ᐆᒪᔪᑯᓯᒡᒋᕐᓂᖅ

ᐆᒪᔪᖁᑎᑎᑦ

ᑲᓇᐃᑎᐊᓐ ᓄᐊᑦᑯᓐᓂ, ᐆᒪᔪᖅᐱᑦ ᖃᓄᐃᙱᓐᓂᖓ ᐃᖢᕐᕆᓂᖓᓗ ᓯᕗᓪᓕᐅᑎᑕᕗᑦ.

ᐃᖅᑲᓇᐃᔭᖅᑎᕗᑦ ᖃᐅᔨᒪᑦᑎᐊᖅᑐᑦ ᐊᒥᓱᐊᓗᒃ ᐃᑲᕐᕋᓂᒃ ᖃᓄᐃᓕᐅᕐᓂᑰᖃᑦᑕᖅᐳᑦ ᓅᑦᑎᓪᓗᑎᒃ ᐊᔾᔨᒌᙱᑦᑐᕈᓘᔭᕐᓂᒃ ᐆᒪᔪᕐᓂᒃ, ᖃᐅᔨᒪᓂᖏᓪᓗ ᐊᑐᕈᓐᓇᑦᑎᐊᖅᑕᑎᑦ ᐆᒪᔪᐃᑦ ᖃᖓᑕᓲᕐᒧᑦ ᐃᑭᓂᖓᓂᑦ ᑎᑭᕝᕕᒋᔭᖓᓂᑦ ᐊᓂᓂᖓᓄᑦ.

ᐆᒪᔪᖁᑎᒋᔭᑦ ᐊᐅᓪᓚᖅᑎᑕᐅᓂᖏᑦ

ᐃᓂᒃᓴᓕᐅᖅᑕᐅᓕᕈᕕᑦ ᖃᐅᔨᒋᐊᓛᖅᐳᑎᑦ ᖃᖓᑕᓲᖅ ᐃᓂᒃᓴᖃᕈᓐᓇᕐᒪᖔᑦ ᐊᑐᕆᐊᖃᖅᑕᕐᓂᒃ. ᐃᓂᒃᓴᓕᐊᕆᔭᐅᔭᕆᐊᖃᖅᑐᑦ ᐊᒃᓱᓪᓘᓐᓃᑦ ᐃᑲᕐᕋᑦ 48 ᐊᐅᓪᓚᕐᕕᒃᓴᐅᑉ ᑐᖔᓂ

ᐃᓂᒃᓴᓕᐅᕐᕕᒃᒧᑦ

ᐆᒪᔪᖁᑎᒋᔭᑦ ᐱᓐᓇᕆᔭᐅᖕᒥᔪᑦᑕᐅᖅ!

ᑲᒪᒋᑦᑎᐊᖃᑦᑕᖅᑕᕗᑦ ᐆᒪᔪᖅᐱᑦ ᖃᓄᐃᙱᓐᓂᖓ ᐃᖢᕐᕆᓂᖓ ᐊᒻᒪ ᐊᑦᑕᕐᓇᖅᓯᐅᖅᑕᐃᓕᓂᖓ. ᑕᐃᒪᐃᒻᒪᑦ ᐆᒪᔪᒃᑯᕖᑦ ᓴᓇᔭᐅᑦᑎᐊᖅᓯᒪᓂᖏᑦ ᐸᕐᓇᒃᓯᒪᑦᑎᐊᕐᓂᕐᓗ ᐱᒻᒪᕆᐅᖦᖤᖅᐴᒃ.

  • ᐆᒪᔪᖁᑎᒋᔭᑦ ᐊᐅᓪᓚᖅᑎᑕᐅᔭᕌᖓᑕ, ᐱᙳᐊᖓᓂᒃ ᐱᐅᒋᓛᕆᔭᖓᖏᓂᒃ ᐊᓯᐊᓂᒡᓘᓐᓃᑦ ᐆᒪᔪᒃᑯᕕᐅᑉ ᐃᓗᐊᓄᐊᖅᓯᔪᖃᖅᐸᑦ ᓴᐃᓕᓂᖅᓴᐅᓇᔭᖅᑐᖅ ᐆᒪᔪᖅ.
  • ᑎᑎᕋᖅᑕᐅᓂᖓ ᐆᒪᔪᖁᑎᒋᔭᑉ ᐊᑎᖓ ᐆᒪᔪᒃᑯᕕᐅᑉ ᓯᓚᑖᓂ ᐱᒻᒪᕆᐅᖕᒥᔪᖅ. ᓴᐃᒻᒪᖅᓴᕈᓐᓇᕐᓂᖅᓴᕆᔭᑦᑎᒍᑦ ᐆᒪᔪᖅ ᐊᑎᖓ ᐊᑐᕈᑦᑎᒍᑦ.

ᐆᒪᔪᒃᑯᕖᑦ

ᐆᒪᔪᖁᑎᒃᐱᑦ ᖃᓄᐃᙱᓐᓂᖓᓄᑦ ᐃᖏᕐᕋᔪᓪᓗ ᕿᔪᖁᑎᖏᑕ ᖃᓄᐃᑕᐅᑦᑕᐃᓕᓂᖏᓐᓄᑦ, ᐆᒪᔪᖁᑎᒃᐱᑦ ᐆᒪᔪᒃᑯᕕᖓ ᐃᒪᐃᓕᖓᔭᕆᐊᖃᖅᑐᖅ:

  • ᑯᕕᔪᓐᓇᖅᑐᑕᖃᕆᐊᖃᙱᑦᑐᖅ ᐆᒪᔪᕐᓗ ᐊᓂᔪᓐᓇᕆᐊᖃᙱᖦᖢᓂ
  • ᓴᓇᔭᐅᑦᑎᐊᖅᓯᒪᔭᕆᐊᖃᖅᑐᑦ, ᓱᕋᒍᓐᓇᙱᓪᓗᑎᒡᓗ ᐊᓯᖏᓐᓄᑦ ᐊᐅᓪᓚᖅᑎᑕᐅᔪᓄᑦ ᐆᒪᔪᒃᑯᕕᒃ ᐊᐅᓚᔾᔭᒃᐸᑦ ᐅᕝᕙᓘᓐᓃᑦ ᐃᕿᑎᑕᐅᒃᐸᑦ.
  • ᐋᖅᑭᒃᑕᐅᓯᒪᓗᓂ ᐆᒪᔪᒃᑯᕕᑦ ᐃᒻᒥᓂᒃ ᐋᓐᓂᕈᓐᓇᔾᔮᑎᒻᒪᑦ, ᓴᓇᔭᐅᓯᒪᔭᕆᐊᖃᖅᖢᓂᓗ ᓱᕈᔪᖕᓇᙱᑦᑐᖅ ᓲᕐᓗ ᐅᖏᓚᖕᓇᖅᑐᑦ ᓱᕋᒃᓴᕋᐃᙱᑦᑐᖅ ᐊᐅᒃᑕᔫᑦ. ᐊᑕᐅᓯᖅ ᐆᒪᔪᒃᑯᕕᐅᑉ ᐊᓂᑦᑕᐃᓕᑎᑦᑎᔾᔪᑎᖃᕆᐊᖃᖅᑐᖅ, ᐳᑐᓛᖑᓗᒍ ᓴᕕᒐᐅᔭᖅ ᖃᐃᕋᑦᑐᕐᓘᓐᓃᑦ ᐊᖏᒡᓕᒋᐊᖅᑕᖅᑐᖅ ᓴᕕᐅᓪᓗᓂ, ᐊᑦᑕᑕᖅᑎᓯᒪᑦᑎᐊᕐᓗᓂ ᐴᕆᔭᒧᑦ.
  • ᒪᓕᒡᓗᒋᑦ IATAᑯᑦ ᐆᒪᔪᕐᓄᑦ ᐊᑐᐊᒐᖏᑦ ᐊᒻᒪ ᒪᓕᒡᓗᒋᑦ ᑎᑎᕋᖅᑕᐅᓯᒪᔪᑦ (1) ᐊᒻᒪ (2). ᐆᒪᔪᒃᑯᕕᖕᒧᐊᖅᕈᓗᐊᖅᑐᖅ ᓴᓂᒧᑦ ᒪᒃᐱᕈᓐᓇᖅᑐᒃᑯᑦ ᒪᒃᐱᖅᑕᒃᑯᓪᓘᓐᓃᑦ ᐊᑕᑦᑎᐊᕐᓗᓂ ᐱᔮᖅᑰᙱᑦᑐᒃᑯᑦ ᒪᒃᐱᕈᓐᓇᔾᔮᙱᒻᒪᑦ.
  • ᐊᖏᑎᒋᓂᖓ ᓈᒻᒪᒡᓗᓂ ᐆᒪᔪᖅ ᓇᖏᕈᓐᓇᕐᓂᐊᕐᒪᑕ, ᑐᓄᒧᑦ ᓵᑦᑐᓐᓇᕐᓗᓂ ᓇᓪᓚᕈᓐᓇᕐᓗᓂᓗ. ᓯᒡᒍᖓ ᐃᑎᒪᖏᓪᓗ ᐊᓂᔪᓐᓇᙱᓪᓗᑎᒃ: ᑕᐃᒪᓕ, ᐊᓂᖅᓵᖅᑐᕈᓐᓇᕐᕕᒋᔭᖏᑦ ᐊᖏᑎᒋᓂᖏᑦ ᓈᒻᒪᒃᑎᓪᓗᒋᑦ ᐆᒪᔪᖅᐱᖅ ᓯᒡᒍᖓ ᐃᑎᒪᖏᓪᓗ ᐊᓂᔪᓐᓇᔾᔮᙱᒻᒪᑕ.

ᑕᒪᐃᑎᒎᖓᔪᑦ

  • ᐆᒪᔪᖅ ᓂᕆᐊᕐᔪᑯᓗᒃᑎᑐᐃᓐᓇᕐᓗᒍ ᐃᒥᖅᑎᓪᓗᒍᓗ ᒪᕐᕉᒃ ᐃᑲᕐᕌᒃ ᑲᓇᐃᑎᐊᓐ ᓄᐊᑦᑯᑦ ᐅᐊᓪᓚᕐᕕᒃᓴᖓᑕ ᑐᖔᓂ.
  • ᐆᒪᔪᖅ ᐃᖃᐃᓕᓴᖅᑎᓪᓗᒍ ᓯᕗᓂᑦᑎᐊᖓᓂ ᐃᓕᔅᓯᓐᓂᙶᓚᐅᖅᑳᖅᑎᓐᓇᓯ.
  • ᐊᕐᓇᓪᓗᐃᑦ ᐊᐅᓪᓚᖅᑎᑕᐅᖁᔭᐅᕙᙱᑦᑐᑦ ᐅᖅᑰᒃᐸᑦ.
  • ᐊᕐᓇᓪᓗᐃᑦ ᐊᒫᒪᒃᑎᑕᒥᓂᒃ ᐱᖃᑎᖃᖅᑐᑦ ᐊᐅᓪᓚᖅᑎᑕᐅᔪᓐᓇᓛᙱᑦᑐᑦ.
  • ᕿᒻᒥᐊᕐᔪᐃᑦ ᐊᒫᒪᖃᑦᑕᕈᓐᓃᖅᑐᑦ ᐅᑭᐅᖃᖅᑐᑦ ᐱᓇᓱᐊᕈᓃᑦ ᐊᕐᕕᓂᓖᓪᓗ ᒪᕐᕉᒃ ᑐᖔᓂ ᐊᐅᓪᓚᖅᑎᑕᐅᓪᓗᐊᙱᑦᑐᑦ ᑎᒥᖏᑦ ᐃᑦᑎᑭᓗᐊᓕᕈᓐᓇᕐᒪᑕ ᖃᖓᑕᑎᓪᓗᑎᒃ.