ᐱᕗᑦ

ᑲᓇᐃᑎᐊᓐ ᓄᐊᑦ−ᒃᑯᓐᓄᑦ ᐃᓚᒋᔭᐅᓪᓗᓂ ᖃᖓᑦᑕᐅᑎᖁᑎᖏᑕ ᐋᖅᑭᓱᖅᓯᒪᔪᖏᓐᓄᑦ ᐊᒻᒪᓗ ᐱᓕᕆᐊᖃᐃᓐᓇᓂᐊᕐᓂᑎᓐᓄᑦ ᐱᔨᑦᑎᕋᕐᓗᑕ ᐅᑭᐅᖅᑕᖅᑐᒥᐅᑕᓄᑦ ᐱᔨᑦᑎᐸᑦᑕᑎᓐᓄᑦ, ᓄᓇᕗᑦ ᓄᓇᑖᕈᑕᐅᓯᒪᓂᖓᓄᑦ ᐊᖏᕈᑎᒧᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᐊᒻᒪᓗ ᐃᓄᕕᐊᓗᐃᑦ ᐊᖏᕈᑕᐅᓯᒪᓂᖓᓄᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᐊᐃᑉᐸᖏᑦ ᕿᑐᕐᖓᖏᓪᓗ ᐊᑭᑭᓪᓕᒋᐊᖅᓯᒪᔪᒻᒪᕆᖕᓂᒃ ᖃᖓᑦᑕᐅᑎᑖᕈᓐᓇᕐᓂᐊᓕᖅᑐᑦ ᑲᓇᐃᑎᐊᓐ ᓄᐊᑦ−ᒃᑯᑎᒍᑦ, ᓇᒧᑐᐃᓐᓇᖅ ᑲᓇᐃᑎᐊᓐ ᓄᐊᑦ−ᒃᑯᑦ ᖃᖓᑕᕕᒋᕙᑦᑕᖏᓐᓄᑦ! 

ᐱᕗᑦ ᖃᖓᑦᑕᐅᑎᖏᑦ ᐊᑐᕋᒃᓴᐅᔪᑦ ᖃᖓᑕᓲᕐᕕᒋᓲᖏᓐᓄᑦ ᑲᓇᐃᑎᐊᓐ ᓄᐊᑦ−ᒃᑯᓐᓄᑦ.

ᐃᓂᒃᓴᓕᐅᕈᓐᓇᖅᑐᑎᑦ ᐱᖓᓱᑎᒍᑦ:

  1. ᖃᖓᑦᑕᐅᑎᓕᐅᕐᓗᑎᑦ ᖃᕋᓴᐅᔭᒃᑯᑦ ᐅᕘᓇ canadiannorth.com
  2. ᖃᖓᒃᑯᑦ ᐅᓪᓗᖏᓐᓂᒃ ᐊᐅᓪᓚᕈᒪᒐᔭᕐᒪᖔᖅᐱᑦ ᓂᕈᐊᕐᓗᑎᑦ ᖃᖓᑦᑕᐅᑎᓕᐅᕐᓗᑎᑦ ᐅᖄᓚᐅᑎᒃᑯᑎᒍᑦ ᐅᕗᖓ 1.888.979.8240 ᐅᕝᕙᓘᓐᓃᑦ 1.800.661.1505

  3. ᓄᓇᓕᓐᓂ ᖃᖓᑕᓲᒃᑯᕕᒻᒨᕐᓗᑎᑦ ᐃᓂᒃᓴᓕᐅᕆᐊᖅᑐᕐᓗᑎᑦ ᖃᖓᑦᑕᐅᑎᖕᓄᑦ.
  • ᐊᑭᓖᒍᓐᓇᕋᔭᖅᑐᑎᑦ ᑮᓇᐅᔭᓂᑦ ᐊᑐᕐᓗᑎᑦ, ᐊᐅᑦᑕᔫᕐᒥᒃ ᐊᑐᕐᓗᑎᑦ ᐊᑭᓕᐅᑎᖃᕈᑎᒥᒃ ᐅᕝᕙᓘᓐᓃᑦ ᐊᑭᓕᒃᓴᓂᒍᓐᓇᐅᑎᒥᒃ (ᕖᓴ, ᒫᔅᑐᑳᑦ, ᐊᒻᒪᓗ ᐊᒥᐊᕆᑲᓐ ᐃᒃᔅᐳᕋᔅ, ᐃᕋᓯᐅᑎᓪᓗᒋ ᑦ ᐊᑭᓖᕕᒋᔭᐅᓲᑦ ᐊᐅᑦᑕᔫᑦ ᐊᑭᓕᐅᑎᒃᓴᑦ).

ᖃᐅᔨᒪᔭᕆᐊᓕᑦᑎᑦ

  • ᐱᕗᑦ ᖃᖓᑦᑕᐅᑎᖏᑦ ᑭᒡᓕᖃᕐᒪᑕ ᐊᒻᒪᓗ ᐃᓂᒃᓴᓕᐅᕐᕕᒃᓴᐅᒐᔭᖅᑐᖅ ᑭᓯᐊᓂ ᐃᓂᒃᓴᖅᑕᖃᕈᓂ
  • ᐅᑯᐊ ᐃᓄᐃᑦ ᐊᐅᓪᓚᕈᓐᓇᖅᑐᑦ ᐊᑐᕐᓗᑎᑦ ᐱᕗᑦ ᖃᖓᑦᑕᐅᑎᓂᑦ:
    • ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᑦ ᓄᓇᑖᕈᑕᐅᓯᒪᓂᖓᓄᑦ ᐊᖏᕈᑎᒧᑦ ᐊᒻᒪᓗ ᐃᓄᕕᐊᓗᐃᑦ ᐊᖏᕈᑎᖓᓄᑦ (ᐊᒻᒪᓗ ᐊᐃᑉᐸᖏᑦ/ᕿᑐᕐᖓᖏᑦ ᐱᖃᓯᐅᑎᓗᒋ ).
    • ᐊᐃᑉᐸᕆᔭᐅᔪᑦ ᐊᒻᒪᓗ ᐃᒡᓗᒥᐅᑕᐅᖃᑎᒋᔭᐅᓪᓗᑎᑦ ᐊᐃᑉᐸᖏᑦ, ᕿᑐᕐᖓᖏᑦ ᐊᒻᒪᓗ ᐊᖓᔪᖅᑳᖏᑦ ᕿᑐᕐᖓᖏᑕ (ᐊᑎᓕᐅᖅᑕᐅᖃᑕᐅᓯᒪᔪᒥᒃ ᐊᐃᑉᐸᖃᔅᓴᐃᓐᓇᕆᐊᖃᙱᑦᑐᑎᓪᓗ ᐊᐅᓪᓚᕐᓗᑎᑦ).
      ᐊᑎᓕᐅᖅᑕᐅᖃᑕᐅᓯᒪᔾᔪᑎ ᓈᓴᐅᑎᖓ ᑐᓂᔭᐅᔭᕆᐊᖃᕋᔭᖅᑐᖅ ᖃᖓᑕᓲᒃᑯᕕᒻᒥ ᐃᑭᒋᐊᖅᑐᕐᕕᖓᓂ ᓇᓕᐊᓐᓄᑐᐃᓐᓴᖅ ᐃᓂᒃᓴᓕᐅᖅᑐᒥᓂᖅ ᐱᕗᑦ ᖃᖓᑦᑕᐅᑎᖏᓐᓄᑦ.
  • ᐃᑦᑎᕐᕖᑦ ᐅᓯᔭᐅᔪᓐᓇᖅᑐᑦ ᐱᕗᑦ ᖃᖓᑦᑕᐅᑎᖏᑎᒍᑦ ᓇᓂᐅᔪᓐᓇᖅᐳᑦ ᐅᕙᓂ.
  • ᐊᐅᓪᓚᓕᕈᕕᑦ ᓇᒃᓴᕆᐊᖃᕋᔭᖅᑐᑎᑦ ᒐᕙᒪᒃᑯᓐᓄᑦ ᑐᓂᔭᐅᓯᒪᔪᒥᒃ ᑭᓇᐅᒻᒪᖔᖅᐱᑦ ᑐᑭᓯᒋᐊᕈᑎᓕᒃ ᐊᔾᔨᙳᐊᖃᕐᓗᓂ. ᐊᐱᖅᑯᑎᒃᓴᖃᕈᕕᑦ ᖃᓄᐃᑦᑐᓂᑦ ᐊᑐᕈᓐᓇᕐᒪᖔᖅᐱᑦ ᑭᓇᐅᒻᒪᖔᖅᐱᑦ ᑐᑭᓯᒋᐊᕈᑎᓕᒻᒥᒃ ᐊᔾᔨᙳᐊᓕᒻᒥᒃ, ᑕᑯᓂᐊᕐᓗᒍ ᐃᑭᐊᖅᑭᕕᕗᑦ ᓱᖅᑯᐃᑦᑎᐊᕈᓐᓇᖁᓪᓗᑎᑦ - www.canadiannorth.com/info/checking-in.
  • ᐊᑎᖓ ᖃᖓᑦᑕᐅᑎᖕᓃᑦᑐᖅ ᐊᔾᔨᖃᕆᐊᓕᒃ ᒐᕙᒪᒃᑯᓐᓄᑦ ᑐᓂᔭᐅᓯᒪᔪᖅ ᑭᓇᐅᒻᒪᖔᖅᐱᑦ ᑐᑭᓯᒋᐊᕈᑎᓕᒃ ᓇᓗᓇᐃᒃᑯᑕᖅ ᐊᔾᔨᙳᐊᓕᒃ; ᖃᐅᔨᒋᐊᕐᓗᑎᑦ ᑎᑎᕋᖅᓯᒪᓂᖏᓐᓂᑦ ᐊᑎᖅᐱᑦ ᖃᖓᑦᑕᐅᑏᑦ ᐱᑦᑎᐊᖅᓯᒪᒐᓗᐊᕐᒪᖔᖅ ᐊᐅᓪᓚᓚᐅᙱᓐᓂᕐᓂ.
  • ᐊᑭᓕᐅᑕᐅᔭᕆᐊᓖᑦ 3 ᐅᓪᓗᑦ ᐃᓗᐊᓂ ᐅᕝᕙᓘᓐᓃᑦ ᑕᐃᑲᓂ ᐅᓪᓗᖓᓂ ᐊᐅᓪᓚᕕᒃᓴᕕᑦ, ᓇᓕᐊᑐᐃᓐᓇᖅ ᓯᕗᓪᓕᐅᖅᑳᖅᑐᖅ ᒪᓕᓪᓗᒍ. ᐊᑭᓖᙱᒃᑯᕕᑦ ᑖᒃᑯᐊ ᐃᓗᐊᓂ ᐅᓪᓗᐃᑦ, ᖃᖓᑦᑕᐅᑎᑎᑦ ᖁᔭᓈᖅᑕᐅᒐᔭᖅᑐᑦ.
  • ᐱᕗᑦ ᖃᖓᑦᑕᐅᑎᖏᓐᓄ ᐊᑭᓕᐅᑎᒥᓃᑦ ᐅᑎᖅᑎᑕᐅᔪᓐᓴᕋᔭᙱᑦᑐᑦ.
  • ᐱᕗᑦ ᖃᖓᑦᑕᐅᑎᖏᑦ ᐊᑐᖅᑕᐅᒍᓐᓇᙱᑦᑐᑦ ᐊᓯᖕᓄᑦ (ᐃᓄᒻᒧᑦ ᐊᓯᐊᓄᑦ ᐊᑐᖅᑕᐅᑎᒐᒃᓴᐅᙱᑦᑐᑦ).
  • $75.00−ᓂᑦ ᐊᑭᓖᒋᐊᖃᕋᔭᖅᑐᑎᑦ ᐱᕗᑦ ᖃᖓᑦᑕᐅᑎᖏᑎᒍᑦ ᐃᓂᒃᓴᓕᐅᖅᑕᐅᓯᒪᔪᑦ ᐊᓯᔾᔨᖅᑕᐅᓐᓂᕈᑎᑦ. ᐊᓯᔾᔨᖅᑕᐅᔪᓐᓇᕆᓪᓗᑎᑦ ᖃᖓᑦᑕᐅᑏᑦ ᑭᓯᐊᓂ ᐊᑐᐃᓐᓇᐅᒪᔪᖃᕈᓂ ᑕᐃᑲᓂ ᑐᒃᓯᕌᒥᓂᕐᓂ ᐃᓂᒃᓴᒥ ᐃᓂᒃᓴᓕᐅᕐᕕᒃᓴᐅᒐᔭᖅᑐᖅ.
  • ᑕᒪᐃᓐᓄᑦ ᐱᕗᑦ ᖃᖓᑦᑕᐅᑏᑦ ᐊᑐᖅᑕᐅᓪᓗᑎᑦ ᐃᓂᒃᓴᓕᐅᕈᑕᐅᔪᑦ, ᑐᓂᓯᔭᐅᒐᔭᖅᑐᑎᑦ ᐃᓂᒃᓴᓕᐅᕈᑎᕕᑦ ᓇᓗᓇᐃᒃᑯᑕᖓᓂᑦ. ᑖᓐᓇ ᓇᓗᓇᐃᒃᑯᑕᖓ ᐃᓂᒃᓴᓕᐊᒥᓂᖅᐱᑦ ᓇᒃᓴᕐᓗᒍ ᐊᐅᓪᓚᕆᐊᖅᑐᓕᕈᕕᑦ ᐊᒻᒪᓗ ᐊᑐᕐᓗᒍ ᐃᑭᒍᓐᓇᕐᓂᕋᓕᕈᕕᑦ ᖃᕋᐅᓴᔭᒃᑯᑦ.
  • ᐱᕗᑦ ᖃᖓᑦᑕᐅᑎᖏᑦ ᑐᕌᖓᒍᓐᓇᔾᔮᙱᒻᒪᑕ ᐱᖃᓯᐅᔾᔭᐅᒍᓐᓇᙱᓪᓗᑎᑦ ᐊᑭᑭᓪᓕᒋᐊᖅᓯᒪᔪᓄᑦ ᐊᓯᖏᓐᓄᑦ ᐊᒻᒪᓗ ᐊᓯᖏᓐᓄᑦ ᐊᑭᑭᓈᕆᐊᕈᑎᓄᑦ.
  • ᓄᖅᑲᖅᑕᕈᓐᓇᙱᑦᑐᑦ ᓇᒧᑐᐃᓐᓇᖅ ᐊᖅᑯᓵᕐᓗᑎᑦ ᑕᒻᒫᕈᑎᒋᔭᒃᓴᐅᙱᑦᑐᑎᑦ. ᐊᐅᓪᓚᕆᐊᖃᕋᔭᖅᑐᑦ ᑕᐃᑲᓂ ᓯᕗᓪᓕᑉᒥ ᐊᐅᓪᓚᕐᕕᒋᔭᖓᓂ ᓄᓇᓕᒻᒥ ᖃᖓᑕᓲᒃᑯᑦ ᐃᑭᕕᒋᔭᕐᓄᑦ ᑎᑭᓪᓗᒍ ᑐᕌᕐᕕᒋᔭᐃᑦ ᓄᓇᓕᐅᔪᖅ, ᑭᓯᐊᓂ ᖃᖓᑕᓲᖅ ᐊᖅᑯᓵᕐᓂᐊᕐᓂᕈᓂ ᐊᖅᑯᓵᕈᓐᓇᕋᔭᖅᑐᑎᑦ ᑕᐃᑯᖓ ᓄᓇᓕᐅᔪᒧᑦ.
  • ᖁᔭᓈᖅᓯᓐᓂᙱᒃᑯᕕᑦ ᐊᐅᓪᓚᓚᐅᙱᓐᓂᕐᓂ ᖃᖓᑦᑕᐅᑎᖕᓂ ᖃᖓᑦᑕᐅᑎᓕᒫᑎᑦ ᐃᓂᒃᓴᑎᑦ ᖁᔭᓈᖅᑕᐅᒐᔭᖅᑐᑦ ᑕᒪᕐᒥᒃ. ᖃᖓᑕᐅᑏᑦ ᐱᔭᐅᒐᔭᖅᑐᑦ ᐊᒻᒪᓗ ᐊᑭᓕᐅᑎᒥᓃᑦ ᐊᑐᕋᒃᓴᐅᒐᔭᕋᑎᑦ.

*ᖄᖓᒍᒃᑲᓐᓂᖅ ᑖᒃᓯᔅ ᐊᒻᒪᓗ ᖄᖓᒍᒃᑲᓐᓂᖅ ᐊᑭᓕᐅᑕᐅᔭᕆᐊᖃᓲᑦ.