ᐃᑲᔪᖅᑕᐅᓂᖅᓴᐅᔭᕆᐊᖃᖅᑐᑦ

ᑲᓇᐃᑎᐊᓐ ᓄᐊᑦᑯᑦ ᐱᑕᖃᕈᓐᓃᖅᑎᑦᑎᓇᓱᒃᑐᑦ ᖃᖓᑕᓲᒃᑰᕈᓐᓇᙱᔾᔪᑕᐅᖃᑦᑕᖅᑐᓂᒃ. ᑖᓐᓇ ᑎᑭᐅᑎᓇᓱᒃᑕᕗᑦ ᑎᑭᐅᑎᓇᓱᒃᖢᑎᒍᑦ, ᓇᓕᐊᖕᓄᑐᐃᓐᓇᖅ ᖃᖓᑕᔪᓂᒃ ᐃᑲᔪᖅᑕᐅᔭᕆᐊᖃᖅᑐᓂᒃ ᐃᑲᔪᖅᑕᐅᔪᒪᔪᓂᒡᓘᓐᓃᑦ ᐱᔨᑦᑎᓲᖑᔪᒍᑦ. ᐃᑭᔭᖅᑐᕈᓐᓇᐅᑎᑖᕆᐊᖅᑕᓚᐅᕐᓂᕐᓂᑦ ᑎᑭᓐᓂᕐᓄᑦ ᐊᑯᓐᓂᖓᓃᑦᑐᓗᒃᑖᕐᓄᓪᓗ, ᐃᖅᑲᓇᐃᔭᖅᑎᕗᑦ ᖁᕕᐊᓱᒃᐳᑦ ᐱᔭᕆᐊᖃᖅᑕᕐᓄᑦ ᐃᑲᔪᕈᓐᓇᕐᓂᖏᓐᓂᒃ.

ᑭᒃᑯᓗᒃᑖᕐᓄᑦ ᐊᑐᐃᓐᓇᐅᑎᑦᑎᓂᖅ ᖃᖓᑕᓲᑦᑎᓐᓂᒃ

ᐱᔨᑦᑎᑦᑎᐊᕐᓂᖅᓴᕆᓂᐊᕋᑦᑎᒋᑦ, ᐃᑲᔪᖅᑕᐅᒃᑲᓐᓂᕆᐊᖃᕈᕕᑦ ᑐᓴᖅᑎᓛᖅᐸᑎᑦ ᑲᓇᐃᑎᐊᓐ ᓄᐊᑦᑯᑦ ᐊᒃᓱᓪᓘᓐᓃᑦ ᐃᑲᕐᕋᑦ 48 ᐊᐅᓪᓚᕐᕕᒃᓴᐅᑉ ᑐᖔᓂ. ᓱᖁᑕᐅᓇᓂ, ᐃᑲᕐᕋᑦ 48 ᑐᖔᓂ ᑐᓴᖅᑎᑕᐅᙱᒃᑲᓗᐊᕈᑦᑕ, ᖃᓄᓗᒃᑖᖅ ᐱᓇᓱᖕᓂᐊᖅᐸᕗᑦ ᑐᒃᓯᕋᖅᑕᑎᑦ. ᖃᐅᔨᒋᐊᒃᑲᓐᓂᕈᒪᒍᕕᑦ, ᐅᖄᓚᒡᕕᒋᓗᒋᑦ ᑲᓇᐃᑎᐊᓐ ᓄᐊᑦᑯᑦ ᐃᓂᒃᓴᓕᐅᕐᕕᖓ ᐅᕙᓂ 1-800-661-1505.

ᐃᖏᕐᕋᓂᕐᒧᑦ ᐃᑲᔫᑎᑦ

ᖃᐅᔨᒪᔪᒍᑦ ᑭᒃᑯᓗᒃᑖᑦ ᐊᐅᓪᓚᕐᓂᕐᒧᑦ ᐱᔭᕆᐊᖃᖅᑕᖏᑦ ᐊᔾᔨᒋᔭᐅᙱᑦᑐᑦ. ᖃᖓᑕᔪᑦ ᐃᑲᔪᖅᑕᐅᒃᑲᓐᓂᕆᐊᖃᖅᑐᑦ ᐅᑯᓂᖓ ᐃᑲᔫᑎᓂᒃ ᐱᓯᒪᔪᓐᓇᖅᑐᑦ ᕿᔪᖁᑎᓂ ᐊᑭᖃᖅᑎᑕᐅᙱᓪᓗᑎᒃ ᖄᒃᑲᓐᓂᐊᒍᑦ ᕿᔪᖁᑎᖏᑕ ᐊᑭᖃᖅᑎᑕᐅᙱᑦᑑᑉ:

  • ᐊᔭᐅᕈᑎᑦ ᐊᐅᓚᐅᑎᓖᑦ
  • ᐱᓲᑎᑦ ᐊᐅᓚᐅᑎᖃᖅᑐᑦ ᐅᕝᕙᓘᓐᓃᑦ ᐊᔭᐅᕈᑎᑦ ᐊᔭᐅᖅᑕᐅᔭᕆᐊᓖᑦ ᓴᙱᔪᑦ (ᖃᖓᑕᓲᕐᓂ 60ᐅᑉ ᐅᖓᑖᓂ ᐃᒃᓯᕙᐅᑕᖃᖅᑐᓂ)
  • ᐃᒧᑎᑦᑕᖅᑐᖅ ᐊᔭᐅᕈᑎᑦ, ᐱᓱᒍᓐᓇᐅᑎᑦ, ᐃᒡᓗᐃᓐᓇᐅᓪᓗᑎᒃ ᐊᔭᐅᑉᐱᐊᑦ, ᐊᔭᐅᑉᐱᐊᑦ ᐅᕝᕙᓘᓐᓃᑦ ᕿᕋᑦᑕᐅᓯᖅᑎᑦᑎᔾᔪᑎᑦ.
  • ᐅᖃᓪᓚᒍᑏᑦ/ᑐᓵᔾᔪᑎᑦ
  • ᓂᐅᙳᐊᑦ ᑕᓕᙳᐊᓪᓗ
  • ᐊᓯᖏᑦ ᐋᓐᓂᐊᕐᓂᕐᒧᑦ ᐊᑐᖅᑕᐅᕙᒃᑐᑦ

ᖃᖓᑕᔪᑦ ᐊᔭᐅᕈᑎᖃᖅᑐᑦ ᐊᔭᐅᖅᑕᐅᔭᕆᐊᓕᖕᓂᒃ ᐊᔭᐅᕈᑎᒥᓃᖏᓐᓇᕈᓐᓇᖅᑐᑦ:

  • ᑎᑭᐅᑎᓚᐅᙱᓐᓂᕐᒥᓂ ᐊᔭᐅᕈᑎᖃᕐᓇᕈᓐᓃᖅᑎᑕᐅᕕᖕᒧᑦ
  • ᖃᖓᑦᑕᐅᓯᖅᑕᐅᕕᖕᒥᑦ ᖃᖓᑕᓲᒧᑦ ᑕᐃᒪᐃᓕᖓᑎᑕᐅᔪᓐᓇᑐᐊᕌᖓᑕ
  • ᐃᖏᕐᕋᒍᓂᖃᖓᑦᑕᐅᓯᖅᑕᐅᕕᖕᒥᑦ ᐃᓂᒋᓂᐊᖅᑕᒥᓄᑦ ᖃᖓᑕᓲᒥ

ᐃᓚᖏᑦ ᐃᖏᕐᕋᓂᕐᒧᑦ ᐃᑲᔫᑎᑦ ᑎᒍᒥᐊᖅᑕᐅᔪᓐᓇᖅᑐᑦ ᐃᓄᐃᑦ ᐃᒃᓯᕚᕐᕕᒋᖃᑦᑕᖅᑕᖏᓐᓄᑦ ᐊᑭᑲᖅᑎᑕᐅᕙᙱᖦᖢᑎᒃ ᐃᓂᒃᓴᖃᖅᑕᖃᕌᖓᑦ. ᐃᖏᕐᕋᓂᕐᒧᑦ ᐃᑲᔫᑎ ᑎᒍᒥᐊᖅᑕᐅᔪᓐᓇᙱᑉᐸᑦ ᐃᓄᐃᑦ ᐃᒃᓯᕚᕐᕕᒋᖃᑦᑕᖅᑕᖏᓐᓄᑦ, ᖃᖓᑕᓂᕐᒧᑦ ᐋᖅᑭᓛᖅᐸᕗᑦ ᐴᕐᓗᒍ, ᐲᕐᓗᒍᓗ, ᐋᖅᑭᒃᑲᓐᓂᕐᓗᒍᓗ ᐅᑎᖅᑎᑲᐅᑎᒋᓗᒍᓗ ᑎᑭᑐᐊᖅᐸᑦ ᐅᐸᒃᑕᐅᔪᒧᑦ.

ᐋᓐᓂᐊᖅᑐᓂᒃ ᑲᒪᔨᑦ

ᐱᔾᔪᑎᖃᖅᐳᑦ ᖃᓄᑐᐃᓐᓇᖅ ᐋᓐᓂᐊᕐᓂᒃᑯᑦ ᑲᒪᒋᔭᐅᔭᕆᐊᖃᖅᑐᓂᒃ ᐱᒡᒐᕈᑎᓕᖕᓂᒡᓗ ᖃᖓᑕᖃᑕᐅᔪᓂᒃ ᐃᑲᔪᖅᓯᓂᕐᒧᑦ, ᐋᓐᓂᐊᖅᑐᓂᒃ ᑲᒪᔨᑦ ᐃᖅᑲᓇᐃᔭᖅᑎᕗᑦ ᐅᔾᔨᕈᓱᑦᑎᐊᕈᓐᓇᖅᐳᑦ ᐊᔪᕈᑎᒋᔭᐅᔪᓂᒃ ᖃᖓᑕᓂᐊᕐᓗᑎᒡᓗ ᑭᙳᒪᓂᕆᔭᐅᓂᐊᖅᑐᓂᒃ.

ᐅᖃᓪᓚᖃᑎᒋᔪᒪᒍᕕᒋᑦ ᐋᓐᓂᐊᖅᑐᓂᒃ ᑲᒪᔨᑦ ᐅᖄᓚᓗᑎᑦ ᐅᕗᖓ 1-506-547-7065, ᐅᕝᕙᓘᓐᓃᑦ ᐊᑭᖃᙱᑦᑐᖅ ᐃᓂᒃᓴᓕᐅᕐᓂᕐᒧᑦ ᐅᖄᓚᐅᑎᕗᑦ ᐋᓐᓂᐊᖅᑐᓂᒃ ᑲᒪᔨᓪᑯᓪᓗ ᐅᖃᓪᓚᖃᑎᒋᔪᒪᓂᕋᕐᓗᒋᑦ.

ᐃᑲᔪᖅᑎᒋᔭᐅᔪᑦ ᐃᑲᔪᖅᑎᒋᔭᐅᔪᓄᓪᓗ ᖃᖓᑦᑕᐅᓯᖅᑕᐅᓃᑦ

ᑐᑭᓯᐊᔪᒍᑦ ᐃᖅᑲᓇᐃᔭᖅᑎᕗᑦ ᑭᓱᓗᒃᑖᕐᓂᒃ ᐃᑲᔫᑎᖃᙱᑐᐃᓐᓇᕆᐊᖃᖅᑐᑦ ᑎᑭᐅᑎᔭᐅᓂᖏᓐᓄᑦ ᖃᖓᑕᔪᑦ ᐋᓐᓂᐊᕐᓂᕐᒧᑦ ᐱᔭᕆᐊᖃᖅᑕᖏᓐᓂᒃ. ᑕᐃᒪᐃᓕᖓᑎᑕᐅᔭᕌᖓᑦ, ᐱᔭᕆᐊᖃᖅᑎᑕᐅᔭᕌᖓᓪᓗ ᖃᖓᑕᓲᖃᖅᑎᓂᑦ ᐅᕝᕙᓘᓐᓃᑦ ᐱᒡᒐᕈᑎᖃᖅᑑᑉ ᓘᒃᑖᕆᔭᖓᓄᓪᓘᓐᓃᑦ, ᑭᓇᑐᐃᓐᓇᖅ ᐱᒡᒐᕈᑎᖃᙱᑦᑎᐊᖅᑐᖅ 18ᙳᖅᓯᒫᓂᒃᑐᖅ ᐃᑲᔪᖅᓯᔪᓐᓇᖅᑐᖅ ᖃᓄᑐᐃᓐᓇᑦᑎᐊᖅ ᐱᒡᒐᕈᑎᖃᖅᑐᒥᒃ ᖃᖓᑕᓂᓕᒫᖏᓐᓂ, ᖃᖓᑦᑕᐅᑎᖃᕈᓐᓇᖅᑎᑕᐅᕗᖅ. (ᖃᐅᔨᒪᔭᐅᖁᔭᐅᕗᖅ ᐃᑲᔪᖅᓯᔨᐅᓂᕐᒧᑦ ᖃᖓᑦᑕᐅᑦ ᐊᑐᖅᑎᑕᐅᓇᔭᖅᐳᖅ ᑕᑕᑎᖅᑕᐅᕌᓂᒃᓯᒪᒃᐸᑦ ᑭᓯᐊᓂ T43 ᖃᖓᑕᖃᑕᐅᔪᖅ ᐱᒡᒐᕈᑎᖃᕐᓂᕐᒧᑦ ᑕᐃᒪᐃᓐᓂᕋᐃᔾᔪᑎ ᑕᑕᑎᖅᑕᐅᔭᕆᐊᖃᖅᐳᖅ ᐱᒡᒐᕈᑎᖃᖅᑑᑉ ᓘᒃᑖᕆᔭᖓᓄᑦ. ᐅᖄᓚᕕᒋᓗᒋᑦ ᐋᓐᓂᐊᖅᑐᓂᒃ ᑲᒪᔨᑦ ᐃᑲᔪᖅᑕᐅᒃᑲᓐᓂᕈᒪᒍᕕᑦ.)

ᐊᑭᕋᐅᑏᑦ

ᐊᑭᕋᐅᑏᑦ ᐃᓂᒃᓴᖃᖅᑎᑕᐅᔪᓐᓇᖅᑐᑦ B737ᓗᒃᑖᖅᑎᓐᓂ Dash 8ᓗᒃᑖᖅᑎᓐᓂᓗ ᖃᖓᑕᓲᑦᑎᓐᓂ. ᑕᒪᕐᒥᒃ ᐋᖅᑭᒃᑕᐅᓃᑦ/ᐃᓂᒃᓴᓕᐅᖅᑕᐅᓃᑦ ᐋᓐᓂᐊᖅᑐᓂᒃ ᑲᒪᔨᑎᒎᕆᐊᖃᖅᑐᑦ.

ᐊᓂᖅᓵᖅᑑᑎ

ᖃᖓᑕᔪᑦ ᓇᒃᓴᕈᓐᓇᖅᑐᑦ ᓇᖕᒥᓂᖅ ᐊᓂᖅᓵᖅᑑᑎᒥᓂᒃ ᖃᖓᑕᓲᑎᓂ ᖃᖓᑕᕙᒃᑐᓂ ᑲᓇᑕᐅᑉ ᐃᓗᐊᓂ ᑭᓯᐊᓂ. ᐊᓂᖅᓵᖅᑑᑎᒡᒋᕈᓐᓇᙱᑦᑐᑦ ᖃᖓᑕᓲᕐᓂ ᐊᒥᐊᓕᑲᐅᑉ ᓄᓇᖓᓄᙵᐅᔪᓄᑦ ᓄᓇᖓᓂᙶᖅᑐᓂᓪᓗ.

ᖃᖓᑕᔪᑦ, ᓇᖕᒥᓂᖅ ᐊᓂᖅᓵᖅᑑᑎᒥᓂᒃ ᓇᒃᓴᕈᒪᔪᑦ, ᐊᓂᖅᓵᖅᑑᑎᖏᑦ ᐃᒪᐃᓕᖓᔭᕆᐊᖃᖅᑐᑦ:

  • *D*ᑐᐊᑦ ᐊᖏᑎᒋᔪᑦ ᓴᓐᑕᒦᑕ/22ᐃᓐᔅ ᑕᑭᓂᖃᕐᓗᑎᒃ ᐃᓚᐅᓪᓗᓂ ᑕᐃᒪᐃᓕᖓᐃᓐᓇᕈᑎ ᐊᔪᙱᑦᑕᐅᔪᑦ.
  • ᐸᓂᖅᑐᖅ/ᐳᓪᓚᒃ ᐊᓂᖅᓵᖅᑑᑎᑦ ᑭᓯᐊᓂ. ᖃᖓᑐᐃᓐᓇᑦᑎᐊᒃᑯᑦ ᓇᖕᒥᓂᖅ ᓇᒃᓴᖅᑕᐅᕙᒃᑐᓕᐊᖑᓯᒪᔪᑦ ᐊᑐᖅᑕᐅᔭᕆᐊᖃᙱᓪᓚᕆᒃᐳᑦ.
  • ᐊᓂᖅᓵᖅᑑᑎᖃᐅᓯᕝᕖᑦ ᑕᐃᒪᐃᑦᑐᓕᐅᕆᔨᓂᙶᖅᓯᒪᔭᕆᐊᖃᖅᐳᑦ IE Vitalair, ᑭᖑᕙᖅᓯᒪᙱᑦᑐᒥᒡᓗ ᑕᐃᒫᖑᑦᑎᐊᕐᓂᕋᐃᓯᒪᔪᒥᒃ ᐊᑦᑕᑕᖃᕆᐊᖃᖅᖢᑎᒃ ᓇᓗᓇᐃᕆᓯᒪᔪᒥᒃ ᖃᖓ ᑭᖑᓪᓕᖅᐹᕆᓪᓗᒍ ᑲᒪᒋᔭᐅᓚᐅᕐᓂᕐᒪᖔᑦ ᐃᓗᓕᖏᑕᓗ ᓱᕈᖅᓯᒪᙱᓐᓂᕆᔭᖏᓐᓂᒃ.
  • T43 ᐱᒡᒐᕈᑎᖃᕐᓂᕐᒧᑦ ᑕᐃᒪᐃᓐᓂᕋᐃᔾᔪᑎ ᑕᑕᑎᖅᑕᐅᔭᕆᐊᖃᖅᐳᖅ ᐊᑎᓕᐅᖅᑕᐅᓗᓂᓗ ᖃᖓᑕᖃᑕᐅᓂᐊᖅᑑᑉ ᓘᒃᑖᖓᓄᑦ ᓇᓗᓇᐃᕆᓯᒪᓗᓂ ᐊᓂᖅᓵᖅᑑᓯᔭᕆᐊᖃᕐᓂᖓᓂᒃ ᐊᓂᖅᓵᖅᑑᑎᑉᓗ ᓱᒃᑲᓕᑎᒋᓂᕆᔭᕆᐊᖃᖅᑕᖓᓂ. T43 ᑐᓂᔾᔪᑎᒋᓯᒪᔭᕆᐊᖃᖅᐳᖅ ᐋᓐᓂᐊᖅᑐᓂᒃ ᑲᒪᔨᓄᑦ ᖃᖓᑦᑕᓚᐅᙱᓐᓂᖏᓐᓂ.

ᐃᖏᕐᕋᔪᑦ ᑲᓇᐃᑎᐊᓐ ᓄᐊᑦᑯᓐᓂᑦ ᐊᓂᖅᓵᖅᑑᑎᖃᖅᑎᑕᐅᔭᕆᐊᖃᖅᑐᑦ ᖃᖓᑕᑎᓪᓗᒋᑦ ᑐᓴᖅᑎᑦᑎᔭᕆᐊᖃᖅᑕᖏᑦ ᑲᓇᐃᑎᐊᓐ ᓄᐊᑦᑯᑦ ᐊᓂᖅᓵᖅᑑᑎᖃᖅᑎᖃᕆᐊᖃᕐᓂᖓᓂᒃ ᑭᒡᓕᖃᕐᓗᓂ ᐃᑲᕐᕋᑦ 48 ᐊᐅᓪᓚᕐᕕᒃᓴᐅᑉ ᑐᖔᓂ. ᖃᖓᑕᓂᐊᖅᑐᖅ ᓇᖕᒥᓂᖅ ᐋᖅᑭᒃᓯᔨᐅᔭᕆᐊᖃᖅᐳᖅ ᐊᓯᖔᖏᑎᒍᑦ ᖃᖓᑕᕝᕕᒋᓂᐊᖅᑕᓂ ᐊᓯᐊᒎᖔᕐᓂᐊᕈᓂ ᐊᓂᖅᓵᖅᑑᓯᔭᕈᓐᓇᖅᑎᑕᐅᔭᕆᐊᒃᓴᖅ. T43 ᐱᒡᒐᕈᑎᖃᕐᓂᕐᒧᑦ ᑕᐃᒪᐃᓐᓂᕋᐃᔾᔪᑎ ᑕᑕᑎᖅᑕᐅᔭᕆᐊᖃᖅᐳᖅ ᐊᑎᓕᐅᖅᑕᐅᓗᓂᓗ ᖃᖓᑕᖃᑕᐅᓂᐊᖅᑑᑉ ᓘᒃᑖᖓᓄᑦ ᓇᓗᓇᐃᕆᓯᒪᓗᓂ ᐊᓂᖅᓵᖅᑑᓯᔭᕆᐊᖃᕐᓂᖓᓂᒃ ᐊᓂᖅᓵᖅᑑᑎᑉᓗ ᓱᒃᑲᓕᑎᒋᓂᕆᔭᕆᐊᖃᖅᑕᖓᓂ. T43 ᐅᑎᖅᑎᑕᐅᔭᕆᐊᖃᖅᑐᖅ ᐋᓐᓂᐊᖅᑐᓂᒃ ᑲᒪᔨᒧᑦ ᐊᐅᓪᓚᓚᐅᙱᓐᓂᖓᓂ.

ᐱᔨᑦᑎᖅᑎᐅᔪᑦ ᐆᒪᔪᖁᑎᒋᔭᑦ

ᓇᓕᐊᑐᐃᓐᓇᖅ ᐸᐃᑉᐹᖃᖅᖢᓂ ᐱᓕᒻᒪᒃᓴᖅᑎᑕᐅᓯᒪᓪᓗᓂ ᐱᔨᑦᑎᖅᑎᐅᔪᖅ ᐆᒪᔪᖅ ᐃᑲᔪᖅᑐᖅ ᐃᓄᖕᒥᒃ ᐱᒡᒐᖅᑐᒥᒃ ᐋᓐᓂᖅᓯᒪᔪᒥᒡᓘᓐᓃᑦ ᐊᖏᖅᑕᐅᕙᒃᑐᑦ ᐊᑭᖃᖅᑎᑕᐅᙱᖦᖢᑎᒃ. ᑖᒃᑯᐊ ᐆᒪᔪᖁᑎᒋᔭᑦ ᖃᖓᑕᓲᕐᒥ ᐃᓄᖕᓅᖃᑕᐅᕙᒃᑐᖅ ᖃᖓᑕᔫᑉ ᐃᓯᒐᖏᑦᑕ ᓴᓂᐊᓂ. ᐊᐅᓪᓚᓚᐅᙱᑎᓪᓗᒋᑦ ᑐᓴᖅᑎᑕᐅᖅᑳᕆᐊᓖᑦ ᐋᓐᓂᐊᖅᑐᓂᒃ ᑲᒪᔨᑦ.

ᐃᒃᓯᕙᐅᑕᒃᑲᓐᓂᖃᕐᓂᖅ

ᖃᖓᑕᔪᑦ ᑲᓇᐃᑎᐊᓐ ᓄᐊᑦᑯᑦ ᐱᒡᒐᖅᑐᑦ ᖁᐃᓂᓗᐊᒧᑦ ᐃᒃᓯᕙᐅᑕᖃᒃᑲᓐᓂᕆᐊᖃᖅᖢᑎᒡᓗ, ᓴᓂᐊᓂ ᐋᓐᓂᐊᖃᕐᓂᕐᒧᑦ ᐃᒃᓯᕙᐅᑕᖃᕈᓐᓇᖅᑎᑕᐅᔪᑦ ᐊᑭᖃᙱᑦᑐᒥᒃ, ᑖᓐᓇ ᐱᒡᒐᖅᑐᖅᓯᐅᒻᒥᒃ ᖃᖓᑕᓂᐊᖅᑐᖅ ᑕᑕᑎᕆᔾᔪᑕᐅᓯᒪᑐᐊᖅᐸᑦ T43 ᐱᒡᒐᕈᑎᖃᕐᓂᕐᒧᑦ ᑕᐃᒪᐃᓐᓂᕋᐃᔾᔪᑎ ᑐᓂᔾᔪᑕᐅᓯᒪᓗᓂ ᑲᓇᐃᑎᐊᓐ ᓄᐊᑦ ᐋᓐᓂᐊᖅᑐᓂᒃ ᑲᒪᔨᖏᓐᓄᑦ.* ᑕᑕᑎᖅᑕᐅᕌᓂᒃᓯᒪᔪᖅ T43 ᐱᒡᒐᕈᑎᖃᕐᓂᕐᒧᑦ ᑕᐃᒪᐃᓐᓂᕋᐃᔾᔪᑎ ᑕᑕᑎᖅᑕᐅᔭᕆᐊᖃᖅᐳᖅ ᐊᑎᓕᐅᖅᑕᐅᓗᓂᓗ ᖃᖓᑕᖃᑕᐅᓂᐊᖅᑑᑉ ᓘᒃᑖᖓᓄᑦ. ᐃᓚᖓ MEDA07 ᑕᑕᑎᕆᐊᓕᐅᑉ ᐊᑕᖏᐅᒪᓗᒍ ᑕᑕᑎᖅᓯᒪᔭᕆᐊᖃᖅᐳᖅ ᐅᖃᖅᓯᒪᔭᕆᐊᖃᖅᖢᓂᓗ ᖃᖓᑕᔪᖅ ᐃᒃᓯᕙᐅᑕᖃᒃᑲᓐᓂᕆᐊᖃᕐᓂᖓᓂᒃ ᖁᐃᓂᓗᐊᕐᓂᑯᒧᑦ.

ᐃᒃᓯᕙᐅᑕᒃᑲᓐᓂᐅᑉ ᐊᖏᖅᑕᐅᓂᖓ ᑐᙵᕕᖃᓛᖅᑐᖅ ᓘᒃᑖᑉ ᐆᒃᑑᕐᓂᖓᓂ ᐃᖏᕐᕋᔫᑉ ᓯᓕᒃᑎᒋᓂᖓᓂᒃ (ᓯᕝᕕᐊᕐᒥᒍᑦ ᕿᑎᕐᒥᒍᓪᓘᓐᓃᑦ, ᓇᓕᐊᑐᐊᖅ ᓯᓕᖕᓂᖅᓴᐅᔪᖅ) ᐊᒻᒪ ᐅᖁᒪᐃᑎᒋᓂᖓᓂᒃ ᑕᑭᓂᖓᒍᑦ ᐅᕐᓇᐅᓂᖓᒍᓪᓗ ᐊᖑᑕᐅᓂᖓᒍᓪᓗ. ᐃᒃᓯᕙᐅᑕᒃᑲᓐᓂᖅ ᐊᖏᖅᑕᐅᓂᖓ ᑲᓇᐃᑎᐊᓐ ᓄᐊᑦᑯᑦ ᐃᓱᒪᓕᐅᕐᓂᖏᑎᒎᖅᑐᖅ.

ᑲᓇᐃᑎᐊᓐ ᓄᐊᑦᑯᑦ ᐊᖏᖅᐸᑕ ᐃᒃᓯᕙᐅᑕᒃᑲᓐᓂᕐᒥᒃ ᑐᒃᓯᕋᖅᑕᐅᔪᒥᒃ, ᐊᖏᖅᑕᐅᓂᖅ ᐊᑕᐅᓯᕐᒥᒃ ᐊᕐᕌᒍᒥᒃ ᐊᑐᖅᑕᐅᔪᓐᓇᓛᖅᑐᖅ. ᐅᓪᓗᖓ ᐊᖏᐅᑎᒋᔭᐅᓯᒪᔪᖅ ᐊᕐᕌᒍᓪᓗᐊᒧᑦ ᑎᑭᐅᑎᓯᒪᓂᐊᖅᐳᖅ ᑕᑕᑎᖅᑕᐅᓚᐅᖅᑎᓪᓗᒍ T43 ᐱᔭᐅᓚᐅᖅᑎᓪᓗᒍ ᐋᓐᓂᐊᖅᑐᓂᒃ ᑲᒪᔨᓂᑦ. ᖃᖓᑕᔪᖅ ᐊᑭᓖᖅᑎᑕᐅᔾᔮᙱᑦᑐᖅ ᑖᒃᓰᔭᐃᔭᖅᑕᐅᕙᒃᑐᓂᒃ, ᒥᑦᑕᕐᕕᐅᑉ ᐱᐅᓯᕚᓪᓕᖅᑎᑕᐅᓂᖓᓄᑦ ᐊᑭᓕᐅᑎᓂᒃ ᐅᕝᕙᓘᓐᓃᑦ ᖄᒃᑲᓐᓂᐊᒍᑦ ᐊᑭᓕᖅᑕᐅᔭᕆᐊᖃᖅᑐᓂᒃ ᐃᒃᓯᕙᐅᑕᒃᑲᓐᓂᕐᒧᑦ.

ᐃᓂᒃᓴᓕᐅᕐᓂᕐᒧᑦ ᐊᑐᖅᑕᐅᕙᒃᑐᑦ

ᖃᖓᑕᔪᑦ ᑐᓴᖅᑎᑦᑎᔭᕆᐊᖃᖅᑐᑦ ᐋᓐᓂᐊᖅᑐᓂᒃ ᑲᒪᔨᓂᒃ ᐃᓂᒃᓴᓕᐅᕐᓗᑎᒃ ᐃᒃᓯᕙᐅᑕᒃᑲᓐᓂᕐᒥᒃ ᑐᖔᓂ ᐃᑲᕐᕋᓂᒃ 48ᓂᒃ ᐊᐅᓪᓚᕐᕕᒃᓴᐅᑉ ᑐᖔᓂ. ᒥᓇᕈᓐᓇᖅᑕᐃᑦ T43 ᑕᑕᑎᕆᔾᔪᑎᕗᑦ ᐅᕝᕙᓘᓐᓃᑦ ᐃᓕᒃᓴᓕᐅᕆᔨᓂᑦ ᑐᒃᓯᕋᕈᓐᓇᖅᑐᑎᑦ ᓇᒃᓯᐅᔾᔭᐅᔪᒪᓗᑎᑦ ᓱᒃᑲᔪᒃᑯᑦ ᑎᑎᖅᑲᒃᑯᕕᒃᑯᓪᓘᓐᓃᑦ. ᐃᓚᖓ 1 ᐃᓕᖕᓄᑦ ᑕᑕᑎᕆᔭᐅᔭᕆᐊᓕᒃ, ᓘᒃᑖᕐᓄᑦ ᑕᑕᑎᕆᔭᐅᔭᕆᐊᖃᖅᖢᓂ ᐃᓚᖓ 2 (ᐃᓚᖓ MEDA07 ᑕᑕᑎᕆᔭᐅᔭᕆᐊᓕᒃ). ᑕᑕᑎᕆᔭᐅᓯᒫᓂᒃᑐᖅ T43 ᑕᑕᑎᕆᔾᔪᑎ ᓱᒃᑲᔪᒃᑯᑦ ᓇᒃᓯᐅᔾᔭᐅᓗᓂ ᐋᓐᓂᐊᖅᑐᓂᒃ ᑲᒪᔨᓄᑦ. ᐊᑕᐅᓯᐊᙱᓪᓗᑎᑦ ᐊᐅᓪᓚᓛᕈᕕᑦ ᐊᕐᕌᒍᒥ ᐊᖏᖅᑕᐅᓯᒪᓂᕆᔭᕐᓂ, ᐊᑕᐅᓯᐊᑐᐃᓐᓇᕐᓗᑎᑦ ᑕᑕᑎᕆᔭᕆᐊᖃᖅᑐᑎᑦ T43ᒥᒃ ᑕᑕᑎᕆᔾᔪᑎᒥᒃ.

ᖃᖓᑕᓲᒃᑰᖅᑐᑦ ᐃᒃᓯᕙᐊᑕᒃᑲᓐᓂᖃᕆᐊᖃᖅᑐᑦ ᐃᖢᕐᕆᓂᕐᒧᑦ (ᐋᓐᓂᐊᕐᓂᕐᒨᙱᑦᑐᖅ) ᓂᐅᕕᕈᓐᓇᖅᑐᑦ ᐋᓐᓂᐊᖅᑐᓂᒃ ᑲᒪᔨᑎᒍᑦ.

*ᖃᐅᔨᒪᓂᐊᖅᐳᑎᑦ: ᑲᓇᐃᑎᐊᓐ ᓄᐊᑦᑯᑦ ᐊᖏᖃᑦᑕᖅᑐᑦ ᐃᐊᕐ ᑲᓇᑕᒃᑯᑦ “ᖃᖓᑕᔭᕆᐊᒃᓴᖅ ᖃᓄᐃᙱᑦᑐᖅ” ᑕᑕᑎᕆᔾᔪᑎᖓᓂᒃ ᖃᖓᑕᓲᑦ ᐊᓯᖏᑎᒍᑦ ᖃᖓᑕᓂᐊᕐᓗᑎᒃ, ᖃᖓᑕᔫᑉ ᓘᒃᑖᖓ ᒪᕐᕉᖕᓂᒃ ᑕᑕᑎᕆᔭᕆᐊᖃᔾᔮᙱᒻᒪᑦ.

ᑭᒃᑯᓕᒫᓄᑦ ᐱᔨᑦᑎᕋᖅᑕᐅᔾᔪᑎᑦ

ᖃᖓᑕᓲᕐᒧᑦ ᐃᑭᓵᓕᓂᖅ

ᖃᖓᑕᓵᑎᓗᒃᑖᑦ ᐃᑭᓵᓕᕝᕕᐅᔪᓐᓇᖅᑐᑦ ᓇᓕᐊᖕᓄᑐᐃᓐᓇᖅ ᖃᖓᑕᔪᒧᑦ ᐃᑭᓴᕋᐃᑦᑐᓐᓇᙱᑦᑐᓄᑦ ᐃᑲᔪᖅᑕᐅᔭᕆᐊᖃᖅᑐᓄᓪᓘᓐᓃᑦ, ᐊᒻᒪᓗ ᕿᑐᕐᖓᓕᔭᖅᑐᓄᑦ ᓄᑕᕋᓛᓕᔭᖅᑐᓄᓪᓘᓐᓃᑦ.

ᖃᖓᑕᓲᕐᒥ ᐃᓂᒃᓴᐃᑦ

ᐃᒃᓯᕙᐅᑕᐃᑦ ᓂᕈᐊᖅᐸᒌᕈᓐᓇᖅᑕᐃᑦ ᐊᑲᐅᔾᔪᑎᒋᔭᕆᐊᖃᖅᑕᕐᓄᑦ ᖃᖓᑦᑕᐅᑏᑦ ᐋᖅᑭᒃᓱᓕᕈᕕᐅᒃ. ᐊᑐᐃᓐᓇᐅᑎᑦᑎᔪᓐᓇᖅᑐᒍᑦ ᓲᕐᓗ ᓄᐅᖕᓄᑦ ᐃᓂᒃᓴᖃᖅᑎᑦᑎᓂᖅᓴᐅᓗᑕ, ᐲᖅᑕᐅᔪᓐᓇᖅᑐᓂᒃ9 ᐄᒐᖓᔪᐃᑦ, ᖃᓂᑎᒋᓂᖓᓂᒡᓗ ᐊᓇᕐᕕᖕᓄᑦ ᐊᒻᒪ ᐊᓂᕝᕕᖕᓄᑦ.

ᑲᑎᓐᓂᖅ ᐃᑲᔪᕐᓂᕐᓗ

ᐃᑲᔪᖅᑕᐅᒃᑲᓐᓂᕆᔭᕆᐊᖃᕐᓂᕆᔭᕐᓂᒃ ᖃᐅᔨᑎᒃᑯᑦᑎᒍᑦ ᐃᓂᒃᓴᓕᐅᓕᕈᕕᑦ, ᐃᓕᖕᓂᒃ ᐱᔨᑦᑎᕈᓐᓇᕐᓂᖅᓴᐅᓛᖅᑐᒍᑦ ᒥᑦᑕᕐᕕᖕᒥ ᐃᑲᔪᕐᓗᑕ.

ᑎᖕᒥᓲᕐᓂ ᐊᓇᕐᕖᑦ

ᑎᖕᒥᓲᓗᒃᑖᖅᐳᑦ ᐊᓇᕐᕕᖃᖅᑐᑦ ᐊᓯᖏᓐᓂᒡᓗ ᐱᒡᒐᖅᑐᓄᑦ ᐃᑲᔪᕈᖃᖅᖢᑎᒃ. ᐊᓇᕐᕕᓗᒃᑖᑦ ᐅᐸᒃᑕᐅᔪᓐᓇᖅᑐᑦ ᐋᖅᑭᒃᓯᒪᓪᓗᑎᒡᓗ ᐊᑐᖅᑕᐅᔭᕆᐊᒃᓴᖅ ᐊᔪᕐᓇᔾᔮᙱᒻᒪᑕ.

ᐃᑲᔪᖅᑕᐅᒃᑲᓐᓂᕆᐊᖃᖅᑐᓄᑦ ᐊᑦᑕᕐᓇᖅᑐᖃᖅᑕᐃᓕᒪᓂᕐᒧᑦ ᖃᐅᔨᒃᑲᐃᓂᖅ

ᑐᒃᓯᕋᖅᑕᐅᒃᐸᑦ ᓇᓕᐊᖕᓂᑐᐃᓐᓇᖅ ᐃᖏᕐᕋᔪᓂᑦ ᐃᑲᔪᖅᑕᐅᒃᑲᓐᓂᕆᐊᖃᖅᑐᓂᑦ ᐅᖃᓪᓚᒡᕕᐅᔭᐅᔪᒪᒍᑎᒃ ᐊᑦᑕᕐᓇᖅᑐᖃᖅᑕᐃᓕᓂᕐᒧᑦ ᑐᓵᔪᓐᓇᙱᒃᑯᑎᒃ ᑭᒃᑯᓗᒃᑖᑦ ᐅᖃᐅᔾᔭᐅᑎᓪᓗᒋᑦ ᐊᑦᑕᕐᓇᖅᑐᖃᖅᑕᐃᓕᓂᐅᑉ ᒥᒃᓵᓄᑦ.