᑐᑦ ᖃᖓᑕᓂᐊᖅᑑᑉ ᐱᖁᑎᒋᓗᓂᒋᑦ, ᐊᒻᒪᓗ ᖃᐅᔨᓴᖅᑕᐅᓗᑎᒃ ᐊᑭᖃᖏᑐᒃᑯᑦ ᐊᔪᓐᖏᑎᑕᐅᒻᒪᖔᑕ ᐊᒻᒪᓗ ᐅᖓᑖᓅᕈᑎᑉᐸᑦ ᐱᖁᑎᓄᑦ ᐊᑐᓂᒃ ᒪᓕᒋᐊᖃᓕᕐᓗᑎᒃ ᐅᖓᑖᓅᕈᑎᔪᓄᑦ ᐊᑭᓖᔾᔪᑎᒥᒃ, ᑖᒃᑯᐊ ᐱᖁᑎᑦ ᐴᖅᑕᐅᓯᒪᑦᑎᐊᕐᓗᑎᒃ ᐊᐅᒻᒥᒃ ᐃᑦᑕᒃᓯᒪᖁᓇᒍ ᐊᓯᐊᓂᓪᓘᓐᓃᑦ ᐃᒥᕈᔪᒻᒥᒃ, ᐊᒻᒪᓗ ᑖᓐᓇ ᖃᖓᑕᓂᐊᖅᑐᖅ ᐊᖏᕈᑎᒥᒃ ᐊᑎᓕᐅᕆᐊᖃᑦᑐᖅ ᐊᑭᓖᔭᕆᐊᖃᑐᐃᓐᓇᕆᐊᖃᕐᓂᕐᒧᑦ.

ᐊᔭᐅᕈᑏᑦ
ᒪᓕᓪᓗᓂ ᖃᓄᐃᑦᑐᖃᕐᓂᖓᓂᒃ, ᐊᔭᐅᕈᑏᑦ ᐊᖏᖅᑕᐅᒍᓐᓇᖅᑐᑦ ᖃᖓᑕᓂᐊᖅᑑᑉ ᐱᖁᑎᒋᓗᓂᐅᒃ ᐅᕝᕙᓘᓐᓃᑦ ᑎᒍᒥᐊᒐᕆᓗᓂᐅᒃ. ᐊᖏᖅᑕᐅᑉᐸᑦ ᐱᖁᑎᒋᓂᐊᕐᓗᓂᐅᒃ, ᐊᔭᐅᕈᑦ ᐅᖓᑖᓄᕈᑎᑎᑕᐅᔾᔮᖏᑦᑐᖅ ᐱᖁᑎᖏᓐᓄᑦ.

ᐱᓲᑎᑦ ᐊᑦᔨᒌᖏᑦᑐᑦ

ᐊᑕᐅᓯᖅ ᐱᓲᑎ ᐊᑕᐅᓯᕐᒧᑦ ᖃᖓᑕᓂᐊᖅᑐᒧᑦ ᐊᖏᖅᑕᐅᓂᐊᖅᐳᖅ ᐊᖏᖃᖏᓪᓗᓂ. ᐱᓲᑏᑦ, ᒪᑯᐊ ᐃᒃᓯᕙᐅᑕᐃᑦ ᐊᔭᐅᕈᑏᑦ, ᐱᖃᓯᐅᔾᔭᐅᔪᓐᓇᖏᑦᑐᑦ ᓇᐃᓴᖅᑕᐅᑎᓪᓗᒋᑦ ᖃᑦᑎᓂᒃ ᐱᖁᑎᖃᒻᒪᖔᖅᐱᑦ ᐅᖓᑖᓅᕈᑎᔪᓄᑦ ᐊᑭᓖᑎᑕᐅᓂᐊᕐᓗᓂ.

ᖃᖓᑕᓂᐊᖅᑐᖅ ᐃᒪᐃᑦᑐᒪᑉᐸᑦ, ᐊᔭᐅᕈᑎᒥᓂᒃ ᒪᑐᖓᑕ ᓴᓂᐊᓃᑎᑦᑎᔪᓐᓇᖅᑐᑦ ᖃᖓᑕᓲᒥ. ᐱᓲᑏᑦ ᑐᖅᑯᑦᑕᐅᓯᒪᓂᐊᖅᑐᑦ ᑭᓯᐊᓂ ᖃᖓᑕᓲᒥ ᐃᒧᔭᔅᓴᐅᑉᐸᑕ.

ᐃᑦᑎᕐᕕᒻᒥ ᐊᑭᓖᔪᓐᓇᐅᑎ

ᐱᑕᖃᑦᑐᓂ ᐱᖃᓯᐅᔾᔭᐅᔪᓐᓇᖏᑦᑐᓂᒃ, ᒪᓕᓪᓗᒍ ᓴᖅᑭᓯᒪᔪᑦ ᖃᖓᑕᖃᑦᑕᓂᕐᒧᑦ ᐋᖅᑭᒃᓯᒪᓂᖓ ᐊᑭᓖᑎᑦᑎᖃᑦᑕᓂᐊᕐᓂᕋᖅᓯᒪᔪᑦ ᐊᒻᒪᓗ ᐱᖃᓯᐅᔾᔭᐅᖏᑦᑐᑦ ᐊᑖᓂ ᑎᑎᕋᖅᓯᒪᔪᑦ, ᑲᓇᐃᑎᐊᓐ ᓄᐊᒃᑯᑦ ᐊᑭᓖᔭᕆᐊᓖᑦ ᔭᒐᑦᑐᖃᑉᐸᑦ ᐅᕝᕙᓘᓐᓃᑦ ᓱᕋᑦᑐᖃᑉᐸᑦ ᖃᖓᑕᓂᐊᖅᑑᑉ ᐃᑦᑎᖅᕕᖓᓂᒃ ᑲᒪᒋᔭᐅᑎᓪᓗᒍ, ᐱᓯᒪᔭᐅᑎᓪᓗᒍ ᐅᕝᕙᓘᓐᓃᑦ ᐊᐅᓚᑕᐅᑎᓪᓗᒍ ᑲᓇᐃᑎᐊᓐ ᓄᐊᒃᑯᓐᓄᑦ.
ᐊᑭᓖᔪᓐᓇᕆᐊᖃᕈᑎᕗᑦ ᐃᓱᖃᕆᕗᖅ ᐃᒫᒃ:

  • ᑲᓇᑕᐅᑉ ᐃᓗᐊᓂ (ᑲᓇᑕᐅᑉ ᐃᓗᐊᓂ) $750.00 CAD
  • ᑲᓇᑕᐅᑉ ᓯᓚᑖᓂ (ᐱᖃᓯᐅᔾᔨᔪᖅ ᓯᓚᑖᓂ ᑲᓇᑕᐅᑉ ᐊᒻᒪᓗ ᐃᓗᐊᓂ ᐃᓚᐃᓐᓇᖓ ᐊᐅᓚᕐᓂᖓᓄᑦ)
  • 1131 SDR (ᐃᒪᓐᓇᐸᓗᒃ $1800 CAD)

ᐱᖃᓯᐅᑎᓐᖏᑦᑐᑦ:

  • ᑲᓇᐃᑎᐊᓐ ᓄᐊᑦ ᐊᑭᓖᔪᓐᓇᖏᑦᑐᑦ ᔭᒐᑦᑐᓄᑦ, ᓱᕋᑦᑐᓄᑦ ᐅᕝᕙᓘᓐᓃᑦ ᕿᖑᕙᖅᓯᒪᔪᓄᑦ ᐅᑯᓂᖓ: ᓱᕋᔅᓴᕋᐃᑦᑐᑦ ᐅᕝᕙᓘᓐᓃᑦ ᓱᕈᓲᓂᒃ; ᑮᓇᐅᔭᑦ, ᑕᑯᒥᓇᖅᓴᐅᑎᑦ, ᓂᕆᔾᔪᑎᑦ, ᓯᒃᑮᑦ, ᓴᐳᔾᔭᐅᔾᔪᑎᑦ, ᓴᓇᐅᒐᑦ ᐅᕝᕙᓘᓐᓃᑦ ᐊᓯᖏᑦ ᐱᒻᒪᕆᐅᔪᑦ; ᐃᒥᕐᓗᐃᑦ, ᑎᑎᖅᑲᖁᑎᖏᑦ, ᓂᑦᔭᐅᓯᔭᖅᑎᑦ ᐱᖁᑎᖏᑦ; ᐃᓪᓗᓯᐅᑎᑦ; ᐊᓪᓚᕕᒃᓯᐅᑎᑦ; ᐊᑦᔨᓕᐅᕈᑎᑦ/ᐃᓚᒃᓴᔭᖏᓪᓗ; ᐅᕝᕙᓘᓐᓃᑦ ᖃᐅᔨᓴᕈᑎᑦ ᐱᖃᓯᐅᔾᔭᐅᓯᒪᔪᑦ ᖃᖓᑕᓂᐊᖅᑑᑉ ᐃᑦᑎᖅᕕᖓᓂ ᖃᐅᒪᓗᓂ ᐅᕝᕙᓘᓐᓃᑦ ᖃᐅᔨᒪᖏᒃᑯᓂ ᐱᓯᒪᑦᑎᔪᖅ.
  • •ᑲᓇᐃᑎᐊᓐ ᓄᐊᑦ ᐊᑭᓖᔾᔮᖏᑦᑐᑦ ᐋᓐᓂᖅᓯᒪᔪᒧᑦ, ᐋᓐᓂᐊᔪᒧᑦ ᐅᕝᕙᓘᓐᓃᑦ ᑐᖁᔪᒧᑦ ᐆᒪᔪᖁᑎᒋᔭᐅᔪᒥᒃ ᐊᖏᖅᑕᐅᓯᒪᔪᖅ ᐅᓯᔭᐅᓂᐊᕐᓗᓂ. ᓇᒻᒥᓂᖃᑦᑎᐅᔪᖅ ᑲᒪᒋᔭᖃᕆᐊᖃᒻᒪᑦ ᒪᓕᒃᑕᕆᐊᓕᓐᓂᒃ ᒪᓕᒐᕋᓛᖁᑎᒋᔭᐅᔪᓂᒃ ᑎᒥᐅᔪᑦ ᐊᒻᒪᓗ/ᐅᕝᕙᓘᓐᓃᑦ ᑭᓪᓕᖁᑎᒋᔭᐅᔪᓂᒃ.
  • ᑲᓇᐃᑎᐊᓐ ᓄᐊᑦ ᐊᑭᓖᔪᓐᓇᖏᑦᑐᑦ ᓱᕋᖅᓯᒪᔪᓂᒃ, ᓲᕐᓗ ᐱᕕᒃᓴᖓ, ᑮᓇᐅᔾᔭᔅᓵᑦ ᐅᕝᕙᓘᓐᓃᑦ ᐱᓕᕆᓂᖓ ᔭᒐᐃᔭᐅᔪᑦ ᔭᒐᑦᑐᖃᕐᓂᖓᓄᑦ ᑭᖑᕙᖅᑐᖃᕐᓂᖓᓄᓪᓘᓐᓂᑦ ᐱᖁᑎᒥᒃ. ᑖᓐᓇ ᑐᕌᖓᔪᖅ ᑖᓐᓇ ᖃᖓᑕᔪᖅ ᓇᓗᓇᐃᖅᓯᓯᒪᒐᓗᐊᖅᐸᑦ ᐱᒻᒪᕆᐅᓂᖅᓴᒥᒃ.
  • ᐱᒻᒪᕆᐅᔪᖅ: ᑲᒪᒋᔭᖃᑦᑎᐊᕋᓱᖃᑦᑕᕋᓗᐊᖅᑎᓪᓗᑕ ᐃᑦᑎᕕᒃᓯᓐᓂᑦ, ᑲᓇᐃᑎᐊᓐ ᓄᐊᑦ ᑲᒪᔭᕆᐊᖃᖏᓚᑦ ᒪᑯᓂᖓ: ᐊᑦᑐᑲᓪᓚᓐᓂᑯᓂᒃ, ᕿᐳᖅᑭᕐᓂᕐᓂᒃ, ᔭᒐᑦᑐᖃᑉᐸᑦ ᐊᒻᒪᓗ ᓱᕋᑦᑐᖃᑉᐸᑦ ᑎᒍᒥᐊᕈᑎᖓᓂᒃ ᐃᑦᑎᖅᕕᐅᑉ, ᓱᕋᔅᓯᒪᔪᑦ ᑎᒍᒥᐊᕈᑎᖏᑦ, ᓱᕋᑉᐸᑦ ᓯᖀᖓ, ᐊᓕᒃᓯᒪᔪᑦ, ᐊᒃᓴᑳᔪᖏᑦ ᓱᕋᑦᑎᖅᓯᒪᔪᓄᑦ, ᖃᐅᓯᓕᕐᓂᖅᐸᑦ, ᐃᑦᑎᖅᕕᒃ ᓱᕋᑉᐸᑦ, ᓱᕋᑦᑎᖅᐸᑦ ᑕᑕᑕᐅᓗᐊᖅᓯᒪᓂᖓᓄᑦ ᐃᑦᑎᖅᕕᒃ, ᐲᔭᖅᐸᑕ ᐃᑦᑎᖅᕕᒻᒦᑦᑐᑦ ᐅᕝᕙᓘᓐᓃᑦ ᐊᓯᖏᓐᓂᒃ ᓱᕋᑦᑎᖅᐸᑦ ᐊᑐᖅᑕᐅᖃᑦᑕᕐᓂᖓᓄᑦ.

ᐊᑭᑐᓂᖅᓴᐅᔪᓄᑦ

ᖃᖓᑕᖃᑦᑕᖅᑐᓄᐃᓐᓇᖅ, ᐃᑦᑎᖅᕖᑦ ᖃᖓᑕᓲᓕᕆᔨᒃᑰᑦᑎᓕᕈᕕᐅᒃ ᓇᓗᓇᐃᖅᓯᔪᓐᓇᖅᑐᑎᑦ ᐱᒻᒪᕆᐅᓂᖓᓂᒃ ᐃᑦᑎᖅᕖᑦ ᑎᑎᕋᖅᑕᐅᓯᒪᔪᑦ ᐊᓯᐊᒍᑦ ᑲᓇᐃᑎᐊᓐ ᓄᐊᑦ ᑭᓪᓕᖁᑎᒋᔭᖏᓐᓄᑦ ᐊᑭᓖᔪᓐᓇᐅᑎᖏᑕ. ᑭᓯᐊᓂᓕ, ᐊᖏᕈᓐᓇᖏᑦᑐᒍᑦ ᐊᑭᓖᓂᐊᕐᓗᑕ ᔭᒐᓯᒪᔪᓄᑦ ᐅᕝᕙᓘᓐᓃᑦ ᓱᕋᒃᓯᒪᔪᓄᑦ ᐱᖁᑎᓄᑦ (ᑎᑎᕋᖅᑕᐅᓯᒪᔪᑦ ᓯᕗᓂᐊᒍᑦ ᐱᖃᓯᐅᔾᔭᐅᖏᑦᑐᑦ ᐊᑭᓕᖅᑕᐅᔪᓐᓇᖏᑦᑐᓂ). ᑖᒃᑯᓄᖓ ᐱᖁᑎᓄᑦ, ᑖᓐᓇ ᖃᖓᑕᓂᐊᖅᑐᖅ ᓇᓪᓕᐅᒃᑯᒫᖅᑖᕆᐊᓕᒃ ᓇᓪᓕᐅᒃᑯᒫᓕᕆᔨᒃᑯᓐᓂᑦ. ᐊᓯᖏᓐᓄᓕᒫᖅ, ᐅᑯᐊᓕ ᐊᑐᖅᑕᐅᔪᓐᓇᖅᐳᑦ:

ᓇᓗᓇᐃᖅᑕᐅᓯᒪᔪᖅ ᐊᑭᖓ - ᖃᖓᑕᓂᐊᖅᑐᖅ ᓇᓗᓇᐃᖅᓯᔪᓐᓇᖅᐳᖅ ᖁᑦᑎᓂᖅᓴᒥᒃ ᐊᑭᖓᓂᒃ ᐃᓗᐊᓃᑦᑑᑉ ᐊᑭᓖᔪᓐᓇᐅᑎᖏᑕ ᑎᑭᐅᑎᓯᒪᔪᖅ ᐊᓯᒃᑲᓐᓂᖓᒍᑦ $750.00 CAD. ᐅᓄᕐᓂᖅᐹᖓ ᓇᓗᓇᐃᖅᑕᐅᓯᒪᔪᖅ ᐊᑭᖓ ᐅᖓᑖᓅᕈᓐᓇᖏᑦᑐᖅ $1500.00 CAD ᐊᑕᐅᓯᕐᒧᑦ ᖃᖓᑕᓂᐊᖅᑐᒧᑦ ᑕᒪᒃᑯᓇᓂ ᐃᑭᒪᕕᐅᖃᑦᑕᖅᑐᓂ ᖃᖓᑕᔪᓄᑦ ($750.00 ᐊᑭᓖᔾᔪᑎᖓ ᐊᒻᒪᓗ $750.00 ᓂᐅᕕᖅᑕᐅᓯᒪᔪᑦ ᐅᖓᑖᓄᑦ ᐊᑭᖓᑕ).

ᐅᖓᑖᓄᑦ ᐊᑭᖓ ᖃᖓᑕᓂᐊᖅᑐᖅ ᓇᓗᓇᐃᖅᓯᔪᒪᑉᐸᑦ ᖁᑦᑎᓂᖅᓴᒥᒃ ᐊᑭᖓᓂᒃ ᐃᑦᑎᖅᕕᖓᑕ ᐱᑕᖃᑦᑎᑕᐅᓲᒥᒃ ᖃᖓᑕᓲᓕᕆᔨᓄᑦ, ᐅᖓᑕᓄᑦ ᐊᑭᖃᑦᑐᒥᒃ ᐊᑭᓖᔾᔪᑎᒥᒃ ᓇᓗᓇᐃᖅᓯᔪᖃᕆᐊᖃᑦᑐᖅ. ᐊᑭᓖᔾᔪᑎᑦ ᑕᒪᒃᑯᓄᖓ ᐃᓄᒃᑕᐅᑎᓄᑦ ᖃᖓᑕᓂᐊᖅᑐᓄᑦ ᐃᒪᓐᓇᐅᕗᑦ .50 ᐊᑕᐅᓯᖅ $100.00 CAD ᐊᑭᒃᑲᓐᓂᐊᓄᑦ ᐅᕝᕙᓘᓐᓃᑦ ᐃᓚᖓ (GST-ᖃᖏᑦᑐᖅ). ᐅᓄᕐᓂᖅᐹᖅ ᓇᓗᓇᐃᖅᑕᐅᔪᓐᓇᖅᑐᖅ ᐊᑭᖓ ᐅᖓᑖᓅᕆᐊᖃᖏᑦᑐᖅ ᑕᑉᐱᒃᑯᐊ ᐅᓄᕐᓂᕆᔭᐅᔪᑦ ᐅᖃᐅᓯᐅᔪᑦ ᐅᖓᑖᓄᑦ.

Air Canada-ᑯᓐᓄᑦ ᐊᒻᒪᓗ WestJet−ᑯᓐᓄᑦ ᐃᑦᑎᖅᕕᑦ ᐊᐅᓛᖅᑕᐅᓂᖏᑦ

ᖃᖓᑕᓗᓂ ᑲᓇᐃᑎᐊᓐ ᓄᐊᑦᑯᑦ ᑲᔪᓯᓂᐊᕐᓗᓂ ᐊᑐᕐᓗᓂ ᖃᖓᑕᓲᖏᓐᓂᒃ Air Canada ᐊᒻᒪᓗ WestJet ᐅᖓᓯᑦᑐᒧᑦ ᐊᒻᒪᓗ ᐅᖓᑖᓄᑦ ᐃᐊᑦᒪᑕᓐ ᐊᑐᕚ ᐊᒻᒪᓗ ᐃᑦᑎᖅᕕᑎᑦ ᓇᔅᓴᖅᑕᑎᑦ ᑕᕝᕙᑲᐅᑎᒋᑦ ᐊᐅᓛᖅᑕᐅᓂᐊᖅᑎᓪᓗᒋᑦ ᑎᑭᕝᕕᒋᓂᐊᖅᑕᓐᓄᑦ. ᐊᑐᖅᑕᐃᓕᒪᓗᑎᑦ ᐃᑦᑎᖅᕕᑎᑦ ᖃᖓᑦᑕᐅᑎᓕᕆᔨᒃᑰᑎᒃᑲᓂᕐᓗᒋᑦ. ᐊᑏ ᑐᓂᓚᐅᒃᑭᑦ ᑕᒪᒃᑮᒃ ᖃᖓᑕᔾᔪᑎᒋᓂᐊᖅᑕᑎᑦ ᓱᓕᔪᓐᓇᐅᑎᑦ ᑲᔪᓯᓂᐊᕐᓂᕐᓄᑦ ᖃᖓᑕᓲᑉ ᐊᓯᐊᓄᑦ ᐃᑭᓗᑎᑦ ᖃᖓᑕᓲᓕᕆᔨᓅᕈᕕᑦ.