ᓄᑕᕋᓄᓪᓗ ᐱᐊᕋᓄᓪᓗ ᐊᑭᒃᓴᖏᑦ

ᓱᕈᓰᑦ ᐊᑭᖏᑦ

ᓱᕈᓰᑦ ᐅᑭᐅᖃᖅᑐᑦ ᐊᑯᓐᓂᖓᓐᓂᑦ 2-ᒥᑦ 11-ᒧᑦ ᐱᔪᖕᓇᖅᑐᑦ 10%-ᓂᒃ ᐊᑭᑭᒡᓕᒋᐊᕐᓂᕐᒥᒃ ᓇᓗᓇᐃᖅᑕᐅᓯᒪᔪᒃᑯᑦ ᐃᖏᕐᕋᓂᐊᕐᓗᑎᒃ ᐃᖏᕐᕋᖃᑎᖃᕈᑎᒃ ᐊᒃᑐᕐᒥᒃ, ᐅᕝᕙᓘᓐᓃᑦ ᑭᓇᑐᐃᓐᓇᐃᒥᒃ ᐊᑭᓖᔪᒥᒃ ᐊᒃᑐᑦ ᐊᑭᖓᓂᒃ. ᐅᖄᓚᕕᒋᓗᒍ Canadian North ᐃᓂᓕᐅᕐᕕᖓᑦ ᐅᕗᖓ 1-800-661-1505 ᓇᓗᓇᐃᖅᓯᒪᑦᓯᐊᖅᑐᓂᒃ ᐊᑭᖏᓐᓂᒃ ᑐᑭᓯᒋᐊᕈᑎᒃᓴᓄᑦ.

*ᖃᐅᔨᒪᖁᔨᕗᒍᑦ ᐊᑭᑦᑐᕆᐊᓛᕐᓂᖓ ᐃᓄᑑᔪᐃᑦ ᓱᕈᓰᑦ $75.00ᒧᑦ ᔮᓄᐊᕆ 15, 2015ᒥᑦ ᐱᒋᐊᕐᓗᓂ

ᐱᖃᑎᒋᔭᐅᙱᑦᑐᑦ ᐃᖏᕐᕋᔪᑦ ᓱᕈᓰᑦ

ᖃᐅᑕᒫᑦ ᐅᑭᐅᖅᑕᖅᑐᕐᒥᑦ ᓄᓇᓖᑦ ᑲᒪᒋᔭᖃᖅᑎᑦᓯᕙᒃᑐᑦ Canadian North-ᒥᑦ ᖃᓄᐃᙱᑦᓯᐊᕐᓗᒋᑦ ᐃᖏᕐᕋᑎᑦᓯᓂᕐᒥᒃ ᐱᓐᓇᕆᔭᐅᔪᓂᒃ - ᐊᒻᒪ ᒪᒃᑯᖕᓂᖅᐹᑦ ᐃᖏᕐᕋᔨᕗᑦ ᐱᓐᓇᕆᔭᐅᓂᖅᐹᖑᔪᑦ. ᓱᕈᓰᑦ ᐊᓪᓕᖅᐹᒥᒃ ᑕᓪᓕᒪᓂᒃ ᐅᑭᐅᖃᖅᑐᑦ ᐊᒻᒪ 12-ᓂᒃ ᐅᑭᐅᖅᑖᖏᑦᑐᑦ ᓱᓕ ᐃᖏᕐᕋᔪᖕᓇᖅᑐᑦ ᐱᖃᑎᒋᔭᐅᙱᓪᓗᑎᒃ ᐊᑕᐅᓯᖅ ᐊᖓᔪᕐᖄᖅ ᒥᐊᓂᖅᓯᔨᓘᓐᓃᑦ ᑕᑕᑎᕆᐊᓂᒃᑯᑦ ᐱᖃᑎᒋᔭᐅᙱᑦᑐᖅ ᓱᕈᓯᖅ ᑕᑕᑎᕆᐊᓕᖕᒥᒃ.

ᖃᖓᑦᑕᕐᓂᖅ

ᐃᖏᕐᕋᒋᐊᕐᓂᐅᑉ ᐅᓪᓗᖓᓂ, ᐊᒃᑐ ᐊᒡᒐᖅᓯᔪᖅ ᓱᕈᓯᕐᒥᒃ ᒥᒃᑕᕐᕕᖕᒧᑦ ᐱᖃᑎᖃᕆᐊᖃᖅᑐᖅ ᓱᕈᓯᕐᒥᒃ ᐃᑭᑦᓯᐊᕆᓗᒍ ᑎᖕᒥᓲᒧᑦ, ᒥᒃᑕᕐᕕᖕᒦᑐᐃᓐᓇᕐᓗᓂ ᑭᓯᐊᓂ ᑎᖕᒥᓲᖅ ᖃᖓᑦᑕᖅᓯᒪᓕᕈᓂ.

ᑎᑭᓐᓂᖅ

ᐱᖃᑎᒋᔭᐅᙱᑦᑐᑦ ᓱᕈᓰᑦ ᑲᑎᑕᐅᔭᕆᐊᖃᖅᑐᑦ ᑎᒃᑯᐊᖅᑕᐅᓯᒪᔪᒧᑦ ᐊᐃᒃᖠᖅᑎᒧᑦ, ᑐᑯᑎᑦᓯᔭᕆᐊᖃᕐᓗᓂᓗ ᑭᓇᐅᓂᕐᒥᓂᒃ ᓇᓗᓇᐃᒃᑯᑕᕐᒥᒃ.

ᐊᑯᓐᓂᖓᓐᓂᑦ ᐊᒡᒐᖅᑕᐅᓂᐅᑉ ᐊᐃᒃᖠᖅᑕᐅᓂᐅᑉᓗ, Canadian North ᐃᒪᐃᓕᐅᓛᖅᑐᖅ:

  • ᓇᓗᓇᐃᖅᓯᓗᓂ ᓱᕈᓯᐅᑉ ᑎᖕᒥᓲᒃᑰᕐᕕᒃᓴᖓ ᐊᐅᓚᖕᒪᖔᑦ ᖃᖓᐅᓂᖓᑕ ᐋᕐᕿᒃᓯᒪᓂᖓᒍᑦ. ᑭᖑᕙᕆᐊᖅᓯᒪᓐᓂᕈᓂ ᐅᕝᕙᓘᓐᓃᑦ ᓴᖑᔭᕆᐊᖄᓪᓚᖕᓂᕈᓂ, Canadian North ᐃᑲᔪᕐᓂᐊᖅᑐᖅ ᐊᓯᖏᓐᓂᒃ ᐋᕐᕿᒃᓱᐃᓂᕐᒥᒃ ᓱᕈᓯᐅᑉ ᐃᖏᕐᕋᓂᖓᓄᑦ.
  • ᐱᔭᕆᐊᖃᖅᑐᓂᒃ ᑎᑎᕐᖃᓂᒃ ᐱᔭᕇᖅᑎᑦᓯᓯᒪᒐᓱᒡᓗᓂ.
  • ᐃᒃᓯᕙᐅᑕᕐᒧᑦ ᐃᓕᔭᐅᓗᓂ ᑎᖕᒥᓲᒥᑦ ᐱᔨᑦᓯᕋᖅᑎᒧᑦ ᒥᐊᓂᕆᐅᔪᖕᓇᑦᓯᐊᕐᓂᐊᕐᓗᓂ.
  • ᓇᓗᓇᐃᕐᓗᒍ ᓱᕈᓰᑦ ᐃᑭᒋᐊᕐᕕᖕᒥᑦ ᑭᒡᒐᖅᑐᖅᑎᓄᑦ ᐊᒻᒪ ᑎᖕᒥᓲᒥᑦ ᐱᔨᑦᓯᕋᖅᑎᓄᑦ, ᑐᓂᓯᓗᓂᓗ ᑭᓇᐅᓂᖓᓂᒃ ᓇᓗᓇᐃᒃᑯᑕᕐᒥᒃ ᐅᔭᒥᖕᒥᒃ ᓱᕈᓯᕐᓄᑦ ᐃᖏᕐᕋᓂᓕᒫᖓᓂᒃ ᐊᑐᕐᓂᐊᖅᑕᖓᓂᒃ.
  • ᓯᕗᓪᓕᐅᓗᓂ ᑎᖕᒥᓲᒧᑦ ᐃᑭᑎᓪᓗᒍ ᓱᕈᓰᑦ.
  • ᓯᕈᓯᖅ ᐱᖃᑎᒋᓗᒍ ᑎᑭᑦᑑᓯᕕᖕᒧᑦ ᑐᓄᓕᒍᓗ ᑎᒃᑯᐊᖅᑕᐅᓯᒪᔪᖅ ᐊᐃᒃᖠᖅᑎᖑᓄᑦ ᑭᓯᐊᓂ ᑕᑯᑎᑦᓯᓯᒪᓕᕈᓂ ᐊᔾᔨᖃᖅᑐᒥᒃ ᑭᓇᐅᓂᖓᓂᒃ ᓇᓗᓇᐃᒃᑯᑕᕐᒥᒃ ᐊᒻᒪ ᐊᑎᓕᐅᖅᓯᒪᓕᕈᑎᒃ ($40-ᓂᒃ ᐊᑭᓕᒃ ᑖᓐᓇ ᐱᔨᑦᓯᕋᕐᓂᐅᔪᑦ).

ᓄᑕᕋᓛᑦ

  • 2-ᓂᒃ ᐅᑭᐅᖃᓕᓚᐅᖅᑎᓐᓇᒋᑦ, ᓄᑕᕋᓛᑦ ᐃᖏᕐᕋᔪᖕᓇᖅᑐᑦ ᐊᑭᖃᙱᑦᑐᒃᑯᑦ, ᐊᑕᐅᓯᕐᒥᒃ ᐃᒃᓯᕙᐅᑕᕐᒦᓗᓂ ᐊᒃᑐᒥᒃ ᓇᒃᓴᖅᑕᖓᓄᑦ. ᐅᕝᕙᓘᓐᓃᑦ, ᓄᑕᕋᓛᑦ ᐃᒃᓯᕙᐅᑕᕐᒦᑦᓱᖕᓇᖅᑐᑦ ᑕᑉᓯᒍᑎᖃᕐᓗᑎᒃ ᓇᓗᓇᐃᒃᑯᑎᑖᖅᓯᒪᔪᒧᑦ ᓄᓇᒃᑰᕈᑎᒃᓴᑦ ᑎᖕᒥᓲᒃᑯᓪᓗ ᐃᖏᕐᕋᔾᔪᑕᐅᔪᖕᓇᕐᓗᓂ ᐊᒃᑐᐊᔪᒧᑦ ᐃᒃᓯᕙᐅᑕᕐᒧᑦ. ᑲᓇᐃᑎᐊᓐ ᓄᐊᑦᑯᑦ ᐊᓕᐊᓇᐃᒍᓱᒃᐳᑦ ᐊᑭᑭᓪᓕᒋᐊᕐᓯᔪᓐᓇᕐᒪᑕ 90%ᒥᑦ ᖃᖓᑦᑕᐃᑏᐅᑉ ᐊᑭᓪᓗᐊᖓᓂ ᐃᓇᕐᓄᑦ
  • ᓄᑕᕋᓛᑦ ᐃᓅᓕᓵᑦ ᐱᓇᓱᐊᕈᓯᐅᑉ ᐃᓗᐊᓂᑦ ᑎᖕᒥᓲᒃᑰᖅᑎᑕᐅᔪᖕᓇᖅᑐᑦ ᑭᓯᐊᓂ ᑕᑕᑎᖅᑕᐅᓯᒪᒍᓂ T43 ᐃᖕᒥᒎᕈᓐᓇᖏᒻᒪᕆᒃᑐᑦ ᑎᖕᒥᓲᒃᑰᖅᑎᐅᓂᕐᒥᒃ ᓇᓗᓇᐃᕈᑎ ᑕᑕᑎᕆᐊᓕᒃ, ᐅᕝᕙᓘᓐᓃᑦ ᐃᖢᐊᖅᓴᐃᔨᐅᑉ ᓇᓗᓇᐃᖅᓯᒪᓗᓂᐅᒃ ᐃᖏᕐᕋᔪᖕᓇᖅᓯᓂᕋᖅᑕᐅᓗᓂ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒍ Canadian North ᐃᓂᓕᐅᕐᕕᖓᑦ ᐅᕗᖓ 1-800-661-1505.